 | 早前馬浚偉已跟富臨大廚學過幾款龍蝦煮法，今次又有咩新攪作呢? |
 |
 | 大廚馬仔又出馬 我馬仔(馬浚偉)今次又有機同富臨各大廚學嘢，研究吓唔同品種的龍蝦點煮先至係Perfect。上一期介紹過上湯焗龍蝦，之後好多人當我係龍蝦博士，問我點煮、點揀先最精明，其實我都係同師父偷師，順便試菜。入番正題，今次再請富臨飲食集團為我們再介紹另一款龍蝦，等大家開下眼界! |
大廚馬仔又出馬 富臨大廚教您芝士焗龍蝦秘訣 |    |
 | 龍蝦字典：美國花龍蝦 美國花龍蝦，一般都來自美國南面加勒比海，分佈於佛羅里達州沿岸水深處出沒。蝦身正常為啡紅色，全殼花斑點紋，鉗子北極小，觸鬚長大。成長期大約需要2-5年，成年的龍蝦長約35-65公分，重約兩公斤至五公斤。 |
 | 芝士焗龍蝦香濃滑 芝士焗龍蝦，相信好多人都食過，甚至有朋友已經試過屋企自己煮。不但點解仲要喺度介紹? 當然有原因，因為大廚掌握住泡製芝士焗龍蝦秘訣! 富臨大廚經我馬仔跪求，終於肯贈大家幾樣芝士焗龍蝦秘訣。芝士、龍蝦、火喉同調味。 |
富臨大廚教您芝士焗龍蝦秘訣 首先選龍蝦，一定要用對品種，大廚話最好用美國花龍蝦，因為肉多、爽甜，至可以同濃味芝士產生化學作用。如果龍蝦肉薄味輕，就會俾芝士搶味。大廚多年來已經用過十幾種龍蝦做過研究，佢話連蝦身大細都會令整體口感有影響，佢仲話「好多人以為愈大隻愈好，其實未必」。最重要係憑經驗揀蝦，怪不得屋企煮始終有分別。 另外芝士汁亦係技巧之一，市面上普遍都係用芝士粉、牛奶同牛油，而大廚話除了份量比例多少最有影響外，佢仲會調配秘製芝士汁，令香、濃、滑三者結合。「市面上的芝士龍蝦有時太鹹，有時太稀或太糊，完全令龍蝦味道大打折扣! 有要求的食家，筷子一夾就知龍與鳯。」 至於火喉，大廚話「就算俾你有我咁好手勢控制火喉，家用煮食爐絕對唔夠酒樓廚房猛」，佢仲話坊間芝士龍蝦好多時太燶，又或者入面未夠熟，好多朋友自己落手煮過，都要番嚟食下研究點樣至煮到濃而不膩。 我馬仔邊食邊聽，轉頭經已食完半碟，真係同平時食到的芝士龍蝦好唔同。一般都係配伊麵底，大廚就話配炒麵底或飯焦都係比較新鮮的選擇，下次我一定要再試試! |
資料由客戶提供