影片
港鐵九龍灣站 B 出口, 步行約9分鐘
繼續閱讀
營業時間
星期一至六
07:00 - 17:00
星期日
全日休息
以上資料只供參考, 請與餐廳確認詳情
招牌菜
1258 瀏覽
香港人去茶餐廳食早餐不少人都會叫沙嗲牛肉麵，幾乎每家茶餐廳都有供應沙嗲牛肉麵，但做得出色的卻不多，不是沙嗲醬太鹹，就是牛肉被鬆肉粉弄得淡而無味，想吃一碗滋味的沙嗲牛肉麵，原來也不是件簡單事。暑假期間早出門，就決定試下九龍灣不同茶餐廳的沙嗲牛肉麵。返工前去食份早餐，今日去間可以坐在室外甚有大排檔風味的餐廳【成發快餐店】【成發】與其他沙嗲牛麵系列的食店相比是最擠迫，枱之間沒有太多距離，而且搭枱是肯定的。 沒有什麼設計，就是工廠區的茶餐廳格局……但叫快餐店，可能客人要先下單，再揾位坐底。早餐選擇多元化，大部分三十元以上，三文治早餐廿多元。不過這裡沒有任何優惠早餐。公仔麵早餐 $28 中有沙嗲牛肉麵。這個沙嗲牛肉麵的沙嗲醬味道調校得宜，不會過鹹。 牛肉用洋蔥炒香，可惜牛肉被鬆肉粉醃得淡而無味。奶茶係沙嗲牛麵系列的食店中味道最存茶記風味的
繼續閱讀
九龍灣商貿區嘅午餐，來來去去都係嗰幾間，間間都咁多人，亂衝亂撞之下，搵到呢間工廠大廈地下嘅茶餐廳，分室內同室外座位，好又一餐唔好又一餐，試吓啦【咖喱蘋果豬扒飯】$41 （凍飲加兩蚊）呢間餐廳要先排隊買嘢食，俾錢之後先搵位，基本上一坐低，阿姐就會比杯嘢飲你，再加30秒，個飯就會上枱，速度之快，無與倫比豬扒已經剪成一塊塊，方便進食，份量都唔算少。蘋果味就食唔到了，咖喱唔會太辣，聞落去比食落去香濃，咖喱汁裏便有幾舊薯仔，夠淋夠入味轉眼間，成碟飯食晒，再眨吓眼，已經有人等緊你張枱， 15分鐘，已經係由落單到離坐嘅時間
繼續閱讀
一直都好鍾意嚟呢到食碟頭飯🌸💖呢到啲飯好地道好好食👏👏👏上次食過叉燒蛋飯，叉燒半肥瘦大大件，飯量又多😛😛已經好鍾意今次七個同事一齊嚟食😂🙈全部都係女仔，一齊叫好佬嘅碟頭飯，好好笑😂😂😂咖哩雞飯好高質真心！雞扒啲肉好嫩，好肉地，唔多皮唔多肥✨✨咖哩好香好濃郁，有淡淡嘅椰香味（如果有多啲薯仔就一百分）甜甜地少少辣本身唔想食咁多飯，但係一路撈汁一路食好開胃😂🙈食完真係由個胃開心出嚟食食下同事加多三蚊加隻蛋🙈🙈🙈撈埋蛋仲好食啲姐姐好有笑容，好親切，唔會燶口燶面好鍾意嚟呢到🌸💕希望越嚟越多人嚟食，呢到長做長有👏
繼續閱讀
想食快餐 想食咖哩 想有室外騰雲駕霧，成發會滿足到你！咖哩一向有保證，香濃不太辣。薯仔好淋夠入味，送飯一流！凍檸茶較失色，冇茶味又澀口，下次飲番汽水算。由排隊落單到座低用餐，基本上15分鐘內完成。食哂好起身，下位等梗你~ 符合快 快餐需求！
繼續閱讀
今天早了些出門口，以致可以有多點時間走到遠一點的地方來找新餐廳吃早餐才到公司。先被吸引的是未到這餐廳門口，遠遠的已看見在餐廳門外擺放了很多枱椅，當然也是有很多人幫襯的樣子，相信應該都不會差得去那裏，所以就這間吧。選擇了豬扒麵，最意想不到的是速度。落單後不到三分鐘就已經看見它放在枱上了，真係淨係個麵都冇咁快，熟了嗎？但吃下去便知道這絶不是問題，不但熟，而且不會軟，麵質仍是很好，真是有一定的秘技才這樣。而豬扒是有特別汁料的，有肉汁，鮮味，不錯。想不到有如此的驚喜，有機會的話再到不同的地方試試。
繼續閱讀