32
15
5
開飯介紹
傳統客家菜，提供多款客家地道菜，健康，營養豐富的傳統客以多菜，少油，少鹽為特色。
繼續閱讀
營業時間
星期一至日
11:45 - 15:00
18:00 - 23:00
以上資料只供參考, 請與餐廳確認詳情
招牌菜
阿亨友人生日飯，主動要黎呢度食，因為佢有次見到呢度張梅菜扣肉相燉湯- 果日好似係猴頭菇。我地一人一盅，夠熱，清甜，唔錯。桂花蝦球-唔係好記得個菜名。應該係炸蝦球，面頭有粉包住，但唔脆 (定比個獻整淋左？)，變左成口粉。 蝦唔爽，唔好食。上湯白菜仔 - 金華火腿確增加了鮮味，但白菜仔感覺唔新鮮，望落青青黃黃又有黑邊。蟹肉炒蛋白- 差！蛋白炒得唔滑同一舊舊，食落去似糊仔。蛋白入面冇蟹肉，只係鋪上面。霸爺雞 - 另一招牌菜。雞夠滑，夾埋蔥黎食，正！梅菜扣肉 - 主角出場！味道帶甜，梅菜香口。我只食左一塊，阿亨同友人包底，狂讚好味！
繼續閱讀
星期五的晚上, 相約了飯伴一起到銅鑼灣為怪獸大學的裝飾拍照, 一想到星期五晚上人來人往的銅鑼灣就為晚餐而頭痛 (我倆可不是容易接受等位的人啊!)一下巴士想來想去, 就在眼前的黃金廣場找東西吃吧!搜尋了一會兒Openrice, 決定一試未食過的"客家爺爺".我們大約7:30m到達, 當時仍然不需要等位, 店內的座位也算寛趟舒適, 唯一不明白的是為何要播放英文歌呢...? 顯得格格不入...先黎一人一盅燉湯。材料忘記了, 但記得有冬蟲草。非常熱辣辣的送上, 而且正如其他食加客所言, 那個燉湯不會有很多油, 很清澈卻又很香濃的湯水。我倆對客家菜的認識不深, 在毫無頭緒點什麼菜式的情況下, 上Openrice看看其他食客的意見後, 決定試試出名的霸爺雞。霸爺雞上檯的時候已經見到有好多好多的蔥油, 絕對足夠每一件雞也沾上不少的蔥油入口。霸爺雞的雞肉很滑, 但飯伴覺得不夠香的雞味; 骨比較多和有點碎, 吃得有點"麻煩"。但整體這味霸爺雞是合格的。清清地叫了個上湯白菜仔, 份量很多! 味道不錯, 不會煮得太耐變黃, 或太生而太硬; 另外這個上湯的味道不錯, 可能是因為有金華火腿增加了鮮味。叫了感覺比較健康的三色飯, 以伴上霸爺雞的香口蔥油。
繼續閱讀
Happy Friday放工和女朋友到CWB食飯, 突然想起食中菜, 便上黎呢間試下.當時約7:30, 一上到去得幾檯客, 心想不妙, 星期五晚飯時間居然冇人.一坐下便打開餐牌看看, 畀個價錢嚇親, 一舊水一味送, 酒樓食小菜都唔便咁貴啦.點了"煙香雞翼", 一食便知係"炸" lor, 個侍應落單個時都叫做"炸雞翼", 咁就唔好話"煙香" la, 完全誤導消費者.跟住來個"粉絲雜菜煲", 呢個ok啦, 清清地, 呢味送間間都咁上下.最後的"咕嚕雞球", 一個字"差".總結: 中菜黎講, 真係算差, 收得咁既價錢, 埋單三舊水, 唔該你做好D啦.後話: 原本叫"粟米班塊", 但侍應話班塊係下晝整定唔靚, 建議我叫其他, 心想"下晝整定? 咁其他送都一樣啦"
繼續閱讀
相識廿載的老友生辰，筆者自然不敢怠慢，想好地方跟他食餐勁的。然而，十二月往往是全年花費最多的一個月份，財政比較結据，所以算壽星唔好彩，要屈就一下吃些平民餐廳。真係作死，竟然忘了帶相機，罪無可恕，唯有用電話影幾張頂住檔，所以這篇文章的相片質素……大家請不要見怪。言歸正傳，由於我早了到，把餐牌都看了幾遍，兩位大佬就叫我發版，隨便的點了幾味菜。桌上的餐前小食是橘頭，酸酸的，又爽脆，是我小時候最愛用來送飯的。邊等兩位大哥邊吃著，很合心，很開胃。霸爺雞據說是這兒的名物，我自然不會漏點。面頭放上許多的蔥油，看上去確是吸引。夾一件雞胸位吃，是嚡口了些少，但勝在有點雞味，再夾著蔥一同的吃，果然不錯，難怪成為這裡的招牌菜。以我的認知，蒸蘿蔔丸亦是著名的客家菜色，即管又來一客。是蘿蔔混合糯米，口感煙煙韌韌，倒是不錯，只是蘿蔔欠缺應有的清甜味，比較淡口。店方跟上一碟XO醬伴吃，雖然可以提味，但個人認為跟蘿蔔丸子又不太合拍。接著就是我喜歡的香口東西，先是煎釀三寶，青椒紅椒質感爽脆，茄子入味，蝦膠彈牙，而且夠晒惹味，合味道；另一味就是炸大腸，中間是甘香帶肥，但口感卻不很香脆，熱食時還勉強可以，凍了則更加硬。最後是客家蛋角，湯上的感覺比較清淡，蛋角塞滿肉餡，味道未嚐不可，鍋內的一大堆什菇，感覺更為健康。希望主角吃得滿意，也盡快找到好工，脫離地獄。
繼續閱讀
同朋友晚飯突然想食梅菜扣肉，剛剛經過sogo門口，見有人派傳單比我地，剛好就有扣肉印咗做宣傳！即管上去試下。八點五五分去到，人不多有位，但門口帶位叫我等等，九點正入座有八折，咁我更係等啦。入到去即叫梅菜扣肉，之後吾知食咩好，問待應佢介紹咗個客爺雞。我再加多個啫啫蝦醬生菜。十分鐘就來齊晒，快！扣肉味濃，入味，半肥瘦吾會只得肥膏，送飯真係一流。客爺雞普通，吾知係咪用微波爐叮熱呢，好似一d暖，一d熱，而且冇咩驚喜，味道太普通。啫啫生菜味道0K，只係咸咗小小。如果佢蝦醬多而咸，應該好香，但佢微微香，但咁咸一食就知吾関蝦醬多小事，只係大多其他調味令佢太咸。整體都算0K，但價錢略貴d
繼續閱讀