影片
營業時間
星期一至日
07:30 - 22:00
以上資料只供參考, 請與餐廳確認詳情
招牌菜
今天上午我的兒子買完食物後只想取一個膠袋, 一般都會即刻提供, 但竟然一個年紀大之女售賣員竟要求他再排隊才可取, 而且態度超差,及不禮貌, 為何這樣對一個小朋友,真的希望此員工不要再這樣對待客人, 如果不是, 便會影響整體員工質素及公司聲譽!!!
繼續閱讀
雖然佢成日甩甩漏漏的.次次外賣速遞唔係甩呢樣就冇果樣...雖然同佢講,佢都會比返你,但你都冇癮啦!!!但最近我中意佢果個狂惹燒雞..好好味,好多肉汁..不過可惜得一人餐$46,今次我叫左狂惹燒雞餐----有2件狂惹燒雞,一個飯(可轉意粉)..,一個我唔食的巴辣雞粒狂惹燒雞好味,有肉汁,啖啖肉啖啖汁...雞上脾好味過雞搥..我唔食的巴辣雞粒放左係桌上一晚也冇人掂過...無奈!!又唔比人換其他野..$88 葡撻雞奕餐---- 6隻蜜蜜燒雞奕,6件葡撻,蜜蜜燒雞奕唔夠以前咁好食,燒得好老,一D肉汁都冇,比起以前,爭好遠...(今次仲冇用盒,用袋袋住,全部濕哂)跟餐可用$5元換500ml 氣水一枝,有時我會叫6枝/12枝...平過去士多,仲有人拎埋上黎屋企...good既過$150元可用卡,洭豐有九折
繼續閱讀
今日細佬生日,媽媽決定不做飯,買外賣呀佢吔叫咗一個hkd186既餐（around)（有二個新出既雞卷, 一盒白汁煙肉意粉, 8件雞, 四件葡橽, 墨西哥脆脆配芝士汁, 炸脆雞粒, 五件巴辣雞翼丫(上網訂有先有) 用hsbc找數仲有10%discount雞卷幾好味,但是因為外賣關係,己經不脆了 (熱食會好一點)白汁煙肉意粉~ NOT GOOD , 白汁好"烯" 不好味呀~墨西哥脆脆~ 估不到來到屋企時也KEEP 到脆卜卜..OK 呀~脆雞粒~ 好香口,(食得多會生飛滋)巴辣雞翼～ 好好味呀～ 但辣味不夠要沾辣醬呀今晚食得很豐富及飽呀
繼續閱讀
之前KFC既8層包廣告賣到咁行，加上同學對佢既評價亦幾好，於是搵左朋友仔陪我share。8層包餐，包括了一個8層巴辣雞腿包、一件雞下脾、少許薯格，同一杯汽水。雖說8層包好似好多野食，但原來其中2層係「鬆軟麵包」，2層係「濃郁芝士醬」同「惹味千島醬」，另外4層包括「新鮮生菜」、「厚切蕃茄」、「香脆薯餅」，同「秘製巴辣雞腿」。非常唔好彩，8層食材，除左2層包同蕃茄係正常之外，其他都出現異常狀況。芝士醬極其量只有2個1蚊銀既面積薯餅不知番炸過幾多次，色水已經變成深啡色，試過單獨咬少少，只係食到油溢味生菜是「梅dum朵」的千島醬太多，搞到張紙濕到爛左明明話係炸巴辣雞腿，但根本係原味，食落有根至於其他都是不值一提，全是擺左一段時間以致溫溫吞吞。雖然對於今餐既評價的確很差，但都要怪下自己，做咩好揀唔揀，揀正6點幾無咩人既時候先去食。大概，學會了timing是食kfc的首要條件!!
繼續閱讀
呢間石瑭咀既KFC,說真在,我去過多次,都未試過有一次係見到入面人山人海...每次只有三兩個人在傾偈飲食,所以,每次我想食KFC,我自然會想到呢間,因為呢間俾我既感覺係可以慢慢食,慢慢嘆...我上次去,係叫左滋味全桶套餐,雖然只有我同女朋友食,但都食得晒,而且佢地既態度好好,我地想要成桶都係下脾,佢話見冇咩人,冇問題@@而且都好快執齊...不過間KFC有個問題,就係堂食既時候,不時會嗅到有陣怪味...但唔知係咩黎的....可能係廁所傳出的吧...不過整體上黎講,比起位於KFC附近的麥記,我會選擇KFC多一點,因為服務上,KFC的確較好...而且KFC既雞,始終比起好吃...但以我個人而言,最喜愛KFC的食物是葡撻...HAHA
繼續閱讀