萬聖節唔知食乜好, 男友提議試下呢間啦o 因為只係六幾, 咪行陣先, 知番呢七幾差唔多無位, 可能同citibank discount 有關

男友左兩款自選燒 : 安格斯牛柳及銀雪魚, 約 $280, 而我左三款自選燒 : 牛肋肉, 三文魚及海鮮, 約 $320, 加 $40 包湯及飲品

牛肋肉好多肉汁, 相對安格斯牛柳較硬, 可能前者較多脂肪掛; 銀雪魚好鮮甜, 但三文魚就好粗硬; 海鮮就最差勁啦! 無味兼硬身, 差!

但整體上覺得好好玩, 而且環境都唔錯架, 適合情侶撐檯腳架!

book左8點半, 不過唔識去, 又打去問職員, 最後搞到差唔多9點先入到去坐, 店入面人唔算太多, 可能因為太夜既關係啦, 所以都坐得好舒服, 唔會話好嘈好迫咁, waitress既招呼好好, 笑容親切, 叫佢重覆幾多次都冇問題, 都係笑住咁衷心咁解釋俾你聽, 最鍾意就係佢地識自動加水, 唔駛你叫, 呢樣真係好重要, 佢介紹左個half price既西冷扒俾我地, 不過我地唔考慮, 因為我一心係諗住黎食和牛架嘛

我地每人散叫左一個扒, 我要左澳洲和牛, 男朋友要左特級安格斯牛柳, 再每人加多$40蚊加埋salad, 餐湯同餐飲變成一個set, 反而我覺得咁樣仲抵過set喎, 男朋友就再加多$68蚊upgrade做龍蝦湯同ceasar salad

最先黎既當然就係麵包啦, 呢間d麵包唔算好特別, 嚴格d黎講應該係話麻麻地, 一黎唔熱啦, 少少暖暖地都冇, 牛油亦都太淡啦, salad都好淡, 唔知係咪特登整到咁淡架呢, 為左唔好蓋過陣間既main course d味, 哈哈, 龍蝦湯依然都係咁腥, 不嬲都唔係我杯茶, 但係男朋友話好好好好好好好好好好味喎, 都唔知係咪既=.=我個蕃茄忌廉湯好酸好creamy, 不過就係因為酸酸地咁先開胃, 都唔錯既

等左一陣終於都到主角出場啦, 我隻和牛黎啦, 因為我地係第一次黎食, 所以個waiter好有心機咁逐個step逐個step咁教我地點整點食, 一路講解一路示範, 手勢好純熟, 忽然間覺得佢好型跟住就自己黎啦, 雖然冇示範既切得咁薄, 但係和牛入口即溶唔駛點咬就已經ok, 唔似得其他xx餐廳咁好似嚼香口膠咁嚼極都唔爛, 真係前所未有咁好既享受呀~~完全冇醃料, 單靠少少海鹽已經可以完全帶出牛既所有鮮味, 真係好正呀~~

男朋友既牛柳都好好味, 雖然texture就冇和牛咁幼滑, 但係反而食得出牛肉既紋理, 食落口更加似食緊牛肉, 而且一d筋都冇, 牛味更重, 又係另一種享受, 真係令人回味無窮呀~~唯一唔好既就係舊石頭始終好快凍, 一段時間之後要花更多時間先可以整熟d牛, 但係一黎到又太熱, 完全係有bbq既感覺, 個人食到成塊面紅卜卜咁, 好熱呀, 所以會變左食得好急, 想係舊石開始凍之前就食晒佢

食完飲埋凍檸水已經飽到上心口啦, 已經再冇能力食甜品啦, 呢餐雖然係咁多年生日飯最平既一餐, 但係一定係最難忘既一餐, 真係好想再食多次呀~~今次要試a5和牛, waiter話佢會比澳洲和牛更加幼滑架, 好想食呀.......

路經HARBOUR CITY 發現 CITI BANK 信用卡的飲食優惠還未完結, 見名為 Deluxe Dinner for Two 的套餐"內容豐富", 趁尚未滿坐, 立即行動。

先送上一瓶紅酒, 是來自智利的CAMINO cabinet sauvignon merlot。本人不好杯中物, 對紅酒只略知一二, 只覺此瓶cabinet sauvignon merlot 非常 dry 之餘, 算難入口。呷了兩口, 都是一會有食物佐酒時才再呷。

頭盤是Pan-fried Foie Gras on Poached Red Wine Apple, served in Apricot Puree and Port Wine Jus, 鵝肝很厚身, 入口即溶, 也算少筋, 略嫌煎得太過, 表面很焦。拌碟的紅酒蘋果充滿紅酒香 (比桌上的紅酒好得多), Apricot Puree 也很出色, 酸中帶甜, 有助抵消鵝肝的膩口感覺。

現在Lobster Soup已不矜貴, 隨處也有, 卻不是每一家也做得好。 我最喜歡龍蝦湯濃中帶苦, 苦中帶鮮的味道, 這裡的令我滿意。

主角終於出場 - 8oz Australian Wagyu Sirloin & Pacific Lobster Tail ! 和牛脂肪比例平均, 肉味很濃, 入口即溶, 燒時洒少許盬已經很香口。龍蝦尾很大條, 肉很多, 非常足本, 我們笑說在中菜酒家已足足可以做一份龍蝦球伊麵了。不過, 個人始終認為龍蝦本身味淡, 要配濃湯或濃汁"餵味"才好吃。熱石燒烤過程全由自己一手一腳, 經理會事先說明多少分鐘就是幾成熟, 不過由medium到well done不消1分鐘, 所以大家記得要好好"睇火"了。

最後是Chef Dessert, 今晚是Apple Strudel with Vanilla ice-cream。應該可以是一個不錯的結尾, 可惜蘋果酥是凍的, 我指是外皮微溫但蘋果餡卻是凍, 其差一著。

這名為經典石燒二人晚餐原價HK$2,108, CITI BANK簽賬可以優惠價HK$1,265享用。原價確實貴了點, 優惠價就"平易近人"得多, 有興趣的朋友, 有買趁早了。

P.S. 環境我只給3 分, 因為抽氣系統很差, 食到中段, 當每一枱都開始燒烤時, 可說是煙霧迷漫。

某銀行信用卡早前與海港城食肆合作，推出多款飲食優惠，看中了石在燒的午市套餐，以不到一百元 ($99) 的價錢，可以品嗜到美國上等牛肩扒，相當超值，遂訂座與女友一試。星期六的下午，全店爆滿，相信九成客人都是為這優惠而來的。

餐單已定，入座不久就送上西瓜汁及餐前麵包。西瓜汁是鮮榨的，清甜解渴，香草麵包亦幾軟熟，沾些醋及橄欖油吃味道更佳。是日餐湯是大蒜忌廉湯，比較普通，只是茄喱啡而已。

過了一會，侍應示意戴上圍巾，石燒牛肩已準備上檯，兩塊份量不少的牛肩肉放上燒得火熱的石上，箇中原理跟鐵板差不多。侍應作了簡單的介紹，由於石的溫度相當高，整個過程最緊要快，切開牛肩肉即放入口，食一件切一件，就是標準的 medium，若將牛肉放在石上烘一下，就是七成熟。說回鮮紅的牛肩肉，中間有一層肥脂，是精華所在，沿著紋理切開，肉汁豐富，的確可口非常。伴菜有青瓜、番茄及薯仔，放在石上烤至外層微脆，沾些醬汁吃，亦很惹味。

吃過熱氣的石在燒後，甜品是 Haagan Daas 香草雪榚，好讓喉嚨涼快一下，再加一杯凍檸茶，為這午餐作結，可說是十分完滿。平時想吃同等質素的石在燒，坐底要花上二三百元，這次足足打了個五折，是個不錯的入門初體驗，所以話，今時今日搵食，點可以無一兩張信用卡傍身呢？

見openrice評分都好高, 同埋citibank個套餐咁抵, 男友同我都好鍾意鋸扒, 所以黎stonegrill 試下!

餐湯同麵包

西瓜汁
新鮮磨製

牛肩扒
非常好, 有肉味, 同埋一路燒, 一路切, 幾得意 其實用鹽灑係石上面燒仲好味過燒汁

Haagen Dazs 雪糕

餐飲
食到呢度, 已經好飽!!

總括黎講, 非常抵食, 同埋食物質數亦非常高! 男友已經想再去

之前已經有朋友推介過，但係無機會嚟試，所以突登揀咗個星期日同蕃茄蛋到Stonegrill一試佢同Citibank拍嘅優惠午餐。

先講講個午餐有咩先：

西瓜汁
麫包
餐湯
石燒美國上等牛肩扒 + 1/4蕃茄 + 半個薯仔 + 一片青瓜
Haagen-Dazs (士多啤梨味)
餐飲 (熱檸水 & 咖啡)

個餐附送西瓜汁，真係好新鮮，同埋覺得佢哋真係好細心，因為咁樣用熱石grill食物無疑係有啲熱氣，但係佢就送你西瓜汁，等你解熱。一路食住個餐，一路用西瓜汁送口，真係好舒服！

麫包有兩款，一款係香草包，另一款係普通嗰啲白包，味道雖然唔錯，但係可惜只係得微溫，配以Olive Oil & Vinegar都可以；如果搽牛油的話，牛油唔會即係溶，但係嚿牛油本身就好香。

湯似忌廉湯，相比其他食物，ok啦。

至於到個主菜牛肩扒，送嚟時雖然侍應有教點樣整，但係比較細聲，所以都唔係聽得好清楚，不過唔緊要，都係咁食嘅啫。見到好多枱都係食緊呢個優惠餐，份量的確唔少，因為係有兩條窄身厚切嘅牛肩扒。

因為唔想食太熟，所以好快將啲牛肩扒夾到白碟度，情願到要食時再將佢放落熱石度grill，務求趁熱食。件牛肩扒唔會太肥或太瘦，都算好均勻。一擺入口，覺得牛肉味都幾夠，而且最重要係件扒真係好滑，好易嘴嚼，同埋好juicy。

侍應好體貼比咗啲mustard我哋，而本身個餐就跟燒汁，枱上又有鹽同胡椒，所以有好多搭配。樣樣我哋都試過，mustard好能帶出牛肩扒嘅味道；燒汁嘅味道好濃郁，雖然好味，但係偶爾會覺得佢搶咗啲牛肉味；鹽同胡椒就帶少少辣味，簡單啲。食完兩件牛肩扒，感覺好滿足，而且覺得係超值，但係千祈唔好忘記啲配菜。

我同蕃茄蛋都有將啲蕃茄、薯仔同青瓜grill埋，蘸少少燒汁，簡直一流。尤其嚿蕃茄好甜！
雪糕，因為係Haagen-Dazs嘅出品，所以不用多提，大家亦都知道味道如何。

餐飲方面，我就叫咗熱檸水，蕃茄蛋就叫咗熱咖啡。檸水嘅檸檬好香，因為一送到嚟，坐對面嘅蕃茄蛋都聞到，飲落的而且確唔澀；而蕃茄蛋杯熱咖啡都唔錯，好香！

成個餐真係超值，雖然要正價加一，但係都唔駛$120一個人。講真，自己淨係出去買料都唔得。鮮茄蛋話，上至牛肩扒，下至嚿蕃茄都係靚料，絕對無將貨就價，真係抵到暈，有機會一定會再試，強烈推介！！

P.S. 雖然訂枱時，姐姐話要1:30 p.m. 交枱，但係當日可能係中秋翌日，所以唔多人，我見有啲人都係就咁walk-in都得，我哋根本無需急住交枱，可以慢慢坐，而且亦唔覺得有好多油煙呢個問題。

Citibank promotion 仲有, 立即訂枱食 lunch set, 在中秋日都可以訂到 1:30pm 既枱, so good!
$99+ $12.8 svc chg 既 stone grill 餐, 包括西瓜汁, 餐湯, ２片餐包, ２件牛肩扒, Haggen Dasz 雪糕一球, 餐茶

西瓜汁 - 沒有起核隔渣, 就像用攪拌器打碎西瓜就倒入杯中上枱, 雖夠原汁原味, 但不配成為高檔食肆之出品
湯 - 講真, 飲到最後一口都未能確定是什么湯. 覺得比翠華差.
牛肩扒 - 有肥比無肥好食, 落鹽比點燒汁出色. 牛肩扒肉質牛味不及西冷 or T bone, 腍滑亦不及牛柳 or 肋骨, 但是肯定是新鮮貨式, 自己燒比自己食, 間中一次真係幾好玩.
雪糕 - 名牌出品, 一貫水準
餐茶 - 夠大杯, 糖水自己落, 好!

這個價錢, 這個地點, 這個環境, 這個食物份量及質素, 好合理!

The Stonegrill這個名字對我來說一點也不陌生，早在One One Pasta的時代就已光顧過，還記得當時覺得石燒非常有趣，接著又光顧過尖沙咀海港城的分店，接著又去過Soho的分店，到了海港城的分店搬到來現址海運大廈的分店，也都光顧過了，想來只有已成為過去式的One One Grill及現在式的位處銅鑼灣新寧道的Stonegrill是沒有光顧過的。

近年已好久沒有光顧過Stonegrill了，對上一次也已經是陳年往事。不過近期經過海運大廈，又開始想起Stonegrill來了。我知道女朋友沒有光顧過，因此提議一齊去試試；不過女朋友念及我的錢包，所以一直沒試。剛巧本月有會員優惠，本想找天晚上去吃晚飯的，不料一直沒有時間。直至31日的晚上，終於相約女朋友到海運大廈分店吃晚飯去。

時近九點才入坐，店內人客不多（我還想可能我們可能吃到打烊的時份呢！）我們坐下後，女朋友就在研究餐牌，而我的著眼點反而是石燒方面，有否新的材料款式，看過後，款式和價錢大致和當年光顧時相若。女朋友看了又看，似乎也拿不定主意。今天有本提議女朋友試一試Pacific Lobster Tail（我問過侍應今天有Pacific Lobster Tail供應，因為供應視乎貨源而定，因此我亦只吃過一次，那個味道是令人回味再三的）不過女朋友說今晚不大想吃海鮮，左思右想下，決定了要一個9 oz Canadian Rib Eye Set。我除了第一次光顧時吃過Super Prime外，之後已經再沒吃過牛扒了，因此今次叫了一個Australian M6 Wagyu Sirloin Set。

Canadian Rib Eye Set

Smoked salmon and herbs cream cheese wrapped with mixed lettuce orange salad
Homemade Daily Soup
9 oz Canadian Rib Eye
Coffee or Tea

Australian M6 Wagyu Sirloin Set

Caesar Salad with Smoked Salmon / Lobster Bisque
8 oz M6 Wagyu Sirloin
Coffee or Tea

麵包

法包及香軟的黑胡椒麵包，法包香脆，黑胡椒麵包鬆軟，法包可塗上牛油，而黑胡椒包則可沾上橄欖油及黑醋作點綴。

Smoked salmon and herbs cream cheese wrapped with mixed lettuce orange salad

沙律先來，賣相相當精美，煙三文魚配上香甜的鮮橙及沙律菜，味道非常豐富，既有三文魚的鹹香，沙律菜的青新以及鮮橙的香甜，作為頭盤既清新又開胃，非常有特色。

Homemade Daily Soup

女朋友的Homemade Daily Soup是雜菌湯，女朋友喝後拍案叫好，女朋友也給我喝了幾口，入口香滑，菌味相當濃郁，加上有一些磨碎了的菌粒，令菌味更突出之餘，亦令湯本身更有質感（一喝就知道不會罐頭湯了）

Lobster Bisque

這個Lobster Bisque賣相相當吸引，深橙色的龍蝦湯上放了一點忌廉，龍蝦湯散發出陣陣濃郁的龍蝦味。單從望、聞兩方面來說，已經可以感受到這個龍蝦湯非泛泛。一口喝下，那種濃郁的龍蝦鮮味強烈挑戰味蕾，那種味道來得濃烈卻非常自然，感覺無添加。湯的質感非常Creamy，入口香滑，加上忌廉，令龍蝦味更突出之餘亦令湯本身更香。而且最重要的一點是湯本身鹹度適中（很多時龍蝦湯普遍會有過鹹的通病）女朋友試了幾口亦有驚為天湯的感覺。我喝完這碗Lobster Bisque，感覺就像吃了一隻龍蝦一樣。

我的Sirloin和女朋友的Canadian Rib Eye同時上場，侍應一先一後將兩盤石燒放我們的枱面上（滋，滋滋，滋滋滋聲響個不停）女侍應問我有否吃過石燒，正當我想回答有的同時，女侍應已將我的Sirloin翻過來了！！！！（我還未來得及為其拍照就已經翻過來了．．．．．．其實以往吃Stonegrill，侍應均會先問客人曾否吃過Stonegrill，要否講解一下，除了第一次吃時聽過講解後，什麼火山石有400°C ，熱力可維持約45分鐘等等．．．．．．雖說我也有好些日子沒光顧Stonegrill，但也大致了解Stonegrill的食法，可諷刺的是女侍應也只是翻了我的Sirloin，卻沒有動我女朋友的Rib Eye，真的讓我哭笑不得！所以也只能拍下Canadian Rib Eye生肉時的模樣）

9 oz Canadian Rib Eye

女朋友的Canadian Rib Eye脂肪分佈平均，中間位置有著比較多的白色脂肪，肉色鮮紅，是一塊很典型的有質素的Rib Eye。女朋友分了一點給我，牛扒本身充滿肉汁，肉味出眾，配合分佈平均的脂肪，令牛扒本身吃起來不會太乾，有嚼勁之餘亦帶油香。

8 oz M6 Wagyu Sirloin

我的Wagyu Sirloin因為經過女侍應「細心」的翻弄，兩邊都已經輕輕燒過了，因此表面上不能看出什麼來了（澳洲和牛，官方以M1-最高級的M9+來分級，一些大型屠場更會訂出更高級別的M10、M11及M12，因此M6的澳洲和牛只屬中等級別，因此也不能其望會見到大量大理石油花）切一小塊吃下，肉質鮮嫩鬆軟油份滲透而出，吃出啖啖的油香，相對肉味比女朋友的Canadian Rib Eye較淡，充份體現了和牛的特色（以肉質推斷，相信會是Top Sirloin部份，因為Sirloin分3個部份，包括Sirloin、Top Sirloin、Bottom Sirloin，當中以Top Sirloin的肉質最嫩）

Canadian Rib Eye與M6 Wagyu Sirloin各具特色，喜歡肉味較濃的朋友，可能會更喜歡Canadian Rib Eye（女朋友就會覺得和牛太油膩了一點）相反，如果是更享受和牛充滿油香的食味，Wagyu Sirloin會是一個不錯的選擇。值得一提的是石燒本身會在肉上灑了點海鹽，因此不用點任何醬汁也非常夠味（不過石燒本身也會附上燒汁，另外侍應亦會詢問食客是否需要黃芥辣，而根據過往經驗，如食客的石燒主菜選擇羊架，店方亦有薄荷Jelly提供作調味）不過我自己就覺得本身加些海鹽已足夠調味，原汁原味最能吃出牛扒的味道。

另外石燒本身亦會有配菜附上，包括一件脆肉瓜及一個薯仔（不過我一向都會向侍應要求將所有配菜轉成薯仔）這裡的薯仔一向都夠香夠粉，放在石上加熱來吃，特別美味。

Coffee or Tea

我和女朋友都叫了一杯凍檸檬茶（糖漿是分開上，因此就不用叫走甜了）吃過比較油膩的牛扒，要一杯凍檸檬茶清一下油膩感，感覺特別暢快。

原本想叫一客Ice Cream Sushi讓女朋友試一試（我以前吃過，是一客4件的妨軍艦壽司的雪糕，以朱古力脆皮作外層，中間放入四款不同的Häagen-Dazs雪糕，上面還放上不同生果，模仿壽司栩栩如生，放在火山石上，很是有趣）不過女朋友說已經飽了，只好作罷。

今天終於帶女朋友吃過Stonegrill了，女朋友也覺得非常滿意，食物保持一貫的水準，Stonegrill的選擇眾多，現時連A5鹿兒島和牛也有供應（下次的確很有興趣試一試呢！）就連餐湯也做得一絲不苟，Lobster Bisque亦令人回味再三。侍應服務殷勤，態度有禮（不過如果先了解清楚食客是否了解Stonegrill後再幫客人處理就會更好了）環境也是相當舒適，石燒時所產生的油煙不算太大（產生一段短時間就會消散的了）加上店方提供一塊圍裙供客人使用，實屬細心。女朋友對這一餐非常滿意，既新奇（未試過），好玩（可自己動手燒）又美味（食物水準高）一次過滿足晒三個願望！

Berlin

曾經聽說過吃牛扒用鐵板是一件十分錯的事，當你要求牛扒要五成熟，廚師將五成熟的牛扒放在火燙的鐵板上，由廚房、傳菜、直至端到面前，牛扒已被鐵板弄至七成熟，及後在進食期間，牛扒亦會不停被鐵板的熱力影響，令牛扒越來越熟。所以，吃鐵板牛扒，為的只是淋下茨汁時的剎那興奮而已。

在海港城的「石在燒」，現正推出花膠銀行信用卡優惠，原價HKD182.00的午市套餐，只需HKD99.00便可一嚐「火辣食玩」的滋味。

預早數天訂了位，是在星期日中午十二時至一時半的時段，未知是否早訂位的原因，被安排到店內角落位置，地方較其他位置寬敞，十分不錯。

坐下後不用多說，馬上點了兩客優惠午市套餐($99.00)，內容包括西瓜汁、精選餐湯、石燒美國上等牛肩扒、Haagen-Dazs雪糕及咖啡或茶。

先來西瓜汁，夠稠夠甜夠凍，感覺不錯。再來便是忌廉餐湯及牛油麵包。忌廉湯味道不算精彩，亦有點過鹹，勝在夠稠，不過牛油麵包卻頗為出色，輕輕烘過的外皮，帶點微脆，加一點牛油來吃，頓時令人醒胃，十分不錯。

完成餐湯及麵包後，再等了一會，主菜石燒美國上等牛肩扒火辣地送上來，服務員先向我們示指一次，便將此食玩交回給我們。除了拍照外，我先對了錶，由拍照、反轉牛肩扒及切開，共花了三分鐘左右。

牛扒內裡仍然保持紅嫩，為免出現上述提及的鐵板效應，馬上將其放在旁邊的玻璃碟上。馬上不加任何調味試了一口，肉比預期中腍，因為在石板上切開時感到有點困難，還好入口後完全沒有此問題。雖然未算是肉香四溢、肉汁豐富，但仍是一件有質素的牛肩扒。

伴碟的還有一片青瓜、四份一顆蕃茄、一件炸薯仔與及一碗燒汁。伴菜均是合格之作沒啥特別，燒汁的味道濃郁，但我還是喜歡用芥末來伴牛扒，此更能帶出牛扒的原味。

完成主菜後，再來便是餐飲熱咖啡及甜品Haagen-Dazs雪糕。咖啡是屬厚身濃郁，吃完油膩的牛扒後，想喝苦一點，來一解口腔的油膩感，著實不錯。Haagen-Dazs雪糕不看回餐牌也不知道是此品牌，但也沒有所謂了，因其時已感到有點飽濟，就當是火辣後的冷凍吧。

地方夠格調，可惜抽風系統不太夠，令到滿室油煙。服務員有禮有笑容，感覺不錯。但老實說，用優惠價吃一頓「火辣食玩」是與價值相乎，但如果要用正價來吃，就有點不值。

估不到 $99 可享用牛肩套餐, 絕對超值。 不過, 訂枱較滿, 大約一個半小時後就要交枱。 特價餐有果汁、忌廉湯、牛肩扒、雪糕和咖啡。 食物質素不會將價就貨, 跟我多年前食的水準差不多。 相信很多人已經講過此套餐, 不用多說。 唯一要說的是牛肩的根頗多, 可能剛好是我那份才出現。
於食評內想講是服務態度, 有朋友遲來, 於是叫女侍應拿麵包, 她敷衍應了後並沒有取來。 後來主菜來了, 朋友亦不介意不吃麵包。 怎知到吃了一半她送來麵包, 但刀和牛油已經收回。 望著麵包不能吃, 唯有再次叫女侍應取牛油, 她好似覺得我們很煩, 黑起面來。 最終, 她有拿來但給臉色我們看。
優惠期快完, 想食的話要於月底前要儘快一試!

蘑菇忌廉湯@味道似罐頭湯, 失望

黑胡椒麵包@第一次食有胡椒的麵包, 好香胡椒味

石燒美國上等牛肩扒 $117
自己動手煎牛扒, 一邊煎扒, 一邊同友人傾計, 一樂也~
牛肩扒牛味較出, 唔加醬料食仲好味

石燒西冷扒$97
肉質較硬, 冇乜肉味, 要加調味才好味~

奶茶@好香茶味

咖啡@啡味一流

星期天的中午，喜歡睡至下午的我竟然晨早爬起身，再千里迢迢由新界去出尖沙咀，為的是citibank信用卡的午餐優惠。不過，有懷疑星期日既食物比平時差d。
$117就可以一嘗用石頭煮野食既滋味，都算抵呀!
1) 麵包4片 - 每人2塊，冇特別
2) 西瓜汁 - 好多核，係咁吐核，好多人都話好味，但我又覺得唔夠甜，定係因為西瓜汁好新鮮所以唔會好甜?!
3) 餐湯2/3碗 - 非常普通既西湯，忌廉湯之類，得半碗多dd, 覺得好少囉
4) 牛肩肉2塊+青瓜1片+蕃茄半個+薯仔1舊 - 其實得覺得牛肉都幾韌，生既時候難切，熟左又有d韌。同埋我唔知點解，明明燒左好耐，佢都仲係紅紅地咁，所以都唔知熟左未。
5) Häagen-Dazs 雪糕 - 雲呢拿味，好好味，但冇左果塊葉既~
6) 凍奶茶 - 我個人覺得幾有奶茶味，冰既份量適中，唔會話好快溶哂搞到d奶茶稀哂。

我同朋友食完都有一個感覺︰我地好趕、好忙，星期日既午餐，唔使趕住番工，應該好優悠先係既，但成件事變得好唔悠閒。可能因為佢講到明12點入座，1點半先交檯既關係? 又或者因為佢話舊石會熱45分鐘，我怕佢唔凍左煮唔到? 我覺得可能係因為佢一早放左2舊牛響塊石上面，所以佢一黎已經 "炸炸聲"，我地好驚舊牛會熟得滯。所以我地已經將一舊放左響隻碟度等一陣先燒，總之好似有d呢hea咁...點解唔可以生既牛分開放? 佢一早放哂上去，可能係等我地快d燒快d走....結果，唔使半個鐘就食完，唔明係咪因為唔慣晨早食咁多肉，唔係幾飽。
最好既其實係好玩，如果好想去呢間度食既，就可以首先平平地試下好唔好食至去食d正常餐，咁會好d囉!
d服務都算ok，唔會因為我地用呢個offer而對我地差左，因為果日差唔多full house，但我眼見只有1-2檯唔係用呢個offer。佢地亦會教下你點燒，都算係咁。我都幾中意佢地既細心，有為客人準備一條圍裙。

中午來到試下citibank優惠的午市套餐, 試下係唔係真係星級名菜盡在海港城?? 不過因為無訂位, 都等左成15分鐘先有位, 入到去都幾大煙, 好似d食鐵板餐的餐廳咁 , 不過味道無咁臭, 可能抽風系統好啦!!

個午市套餐都幾豐富架, 有西瓜汁+精選餐湯+ 石燒美國上等牛肩扒+ Häagen-Dazs雪糕+咖啡或茶, 先送上麵包籃和牛油, 每人有法包2片, 法包微暖, 質感算係鬆軟, 雖有黑陳醋供應, 但我認為伴牛油食會較佳, 另西瓜汁售罄, 換上橙汁, 有些少橙肉, 都算有誠意啦!! 餐湯係忌廉湯, 味道同水準都係好一般

十分鐘後400度高溫的石同美國上等牛肩扒送到, 另有青瓜, 蕃茄, 薯仔伴碟, 侍應先解釋石燒的方法, 首先每邊燒30秒至1分鐘鎖緊肉汁, 然後切開一片片或一粒粒, 再燒至自己喜歡的生熟程度, 食前再灑上黑椒和鹽, 又提醒我地醬汁只可以燒完點來食, 唔可以倒到石上燒等等, 講番塊扒, 雖然唔係咩靚野或和牛, 但食落去質素不錯, 牛肩都唔算太肥, 但油脂亦分佈得不錯, 始終牛扒都係有些少脂肪才好食, 我燒得熟少少, 但味道依然不俗, 夠juicy同有肉味, 美國牛的肉味始終比較濃, 食完好滿足

食完牛肩後送上Häagen-Dazs雲哩拿味的雪糕, 插上一片薄荷葉, 賣相絕不馬虎, 不過d雲糕送到時已有些少溶, 但又有冰粒係入面, 真奇怪??!!可能係雪櫃太凍+天氣太熱之過, H記的雪糕都係一如滑但奶味重

結尾的咖啡或茶又係另一水準之作, 檸檬茶的荼底夠香濃, 奶荼亦夠香滑, 賣相討好,絕對收貨, 埋單連加一$117($99+$18) , 原來係用原價$182的價錢來加一, 不過以$117食一餐有水準的石燒牛扒餐, 服務亦有求必應, 絕對藉得一試!!

後話: 現場大部份客人都係食citibank的優惠午市套餐, 如果優惠完了, 還有多少客人在用此餐呢??

之前見到電視有介紹過
一直都想黎試
見到lunch set citibank 信用卡做緊推廣
比夜晚平得多
所以黎試試

一入到去,已經聞到陣陣香氣飄過黎
先黎個麵包同餐湯
餐湯係磨菇湯,味道好濃,好好飲
跟住就係主菜石燒美國上等牛肩扒
侍應問我係咪第一次食
我話係
於是佢就好有心機話我聽點樣切同埋一分鐘就要反下佢鎖住d肉汁
同埋佢話d牛肩扒可以自己加調味料
我就加左少少鹽
比起加佢比既醬好味得多
而且好有鮮味,正~
甜品係Haagen-Dazs雪糕

好滿足好豐富,會再黎試~~~

老公成日話喺加拿大試過Stonegrill, 好正, 不知香港的水準如何!
為了慰勞在大日子幫手的姊妹們,於是邀請她們去一嘗尖沙咀的stonegrill。一行五人!

麵包 - 幾好食!
餐湯 - 不是普通的罐頭湯,好味!
沙律 - 一般
巴拿馬火腿菠蘿(唔記得個名,因為好長) - 好味! 不過同碟的凍蝦就唔好味, 係無味!
重頭戲出場啦~~~~一舊火熱石頭出現啦! 同時五塊四百幾度的石頭出現在我們面前, 較易出汗的我, 額上真的滴汗呢! HOT~
老公和妹妹吃澳洲和牛, 妹妹男友食rib-eye, 我和好姊妹食二人套餐,有龍蝦/三文魚/澳洲和牛/羊架/肉眼扒!
龍蝦 - 好正呀! 好鮮甜!
三文魚 - 其實生食都得, 我鍾意生的, 所以係咁二燒一燒, 塊石實在太熱啦, 基本上, 一放上去就變色!
牛肉 - 我食慣三成, 所以都係一放上去, 我就放入口啦! 啲牛好嫩, 好淋, 好姊妹唔食生嘢, 要全熟, 但佢都話啲牛燒到全熟都仲係好淋!
羊架 - 我同好姊妹都唔食羊, 益咗老公同妹妹及其男友, 佢地話都可以!

個二人套餐, 有可以不斷添飲的餐酒, 哈哈哈~ 老公話我: 人出酒, 你出命! 狂飲, 醉咗! 啲餐酒都可以!

餐後甜品, 食咗少少, 俾埋妹妹食! 因為覺得有啲酸, 係芒果果凍的物體!

整體而言, 好食! 啲waiter & waitress 都好好服務, 見我地食完兩籃麵包, 都問我地仲要唔要, 添飲亦好快手, 又好笑容,食物亦有水準! 有機會會再試, 對我來講都貴, 但物有所值!