是晚放學後一個人食, 叫左豬扒麵 ($30) + 豆漿 ($7)

豆漿大路貨色, 有少許豆味, 但亦很甜

豬扒和麵分開上, 麵剛剛熟, 軟硬適中, 唔錯. 但最好食既, 其實係表面既雪菜! 豬扒2塊, 雖有用調味料"淹"過, 但仲有陣鬆肉粉既味, 同以前比, 差左....

小弟十分讚同下面既食友所言, 唯一愈來愈貴.......3年前係沙田返工, 唯一簡正係平靚正之選. 一碗豬扒麵連豆漿, 32蚊到, 但而家就要接近40......雖然質素都以前冇乜大分別, 但要成$40, 附近仲有好多選擇囉.......

沙田市中心，除兩大一美之外，想搵廉價些少嘅晚餐，「唯一」恐怕係少數可供選擇嘅食肆嘞！

但 ~ 作為街坊，呢間食肆真係“水漲船高”！


數日前，兩人想食個 quick dinner ~
- 酸辣湯水餃麵 ~ 水餃夠晒大粒 but 皮厚
- 上海粗炒 ~ 鑊氣唔多夠，肉絲只得幾條，盡放火腿片？上海粗炒加火腿? Fusion 嗎??
- 熱豆漿
以上食物共收 ~ 港幣八十左右。

值唔值? 好食嘅咪值囉！ 唔好食嘅 .. .. 咪把鬼囉！

我最想提及嘅其實係：
用餐期間，study 個餐牌，意外地發現 ~ ~ ~ 呢間食肆嘅一碗白飯：$10　　
快餐形式嘅食肆一晚白飯可索價 $10 ~ 勁！

美滿的一餐，也不一定是珍貴的食材，或者是多道菜的盛桌，簡單而帶特色的外鄉風味，也可以令你吃得稱心如意。

說的是位於沙田廣場的「唯一麵家」，其實在港九新界，也有多間食肆用上這個名字，所賣的食品也大同小異，所以應該不是「唯一」的一間，店舖間是否有聯營或家族的關係，就不得而知了。店內採用茶餐廳的格局，食譜主要是外省的麵食、客飯或包點等。

從開飯熱評中，提過這裡有一道「天津烤牛肉飯」，先來一碗酸湯，其酸度和辣道比例相宜，且甚有勁道，大有上海老舖的味道，只是略嫌配料切得過於大塊，內有豬紅、豆腐乾、荀絲、冬菇和肉末等，家庭式食肆來說，算造得不錯了。

到主菜上場，這一小盤牛肉，比較碎和乾身，但味道濃香，口感也比想像中軟熟，似是在街市買回來的下欄貨，這些賣不到好價錢的部位，其食味其實十分可觀，所謂的「烤牛肉」，也不是真的用明火來燒烤，估量只是用上電熱板或平底鑊之類拌炒，調味上也不會過搶，保留著牛肉的原味，整體上十分不錯。

其實自己孤漏寡聞，沒有去過天津，根本也不知是否真的有這一味菜，道理有點似星加坡未必有星洲炒米一樣，但論其味之佳，就真的無話可說。其爽口而碧綠的菜飯，菜粒甚多，油香則不算重，用來配上這濃味的烤牛肉，效果十分匹配，三十七元的一餐，取價上也算合理。

晚市客源甚多，見其他人吃著大排麵、湯餛飩、獅子頭等，看賣相也似是不錯，真想找些日子，逐個去試清楚。

本來今日揀左去翡翠既...不過等得太耐, 黎左唯一

叫左幾樣野:

無錫排骨麵 (阿媽話d排骨好甜...)
酸辣年糕湯 (湯夠辣,年糕好食~)
上海粗炒 (本人覺得炒得好油膩...不過阿媽話:上海野係咁架啦...)
花雕醉雞 (雪藏雞......好多肥膏, 肉好"鞋")
煎餃 (即煎即食~ 好新鮮)
小籠包 (麻麻啦)
豆沙鍋餅 (呢個好食~ 又係即叫即整, 熱辣辣~)

本來影d相上黎俾大家睇既...不過電話無電...=_="

遲來的食評

test完左之後就落左沙田行...難得考完試ma!!呵呵
係沙田其實都唔知有咩好野食嫁..只知道一田個多!!
朋友介紹話e間幾正下(因為佢住沙田)..咁就去試下la..

個陣係晚市...都比較多人!!搵左陣先搵到位lo~~
我唔太鐘意佢d座位....都唔係一台台既!!
一坐底就睇個menu啦....um..um..um..
見到"無錫排骨麵"...感覺上好似幾好食咁!!所以叫左..

當排骨送到黎時見到都好吸引啊...
無錫排骨：煮得好入味丫,而且味道好濃郁!!排骨又夠林wor..簡值一流!!!
麵：麵就普普通通啦...但加埋d冬菜食....正!!

當我d野食黎左個陣...隔離個婆婆都多口問左我句..
"你個碟係咩送黎嫁..好似好好味!!"
呵呵....証明我真係冇叫錯野食啦!!!!

是夜同朋友仔放工於沙田閒逛~行左一陣個肚打鼓，糧尾又想食飽d，又想經濟d，於是入左唯一~同朋友仔叫左兩個菜飯套餐，一個蔥爆牛肉，一個唔記得係海南雞定係沙薑雞，兩碗熱豆漿，一齊share。
蔥爆牛肉:首先現身既就係蔥爆牛肉喇!!個樣都幾吸引，好似好濃味咁，香噴噴~忍唔住動手喇.....一動手夾落去o個陣，怪事就發生左喇.......咦?!點解咁碎既?會跌返落黎ga wor.............=口=......................幼切牛肉??!真係連條洋蔥都大條過佢T__T，算！我用畢~哼！
呢個時候個飯都黎埋喇，順理成章畢d『肉碎』去伴飯~個味道真係幾好！不過油太多。食左一啖有料既菜飯之後，再食一啖冇肉碎既菜飯，覺得個飯好似就咁煮好之後加d切左既菜落去就算，個飯冇咩味道。唔似第二度咁有d上湯味。
海南雞定係沙薑雞?:碟雞個樣好吸引!肥瘦適中，骨肉均勻，肉地又滑(A__A嘩哈哈哈！) 而且仲好有雞味!!再點少少沙薑~香口到呢..........總之就係正！
唯一 糧尾之選！

呢排工友地盤未有工開，天天吃得好食得好，真係唔肥都唔得﹗

唔再大魚大肉，就來唯一食個麵就算﹗

間野都應該有幾耐歷史，我還是第一次來幫趁吧，上個月就食左尖咀店，味道很不錯﹗

先要了鍋貼，外層煎得香脆，底面都脆卜卜，肉汁很多而香甜，10蚊就可吃到真抵食﹗

工友吃了一個酸辣水餃粗麵，想講的是水餃吃落其實就是鍋貼的放湯版，都係好味的，不過由於已吃過鍋貼仲要食多四五隻所以感覺有0的膩，酸辣湯味道微辣，勝在開胃，還不錯，但吃過鍋貼就不要吃水餃了﹗

我要了一條栥飯，上枱是熱呼呼的，用料十足既有油炸鬼又有大量肉鬆、炸菜等，吃一條感覺有如吃左兩碗飯一樣，夠哂飽肚﹗

埋單一人三十蚊，呢餐晚飯抵呀﹗

陪人吃飯,自己食左所以叫小食

$25豆沙窩餅(有d貴)
$7 熱豆漿

豆沙窩餅唔錯,新鮮熱辣，甜度適中
豆漿好味，唔知係落糖定原味，
但我平時好少飲曬ｄ豆漿，今次飲曬

侍應唔知係咪新人，好細聲，
又冇問我地要熱ｏｒ涷豆漿就俾杯涷豆漿
唯有再叫多個熱豆漿

筷子套上有英文教人use chopstick家,留意下~

楊州炒飯和豆沙餅
楊州炒飯$28...貴而不多
份量不夠..而且太多油..不過炒得幾好
豆沙餅$25..只有6小件...不特別
以後都不再來

拜完山行沙田,無野做就去食下午茶,諗住食spaghetti house,點知行下行下行到黎唯一就試下啦.

小籠包 ($20), 有4隻,唔好食,皮好厚而且未夾都已經爛,同埋一滴湯都無..
擔擔麵 ($30連豆漿), 開頭以為係四川果種先叫,後未先知道唔係.. (因為我一直以為擔擔麵只有四川橙色果種) menu上話唔辣,但係我食到無咩味,要落辣椒醬先覺得有味..
雲吞麵 ($2x連豆漿), 比擔擔麵好食.個清湯好飲!! 雲吞亦都好大舊同埋d餡好正!
北京餡餅 ($11), 好食!好似食緊清真牛肉餅,不過係脆皮豬肉版!加小小醋落去仲好味!

如果下次再去,淨係食北京餡餅算了~!

3月14日（星期六）下午，是日女友放假，特意來接我收工。不過女友從未試過坐巴士來沙田，所以坐過了站才下車，幸好女友醒目，而我收工後也立即趕往和女友會合，最後我們一起坐巴士往新城市中心。女友和我也未吃午飯，我問女友想吃甚麼，她說想吃上海麵，我記得沙田廣場好像有吃上海麵的地方，於是我們就去看看，不用多久就找到這裡了。這裡賣的都是大路上海食品，來到的時候剛好是下午茶時間，我就要一碗上海雲吞麵，而女友就要碗五香牛肉麵，餐飲就同樣要熱豆漿。


五香牛肉麵：牛肉尚算鬆軟不韌，有牛味且醃得頗入味，湯底亦偏向濃味，上海麵煮得不太腍，有咬勁，而且麵條分明，絕不是一堆“麵糊”；

上海雲吞麵：雲吞頗大隻，共有三隻，菜肉餡醃得頗入味，整體來說雲吞是不錯；湯底呈淡白色，是豬骨湯底？略咸；麵條同樣分明且爽口，做得不錯；

熱豆漿：用碗上，有淡淡的豆香，喝得出是自家製的，而且沒有下糖，甜度由客人自己控制。

這裡應該主要做街坊生意罷，由格局、食物價錢以至招呼也很“街坊”。每人二十元左右一頓飽滿的下午茶，以這樣的價錢，這裡的食物已經合格有餘了！

今天去唯一真係好失望, 佢既擔擔云吞麵 ($32), 要我苦等十幾分鐘, 來到d麵又淋,云吞好食既不過就散曬同唔熱 ....
本來想叫小龍包 or 豬肉餅, 不過見到人地食緊既都係乾爭爭, 所以我都係急急食完便走. 比起尖沙咀個間真係唔可以作比較.

第一次去食,叫了個水餃河，好大隻水餃...另外又好大碗！
熱豆漿要自己落糖，所以唔會有超級甜的現象出現！
另外食咗豆沙鍋餅，我就認為一般水準，但價錢合理！
環境就係一般，好逼人呀！

早前在一田百貨買了東西可是不合用，今天要再到沙田換貨，剛巧碰上了慶祝的一天，左思右想下（對於沙田真的不太熟悉）不過知道在沙田新城市廣場有間TUTTO by Habitu，估計應該是Habitu Group旗下的食肆吧！（因為我以前也光顧過Habitu Ristorante The Garden及Habitu The Pier，Habitu Ristorante The Garden給我的感覺很好，Habitu The Pier感覺略微遜色一點，但也算不錯吧，心想TUTTO by Habitu應該也有一定水準，結果就訂了位）

換了貨品，女朋友問吃什麼，我說吃TUTTO by Habitu，女朋友第一時間說「貴」，我說既然大家沒吃過，不妨試一試吧！（我說這餐當然由我負責，女朋友說不是誰付錢的問題，是想我節儉一點．．．．．．）女朋友比較熟悉沙田，她說今晚就由她作東，帶我吃些好東西。（女朋友既然如此堅持，我也不好再說什麼，就讓女朋友帶我吃些好東西吧！）

走了約十多分鐘，我們來到了「唯一麵家」（女朋友說她以前經常來吃，是既經濟又實惠的選擇）我們進去，人不多，我們隨便找個位子就坐下了。女朋友既然這麼熟悉，就讓女朋友拿主意好了。女朋友叫了賽螃蟹，紅燒獅子頭（每個小菜都跟一個菜飯）鍋貼及一杯豆漿

賽螃蟹

這裡的賽螃蟹賣相還可以（我一向非常喜歡吃賽螃蟹，吃上海菜很多時都會叫的）這裡的賽螃蟹，相當清淡，因為這裡的賽螃蟹只用了蛋白及蛋黃，蟹肉固然沒有，可連一點點魚肉也沒有，也就略嫌太節省了一點。可說是清淡有餘而鮮味不足。不過蛋白做的尚算嫩滑，食味算不錯了。

紅燒獅子頭

賣相不錯（這個是我和女朋友都蠻喜歡的菜式），可紅燒獅子頭要做得好吃，還是有相當的難度，明顯這裡的水準是差了一點。獅子頭這粉肉丸做不大，味道有點兒偏鹹，茨汁略厚；而且肉丸內的肥肉什多，吃起來有點油膩。我自己就不太欣賞這個獅子頭了。

鍋貼

很油膩，一口咬下，真的感覺滿口是油，而且不太新鮮，不太熱，不夠香脆的樣子。基於太多油的關係，餡料也不太吃得出個所以然來。這個鍋貼是有夠令人失望的。（女朋友也吃了一只就沒吃了）

最後女朋友叫了一杯豆漿，清一清喉嚨的油膩，豆漿倒不錯，有豆香之餘亦不會太甜。算是今餐最令人滿意的了。

坦白說，這裡的裝潢陳設非常普通，但仍算乾淨。食物方面卻真有點令人失望了，包括賽螃蟹，紅燒獅子頭及鍋貼都沒有什麼突出之處。女朋友也覺得今非昔比，有點失望（當然，女朋友選擇這裡，我也不好意思說什麼，不過如果以慶祝來說，這裡的確不是一個很好的地方）當然平的也好，貴的也罷，好吃與不好吃也不過是一頓晚餐，最重要都是和女朋友在一起，我就心滿意足了。

（下次還是由我作主好了！哈哈！！）

昨晚我跟男友好耐都無去過沙田新城市食飯,行黎行去都唔知食咩好,回想起有間唯一好好味的,我們就去再食,一去到"嘩"咁少人既 ,我記得之前好鬼死多人坐都無得坐,一心以為可能經濟唔好啦,咁我們坐低點左兩個客飯食 , 我地至愛既"鱔(胡)同回窩肉客飯, 坐左一陣鱔胡黎喇, 嘩咁既 鱔胡客飯wor 果d鱔呢未捉到呀 得幾塊芽菜就成碟都係,成$52蚊真係離晒譜,都已經一肚火,我男友想開火,我就話算啦,經濟唔好,跟住等左好耐我既回窩肉黎啦,我立即睇下啦,嘩呢個唔係回窩肉黎囉 佢應該叫"回窩椰菜"囉,d肉切到指甲咁大仲得幾塊,真係好過份囉,加上又無以前咁好食,暫時都唔會再去囉,唔怪之得去到無咩人啦.