影片
營業時間
星期一至日
07:00 - 18:30
以上資料只供參考, 請與餐廳確認詳情
呢間肥媽係我同事叫外賣的首選。本來以前叫開旺x，但自從佢搬遠咗之後，就好少叫。講返肥媽，我地次次都會叫佢嘅泰式湯底，真係好好食，好夠味唔會偏酸和過辣，我多數連湯都飲埋。餸就肯定會叫魚肉春捲，呢排聽人講佢地嘅咖哩翼尖好食，今次叫黎試下，真係唔錯。另外我同事仲發現咗佢地嘅辣菜甫都好得，攪到我而家次次都會叫一包。
繼續閱讀
用心經營的小店, 車仔麵選擇多, 乾淨企理, 價錢尚算公道車仔麵送到黎, 份量唔算少, 咁的價錢可以接受一黎當然要試下個湯底, 咦, 唔差食完都唔會口渴, 比個good先同行的友人叫左碗泰式酸辣米線冬陰公湯底, 好味唔會十分十分酸, 好濃烈的泰式風味, 竟然可以係小店食到, 抵讚不過如果份量可以多返少少就真係perfect啦總括黎講, 用心經營的小店, 下次會去試埋佢的日式烏冬
繼續閱讀
見完客又到Tea Time，新蒲崗附近都是千篇一律的茶餐廳，在毅力附近見有車仔麵，便入內一試。小店坐位不多，但樓面企企理理。車仔麵餸選擇亦很多，不過這裡特別在有冬陰功湯底，仲可以擇小辣、中辣同大辣。與其他車仔麵比較，又多一個選擇。愛車仔麵就是可以食用不同的餸料，連湯底都跟平常的清湯/沙爹/腩汁底多一樣，很窩心呢。店主自製菜圃，可以加一蚊菜圃佐食，菜圃用辣椒炒過，很惹味香口。下午茶時間有Set，$30有找有車仔麵加一杯野飲，抵到爛。冬陰功湯底好香，選了小辣，湯底有淡淡椰香味，剛剛好。帶少少冬陰功的酸味，可口的湯底令我忍不住食完河粉後將湯底一飲而盡。蘿蔔及牛腩都很稔，下次再惠顧要再點其他試下。小小店，食出用心滋味。
繼續閱讀
聽同事講呢度啲鮮雞米線幾好食，今次特登落黎自己買黎試下，點知好多人，要等成10分鐘，問佢仲要等幾耐，個樓面話每碗係即叫即煮..... 無法啦！照等。拎到番公司，打開聞到酸辣冬陰公既香味，米線都算幾爽口。雞唔老，雞有雞味。湯底算濃郁啦！我點左中辣，原來都幾勁，唔錯！辣得過癮！
繼續閱讀
平時lunch食開泰式米線, 悶悶地, 今日下午茶試食左個車仔麵, 叫左辣魚蛋 + 咖喱魷魚 +油麵, 諗唔到又幾好食喎! 辣汁好香好濃, 味道似我細個食到果種香濃魚蛋味, 好耐都搵唔番! 估唔到黎呢度竟然食得番! 臨走見到老細炒緊個翼尖, 又幾香喎! 今次食唔落, 下次再試下佢個翼尖先！
繼續閱讀