影片
港鐵葵興站 B 出口, 步行約1分鐘
繼續閱讀
營業時間
星期一至六
07:30 - 20:30
星期日
08:00 - 19:00
以上資料只供參考, 請與餐廳確認詳情
原來哈囉吉蒂喺晌11月生日，又襯著聖誕快到，美心西餅特別推出咗Hello Kitty x Maxim's Cakes Party系列，有主題蛋糕、可愛嘅杯子蛋糕、特色甜品（Hello Kitty馬卡龍），讓大家無論晌生日派對，抑或聖誕派對都大派用場，令氣氛更歡樂 。就算唔喺佢嘅死硬粉絲，見到咁可愛嘅吉蒂貓，小朋友都會開心不已。當中嘅兩款主題蛋糕，「Hello Kitty 彩虹」（$228）就用咗美心嘅皇牌產品彩虹蛋糕做出Hello Kitty版，配合埋DIY套裝（Hello Kitty馬卡龍、彩虹朱古力牌、心心碎糖和彩色棉花糖），睇得人心花怒放；而另一款「開心Hello Kitty」（$168）喺白朱古力士多啤梨慕絲蛋糕，賣點喺以吉蒂嘅招牌貓樣做出3D蛋糕，外形非常討好。今次就有幸獲邀試試名為「Hello Kitty摩天輪Cupcake套裝」（$298）嘅杯子蛋糕，一大個寧搭搶眼嘅粉紅吉蒂手抽紙袋，裝好晒成份套裝。8個杯子蛋糕以粉紅、白色間條長型紙盒盛載，紙盒又印滿吉蒂貓公仔，而旋轉摩天輪Cupcake座要自行組裝，所有組件全部一個透明膠封套包好晒。個旋轉摩天輪唔難砌，有晒說明書，按圖索驥，非常簡單，三幾下手勢就砌好。砌好原來都幾大座架，仲真喺轉得添，8個杯子蛋糕放番好8個懸掛式小卡座，就大功告成 。摩天輪11月份喺生日版，12月份吉蒂就會換上聖誕老人裝變身為聖誕版，到時就更加襯番晒聖誕節啦 ！個套裝好睇就絕對喺架啦，但啲杯子蛋糕又點先？8個杯子蛋糕，4個原味，4個朱古力味。原味面層蓋上粉紅色白朱古力，加埋一片吉蒂貓朱古力片，十分卡娃兒 ，粉紅色白朱古力層一咬即裂，脆卜卜，不過味道頗甜，原味蛋糕鬆軟富牛油香，比起朱古力面層，甜度啱啱好；另一款朱古力味，面層當然用番黑朱古力啦，而裝飾換上吉蒂貓個粉紅蝴蝶結，由於成個蛋糕都以朱古力為主，所以好濃郁朱古力味，面層黑朱古力亦比原味嘅白朱古力面層無咁漏，所以，個人覺得朱古力味好食啲！一個原味，一個朱古力味，加杯咖啡，今個晏晝嘅下午茶特別富足 。題外話，美心依次吉蒂系列，唔止睇得、食得，仲可以用得，就喺凡購買任何Hello Kitty蛋糕或Cupcake套裝，加$78就可以換購別緻限量版嘅大手挽袋Tote Bag一個，美觀實用，相信必成一眾吉蒂粉絲囊中物。溫馨提示，就喺依個袋同樣有分灰色嘅彩虹版（1/11-1/12換購）及紅色嘅聖誕版（2/12-31/12），唯一奇怪嘅，彩虹版點解會用灰色呢？雖然小弟唔喺吉蒂迷，食完啲杯子蛋糕，個摩天輪好似嘥咗，其實一啲都唔嘥，用嚟做個順水人情送俾個吉蒂迷老友，放晌屋企做裝飾之餘又可以擺吓啲小飾物 。我就大膽少少醒佢兩句，不如等過年當埋全盒啦，一來8個小卡座就放到8樣全盒零食，8字好意頭吖，二來啲人當佢轉風車，轉幾個圈轉轉運嘛（當然，我同佢都喺宗教原因，唔信依家嘢），三來嚟拜年嘅細路見到都開心好多啦 ！
繼續閱讀
時日路過美心被鮮綠色班蘭蛋糕吸引而停下腳步，又看見蜂蜜蛋糕，所以決定用餅咭換取它們回家，還要了兩件拿破崙價錢便恰恰好！ 老實說我從未吃過班蘭蛋糕，但是在糕餅食譜上常常看到，想試卻沒緣份見到，今天有機會遇上你等同開花結果！估不到連鎖餅店出品如此出色，班蘭香味撲鼻蛋糕極之鬆軟令我想多吃幾件！蜜糖香濃的蜂蜜蛋糕帶有些雲呢拿味道，真是有幾分像雪糕蛋糕，下次可嘗試放於冰格說不定更好吃，也同樣跟班蘭蛋糕鬆軟美味，日後方便輕盈下午茶這個說法很配呢！不值一提的拿破崙與死實酥皮有關。
繼續閱讀
又係係美心買早餐的一天, 今日試的係飛魚子蟹棒包, 雖然個樣唔多令. 蟹棒是急凍的貨色一早預左, 只係個人覺得凍食比較好食. 飛魚子得好少, 有點失望. 可是用上了芥末醬好醒神, 做早餐真係唔錯~xd同樣都係有擔心這種包high risk, 最好放雪櫃
繼續閱讀
嘩!!!!!!!!!!!我食左2LBS的一件O者!已經飽到做完YOGA 依然係頂住,DINNER 都只係食左碟菜是日 5:00PM 食左一件是黑森林 脆脆脆脆真的好好味,如果冇左 JELLY 會好D最怕CAKE 的 SANDWICH 是 JELLY;感覺好CHEAP朱古力味,都不要EXPECT是超濃超好味的了,始終集團式的都是走穩陣路線的~不過D草莓真的好大粒,食落口大概係美國的大大草莓吧!不過,還不錯姐姐d禮貌都幾好呃!
繼續閱讀
今日收工經過買左件意大利芝士蛋糕同肉卷當做晚餐不過今次真係印象深刻一黎要乜無乜想買朱古力杏仁條,雞批兩樣都無二黎店員態度真係十個差我揀緊其間有個阿叔黎買雪芳蛋糕點知最後唔買個店員即刻黑晒口面講番食物cheese cake 買相唔得仲要無芝士味只係蛋糕鬆軟9蚊一件唔值肉卷叮熱左幾好味但個外皮實在太油食完後成個嘴都係油淋淋
繼續閱讀