影片
開飯介紹
蛇王寶已有廿多年歷史，本店由登打士街橫巷已搬遷至砵蘭街，大家現只需稍移玉步，油麻地A1出口，往朗豪坊方向行5分鐘就可到!~~ 以前主要只做蛇羹、龜苓湯，現為了迎合大眾需求，新增胆汁/真味滑雞飯及合家歡蛇宴(敬請預約)!! 當然不少得本店的太史五蛇羹、臘味糯米飯和老火龜苓湯!! 太史五蛇羹 老火龜苓湯 臘味糯米飯 - 全日供應 胆汁滑雞飯/ 真味滑雞飯套餐 **每天供應有限，售完即止** 蛇宴已經開始o左啦! 歡迎預約!! (請提早2~3日致電本店預約)
繼續閱讀
營業時間
星期一至日
12:00 - 04:00
以上資料只供參考, 請與餐廳確認詳情
招牌菜
今日同朋友黎食蛇, 見到人地食緊雞煲咪又叫一個試下原來佢地係之前係旺角開, 依家搬左黎官塘水準都唔錯, 環境比旺角好, 乾淨, 舒服, 不過位置少左好多但感覺良好雞煲熱辣辣, 再加菜食勁好味d汁好香濃, 仲加左碗白飯撈汁呀哩個雞煲我地叫唔辣, 佢唔似出面既雞煲四川風味咁重, 佢有自己獨特既味道唔知點形容, 但食落都好香口, 雞夠滑唔老最重要係元茜帶出左個香味食完真係好飽飽呀佢地多左d煲, 仲有個藥膳蛇煲, 唔知會係點呢....下次試下先
繼續閱讀
雖然近日天氣仍然炎熱，午間的陽光仍然猛烈，但始終中秋、甚至重陽已過，一早一晚開始有點秋風，有點涼意，又是開始吃蛇的時候。這一晚，我就在旺角這間「蛇王寶」中，獨自吃了一頓「蛇羹雞飯套餐」。這套餐的主角細「太史五蛇羹」水準中規中矩，不是很好，也不是太差，蛇肉雖不太多，還算可以，其它配料，好像冬菇絲、木耳絲等則有不少。但這蛇羹口感較稀，缺少了羹湯應有的濃稠感，則是自己不太喜歡的地方。至於蛇羹三寶方面，這店子的薄脆與檸檬葉都有放在桌上，供客人隨意加進蛇羹中，但就如大部分的蛇店一樣，缺少了白菊花，始終有點缺欠。配角的「滑雞飯」其實有兩款可揀，一款是味道帶辣的「膽汁滑雞飯」，另一款則是沒有辣味的「真味滑雞飯」。這夜我不想吃辣，所以揀了後者伴蛇羹。這飯的滑雞質素是不錯的，雞肉嫩滑不粗嚡，雞皮也滑，不過白飯因為沒下蛇汁的關係，沒甚味道，需要以附送的薑蔥茸伴吃才能增添味道。不過這也怪不得它，始終來到蛇店，好應該叫「膽汁滑雞飯」才是，反正價錢一樣，套餐價都是六十塊錢，只怪自己一念之差，與人無尤。其實這間雖是蛇店，主力供應蛇羹，蛇湯、以蛇為材料的各款菜式，多款蛇羹套餐，甚至連六位或以上的蛇宴也有，但其實售賣的食品都幾多元化，廉價的有由星期一至星期六中午十二時至晚上七時供應的 24元兩餸或 28元三餸經濟客飯套餐，每天都有六款不同餸菜可揀，甚為經濟相宜。貴價的也有多款四季蛇龜大補湯供應，絕對稱得上是豐儉由人。或許這間「蛇王寶」的蛇羹不是最頂兒尖兒的質素，但要是來到旺角這附近，又忽然興起想吃蛇的話，這裡都是不妨一試的。
繼續閱讀
好耐無去蛇王寶,以前要坐街邊食風...而家可以舒舒服服咁食la~一去到叫左個set..以7前有埋油菜,臘味糯米飯都係40 零50蚊,而家都係HKD 52蚊..但少左碟菜..無辦法..通脹嗎...好在D野食無變,蛇羹D料一樣咁多..
繼續閱讀
我今日同朋友去旺角行街, 諗住去砵蘭街睇下有好食啦,行下行下,發覺條街d食店唔係米線就茶餐廳, 行左大約五分鐘, 諗住轉返出大街, 我個fd叫我不如試下呢間啦, 我睇下叫蛇王寶, 應該食蛇家, 再細心睇睇, 原來有飯食! 我叫左2個飯食, 店員向我推介真味滑雞飯, 佢話無落味精, 我最初唔係好信, 但食落又真係無味精嘅感覺,食落唔會口乾, 最正係個汁, 撈落白飯食好入口! 而個豬扒出前一丁, 油唔多, 味道唔會太咸, 又足料, 值得返食! 最後當然要試下佢地招牌蛇羹啦, 我都係第一次食咋, 又意想不到好食, 易入口, 最緊要係真係足料, 食到我同我個fd都好飽好滿足呀! 呢間店環境幾乾淨, 店員服務都唔錯, 食物又有水準, 下次經開旺角都要再食再試下呀!
繼續閱讀
下晝買完野行過砵蘭街,想食lunch, 見呢度有車仔面所以入去食…..原本諗住食個車仔面就走架啦……見到蛇羮又心郁郁……雖然天熱,但係舖頭有冷氣….諗左10秒,去馬!!!蛇羹真係幾足料,好多蛇肉, 仲好爽口,仲有我最愛既木耳…好香,食落好好味.仲叫左龜苓湯, 每次食蛇都會飲,蛇燥但係龜苓湯清熱! 所以試左一碗, 甘甘甜甜, 藥材味幾勁!我估佢都落得幾重料……..如果清咁D暗瘡就好啦XD不過太飽啦…唯有下次再黎試佢個糯米飯…..….. $30 蛇羮 $15 龜苓湯
繼續閱讀