影片
港鐵尖沙咀/尖東站 B1 出口, 步行約6分鐘
繼續閱讀
電話號碼
23126668
營業時間
星期一至四
12:00 - 02:00
星期五至六
12:00 - 03:00
星期日
12:00 - 01:00
以上資料只供參考, 請與餐廳確認詳情
星期6下晝過開尖沙咀, 行到攰攰地搵個地方坐下, 就去左諾士佛臺!見呢間paparazzi 都多人坐緊, 就去試下佢. 因為朋友食煙坐左外面. 但係有幾隻烏蠅飛黎飛去囉~_~點左白酒, 仲有ham platter, 個platter有幾款唔同ham, 同salami. 食係幾好食. 不埋埋點友人去toilet時行經bar頭發現. 佢應該出漏左個melon比我地...
繼續閱讀
生日唔知食乜好。。記得諾士佛臺有好多西餐。。所以就走去揀咗呢間勁重口味。。又無服務既餐廳！！食到一肚氣。。仲搞到胃痛！！一開始黎個包籃d包勁硬。。又喊！牛油又硬。。點搽丫？見到其他枱有生蠔咪問侍應點解menu無？咁果個侍應就拎個電話出黎show 比我地睇。。咁我就話你比3款每款2隻比我。。另外。。叫咗兩杯白酒！點知到生蠔上枱後。。另一個侍應淨係話由邊度食起。。完全無講過係邊幾款囉😠仲要食完生蠔。。見到其他遲黎既枱都上哂飲品。。我order既白酒都無黎。。咁我就問個侍應啦。。原來無落單！！仲要無通知！搞到我再等.跟住問個侍應。。沙律既份量有幾大。佢就答我一人份量！但佢話可以幫我地分一半。。所以最後我叫咗兩款沙律。。***好彩淨係叫咗沙律無叫main因為。。d沙律都喊到嘔！點可以再食落去？！！！！
繼續閱讀
618 瀏覽
Papa Razzi 是每次客人到港必去的餐廳。但是，生意小了，客人都不再來港，所以這２年都沒有光顧。今日跟好友睇＜5個小孩的校長＞，睇戲前先到諾士佛臺食過午餐。午市的諾士佛臺跟晚上氣氛完全不同。客人不太多，比較寧靜。不愛夜蒲的我，更愛寧靜的諾士佛臺。加上諾士佛臺的餐廳晚市唔平，但是午市（特別是周末）價錢比較相宜，百五元左右便可。再次光顧Papa Razzi ，環境跟之前分別不大，餐廳內都是用上電影及名人照作佈置，十分配合餐廳Papa Razzi的名字。午市套餐有多款選擇，有前菜＋湯＋主菜＋甜品＋餐飲，價錢只需$118~158，實在超值！下單後，店員送上麵包籃。雖然三個麵包都是一樣，但是麵包是暖暖的，這點已經足夠！餐湯：鮮蟹肉甜椒忌廉湯味道甜甜的，入口Creamy而且滑順，味道不錯。可是，在湯內搵不到蟹肉。午市套餐的前菜可以4選1，比一般的餐廳選擇多，而且供應的前菜不馬虎，實在難得！前菜：燒帶子配辣牛油果醬紅酒醋賣相認真！絕不似百多元的套餐前菜！厚身的帶子已兩邊煎香，賣相不錯。切開後帶子未熟透，烹調時間剛好！配上牛油果的特有味道，令平淡的帶子多增味道。如果喜愛重口味的，沾上紅酒醋又有另一番風味。一款簡單的前菜但同時有２款不同醬汁食法，抵讚！前菜：薄燒牛肉露筍卷佐陳醋汁一片薄燒牛肉片及一條露筍上放上陳醋汁，加上旁邊的伴菜，這個前菜製作及賣相被比下去～味道都十分普通，沒有午麼亮點。主菜：黑松露菌醬烤傳統薄餅 $118雖然午餐選擇８款選擇而款款都十分吸引，Papa Razzi 的薄餅一看出色，因此今天都選了薄餅！這裏的Pizza薄身而且脆口，是我喜愛我種類。這款Pizza材料比較簡單，味道比較清淡，芝士味及黑松露菌味道都不太突出。主菜：露筍蓄茄忌廉汁寬條麵佐煙鴨胸 $128寬條麵比平常食的更加濶身，差不多有25mm濶。麵條硬度適中，吸了鮮甜的蓄茄忌廉汁，味道不錯。煙鴨胸肉已煎到微焦香，但肉質比較韌。甜品：香蕉慕斯慕斯入口滑溜，慕斯帶有香蕉味。面上放了朱古力醬，把跟朱古力醬跟慕斯味道不錯。總結：食物味道依然不錯，以午市套餐價錢有這質素實在難得。
繼續閱讀
是日中午之後十分得閒, 約了友人於美麗華食飯, 一邊行, 一邊講, 一邊研究, 卒之上了諾士佛台食西餐. 氣氛不錯, 沒有西人的的西餐廳FEEL, 自我感覺良好… 哈哈.選了所謂Executive 5 courses 的set lunch. 食物名稱水蛇春的長度是正常的了, 唔巧立名目, 點可以高收費呀!? (雖然都唔算好高)當然, 必先一杯餐紅酒醒一醒胃, 只係問了店員有無House Wine? 有就來一杯吧, 都無問來頭, 果香就無咩, 但入口都可以.Starter是 Parma ham curls and baby spinach salad with honey mustard dressing, 薄切巴馬火腿一塊, 算大件, 一片淡口芝士, 菠菜新鮮, 沙律是用蜜糖芥茉汁攪成, 酸味同時帶些少甜, 好開胃.Caesar salad with smoked salmon, 友人之選, 唔知味道如何, 但外觀上看, 賣相幾好, 味道應該都幾好吧, 薄切煙三文魚, 新鮮的橙色, 凱撒沙律, 羅馬生菜, 聽到友人入口索索聲.Cream of spinach with crab meat, 湯底厚身, 菠菜味不足, 蟹肉唔多覺, 忌廉味濃.Char-grilled New York cut beef steak complimented with black truffle sauce, 炭燒?? 看上去, 應該係電爐喎, 炭燒出嚟既樣和味道都唔係這樣子, 會暗色一點, 而味道會燶一些. 其實並不太清楚甚麼是”紐約牛扒”, 友人笑話: “名稱呢D嘢, 你識咩嘢吖!” 哈哈…, “黑松露汁”又是另一特別, Truffle既味道就唔多覺了, 反而是一般西餐既”燒汁”味, 但都唔錯, 尤其是件牛扒, 西冷款式, 當然無牛柳般軟和淋, 但就係喜歡其粗糙的肉質, 有牛肉纖維的口感, 燒至六/七成熟, 內部微微的粉紅, 算滿意了.Pan-fried filet of red snapper with asparagus finished with lemon butter sauce, 友人形容, 煎紅鯛魚, 外皮微微的脆, 內部輕微的軟, 魚味?? 當然唔係中式蒸魚啦, 露荀檸檬牛油汁, Creamy和微酸, 配搭好味.甜品, 餐牌無說明, 大家自己研究一下吧.最後來一杯特濃….. 其實唔算太濃, 下午放假, 唔使返公司, 咖啡都唔使咁濃了, 這杯..剛好啦.諾士佛台和尖東的西餐價差不多, 諾士佛台近地鐵和交通方便 但無景觀, 而尖東遠一些, 交通不方便, 但有海景, 尤其是在尖沙咀中心的幾間對海景西餐廳, 一邊食, 一邊看著對面海, 賞心樂事.
繼續閱讀
對於紅肉來說，我確是偏愛羊肉多一點，自從嚐過家妹宴客的西冷扒後，對西式的牛扒亦生了一點興趣，想起上年在尖沙咀諾仕佛臺吃了一頓不俗的西餐，就趁是日公眾假期，再度重回舊地。這短短的一條食街，地下約由七至八間餐廳所組成，試過上次il meglio後，今次乃隨意地選了街頭的PapaRazzi坐下。 熟悉行情的老饕也知，這些餐廳看似高檔，相對午市的價錢較為相宜，價錢大約俳迴於百餘元上下，約為晚市的三份之一；已包括頭盤、餐湯、主菜、餐飲及甜品五道項目，對於大部份人仕來說，除了來得「平宜近人」之外，作為正統的西餐，不失為一個入門之選，當然掌管廚房的，未必由餐廳的主廚負責了。趁今天沒有下雨，乃就選了露天的位置坐下，餐具的擺設可是有板有眼，惟一美中不足的地方，是發現了桌布上有一個給煙頭弄穿的小孔，估許是晚市一位吸煙的食客所為。這些缺失原也不需介懷，遇上高要求顧客可有失興緻，撇除成本的問題，理應換上一張全新的。 點菜之後不久，侍應也奉上了麵包籃，有別於傳統的法包，今次改為兩個圓身的小餐包，摸上手後亦知道經過烘焗，旁邊亦奉上了一碟鮮茄醬，切開餐包後試了一口，雖沒有法包那種帶有筋性的質感，但暖暖的亦見軟熟，無論用來送湯及配上蕃茄醬剩吃，味道可算不俗。 頭盤是薄切風腿片菠菜沙律，用Parma Ham夾上Melon等香果，已不是甚麼新鮮的食法，今次轉為爽口的菠菜，底下更墊有一些白蘑菇片，上面再淋上一個蜜糖芥末汁，味道酸甜中亦帶點微辛，是一個頗為特別的組合。要讚這風腿肉的質素不俗，鹹香味濃淡適宜，肉質上亦見軟身，起碼吃不著肉筋殘渣，可算是一個開胃而美味的前菜。打後上的是香煎帶子紅菜芯忌廉湯，固名思議，是用上紅菜頭打成漿狀而弄成的忌廉湯，質感來說確是Cremay滑溜，至於味道來說，說句實話可來得有點怪，加上其粉紅的色澤，想未必每個人也接受得來。再揭開湯內，也真找到一粒帶子，但當看見那如此薄身的件頭，想對湯味的影響，已是不言而喻。今餐的主要目的，就是一試以碳燒肉眼扒為名的主菜，不太確定是否真的用上碳火來烤製，單論時間及成本控制已不易為，看表面還是經過坑燒的痕跡，事前點了Medium的火侯，但切下後一看肉心，無異是過熟了。結果這肉眼扒的肉質也真韌了一點，加上過重的醃味及偏濃的干邑酒醬汁，原來的肉味已蓋得七七八八，總算在中間部位帶出一點烤過的油香之感。有限的識見之下，知道西方人弄製牛扒的精髓，是用簡單的調味帶出肉質的味道，再配合準確的火侯控制，盡量不讓醬汁掩蓋本身的扒味，看似簡單，實踐上又是另一回事，道理有點似我們南方人的蒸魚一般，有時對咱們中國人自稱「好識食」的說法不以為然，看不起人家的飲食文化，不也是一種固步自封。最後奉上餐飲及甜品，用上機磨的即磨咖啡，表面泡上一層Crema的咖啡油，近來也學了一點簡易的冷知識，盡量在不下糖的情況下品嚐豆味，不得承認味道帶點香濃，同時亦稍為偏苦。甜品反而來得有點心思，用上士多啤梨慕絲來襯上香濃的濕朱古力蛋榚底，其酸甜度來得恰到好處之餘，質感上亦見得軟滑，配搭上是成功的。旁邊更備有切粒的新鮮草莓及藍莓等，再灑上糖霜粉，這綠葉可比牡丹更為優勝。這張帳單承惠一百四十元，以那地段的消費，雖然未致於十分昂貴，但整體的味道確是有點失望，起碼與上次同街的另一餐廳作比較，確是少了一份好感。除了怨句食神不眷顧之外，也知道弄一塊有水準的牛扒，其實殊不簡單，如條件許可的話，我希望還能來多一躺，或者會移師到港島區，希望來得好一點。陵之微調：B-，主菜不行，其餘配套還是做足。用餐於二零一一年九月十三日下午
繼續閱讀