姨生仔擺滿月酒, 我個妹及妹夫更隆重其事啦!

將原來八道菜upgrade, 改為六道菜
先有乳豬全體, D皮好脆, 少肥油, 好
再上全隻鮑魚伴鵝掌, 由於係廿六頭, size 都幾大, 鵝掌好腍
跟住原盅雞燉翅, D翅好大片, D湯好鮮甜
抖一陣上半邊蒜蓉小龍蝦, 但D龍蝦稍硬
炸子雞及東昇斑就一般啦

甜品好精彩, 有官燕燉蛋白, 正呀
仲有水餃, 紅棗糕, 滿足

食物與其他同類食肆差不多,但服務態度比以前差了非常多我们点了套歺,全部莱都差不多同時上斉,食蟹需要時間致其他餸菜要冷食,還未食完連甜品也趕上來,服務員什至會向客人發脾氣

每人逍費要三百多但比茶餐廳的服務質素差得遠:这是東海集團今時今日的服務質素?

尖沙咀港威海都
十一月十三日晚, 三人去了海都食$260大閘蟹餐, 不用加一及茶介, 就有下列食物:
蟹粉小籠包(每人2隻)
魚翅佛跳牆
大閘蟹(每人2隻)
蟹粉蒜蓉包
上湯灼時菜
牡丹蝦手打烏冬
八起薑茶丸子

水準一般, 大閘蟹蟹黃又有油, 但食完一隻要等一陣先有另一隻, 不能一氣呵成, 而食完兩隻後, 更等了很久, 才有其他菜上.
最失望是薑茶丸子, 非常不對辦, 十分失色.

今日中午與客人一起到海都飲茶,環境一般(因今日的枱比較貼,所以有d嘈),食物質量就不錯...點心如:春卷-皮簿餡靚,素菜包-意外地好食,蟹粉一口餃-外貌出眾,味道一般...等等
小食:蜜汁脆膳-值得讚賞,好好味,新鮮脆口.
主食:鹽雞瀨粉-份量略細,味道幾好.
甜品就不幸漏單,無唔到啦!
可以下次再來惠顧~

一年一度的紀念日, 帶埋小b女一齊去慶祝, 因知 My Lover 鍾意食大閘蟹, 原訂了星期六, 但o甘橋有事去唔到, 唯有改前一日啦, 點知原來星期一至五仲有優惠, 實在太好啦...

之前都睇過openrice過往的食評, 終於擇o左佢, 真是OK仔...想食大閘蟹, 不訪一去(尤其平日).

平日:$260位, 六 & 日:$328位

蜜糖燒鱔 ~ OK, 皮好脆, 有o的似食乳豬o甘, 小b女很鐘意... ~ 散叫

佛跳牆 ~ Good, 料真係好十足, 湯好濃又夠熱, 好好味, 我見套餐中算大碗.... ~ 套餐

蟹粉小籠包 ~ OK, 蟹粉好多, 好濃, My Lover 勁讚, 可能我清底, 嫌咸o左o的... ~ 套餐

大閘蟹 ~ Welldone, 主菜到, 比我想像中都幾大隻, 之前見食評係一大一細, 但我o個日去, 兩隻都係大size, 由於白膏多過黃膏關係, o的膏仲溶係口度, 好好味, 食到第二隻已經好飽&膩, 有半隻My Lover 食埋.... ~ 套餐

蟹粉蒜容包 ~ OK, 件包好脆. 我同小b女無搽蟹粉, 但都感好好味, 至於My Lover竟然搽晒, 個樣仲好之味, 哈, 服... ~ 套餐

上湯時蔬 ~ 一般, 學蔡瀾講:小棠菜係菜中算唔好食的一種... ~ 套餐

烏東 ~ OK, 食落去有o的似細個o個陣食的油渣麵, 當然無油渣麵o甘多料(只有蝦米&烏東), 但蝦米很多... ~ 套餐

薑茶丸子 ~ 一般, 本以為係湯圓, 原來唔係, 係用糯米造成一小塊的彩色方塊, 有點似台式飲料的材料, 麻麻o地... ~ 套餐

花雕酒一瓶 ~ Welldone, 唔澀&苦, 同o的蟹混和一起食, o的膏溶係口, o的酒留係齒, 實在好夾, 難以形容... ~ 散叫

最初見餐牌好似好少唔夠食, 但最終我三人都很飽, 很滿足, 真係飲飽食醉o甘返屋企(My Lover 唔駛駕車, 飲多杯都唔怕) --- Dear My Lover: Loveing you & 小b女 !...


順帶一提, o的服務都好好, 服務員撩小b女玩, 不過b女無反應, 奇怪, 可能有點累, 哈哈.

今晚的Ladies Dinner多了位貴賓, 是其中一位Lady的可愛男BB. 奈何其餘各女士已榮升為姨姨lu, 哈哈~~

因其一友人腸胃不適, 所以是夜菜式都比較清淡, 多吃也不胖.

清蒸花班魚 – 火喉恰好, 魚肉嫩滑, 蒸魚豉油也清淡, 不會太咸, 吃後也不會口渴.

蝦籽什菌炒脆肉瓜 - 蝦籽帶來淡淡咸香, 什菌沒有草腥味, 脆肉瓜當然爽脆, 炒得也不油.

金銀蛋肉碎蒸豆腐 - 金銀蛋肉碎灑上豆腐上去蒸, 最特別是有蒸蛋墊底, 味道不錯, 惟豆腐和蒸蛋不夠滑.

上湯蒸肉鮮餅 - 肉鮮鬆軟, 不乾不鞋, 味道鲜甜, 加上用上湯浸著, 更覺多汁鮮甜.

吃後送來甜湯桂圓茶, 有我愛的紅棗, 也有桂圓肉和蓮子, 甜得來帶微微的紅棗酸, 女士多喝必臉色紅潤啊!!

祝BB快高長大, 各位也身體健康呀~~

老公一年一度既大閘蟹宴於昨晚舉行, 由於唔食得....所以今年依然只有壽包, 原個生既....今天當作午餐, 蒸上20分鐘, Size 好像縮小了, 餡亦好像沒那麼飽滿, 蓮蓉尚算滑, 勝在不太甜, 蛋黃唔算好黃, 不過, 今年好過舊年....都幾漏油, 成個餐唔知好唔好食, 剩係評呢個就合格啦!

R3

大閘蟹套餐算是抵食, 每位$288 (全包) 名碼實價! 湯一般, 主菜-蟹就真的不錯。 每隻有四兩, 而且他們非常體貼, 每人先送一隻, 食完後才送上第二隻。 蟹粉小籠包也好味道, 皮薄餡多。 蟹黃法包的蟹黃較小籠包失色。 食到烏冬和甜品時十分滿足, 但試後覺得兩樣都不錯。
雖然話經濟環境轉差, 但見整晚坐無虛設, 每圍桌都叫大閘蟹餐。 見到大家吃得津津有味, 應該暫時忘憂, 盡情吃一頓才算!

大閘蟹王=== 都幾多高.. 但拆哂都唔夠一隻碗...><

百花蟹拑=== 好大隻..彈牙.唔夠鮮甜.. 點汁 正好多.~!!!

佛跳牆=== 都ok.. 的翅都有4群.

蟹粉蒜容包=== 果包好香脆. 蟹粉太少拉....

芝痲湯丸=== 好正既薑湯 湯丸唔太痴牙.. ok!!

生炆海斑仔=== 嘩.. 好鬼香.. 180蚊.. 條魚嫩滑

蜜糖脆善=== ok拉... 唔夠甜.. =.=

蟹粉小籠包=== 好味.但的蟹粉湯 唔夠味...

=﹏=a 宜家的蟹粉...淡左既...

唔似早幾年..俾咁多蟹粉你..

宜家有點吝惜

出門口轉果令灣...

買杯雙球既 克架大既 哈蜜瓜+芒果雪糕

--粉葛鯪魚湯:比一般例湯好味,幾有魚味
--日本金蠔:好大隻及飽滿,未至於蠔豉咁乾
--炒米粉:好多蝦,好多配菜絲及蛋絲
--蝦醬唐生菜煲:蝦醬濃而不會過咸
--沙漏奶王包:奶王味道不太好
午市都要迫食前菜-- 花生加魚仔乾,魚仔乾夠香脆及惹味

老公跟同事在此gathering...佢地食既係大閘蟹套餐, 三千幾蚊...最後既甜品係壽桃大包, 老公刷大餐之餘都仲記得我, 佢地多叫了六個, $98, 原裝未加熱既外賣大包!

今朝食自己買既scone, 下午返到屋企先慢慢蒸熱20 分鐘! 最鍾意係最熱既時候一啖咬落個大包...好軟熟, 蓮蓉唔太甜, 好滑(最滑仍然係大榮華, 不過就偏甜), 論到隻蛋黃, 唔知係屋企蒸...火喉麻麻地...有少少硬, 不過, 都有油滲出! 整體唔錯, 我有唔係好明....呢個我食完好飽, 佢地當個餐既甜品, 咁就太多啦....好在無去, 否則又超標!

大閘蟹當造，去飲茶好想食蟹粉小籠包。

既然有此目的，身在海港城好自然會諗起海都。

其實這裡的侍應招呼唔算差，水滾茶靚，每檯都會放上點著蠟燭的座，用來擺放茶壺，這樣便不怕熱茶會放涼了，十分細心。

我哋點咗幾樣點心，當然有蟹粉小籠包，每隻盛惠二十五元，頗貴，不過物有所值，小籠包外皮薄，內裡湯汁滿瀉，亦有鮮甜的蟹粉味，豬肉餡料沒有渣，正！另外還點了鮮蝦腸粉、黃橋燒餅、蟹肉菠菜餃及擂沙湯丸。鮮蝦腸粉用上大大隻既蝦配以超滑既腸粉，豉油甜甜哋咁，又係心水推介。黃橋燒餅外皮鬆化，食到滿口芝麻，內裡餡料又多，好食。蟹肉菠菜餃亦不俗，除了蟹肉菠菜外，原來仲有蝦食。至於甜品擂沙湯丸就一般啦，可以不試。

港威海都開左咁耐，仲未幫襯過，一心耐住佢同東海同一個集團應該出品唔會太差，昨晚就特別帶幾個客去食飯，一坐底睇睇餐牌，嚇左一跳，全部都係超貴價菜色，都唔緊要事關入公司數，經理走埋0黎做推介，唔使講更係叫你食d貴野啦，佢就介紹左味什麼蝦子瓦煲焗石班，蜜糖豆炒蟶子，順德煎雞，我地又點左個竹笙蟹肉湯，清炒皇帝菜。先講講個湯，果然冇味精，事關一D味都冇，淡到水咁，氏雲申仲好飲D：跟住泥既係瓦煲石班，真係好耐未見過咁細條魚，分完4份之後，每人得兩啖，細份都算喇，最頂唔順係佢又實又鞋，都離晒大譜，條魚都唔平架，成2百幾蚊，一斤重到，又冇味D肉又鞋；輪到碟順德煎雞上檯，嘩!份量又係細都不得了，半隻$108賣緊架，隻雞唔係得斤半重呀? 又係之前個問題，細都唔緊要，又係冇味兼肉鞋，簡直不知所謂，點菜時問經理，炸雞好味定煎雞好味，佢就話點知你口味0者，我更話兩款都好味架喎! 咁有口碑架麻，如果唔係唔會有招牌菜啦! 其餘兩味都廢事多講喇，都係又細又冇味啦，唉! 今時今日香港咁既出品，點搵內地同胞錢呀! 是旦向深圳或者廣州一間靚d既酒家，都好味過佢一倍啦，錢當然要搵但係都要交番足貨先得架麻! 唔該檢討下啦!

我五月曾晌呢間酒樓飲茶，因有朋友介紹話呢度D壽包好食，咪來慶祝朋友生日。

訂左檯唔駛等可以入座，對於中級酒樓來計，環境屬一般，我地一行六人坐張七至八人檯都坐得舒服。待應態度偏差，我地幾個點菜緊係要D時間啦，佢就好似狗眼看人低咁盯住我地，可能心諗︰你班後生仔來呢度食，價錢咁貴你地都叫唔到D咩野食架啦。

價錢的確係偏貴，不過唔緊要，食物有水準多多都值。可惜我地食唔到點解會收人咁既價錢，菜式如下︰

蝦餃﹑燒賣﹑海鮮卷﹑燒腩仔﹑咖喱海鮮飯﹑炒麵(唔記得名)﹑壽包﹑仲有幾樣點心省唔起。

呢度D食物俾我印象係，分量好少，水準麻麻，燒腩仔特別削，皮唔脆十件都無但收$50幾，出面平民價既酒樓分分鐘俾佢好幾倍。唯壽包係有獨特之處- 好大個，有大大粒蛋黃，食落唔太膩，被視為呢餐中既甘露。

而且服務態度強差人意，員工態度散慢，好似等落場，埋單時完全唔覺佢有歡迎下次光顧既感覺，全無SERVICE可言。所以的確唔抵食！

總括，我唔會再去，亦都唔會介紹朋友去。呢個價錢，出面酒樓可以俾到更多好野我。

男友同我突然想食蜜汁燒鱔，上次食過呢度唔錯，所以決定再黎。

七點黎到，估唔到完全唔使等位。
今次見到d新鮮野：每桌都有一個小火爐煲住d熱水俾人客沖茶，幾有心思。

散叫食物如下
蜜汁燒鱔($88) - 最想食既野，鱔滑汁濃，好味，不過價錢唔平
橙花蝦球- 蝦球大隻，爽口，但無橙香
雪菜本菇紅燒豆腐- 好咸，本來以為會清淡d，下次都係叫番魚湯浸菜算
蟹粉小籠包($20@) - 湯汁好熱，結果又整傷舌頭了…

見到有promo，上湯蟹粉小籠包半打$122，咁同單隻$20@既有咩分別呢，點解會貴d既？

食得飽飽，甜品都食唔落，埋單$315，算係咁啦，偶然食貴一次。