本身要去屯門醫院探病榻中既屋企人，諗住買個蒸飯氹佢老人家開心，但呢間舖頭係屯門站唔就腳，諗住搭到屯門站，我已預備好現金，請鋪頭姐姐遞一遞個飯比我，想慳啲時間，打電話求救希望協助，對方斷然拒絕話係公司政策，我多番表示歉意望能幫忙，佢keep住講公司唔比，我問係唔係因得一個人睇鋪，佢話唔係，但都唔願意幫忙，最後屋企人唯有照食醫院餐喇😢如果係公司政策，我覺得好奇怪有呢啲政策，如果係員工故意唔願意幫忙，希望你哋公司管理層了解下吧

本人一家有老有嫩，當中更需要輪椅坐位，家人擔心該店未能招呼輪椅食客，故提前訂座。打電話時 ，一位男店員接聽（抱歉無問名字）親切有禮，更主動提出協助替我們留位，亦沒有限定需要消費多少，即使我們因食量不大只叫定食也不計較。之後因事遲到，另一店員Tiffany 都非常友善，為我們打點一切，甚至願意聽老人家發牢騷。就算小朋友坐唔定，整體員工都非常體諒，感受到他們的工作熱誠。 店內食物質素也不錯，價格又相宜，一定會再光顧！謝謝你們！

訂了　6:00，準時入座，可能因較早，全間鋪大約有兩三圍枱食緊野，好多位剩，我們兩人版安排坐喺極狹窄既二人枱，我問左一句可唔可以合併隔離枱，職員拒絕。 我地不以為然，叫野食，因朋友覺得位置窄，我哋都只叫了兩款食物，但枱面根本窄到放唔到兩碟食物，第二碟係強行放係朋友隻碟隔離，有一半係外露。 到臨走，正正隔離兩個位被安排兩位女士入座，佢地都問同一條問題，點解咁多位要我地四個坐埋一齊🤣 到埋單時，要到櫃枱埋，ok，但連企係鋪入面個兩位女性職員都唔滿意，迫我要企出鋪面先可以比錢！呢下我真係著左，佢兩個係咁吹水，又無禮貌，仲要理所當然🤬🤬🤬

環境闊落，服務員也算盡心盡力，雖未致於酒店級數，但有靚景，最重要係唔限時，無一般餐廳既壓迫感。一般食物都唔錯，係比較細碟，要叫多幾碟🤣甜品略為失色，成個甜品拼盤係芒果糯米飯比較優勝。 個人幾欣賞餐廳好細心咁去左洗手間個自動沖廁感應器，但大家都知有啲商場個感應器太敏感，未蓋上廁板已沖左，感覺好差，但呢度做得好好，廁所門口放垃圾桶比個開完門扔垃圾亦盡顯員工既細心，要獎賞👍🏻 價錢雖唔算平，但個人認為算係咁喇

我地公司一向有同事叫開呢間鋪頭，佢地係幾抵食既，但極度無禮貌！曾有一次11:30打去叫1:00送到公司，事頭婆勁不滿要我早啲落單，於是我今朝早問定同事落單，11:00就打去比定準備呢間咁「出名」既鋪頭！點知事頭婆發爛渣話兩個餐太少，我公司又太遠唔肯送，態度極差！佢迫我叫多個小食，否則唔肯送🤬🤬🤬我斷然拒絕，講左聲唔該哂就收聲，點知佢打返轉頭仲問我係咪打錯電話，惡到不得了！我再次表示唔會幫襯！極嬲🤬🤬🤬

係OpenRice 訂位時，列明午餐都有折，純覺得價錢抵所以去試。但到達時，侍應表示已過午餐時間，只有主餐牌提供。一場黎到，點都試下喇，叫左一碟牛一碟risotto。食到咁上下，想叫甜品，佢又拎餐牌出嚟，我多口問有沒有下午茶先知根本我地到達時係有下午茶，但由於餐牌既價錢較貴，故佢隱瞞唔比我地知，雖然食物味道都還可以，但做生意唔老實我唔會再幫襯☹️希望店主見到呢篇多事文章，稍為改善一下做生意既作風！！

話說透過Open rice訂枱，見到有五折優惠已覺得好奇怪，點可以咁正呢？轉頭有職員打黎confirm，指明8:15必須離座，咁我同朋友都覺得ok故照去！ 去到餐廳，因朋友和女兒一齊 ，故選擇食物上，我地確係花左啲啲時間 ，但已有職員不停催促，快點下單，因8:15必須離座。 講真，大部分食物都還可以，只係食到主菜既牛，我覺得比較靭，特別喜愛黑松露磨菇湯，但食到一半，隔離枱食客想order一支紅酒，我又聽到職員話8:15要交枱，幸而該枱食客都好客氣，話我地好快會飲完枝酒架喇🤣🤣🤣接近8:00後面枱客想再叫野食，但已被阻止，理由係同一個，你地8:15要交枱🤦🏻‍♀️該對情侶都好無奈 所以如果忍受到8:15要交枱呢句說話係全餐飯不停出現，都可考慮呢間餐廳，價錢五折左後，唔算非常抵，但都唔貴既

同朋友得兩個人食飯，又想打邊爐，如到一般酒樓，食幾碟就飽，款式選擇受限制。故選擇牛一，朋友同我口味各異，佢鍾意勁辣，揀左麻辣，識左佢咁耐，未試過見佢由頭食到落尾，今次竟然狂食😱我揀木瓜湯底，稍嫌肥膩，但整體感覺仍然係開心。喜歡蔬菜既朋友，係一個唔錯既選擇。工作人員服務尚算殷勤，姨姨們時時都關心我是否要加湯加肉。不過，可惜剛碰上隔離大枱一群年輕人狂嗌，成餐飯同朋友傾計略為辛苦，但以性價比計算，確實算係唔錯！

作為街坊，一向都有幫襯，大部分員工都親切，食物未致優秀，但平民價錢也不能要求太多，但作為周末一家聚腳地也還可以。 唯美中不足是當中有一位肥經理，其實已經留意他很長時間，每每其他員工做到暈既時候，佢依然行黎行去，大聲發表自己言論騷擾食客，今午仲係我地張枱後面大聲咳嗽，同行有小朋友，佢大聲講粗口，希望酒樓管理層多加留意，或可增設意見箱如稻香集團讓食客發表意見。 亦同時想讚賞其他勤力的員工👍🏻👍🏻👍🏻

以上既好評，絕對相信係打手，因正常人無可能會咁講😡😡😡😡 我而家就身處呢間餐廳，一家人完全無野食得落口，所有食物都係隔夜般，全間餐廳加埋我一家得三張枱，肥牛似放左十年既Parma ham,火煱配料連菜都唔refill, 飯乾到好似未熟，湯全由味精組成 我拎火煱配料時，係由面數起拎左六隻污糟碟先有一隻無咁污糟，食完野，又無員工收碟 樽gas唔夠氣，個員工可以理直氣壯話樽野無問題，係未順氣！我就真係唔順氣，比咁多錢食垃圾！😡😡😡😡