食到一檯都係, 每人都只需付70蚊 去邊度搵呀?? 有!!!!! 真係平靚正, 不怪得每次book左位都要再等多1個鐘啦, 值得既...因為真係好味

首先叫左個雞沙拉, 非常得意既雞塊紅紅色又酸酸辣辣(推介)可惜無影相, 再叫左兩個主甬, 中辣咖哩雞同埋大辣咖哩豬, 再配印度薄餅 (芝士, 洋蔥, 牛油味) 簡直係天作之合. 咖哩汁非常濃烈但又唔會太over, 正宗既咖哩餐除左係重慶大廈既咖喱王, 我諗都別無地方可選了. 想嚐一餐抵食夾大件, 就要付出時間同耐性.

(題外話) 可能係人山人海既關係, 佢地設有一房作等位用, 仲有電視可作消磨時間, 不錯不錯!! 不過如果佢地可擴大餐廳面積作用餐, 我諗我地就唔駛再要1個鐘後先有得食, 咁樣仲會開心d多幫襯. 嘻~ 希望考慮!

唔記得以前有冇食過,平日七點幾都幾乎滿座,好彩一去到就有位o者!
點左:
咖哩角 - ok
特式燒雞柳 - 好味
咖哩魚 - 好味
馬沙拉雞 - 好味
咖哩牛腩 - 好味
2x牛油薄餅 - 太油, 比想像中差
1x蒜蓉薄餅 - 太油
1x白飯
2x芒果乳酪 - 好味
總括黎講都算好味, 只係D薄餅遜色左D!
本來叫左個鍋仔牛腩,點知漏左單,所以改左普通咖哩牛腩! 但SERVICE都OK丫!無之前D人講得咁差!可能個別WAITER啦!
平均每人$78

上到去門口寫住'members only',入到去第一件事係俾張form你'入會',拎住張會員咭有九折... 其實即係人人都有九折...
坐低點菜, 起初有少少擔心太辣會食唔掂,而menu上又無話幾辣,最後我忍唔住問: "會唔會好辣o架?!" 點知答案竟然係: "唔辣o既" (???) 可能為了迎合香港人口味??
咖哩雞(好似叫鑊仔咖哩雞?) - 大家一致認為最好食. 味道有少少甜,可能係香料的關係,味道幾獨特.
咖哩牛 - 咖哩味道其實唔錯,但唔覺特別, 最大問題係牛肉: 好韌呀...
咖哩羊 - 羊肉大大舊夠腍又唔'蘇',真係好好味... 但部份羊肉連骨. 咖哩汁係三碟之中最'杰',味道OK,不過就似係其他地方食到的咖哩味.
牛油薄餅 - 多層牛油香,比較鍾意這個.
芝士薄餅 - 好有芝士香,個人覺得齋食好正,但沾咖哩則有少少怪,因為芝士與咖哩都係味重的食物.
羊肉炒飯 - 睇落似成座山的炒飯,查實因為個碟細...不過裡面藏住好多大大舊的羊肉. 炒飯有淡淡香料味,但太乾啦; 始終認為羊肉最正!

前晚同老婆到這裡食晚餐,本來懷著一份期待的心,
好多人也說這裡的咖哩好味,今日特來試一試.
一開始點菜,有個上年紀中國女人寫菜(化妝好濃)
已經沒有禮貌,叫了幾次也不理我,
之後終於幫我寫菜,除了無禮貌之外,仲大聲夾惡,唔知以為免費,
旁邊黎先過我們的客人向我們講,也遇到同一樣的情況.
叫完菜之後,等了30分鐘也沒有野食,
有菜上時,上錯菜仲話我地唔岩,D餐具唔清潔,
食物份量小,味道方便也可以,咖哩真的幾好味,
當中以芝士薄餅最正,但食完之後,
回家要飲好多水,
仲有…….下次請我都唔去.

之前不太接受食印度野既我,因受同事影響,經常去食火炭的一間傳統印度餐廳!!!
慢慢覺得印度野食確實都有佢好食之處.....於是朋友生日便介紹去口啤甚好的重慶7E~
但老老實實真質素的確比預期差好多~當日叫的食物有:
特色烤雞 (全埸最好食係佢,d雞唔算太"鞋"燶燶地幾好食)
咖哩牛腩 (牛腩好韌,咖哩唔算特別好好,味道一般)
蒜蓉烤餅 (都好一般,太粉,唔知點解咁多人讚)
芝士烤餅 (呢個好d,麵粉適中,但冇乜芝士味)
炸洋蔥圈 (都叫ok,但都係用左太多粉去炸)
可能係阿蘇介紹過所以生意咁好,坐無虛席.....但個人覺得食物及環境略差!!!唔會再去~

幾年後和 Father 食咖哩, Johnny 不在, 已设有熱情招待了.

食物如下 :

(1) 咖哩鱼 : 鱼太乾和有些"實", 不太好! 但嗰汁OK la.
(2) 咖哩牛脯 ; 肉不"林", 有啲失望, 嗰汁仲好正!
(3) 咖哩羊肉餅 : 正! 不"So" , 好味!
(4) 洋悤溥餅 ; 仲正!, 又有Photo係入面, 一流!

咖哩水準和服務差了, 下次都係試另一間

以後都唔會去重慶大廈食野, 都係因為e 間7E 衰, 累街坊!!!!!!!!!!

事緣約左幾個朋友, 大家都話未到過重慶大廈食curry, 又聽d friends 講話好nice ga d 人, 咁就一齊去左食dinner啦, 一去到大廈下面, 其實都幾驚, 因為好多巴籍人士, 不過又見到佢地真係幾nice.

點知上到7E, 就係惡夢既開始, 一上到去見到有個中國籍女人, 4x 歲, 應該係老闆娘掛, e 個女人已經起度鬧緊人, 之後大家都呆哂啦, 明明話好nice 嫁麻!!

之後我地無理啦, 佢見我地一班人上到去, 問我們幾位, 我們話8個, 但佢竟然安排張4 人枱比我地囉, 即係咁, 如果佢無位無枱 or 比人訂左枱都仲話等下呀, 但係佢間野仲有3 張枱係空既, 仲要有張係8人枱, 我地完全唔明白點解囉! 咁我們無理佢, 話要坐張8人枱, 因為我地8個人, e 個女人成個面黑到呢!!!!!!!!

坐落叫野食, 咁因為我們大家都未去過食既關係, 就舉手問下有咩recommend 啦, 見到e 個女人approaching, 都已經知道唔方好野嫁啦! 問佢有咩recommend, 佢唔答人, 咁算啦, 我們自己叫, 叫左幾個curry chicken, shrimp, indian rice 同埋烤餅之後, 因為我地圍內discussing 叫咩牛, fish and other food, 咁我地見佢起度等, 好似唔係幾好咁, 就叫佢落住order 先, 話轉頭再叫, 咁e 樣好平常o者, 點知e個女人又燥底啦, 佢大大聲咁話 "wei, 唔可以咁落單嫁wor, 邊有人咁落單嫁" 痴線ga, 我地去係食野, 又唔係去比人鬧, 咁樣無啦啦比人話一餐, 咩都無引啦!!!!!!!!!!!! 咁我地其中一個friend 比較好人, 佢就同e 個惡女人講, "我地唔係話唔落單wor, 只不過係落住e d 先o者, 頭先叫你recommend 你又唔出聲, 咁我們唔識叫係咁嫁啦" 之後e 個女人still 唔理人, 係咁棟起度!!!

去到e 個位其實我們有部分人話不如走人, 不過難得成班friends 約到出黎同埋8個人起TST 搵野食始終都要等一段時間, 咁結果我地都係stay,求其叫多幾個curry 牛, 魚, 羊 咁就打發個惡女人走啦!

食落呢, 講番句公道說話, 咁e 間野又唔係難食既, 不過又唔講得話好, 一般啦~~

不過個惡女人又無啦啦走左過黎, 問我地有無野要加, 我地見仲有curry 剩, 就加左幾個烤餅, 一個飯, 好啦, 咁再過多唔夠5 mins, e個女人又問人洗唔洗加單!!!!!!!!!!!!變態嫁, 墳化爐燒野都唔止5分鐘啦下麻!!!!!!!!!!!!!

結果埋單每人around $100, 加送無限黑面, 再送比人鬧一餐!!!!!!!!!!!!!

我地事後點諗都唔過份呀, 每人around $100 埋單, 都唔係叫得少野啦, 但比d 咁既service, 一定以後都唔黎!!!!!!!!!!!!!!!!!!!!!!!!!!!!!!!

(如果服務有得choose -ve 分, 我一定比-5 佢!!!!!!!!!!!!!!!!!!!!!!!!!!!!)

朋友想食咖喱，原本約O左O係佐敦等，點知見到時又未肚餓，行下行下就落O左尖沙咀，所以就鼓起勇氣入重慶試下啦~ 朋友話食過7E OK，所以諗都冇諗就行去等LIFT，8點左右上到去，等O左大半個鐘呀，開頭佢講10-15分鐘的...
好在有間房可以坐O係度等，又可以睇下電視咁~~

環境比我想像中乾淨，冇異味、冇污跡...

不過2個人唔可以試太多O野，隔離枱成6-7個就醒喇~

飲品方面，我杯mango lassi同朋友O既原味lassi都OK~

食物，首先一個燒烤精選，有雞、牛、羊、魚... overall都好味，唔會太乾，唯一係個羊鹹O左少少...

跟住就叫O左NAN + 胡椒薄餅 配咖喱牛腩同埋薯仔芝士食，唔辣、唔算濃味，但好香，夾餅食一流~

service都可以，有D識講廣東話，仲非常流利，同食客打成一片。

捧著很飽的肚皮回家去 ^^"

好在我們有訂枱, 到埗後不用等便有枱了. 我們先叫了芒果 Milk Shake, 但很可惜奶太多及無味, 仲竟然用大冰粒. 之後叫了nan 及其他咖喱, nan 就不是太鬆軟, 香辣羊就最好吃, 夠軟無羶味, 我唔食羊怕羶, 燒雞有些乾, 其他的咖喱都可以接受, 埋單$440 (有九折). 後記飲汔水最保險, 沖的飲品真的很難飲.

我試過呢間餐廳兩次，總括黎講，又稱得上係物有所值。
咖哩味道複雜，一般用上n咁多種香料，所以要做到價錢平又好食，響香港呢個地價咁貴ge地方都真係有難度。香港有一小型連鎖咖哩餐廳，響香港九龍新界都有分店，同樣由印巴人仕主理，價錢十分便宜，可惜咖哩味道單薄，明顯是價格所限，導致香料不足。

呢間咖哩王，咖哩真係做到正宗咖哩的香和味，吃得出是由n咁多種香料煮成，而價錢亦做到稱得上便宜。
佢地推介的鑊仔羊，羊肉的確新鮮。咖哩蝦都辣味亦十分足夠。
原味厚身薄餅，$13一塊，夠軟屬夠大塊夠fresh夠熱。價錢算ok，出面大約$10-$18/pcs。
有個印度rose tea ，我就覺得無乜特別，有d似玉泉忌廉，好甜，不過甜味係可以解辣。

老闆和服務員都很nice，不過，只有部份能說和理解廣東話。建議大家說英文，可以避免好多誤會。

不過，有d地方都要改進下。
就係佢果d胡椒餅，胡椒餅係小食，一般咖哩餐廳都會送一份，但咖哩王就要收費，$6一塊，其實算貴，收左錢就應該要有好質數，可惜，明顯d胡椒餅係放左幾粒鐘，疏晒氣，胡椒餅唔脆仲點算胡椒餅。

要提醒各位，始終係樓上鋪，我觀察過鋪入面，店主都用窗簾布將d窗阻住，可能咁樣睇落會似返一間餐廳。不過，如果發生火警，後果就嚴重了，食客因未能了解自已身處的方向而不能有效逃生。走廊沒有清晰的逃生指示(好像也沒有緊急出口指示燈)，加上重慶大廈總是凌凌亂亂的，發生火警時要逃生的確有難度。我建議各位巴打去呢間餐廳果陣，一定要落足眼力和記憶力去記住自已點行入黎，有咩事都會記得點樣行返出去。

今天又約了朋友們來吃印度菜 , 選來選去最後又是去了Khyber Pass, 喜歡來這裡的最大原因其實是因為它們沒有那種勁濃的香料味 .

之前來過也有 5 次以上 , 每次一坐下 waiter 就會各人先來一份葫椒餅 , 不過今天就已經沒有送了 , 查問之下 , 原來因為物價高漲的原因老闆決定取消.

5 個人點了 3 個 curry , 兩個小吃再加 4 個薄餅 .

小吃叫了咖哩角 , 是素菜的 , 皮雖然有些厚 , 但不會多油 , 一點點辣 , 好香口好味 .

Prawn Masala , 是濃汁中蝦 , 不吃得辣的人 , 這個未必適合.

Chicken Makhni , 本來是叫另一個咖哩 , 不過 waiter 介紹這個說可以試下不同的咖哩味 . 這個沒有 Masala 的辣 , 雞肉好多 , 不會乾 .

Vegetable Curry , 其實也吃不出有什麼菜 , 只是有好多豆 , 始終覺得廣東的清炒菜比較好味 .

至於麵包 , 叫了我最愛的 naan 和有芝士味的 , 吃咖哩還是配原味的 naan 比較適合 , 因為不會太 "漏" .

這裡的客人 80% 也是香港人 , 味道也迎合了香港人的口味 , 不會太勁香料又不會太辣 .

由於客人也不少 , 不可以坐得太久 , 而且地方有些狹窄 , 吃完也要埋單走人.

繼上次第一次同友人去重慶大廈食7E咖哩後,一試難忘,於是趁今日有機會,帶男友再次深入重慶森林。一上到去,多人到呢...好彩2人枱好快就有lu~但食食下要轉枱既,不過冇辦法,實在太多人la~

今次點了---
特色烤雞 : 鐵板上的,waiter一送上黎出晒煙,擠檸檬汁既時候鐵板發出"吱吱"聲,證明:鐵板非常之熱。烤雞應該係雞全脾黎的,有2隻,共4件,好有燒烤的香味同味道,雞肉也好嫰,一點都唔"鞋",好好味!!!

:燒羊肉咖哩 : 第2次食了,上次冒險地點了這個,點知個個都話好味;知道男友好鍾意食羊肉,就點了;結果男友覺得超好味,連骨也想啜埋=];而我,一直好怕羊有羶味,一開始食有少少,食落左一d都唔覺得有;羊肉超腍,但唔係用梳打粉整既腍,骨連肉係最好味,因為肉質會比較腍,好好好味!!!!!!這個也辣辣地的~

濃汁蕃茄蝦 : 個汁一d蕃茄味都冇,只係有好甜同椰汁的味道,比較岩唔食辣既人;我最怕蝦係"梅",但這個一d都唔"梅",一碟都有10多隻蝦的,但size唔大;食到尾,發現原來有菠蘿粒;如果唔想only食肉的話,可以叫這個既~

芝士薄餅 : 上次食係超好味,好多cheese,好香;但今次好似失準了,完全唔見cheese既蹤影,覺得只係薄餅一塊而已. . .失望

蒜容薄餅 : 也跟芝士薄餅一樣,沒有蒜容味,亦都覺得只係薄餅一塊. . .

芒果乳酸 : 第一次飲,覺得有d奇怪,估唔到杯野咁"杰",但好有芒果味,唔覺有乳酸味,我覺得呢個似甜品多飲品!!!!

2個人仔,食到飽到呢. . . .

深入重慶森林,其實也有一點點恐怖,因為有太多太多有膚色人士聚集,並要經過重重舖頭先去到,不過,要搵好野食,當然比較困難一點啦 =]

因為聽朋友講都ok好食,咁咪一行4人去左食,去到好多人呀,要等幾個字先至有位,果度d環境一般啦,都有d迫!

洋蔥圈 - 幾香口
印度咖哩角 - 塊皮有d厚
芝士烤餅 + 蒜茸烤餅 - 好好味
燒雞 - 都可以既
黃飯 - 無味既
chicken curry - 超好食,咖喱好正
咖喱牛腩 - 唔錯既

鐵板及鍋仔咖喱仍保持水準，個薄餅及芒果乳酸就明顯不合格！
1.芝士薄餅沒有芝士味，好似食緊烤粉團，以前果種一咬下去濃濃芝士味及一絲絲的芝士已
變成過去式。
2.蒜蓉薄餅沒有蒜蓉味，又係好似吃粉團。
印度菜中的薄餅係印度菜其中一個主力，但現現卻變成吃烤粉團，給我一種不認真的感
覺，我對這店五年來的支持應該會告一段落。
3.芒果乳酸芒果味淡薄，乳酸又帶有粉質，比起以前的香濃幼滑，現有真係慘不刃睹，就算
以前偶然失手也未曾試過會咁不堪，連一向極有衣食概老豆都話下次要轉地頭。

Good that we know our way otherwise it would be a while before we can find Block E. It was my first time here and the place seems cozy enough and of a typical Indian restaurant at Chung King Mansions.

It is a bit ghetto but it is as expected so can't really compliant. The first thing I ordered was a glass of Mango Lassi to cure my thirst. We were Nan bread fans so we called both Cheese Nan and also plain Nan. The Cheese Nan was nice but more cheese would be even better. It can be served without anything but itself as a starter if you want. In order to accompany the plain Nan, we ordered the Lamb Masala (med spiciness) and a Fish Madras (little spiciness). The lamb was surprisingly tender while the fish was surprisingly hard. The two dishes were of two different types of curry. The Masala is more like spicy gravy paste while the Madras is the typical yellow curry. I personally prefer the Madras curry because it is less spicy but I found the Masala's aftertaste richer, a good match with the Nan.

In addition to Nan, I am also a big fan of Indian Style Basmati Rice (3 colours rice) because I think it goes really well with curry. The Basmati Rice here were cooked with chicken oil which certainly enhanced its flavor. For some reason the grain they used was the shorter kind. Overall it was alright. It was a very fulfilling day indeed. The only negative thing I can think of is that even after exercising / sweating for the whole day, not only did I not lose any weight, I might have gained some from the dinner !!! .....