影片
營業時間
星期一至四
15:00 - 01:30
星期五至六
15:00 - 02:30
星期日
15:00 - 01:30
公眾假期
15:00 - 02:30
以上資料只供參考, 請與餐廳確認詳情
招牌菜
今年我們情人節的主題是甜甜密密，沒有錯別字，是密集的密因為除了親手製甜品，晚上還決定一次過攻下大角咀三大甜品店第二站來到杉樹街的水記若大家有看過報紙雜誌，必會留意到其拿手好戲份子蛋份子蛋材料有鮮奶凍和芒果布甸，由入行三十年的前文華東方大廚泰哥自創和主理以忌廉加入呍呢嗱籽做成外層的蛋白奶凍，中間的蕊就以鮮芒果肉打成由於製作需時，每日限售數十份但最低讚的，是並沒有因為是限量版而提高售價，而是以親民價三十多元與眾分享 賣相吸引，我們又十分喜歡吃的雞蛋做題材原來有兩隻"雞蛋"，先將一隻分開了兩邊，賣相精緻可愛而另一隻則樹立在杯內先吃一邊的"雞蛋"，外層是蛋白奶凍，吃起來奶味頗重，但質感有點"鞋"口，不夠幼滑蛋黃是芒果布甸，芒果味道鮮甜，以這個價錢來說是不可多得的份子料理！吃過這份子料理，店員再推介另一款巧手法式香草燴梨用原隻比利時啤梨，用呍呢嗱糖水煮過再加入法國忌廉焗製，臨上枱前加入雪糕球啤梨軟腍香甜，忌廉湯卻十分香濃，成強烈的對比忍不住口地把忌廉湯飲到一滴不留!店主有創意的甜品為我們的情人節留下甜蜜的印象希望下次再來吃到更多精美有特色的甜品，加油!
繼續閱讀
經常見到電視雜誌介紹水記 ＂甜品界新寵＂ ／／集創新、高級、嚴格於一身／／酒店級「分子料理甜品」／／各大雜誌食家好評如潮，非試不可等等的字眼難得今日早食完飯～在langham附近，好彩我問一問杉樹街黎lee度遠唔遠架，原來唔係好遠架咋,於是一路跟住個google map,一路行過去... 水記一Ｄ都唔難找，就在骨煲皇對面，大角咀郵局隔離， 由於我地去到都是8.00pm所以得我們咋， 之後都陸續有人來，我們在B記買了２張$25作$50現金券， 即有$100額可以叫 ^^黎到當然要試試D signature dish la ~~~ 我們２口子叫了法式香草燴梨, 我都是第一次試, 賣相很不錯, 未食前已經有陣香味＂公＂上黎！！ 香梨又軟又香，仲有個云尼拿sauce是用真的云尼拿籽做，好香好滑, 暖暖的配上冰涼的vanilla dryer雪糕, 好好味, 又唔太甜，十萬個幸福 !!!!!!!! 另外，叫了份子蛋鮮雜果甘撈，我都是第一次接觸份子料理，佢做到真係好似蛋的質地和質感，甘撈又好足料，有好多楊枝、什果、芒果雪糕和士多啤梨爆爆珠 GOOD ~~~~法式焦糖燉蛋表面的焦糖就略為厚左小小，但很脆，好在燉蛋不是太甜而且十分滑，正丫這次團購一次過嚐到三款甜品，好抵食呢！～食完今次， 我真的好後悔咁遲先認識水記就算係正價我麵覺得食得過，希望佢繼續krrp 住水準，用心做下去!!!我一定會帶我身邊的人去試 ~~~~ 近在咫尺水記甜品。。。原來由水記行番屋企好近架咋。。。慚愧
繼續閱讀
早前同朋友經過水記見到佢D甜品好賣相好特別,好似好好味咁,終於找了一個週日晩上約左幾位好友一嘗我地叫三個鎮店之寶:朱古力松露餅、份子蛋芒果布丁奶凍、火焰雪山我本人最鐘意既就系朱古力松露餅賣相同味道一樣咁正!朱古力味好濃郁!呢個甜品令我完全體會到"分甘同味",因為一個人食會有"溜"既感覺,同2-3位友人一齊分享就剛好!重會有種想下次黎要再叫既想法!份子蛋芒果布丁奶凍睇落好似一隻普通雞咁,但係其實個蛋白係奶凍,蛋黃係芒果味奶凍!我個人鐘意點埋D醬一齊,酸酸甜甜有種豐富既味覺!火焰雪山呢個甜品比我想像中有D失望原本就咁睇個名"火焰雪山"以為佢會有火係上面,但原來後無嘅!另外佢既涵只係普通忌廉曲琪雪糕!不過味道都唔錯架!!!而價錢方面唔算貴又唔算平!都係廿幾三十幾蚊倒! 唔洗等位!
繼續閱讀
因有團購coupon, 於到期日前一天來到這頗隱蔽難找的水記甜品屋, 要了一客好評如潮的香草燴梨, 再來一個白菌多士法式香草燴梨賣相很不錯, 香草味吃下去很溫柔 (係, 係好溫柔的感覺~)香梨又軟又滑, 暖暖的配上冰涼的vanilla dryer雪糕, 感覺好好, 口中香甜滋味久久未散~只是一個人完成一客, 確有點太膩~法式白菌多士也吸引, 香脆多士上加有唔少雜菌, 焗出來的芝士溶化在滿滿的雜菌上, 口感和味道同樣豐富, 唯一不足的是芝士太咸, 如果能選用淡一點的cheese, 一定更讚~p.s) staff好識做, 見我要了咸甜點各一, 即拿來清水一杯, 讓我可清清味蕾~ . . . 老板提起團購coupon buyer來用餐的還不到1/3, 實在使我有點surprise, 這更証明此店地理位置真的太不利, 可是吃過之後, 我覺得買了coupon 的人要是最終沒有來, 就太浪費囉~
繼續閱讀
自從第一次使用團購券來到這甜品店吃過這裡的招牌甜品「分子蛋芒果布丁奶凍」後，因為還有一張團購券未用，所以過了不久，便又再舊地重臨，來到這兒吃了兩款甜品。不單這樣，還試了這裡唯一的多士「法式白菌多士」。先說這多士。自己一向喜吃菇菌，這夜來到這兒，以甜品當晚餐，見這裡其中一款推介食品，正是「法式白菌多士」，當然叫來一試。這一客兩件的多士，多士面上舖滿菇菌，再加上甚為稠身的芝士汁，味道濃烈，鹹香惹味，多士也夠脆身，不過這多士味道始終稍鹹了點，要是味道淡一點點，可能更佳。再說甜品。這晚第一款嘗試的甜品是店內另一推介「朱古力松露餅」。這餅的朱古力味確是甚為濃郁，可以吃得出應是用上高質的朱古力為材料，不過幼滑度就差了點。這餅的層次非常分明，把餅切開之後，一層層的朱古力松露餅清晰可見，餅中更夾雜有少量的碎果仁，使口感變得豐富，加上脆脆的餅底，水準尚算不錯。「芒果層層疊」是這晚另一款嘗試的甜品。這甜品其實是芒果綿綿冰與芒果布丁的混合體。這甜品的賣相是漂亮的，味道則只是中規中矩，不過芒果味還不錯，要是你喜吃以芒果為主材料的甜品的話，相信仍會喜歡。因為又使用了團購券的關係，所以只是補了$36便可以嚐到一鹹兩甜三款食品，這次幫襯，都幾抵食呢！
繼續閱讀