之前入元朗都唔知食咩好！梗係上黎睇下有咩食啦！
呀玉豆腐花，入到3甲梗係要試下啦！
第一次買左2碗，番到屋企食完之後，真係好多豆腐花店都食唔到既味！唔識講，仲知就好食！
琴晚又走左入元朗，今次試埋個豆漿！
番到屋企，第一啖飲落去覺得唔係好甜，無咩味！覺得唔好飲！
俾左我老公飲，佢話好飲喎！而家d人飲野好甜，唔甜就話唔好飲！
好！俾多次機會你，無理由豆腐花好食，豆漿會唔好飲𠺢？都係一樣野黎𠺢！
兩份飲，飲完之後我就同我老公講，支豆漿有兒時我呀公既味道！因為我呀公係整豆漿，豆花響街市賣，佢都話佢呀爺都係整過拎去賣，都係咁既味！
講真，而家想食番細個既味道，真係好難，因為d老人家，走得就走！後生既，要跟得足，唔走精面，真係好難！

今次係我第1次特登去食,原因好簡單,因為中左獎!
大家都睇到,每檯只張用一張,0甘我就打去問下得唔得啦!心諗人就生既,RULES係死既心態打去問下唔洗死
打去係6月29日係個男人聽既,!開頭佢都叫我黎多次食既,但係我話如果我3個人黎,可唔可以用2張,再叫野食?佢話可以,又同我講你係唔係今日黎呀?我話唔係,佢話今日黎唔得喎!因為舖頭要整野,所以唔得!我話7月1日過黎!

點知我去到,係一個女人黎既,0甘我就問佢:我打左黎問,係個男人聽,佢話得0家喎!0甘佢就問我:你打邊個電話呀?我就指住張COUPON話呢個囉!(心諗,唔通打番屋企電話咩?問黎都多餘!)
佢死都話唔得,又問我係邊個聽電話?講真,你間野有幾多人呀?你既員工我點知佢叫咩名呢?講真就算我真係問左佢係邊個,你話無又得,亦可以話佢唔知答錯你亦得,仲知我亦覺得無謂嘈!我係一心黎食野!亦唔會唔幫親你就係0甘簡單!
到最後我做左一個自己都覺得樣衰既決定,就係3個人食一份啦!唔係錢既問題,係你應承左我,我3個人特登搭車去食,到左啦!你又話唔俾用,講真,成條街0甘多野食,你驚我餓死呀?
其實我真係唔係好明,點解張COUPON限住0甘樣用,話雖係中番黎姐,之前我亦中過2次,基本上張張都係0甘寫,我就同個女前後腳入,你亦耐我唔可姐!要食我梗諗到辨法食0家!有時D野,大家好黎好去咪算囉!

又講下D食物質素啦!個麵好普通,如果要我用$52去食呢兩樣野,真係貴左D,個餃我要現菜餃,都幾好食!

食完之後,個女人望都唔望,亦無講咩?0甘我地就走啦!(唔知佢係唔係時運高睇我地唔到呢?)講真,你一係就唔好送呢D COUPON當獎品,你送得既我唔該你歡容D,而家D資訊0甘發達,整死你真係好容易!!

琴晚一行3人去左呢間THAI國野到試,之前因為母親節,無2人餐,又貴,所以無試到,原來無試係好事!
我地叫左2人餐既冷盤係青木瓜沙拉,我地加左錢叫左個$88既咖哩蟹,咖哩牛腩,蚵仔旦,令外仲叫左個海南CHICKEN反($72)
TOTAL要$428落樓,呢餐係超唔抵食!
沙拉都OK,但係我一個人食哂,因為佢地食唔到!
個蟹真係把鬼,死既,D肉痴實哂響D殼到!仲要令加錢,男友話早知要大頭蝦算啦!
牛腩都真係好一般,始終都唔夠焦葉好味!
嘩!個蚵仔旦仲大鑊,要搵水洗先至入到口,超咸!
海南CHICKEN食到係新鮮,但係$72加埋一要成$80一碟,又咩都無得送,都真係超貴!
其實我唔係好難食既,都會放得入口既,大家樂,大快活我都覺得好食,但係呢間用0甘既價錢去食D0甘既野,不如食快餐好過啦!
我平日好少上黎寫野,不過真係太太太難食啦!要響到提提各位,唔好去呢間野到食呀!

響開荃灣番學,見住佢開頭好似好唔掂,到而定一諗起食糖水就去沛公,真係短短3個月!
講真,荃灣一諗到食糖水就會去左小樽果邊,因為多選擇,但係果邊D妹妹仔D SERIVE同埋坐出街既哥哥仔,個個都食煙,真係未食都食飽2手煙啦!
講番沛公先,PANCAKE,我試過栗子,榴槤,CHOCOLATE,呢3隻都OK!
布甸就試過好立克(估唔到落左柸芽係0甘香既,因為之前買過佢話柸芽賣哂,所以無得落)
CHOCOLATE 男朋友話都係好立克滑D
MANGO布甸同楊枝甘露,係我個女既至愛!
番薯糖水我都覺得好好食,因為佢好重薑味,仲係好SPICY TIM!
椰汁紫米都好食!
係個青APPLE JELLY同季花JELLY麻麻地!
開頭PANCAKE買一件加$1買多件指定味道既,都只係得CHOCOLATE,COOKIE既一路都未試過!而家好似縮皮0甘,PANCAKE連果兩個味都唔整,只係買JELLY!希望呢間野唔好得個講字啦!

琴日去食咖哩牛腩飯,個薯仔係好明顯響隔離煮好先放落個咖哩汁到,我意思係人地ORDER啦,佢先至牛腩有牛腩筆,薯仔有薯仔筆落個碗到喎!我至愛既薯仔都唔好食啦,個汁就仲衰,以前真係好濃好香,而家果個好似無咩味0甘囉!個牛腩都叫OK!D牛根好似散散地!仲知一定唔會有下次啦!
今日同個女去食五寶,仲衰.......鴨,X燒,得兩舊,仲要係有D大有D細,好明顯唔係響同一舊切出黎,因為有舊肥有舊瘦囉!
點解會響到叫呢個五寶呢?因為我同個女琴日響TST大快活食過個TEA,係X燒飯,佢都話好食,點知番黎葵芳,大家都係大快活姐,點解可以甘0甘遠!!!
如果我有拎相機一定影俾大家睇,睇下有幾差!
呢間野我唔會再幫親啦!係食都出去TST食啦!!!!

早兩日買左一個軟心CHOCOLATE,0加哩包同埋一個BANANA唔記得咩包!
咖哩包唔係0甘好食,如果俾我選擇,我令願去7-11入面買個算啦!
令外果個香蕉,基本上係D CUSTARD加左D香蕉容,可能我其待既係一塊塊既啦!
仲知0甘既價錢,我令願食YAMA啦!唔怪之得葵芳無啦!有既話呢間都可以唔洗食啦!

之前去過1號舖食過,晚上9點幾,都仲有大把人等入去!
亦都因為0甘,知道有間分店都係響9龍城,仲勁近我地泊車,響一個貪新鮮又懶行既情況之下,就試下呢間分店啦!
望下入面,當然大過舊舖啦!但係人就唔多,都心知不妙!
我地都係叫番上次既食物
1.咖哩羊腩
2.家常餅
3.抯抯面
咖哩羊腩,好辣,(因為舊舖無0甘辣)仲要係唔熱
家常餅都唔好食,果邊好重香既油味
抯抯面唔好食,一放過黎,男友一望就話唔好食啦!佢話同我去紅HAM果間,但就唔係才欄講果間喎!

男友話下次就算排大隊都要去番舊舖,因為實有差太遠啦!

呢個米粉我去親都一定叫既!
肉丸粥D肉丸好新鮮,呢個都值得推介!
脆魚PAY有時好淡,唔夠味!
個老板娘都幾惡下,有時入到去都驚驚地!

講真,我唔覺食口福既野食差,仲覺得佢抵食夾大件
早餐A,有火腿奄列,兩塊多士,仲有個麵連熱飲都係$18,仲去邊到搵呢?
而佢既下午茶,HAMBURGER餐,入面去牛,係新鮮整既,唔係攞番黎既貨色!
而LUNCH,我就覺得佢D飯既款式無咩特別,不過勝在真係即叫即做!廿幾蚊個飯,仲想點呢?

今晚同男友去試下呢間開左無耐既甜品屋,叫左一個留連PANCAKE,紅豆沙可粉,
PANCAKE有留連味,唔太甜!$24可以一試,唔會令大家失望!
紅豆沙可粉($24)既糖水,好明顯D紅豆係煲到起沙,好味!
好可惜係無相機影低,唔緊要,下次都一樣會去食,其實佢仲平過小X甜品屋,又好食過佢TIM!