影片
營業時間
星期一至四
14:00 - 23:00
星期五至日
13:00 - 23:00
以上資料只供參考, 請與餐廳確認詳情
比起正餐，我們女生更重視甜品這一環，飯後特地過來，為的就是那一口甜。入座時檯上只有一張餐單，上面只有3種甜品...各式窩夫：無；Brownies：無；蘋果批：無這餐單真的是你們店的嗎？店員另外遞上一張餐單，這次選擇較多，最後選了 心太軟配雲尼拿雪糕 ($52)，焗蘋果金寶配雲尼拿雪糕 ($48)和 厚紅豆配抹茶秋香 ($35) 抹茶秋香，原來也會熱漲冷縮。今年夏天在黑布街分店吃的秋香，比這個大一倍有多，這秋香抹茶瘦弱得可憐，雪花冰茶味不足，底下的紅豆也過甜.. 秋香你返屋企裝下身，自我增值下先出黎見人啦。 蘋果金寶像是整容失敗，鬆餅大大粒散修修的混在蘋果中，提子乾不見踪影，雪糕味輕淡，整體味道尚可接受，但建議別用「蘋果金寶」這名字，人家可是一層蘋果餡加葡萄乾，一層牛油麵粉粒，頂頭再加雪糕的精致甜品，這碟不修邊幅的東西，只能叫「鬆餅粒配蘋果加雪糕」。 我愛心太軟，除了那朱古力流心外，還有旁邊那半凝固的麵糊質感，相中所見已是這個小蛋糕僅有的流心，外邊那蛋糕焗得非常熟，甚至帶一點燶味，吃到一半我們已開始討論其他提供出色心太軟的餐廳，連批評眼前這蛋糕的心機也沒有。店員的態度，比這天8度的天氣更冷，丟下帳單那刻，真的是挑戰我們EQ。甜品，是女生們的大事，作為一間甜品店，製作請認真一點好嘛？吃到不好吃的甜品，花錢之餘還浪費了Quota，老娘可是真的會發飆的。
繼續閱讀
因為買左團購券，差唔多到期，唔食都唔得~因為上次叫個心太軟覺得OK，今次諗住再叫，點知店員指出指有數款甜品供應。迫於無奈下叫了2款雪花冰，宇治金時($40)及好立克秋香($42)~等候期間，見到很多食客也拿著快到期的團購券到來換甜品，而比正價吃甜品的人少之又少。宇治金時有苦澀的綠茶味，一句講哂，"唔好食"!!!!好立克秋香就有淡淡的好立克味，伴碟的生果只有香蕉，叫做OK，如果收四十幾蚊一客我絕不會再幫襯，跟本唔值依個價錢。團購本來是一種用平價優惠吸引食客，希望食客可以再次幫襯的宣傳策略，可惜這店郤因為團購而做衰招牌
繼續閱讀
已忘記第1次係邊度食糖百府, 唔鐘意個名, 但印象深刻係”大” (portion)。 相比起另外兩間咩記糖水, 感覺好似斜華茶餐越開越多多過些粉, 商業化到梗有1間係左緊。 以前的糖百府唔似其他大brand糖水用華麗既名字去蓋過極其普通既生果大雜燴, 感覺是食物新鮮, 不愛吃熱食的我都會係呢度食熱野, 差不多多係唯一一間我會食熱既糖水鋪。佢能夠進駐the one, 我好開心。 我一向好想海港城裡面有些粉, 唔需要逼我地去買1杯40幾蚊既屎都必咖啡。 最初the one有糖百府, 當然要試試: 我本人非常怕熱, 最愛食佢地既沙冰(冰沙), 宇治金時簡直無敵, 相比蛋殼同堂它料足亦不會過甜, 亦不會像某些糖水鋪連冰都肉赤。 不知道其他糖百府是否一樣, the one 呢間既甜品擺設十分用心, 諷刺極, 就是比鄰鋪所謂意大利硬的糕餐廳既甜品更花心思。 最重要係食落依然好味, 不會因為賣相犧牲了味道。 份量依然係大, 不過沒之前的大。 這麼一來, 無論味道, 賣相, size都勝人一籌, 應該係好好生意的吧…可惜的是, 我覺得開始keep唔倒, 我大大話話都係度食過20次, 因為經常來尖沙咀的緣故, the one多三賣丫馬。 Portion越尼越細, 而自從有次我女朋友叫左個咩咩燉雪梨, D水稀過無煲過既溪水, 感覺滴滴蒸餾, 就覺得哎呀……避唔過昇降機條門喇 - 變左喇你。 而今次呢個芝士蛋糕, 我感覺美貌依然但就發育不良, 味道更出人意表地差了許多, 1個字 “勁實”。 無錯係1個字今次女友喉嚨痛, 再叫雪梨, 不再蒸餾但味道明顯比以前多左1份”藥味”, 我個人覺得沒有問題只不過品質方面好像控制得不妥, 因為其實次次一樣味就算有”藥”既感覺都只會覺得係特色。其實問題並非出於糖百府, 而是商場租金3級跳。唔cut成本, 點做? 要係成本同質量中取平衡, 談何容易。 可惜既係認識左幾年既朋友, 難得係商場撞翻, 已經成為陌路人。 更可惜的是他身不由己, 變得面目全非, 你已經唔係我以前識果過呀May喇…
繼續閱讀
作為飯後甜品我覺得還不錯, 但作為一間專門造甜品的甜品店我就覺得平平無奇... 本身以為店名家喻戶曉, 經常聽人談論, 食品質素都不會太低, 我點了一個心太軟, 外觀精緻, 心是很軟很燙, 而外皮也脆脆的, 口感尚算滿意, 但論一間出名的甜品店來說, 那就太一般了, 跟其他甜品店的心太軟一樣, 沒有特別之處但值得一讚的是員工態度十分良好
繼續閱讀
買左團購, 迫住一定要去食，點知Menu大部分野都話冇, 個店員話可以去旺角店食。由於唔想花車錢，我最終去返TST食，叫左芝麻糊, 點知唔熱既,即叮都唔熱喎 !!!!又唔香，又唔滑!!! 我自己超市買黎即沖果d芝麻糊仲好食囉!!!!仲有,客人不多，個短髮女waiter又掛住同4個朋友傾，見住我坐低都唔比餐牌，又唔抹枱，張張吉枱都有水積嫁! 另外個男店員好慘! 想長做落去就應該檢討下喇！Anyway, 永不再來!!! 因為太唔好食，所以冇影想，不過芝麻糊冇乜好影啦!!!PS. 此店坐位超級迫，坐得極不舒服！但價格極高，單是心太軟就要$48了！這樣差的環境+服務絕不值這個價格。
繼續閱讀