其實一直都想去重慶大廈試一試印度咖哩，终於選擇左咖哩王，現在的重慶大廈和我印象中真的有些出入，入面現代化得很。少左D風味，基本上同一般商場没兩樣。對於今日的香港乜都要新；要方便，有時真係覺得無奈！
言歸正傳，食印度咖哩其實有好多選擇，如果不是好似我有"重慶森林"情意结的語，根本不須要專程來到這裏，我們點了咖哩牛腩，咖哩雜莱，燒雞，咖哩角，芝士及原味簿餅及Lasa.
以上菜式除了咖哩牛及菜，燒雞尚算合格外。其他的食品和飲料都未如理想。咖哩角(包括牛肉/薯仔)上枱時都是冰凍的，那杯芒芒果Lasa更是從壼中倒出來，朋友說早知道的話一定唔會要！而事實上，它的味道亦和一般現成買的乳酪無分別。如果行開尖沙咀區而又想食印度咖哩的話，這裡都可一試，但對我嚟講--試過就算！

星期五晚上peak hour走到尖沙咀, 正在徬徨在哪兒有空位開飯之際, 突然想到重慶大廈琳琅滿目的印度菜館, 沒有經驗我倆竟然隨手接過重慶門外印度人的傳單, 然後沒頭沒腦的跟隨他走入這個被喻為全香港最為龍蛇混雜之地, 我們兩個女孩子真夠膽!

大廈內就像迷宮一樣, 每條通道都很像樣, 我們死命的跟著門口派傳單的印度人, 但每去到小巷口, 就換了另外一位印度人帶領, 各位一定要死跟! 如是者, 足足換了兩, 三個人帶領. 所以到重慶開飯, 真的要一眼關七, “眼明腳快”, 不然換了帶位者也不知道, 就會在重慶森林迷失了!

好不容易, 才來到上餐館的電梯口 , 乘著又小又舊的電梯, 終於來到目的地.

七時半左右peak hour, 餐廳仍有三份一空桌, 果然有危就有機!　
餐廳裝潢很家庭式, 店員大半數是香港人, 餐牌也有中文, 不怕不懂點菜.

點了原汁咖哩雞($65), 薯仔薄餅($29), 特式乳酸x2 ($25), 咖哩角. 奉送印度胡椒烤薄餅, 配以印度香草乳酸汁, 胡椒烤薄餅是薄脆型的, 就像四洲脆脆蝦片的那個脆度. 胡椒烤薄餅辣度不可小覷, 一入口時不太辣, 吞到喉嚨後, 熱力才慢慢回滲出來, 怕辣的小妹在第一round已經要灌水, 真失威! 配香草乳酸汁可減低辣度, 小妹很喜歡, 聞說這個汁很健康, 酸酸的很醒胃, 又有香草的清新, 小妹不期然把汁俏俏推到自己面前(哈哈~), 吃什麼也點一下, 最後點了大半碟.咖哩角脹鼓鼓的, 很可愛, 怎知道只是虛有其表, 外皮很硬, 很難把它咬開, 應該是炸了很久的吧! 溫度亦只是微暖, 內餡是咖哩蔬菜, 有薯仔, 紅蘿蔔, 青豆等, 咖哩味還算香濃惹味的, 只是如鐵的外皮令分數減了不少.特式乳酸($25)- 並不像益力多味, 而像維他mini版乳酸飲品的味道, 實在的奶味, 有少許黏稠度, 酸度和甜度不太高, 很易入口, 加了冰, 用來解辣最合適. 只是25大元小小的一杯, 是不是貴了些? 而且都不夠怕辣的小妹解辣, 真想問問老闆: “可不可以添飲?”原汁咖哩雞($65)- 小小的一盤, 只有四件雞及一塊薯仔而已, 僅僅足夠兩個女孩食量! 咖哩汁有一層油在面頭, 不甚討人歡喜. 咖哩只有一丁點兒辣, 怕辣如我也可以輕易入口, 應該是店子的入門級咖哩吧!　咖哩香料味及椰汁味頗薄弱, 還是較愛重椰汁的咖哩. 而雞肉有點乾癟, 甚至可以說是”沒有什麼肉食”, 雞腿骨的位置只是連著幾條肉塊而已, 其他肉被融化掉了?!?!
還是較喜歡港式咖哩雞般用上嫩雞, 而且食落啖啖肉.薯仔薄餅($29)- 很不錯!入口柔軟但又帶少許筋性, 不帶辣, 只是吃不出有薯仔的味道, 但是, 用來薰點咖哩汁或香草乳酸汁還是相當不錯的!回程了(由七樓餐館到門口), 沒有人帶領, 只可以靠自己, 幸好小妹我是認路高手, 安全抵達目的地, 奉勸各位去程時記緊牢牢的認路.

這餐飯, 獵奇勝於味道, 好奇心作祟, 仍然希望再次到訪, 試試其他菜式.

重慶大廈, 謎一般的地方, 但亦是地球村的縮影, 可以看到不同國藉的人在這裡進出, 亦可以看到各地的特色小吃 (樣子比剛才吃的更好吃!), 三五成群來這裡尋寶, 探險真是很不錯! 但兩個女孩子就不要冒險了!

跟朋友行街食飯,

行完之後即興話要去重慶大廈食CURRY,

去到重慶大廈門口附近已經有D外籍叔叔不斷"樓"你

去到門口更加多人,

我地都有D淆淆地,

始終全女班, 又未食過!

入到去大廈裏,

原先想去另一間,

想搵下有冇水牌

個香港保安叔叔見我地個樣呆下呆下咁,

就嗌住我地, 問我地想去邊,

我地講都未講,

佢就叫左咖哩王個「領航員」帶我地上去!

我地一路行,一路好驚中伏!!!!! =3=

幾次未等到LIFT都想走,

當我地行開LIFT LOBBY, 位「領航員」又失驚無神閃出黎招呼我地繼續等!

而且, 搭LIFT期間又有好多大隻累累的黑人哥哥出出入入,

真係唔怪得我地E D入世未深的美少女覺得驚驚地!

哈哈哈...當然只係驚一下姐!!!! 無野GE!!!!

一出LIFT,

環境好有普通大廈FEEL,

唔開門, 無招牌的話, 真係以為係普通住宅大廈黎KA!



當晚我地叫左原汁咖哩雞

普普通通

都有4, 5件雞,

不過都係D鞋口部份,

係個汁好岩點薄餅食囉!

白汁時蔬

雖然叫白汁,

但似葡汁多D

我地最鐘意呢碟,

甜甜地, 沒有辣味

我地清晒, 連汁都不放過!

炒飯(名已忘)

作為一個香港人,

真係會覺得呢個炒飯唔合格,

飯本身過硬,

炒得太乾,

配料只見紅蘿蔔, 一些香料(e.g.肉桂...)

仲有無味, 好似食緊白飯咁

我唔建議叫呢個!!!

牛油酥餅/蒜蓉薄餅

比較喜歡牛油酥餅,

個人比較喜歡有油酥感的,

而且亦比較易索汁,

蒜蓉薄餅就比較似中國的蔥油餅,

不過就無咁實, 比較有空氣感,

兩款餅無論是齋食定蘸咖哩也很配!

很久沒到重慶吃咖哩，友人突然咖哩癮起，於是收工相約吃個痛快。
幾年沒來，預先book位準時到達，竟然俾我地坐到房，但老實說房相當迫狹，唔坐好過坐﹗

大家都是嗜辣之人，點了鐵板烤雞、咖哩牛腩、鑊仔雞、巴辣雞、咖哩蝦及烤餅。鐵板烤雞，香料醃得入味，雞肉卻比較乾身﹔牛腩煮得腍，咖哩唔辣，香料味重，是清怡的送飯之選﹔

鑊仔雞成$90，件頭卻很細件，麻麻地﹔

更要彈的是咖哩蝦，偏甜，唔夠辣，蝦亦只是死的中海蝦，一點也不爽口，所以我也常說吃咖哩還是不吃海鮮比較好，很難吃到合心水的味道

還是巴辣雞最合我們幾人脾胃，咖哩中含大量辣椒籽，入口香，辣度在其後勁，吃得舌也麻口也熨，明明是挺辛苦的，但就是偏愛那感覺一啖又一啖的吃下去，大呼過癮。

烤鵪鶉，這是每次到咖哩王都必吃的食物，烤得皮脆肉嫩，味濃，好吃﹗

烤餅以蒜蓉又香又脆又好吃，芝士烤餅亦是推介之選。

連10支青島啤酒位位$130，不算貴﹗多點朋友來可多吃幾味咖哩，值得再來的好地方。

Visited the restaurant after the peak dinner time, I was immediately shown to a table upon entering the place.

Ordered a Lamb Masala, Garlic Naan and a beer.

The Lamb Masala tasted great, had about 6 small pieces of meat. The Garlic naan was okay.

Overall had a very nice meal and the staff were great!

一直好想試重慶大廈內的咖哩, 但奈何膽小的我每次經過看到一大堆南亞人在門口就有點怕, 急急腳走.
這天晚上和妹妹來到尖沙咀辦點事, 煩惱著晚餐吃什麼,
妹妹剛好說好想吃咖哩, 我便馬上又想起重慶大廈了.
這次2個人, 互相壯膽, 就一探究竟吧.行到附近, 就會見到有很多印度人在派傳單, 有其他幾家咖哩店,
但我這次的目標只有一個, 就是人稱最好吃的一家 - 7E
在樓下也有人派這家的傳單, 我一手接著, 他還給我一張VIP卡, 然後就示意叫我們跟著他進去大廈內.
說真的大廈地下不算很大, 但每條走廊的店都差不多一樣, 人也是看起來都是一個樣,
第一次來沒人帶的話真的會迷路.

來到電梯口就排隊上店, 一開LIFT巳見到有不少人在等.
但我們2個人, 等了5分鐘左右就有位了.
坐位確實很窄, 跟隔離枱的距離近得根本就好像一起吃飯似的.
一坐下就有個大水壺給你自助侍應都是印度人, 不過可以用英文溝通.
打開餐牌, 咖哩, 薄餅, 飯類選擇也不少.
我們小試牛刀, 先點2-3款試試吧.

原汁咖哩羊肉 (HKD$73)等了差不多20分鐘才有東西來. 催了2,3次, 侍應說可能是周五晚人比較多, 所以才要那麼長時間.
份量比想像中小很多呢....試一口咖哩汁, 入口先是甘甜, 但隨後就會感覺到很刺激的辣味, 香料味較重, 汁比較濃稠, 但味道十分濃郁. 雖然往後越食越辣, 但越吃越上癮. 羊肉不是很多塊, 但肉質十分淋軟, 甚至骨肉很容易就分離, 羊騷味十足. 配角薯仔也粉淋入味.

咖哩不能不配烤餅 (HKD$18)烤餅雖然有幾款味道, 但我們先試原味好了. 一籃只有一大片, 不過也足夠2個人吃. 烤餅很軟很淋, 沾上咖哩汁吃的確是十分美味!

最後來個清一點的- 雜菜炒飯 (HKD$54)想不到又好大碟. 飯堆得滿滿的, 飯粒細長, 很有趙頭. 看似有點乾, 但因加了不少蔬菜在內, 入口又有點濕潤. 味道不會很淡, 但配上咖哩汁吃效果更好.

點了不是很多東西, 但2個人吃得很飽.
拿出VIP卡, 加了一後計有8折.折後埋單只是HKD$12X左右, 的確很抵吃.
咖哩味道確實不錯, 但辣的程度感覺比坊間的強.
確實是可以一吃再吃的店, 不過有心理準備也是要等位的.

呢日突然想食咖哩，便同朋友兩個人來到重慶，一去到門口，話想食CURRY，突然有六個人衝過來，其實之前都做過下功課，係新德里同咖哩王之間，便取了咖哩王，跟住個人上左去七樓。
上到去，不用等位，就可以入座，之後就有一個似係老闆的伯伯問我地食咩，有向我們介紹什麼什麼出面，最後我們叫了數樣食物。

1)咖哩羊: 它的汁好好味，令到我叫多個白飯食，好好，D羊肉都好軟，不過，就沒什麼羊味。
2)印式燒鵪鶉: 呢個不好，真係超細仔，但可以話完全冇味，雖然加左D LEMON汁，都冇咩用。
3)薄餅:叫左芝士同X容，都冇咩味，總之叫原味好過
4)芒果乳酩: 呢個都OK，算好重芒果味，細細杯31蚊其實都幾貴。

佢MENU所有野都係85折，所以冇話要唔要PRINT COUPON

見到有個印度人倒潟野，令到D杯都係芒果汁，佢望一望就走左，抹都抹下，之後有人就核拎左個杯，沾滿果汁都沒有發覺，D印度人咁架咩???

第2次去重慶食咖喱, 今次係有朋友介紹所以直衝去7樓咖喱王! 好好彩最後幾個位比我地坐埋, 唔駛等位, 但叫完食物後等左好耐, 好在落單姐姐夠細心, 唔駛我地出聲已經主動幫我地去追單, 抵讚!素咖喱角好好味, 好足料!!! 令我地好失望既雜菜,其實味道唔差,但賣成$88,以為會較大煲 芝士咪簿餅好好食,但原味都唔夠熱, 有D扣分, 至於咖喱雞同咖喱牛,中等水平, 但價錢抵, 都算係一個唔錯既選擇!

刚刚在the ne 看戏. 看完已经9：30 便决定来重庆找食的.

我们只有两个人, 时候又不早了, 所以只点了两味主菜.

鸡vandiloo - 计很辣. 很香口 ！ 鸡肉味道不算辣, 又不鞋

chicken tekka - 不够vandiloo 好。 就是够干身

naan & roti - roti 太薄, 不好食. roti （忘了拍照）
非常好食. yeen yeen un un . 拿来送vandiloo 个计就绝配！

其他用餐以外的補充資料、著數用餐優惠、菜式參考資料甚至飯後有感而發不吐不快？請將食評以外的「題外話/補充資料」放在這裡。

要吃到有風味的咖哩, 大部份人都會提議到重慶大廈!!

因為重慶大廈除了有賓館和商店外, 還有很多咖哩店!!

而咖哩餐廳林立的大廈內, 本人只欣賞7E的這家!! 餐前的胡椒薄餅, 脆脆的口感, 但味道有點咸, 幸好汁醬佐送, 有平衡一點!!鐵板上的烤雞熱度控制得十分不錯, 而且不會因為在鐵板上而過熟!!

雞肉仍保持著嫩滑度, 味道適中, 加上檸檬汁會更佳!!咖哩角的外層有點不夠酥脆, 裡面的餡料充足, 咖哩味調較得恰到好處!!

可惜, 油膩感重了一點... 薄餅有數款不同的味道, 其中芝士口味的最令人大愛...

濃濃的芝士香, 加上香草的調配, 令到軟腍的薄餅更可口,

配上不同的咖哩汁時, 令人愛不釋手!!這種咖哩味道比較溫和, 因它沒有其他咖哩的辣度存在,

只有香濃的椰汁... 而口感更像極了罐頭忌廉湯一樣!!

因此對於不能吃太辣的朋友愛說, 這絕對是首選!!中辣程度的咖哩牛肉, 沒有了香滑口感, 反而多了辣油和洋蔥的味道!!Vindaloo curry是印度南部的咖哩, 亦都是所有印度咖哩中最辣的一種...

所以在落單時, 侍應生都會提點客人說這是所有咖哩中最辣的,

它的顏色可以透露出它辛辣的程度, 而且亦是最重香料味和質地最稠的一種!

初初入口時不會立刻感受到它的刺激, 只感受到微酸, 但數秒過後, 辣味有口中爆發...

由舌尖直攻落食道, 令到渾身發熱, 那一股刺激感... 是沒有一種咖哩可以取代的!!

而本人最喜歡就是用羊肉來配搭, 個人認為這是完美組合!!