13
4
4
以上資料只供參考, 請與餐廳確認詳情
出左糧諗住食餐好d諗起黃金有間宮崎燒肉一直都未試過見食評都唔差就同女朋友上黎試一試。講真，食得任食都唔會預期佢有幾好食只要味道合理，款式夠多就已經合乎期望。可惜呢間野收差不多三百蚊一個人食物質素實在慘不忍睹牛、豬、雞各自有幾種味道咩七味、朝鮮、胡椒但所謂既朝鮮只係撻一pat醬上去七味就加d七味粉俾你除此之外完全冇醃過肉質都唔好得去邊，所有肉都係切到大大舊俾你同自己BBQ可謂無分別(價錢分別就好大)另外佢既羊架已經冇左選擇比起其他燒肉放題來得少好多唯一比較入得口既只有大蝦服務方面餐廳入面待應極少搵個人都好似大海撈針咁而且個個都好似唔係好想理你刺身漏左幾次單追左幾次先有人幫手跟跟以差不多三百蚊一個人既價錢換來既只係質素差劣既食物飲品又只送一杯相比其他competitor性價比同質素實在太低女朋友食左半個鐘唔夠就黑面嗌走人今次賠了夫人又折兵相信唔會再有下次。
繼續閱讀
同同事A兩個人食late lunch,同事B就話呢間lunch幾抵食,唔想諗咁多咁就去啦我叫左個鹽燒鯖魚定食，同事A叫既就係三文魚海膽魚生飯我既鹽燒鯖魚定食,有埋沙律,三文魚刺身,麵豉湯,白飯同飲品三文魚刺身幾新鮮,沙律同麵豉湯就普通行貨鯖魚個皮好香口,魚肉唔腥又幾嫩,加左檸汁之後就更加有鮮味,唔錯同事A既三文魚海膽魚生飯,有埋天婦羅,沙律同麵豉湯個天婦羅其實都OK,係乾身得濟,而且分量真係好少但個三文魚海膽魚生飯就真係不得了海膽同三文魚都多,一野望落去真係令人食指大動海膽鮮甜肥美,正三文魚同我個刺身一樣新鮮好食睇住同事A食既時候真係好想打劫佢成個魚生飯總之我地都同意呢度既魚生真係非常抵食,當然唔係話好食到要日日去食,但而家咁既時勢,求求其其食個lunch都要三四十蚊既時候,咁我寧願俾多少少錢黎食好d啦
繼續閱讀
Final Year開學前同朋友先食餐開Sem飯,有Friend見到Openrice有四人同行一人免費優惠,所以就決定黎呢間燒肉放題啦.去到坐低見到有盤肉,係雞翼同我最愛既豬頸肉!雖然豬頸肉有d肥但開左Sem再減啦!仲有送既大虎蝦,真係幾大下,食完覺得蝦頭幾香,蝦肉都OK.限時兩個鐘當然要立刻開始食野啦XD我同一個朋友主攻和牛,牛肉燒完好香而且燒走左d脂肪所以唔會肥.我自己最鍾意一口牛,朋友就覺得牛舌好食d.仲有佢地d肉唔會話醃得太鹹,食落有肉味,所以果晚Encore咗好多次.其他肉方面除左我既最愛豬頸肉之外,雞扒同腸仔都唔錯.而海鮮方面我地都覺得青口好正,新鮮爽甜.另外兩個朋友比較鍾意食刺身.講到呢到要讃下呢度既服務,落左幾次單都唔漏到,送黎既數目又唔會爭好多.呢個價錢真係算好抵架啦.刺身幾新鮮,甜蝦同鮑片最正,又係Encore左幾次先夠.聽人講個薯餅幾好食,我地又唔怕死地叫左個和牛薯餅.又真係唔錯既,無油膩感,牛肉味都OK,想吃飽肚野既推介呢個.總括而言呢到d野算物有所值,兩個鐘都夠食到我地四個人飽到反肚,而且牛肉真係好食,可以加入我呢個食肉獸既狩獵清單裏面,哈哈哈.
繼續閱讀
其實最近也比較忙,但去了宮崎以後,真的不能不寫食評.是日跟另外兩位朋友一起到宮崎吃放題,限時兩個小時.食物方面宮崎雖然不是主打刺身, 但是份量也不用那麼少, 大約7件刺身可以放在一隻豉油碟 (Y)燒肉方面有很多選擇, 但是味道卻是差不多, 而且給人的感覺十分"求其".好像是甚麼韓式牛肉, 不是用韓國調味醬醃制, 而是在牛肉上放上調味醬, 完全不入味.服務方面 - 特別給戴眼鏡的男侍應話說差不多兩小時, 戴眼鏡的男侍應放下單據給我們, 三番四次檢查我們有沒有付錢生平最討厭侍應趕客Don't get me wrong, 如果有很多人排隊, 我絕對不介意趕快埋單離開讓座但是當天門口人影也沒有一隻, 戴眼鏡的男侍應有四隻眼都看不到, 還毫不客氣的跟我們說"埋左單先喇"甚麼服務態度?一元tips都不想留下.免費的我也不會再來去宮崎
繼續閱讀
整體黎講食物質素係OK...二佰零蚊..價錢都合理...但員工服務態度極差!!!!連經理都係冇禮貌!!!講明食兩個鐘..9:30入座...坐低左約十分鐘..第一轉俾張紙ORDER食物..竟然個女待應已經主動同我地講佢地收工時間...我答佢我地知道係食兩小時...你地門口同事已經同我地講過...上菜速度OK..但係食左1小時25分都未夠120分鐘就山哂D冷氣.....你叫我埋單先因為你地要埋數我絕對可以接受...我明白每一間餐廳都係會提早埋單計數...但係大佬呀..我地仲燒緊野食嫁!!!11:00都未夠就山冷氣趕人走!!!我唔知係唔係食尾輪阻到你地收工就要咁樣對D客人...室內燒緊野食...竟然山哂D冷氣..食到流哂汗..想唔走都唔得啦!!!!下次請我都唔去!!!!一間餐廳食物幾好食都冇用...就係俾你地一班態度惡劣嘅員工浪費哂廚師嘅心血!!!!
繼續閱讀