影片
以上資料只供參考, 請與餐廳確認詳情
鴨脷洲老字號通常都係啲阿叔啊地盤幫襯，或者係啲老街坊，諗住試吓好唔好食！點知買到一肚氣今次買咗一個蒜蓉蒸魷魚飯，加幾蚊有一杯凍檸茶另外再叫咗個蠔仔肉碎泡飯，都係加幾蚊有杯凍檸茶。今次係外賣，拎外賣嘅時候已經發現個蠔仔肉碎泡飯啲湯流出嚟喺個袋度，即刻叫店員幫我換咗佢啦，我係想佢換過兜俾我，因為已經有啲湯倒瀉咗出嚟，跟住佢死都唔肯玩另一個器皿載着佢，只係肯換個膠袋，打個死結就以為啲湯唔會流出嚟，咁佢唔肯換我都冇辦法啦！行出店外只係行咗一條街，啲湯又流出來，用手拎住碗野又俾啲湯六親，之後返店叫佢幫我玩嗰個兜，佢都係唔肯，又係換返個膠袋俾我，返到屋企都冇咗半碗湯，湯裏面仲有一個好污糟嘅蠔殼！味道偏鹹，好唔好食就見仁見智啦！$60買半碗湯，加碗飯。到個蒜蓉蒸魷魚飯，嘩！啲魷魚真係好矜貴，得幾舊，唔知以為俾人偷食咗， $60買一大盒飯返嚟！態度又咁，食物又咁！生意唔係咁做呀嘛？
繼續閱讀
想不到在鴨利州大街的小餐廳，竟然有這麼實惠的魚🐠餐供應。 68蚊一個清蒸頭腩套餐，包一碗靚飯，一杯正奶茶。頭腩新鮮，有幾舊大魚肉，用薑絲清蒸，鮮嫩美味，用魚汁撈飯，太好食了，難得的是連飯都是用靚米，煲得精瑩爽口，粒粒分明，仲有一小碟黃芽白，有魚有菜，奶茶香滑，雖然迫D，但有好野食，又平又好食，超值啦。👍💯住在鴨利州真好，近水樓台先得月，住近魚港多靚魚食，摞到平魚貨，又平價益街坊，真是良心小店，抵讚。👍👍👍👍
繼續閱讀
近排天氣凍冰冰，特別想去食個暖笠笠嘅羊腩煲今次哩間綠悠軒，order左個細羊腩煲個羊腩煲好惹味， 羊肉份量夠多 ， 配料有馬蹄、腐竹、竹筍同生菜 ， 羊肉同配料都好入味好好食 ，加埋腐乳醬簡直一流。個芝麻雞炸到皮脆肉嫩，再配埋白芝麻同泰式雞醬，食到停唔到口。個生炒骨炸到外脆內嫩, 再配埋酸酸甜甜的醬汁同菠蘿， 真係好惹味。個咸煎馬友，醃到咸香咸香，同煎到香脆可口 ，用嚟送飯一流。整體而言，餐廳員工有善，對客人有禮同好好笑容。食物都好有水準。
繼續閱讀
因為要掃埋round 2嘅中式糕點,所以jul 10, 10再嚟鴨脷洲大街,4人嚟lunch,叫咗 : 1) 咖喱薯仔牛筋腩午餐 (hk$28)i) 咖喱薯仔牛筋腩-試咗友人每樣1舊-牛腩都可以,唔會實/乾-牛筋彈性強,唔喺好腍,唔多入味-而薯仔喺食到先炸過,並非切完就放落去炆,有點誠意-咖喱嘅辣度對我呢d弱者仲食得到 ii) 菜-明顯喺烚菜,都應該無嘜點落油,健康-不過都無嘜鹹味,要靠個蠔油先帶起個味 iii) 飯-很大碗 iv) 凍檸茶 +hk6-個餐唔包飲品,+$6就有杯凍飲-呢杯喺友人飲過1啖我先影 2) 是日鮮魚午餐 (hk$28) i) 鹹根青-除咗鹹根青外,仲有倉仔-魚鱗清得唔夠乾淨-其實魚我並唔好,不過想知道咩叫鹹根青-友人就好自大咁話要試少少,諗住同佢醃嘅手勢比1比,友人最後話差唔多-醃得應該唔會太耐,因為唔喺好鹹,肉質亦無變實-肉質唔喺結實型,腍腍哋,亦小鬆,不是散,滑,幸好魚骨量不算多 ii) 菜-意見如上 iii) 飯-意見如上 iv) 熱好立克 +hk4-正常 3) 扒飯午餐 x 2 (@hk$35)- 湯 x 2-友人2個都揀咗紅湯-我無試到,見到都有d料,唔會好欺場咁得d水 - 蒜蓉包 x 2-我就食友友人嘅蒜蓉包-的確有蒜蓉嘅微微辛辣味-個包都烘到外邊有點脆,算是很不錯了 -主菜i) 牛扒-友人要咗黑椒汁-試咗友人少少,因喺薄扒,所以都腍-個飯比較少有心思+d粟米粒 ii) 魚柳-友人揀咗茄汁伴魚柳-我無試到-但友人話個魚柳做得不錯 -餐飲i) 凍檸茶 +hk2 ii) 凍檸蜜 +hk3* 1間主打做街坊生意...........又的確到午飯時間,真喺不少熟客走進來 * 以價$$$$嚟計,已交足功課,細微處見到d誠意..........味道上,難得比較"醃尖"嘅2個友人都話ok
繼續閱讀
四月上旬‧晴午飯時間，又來鴨脷洲這邊，見這間店子的午餐餐牌，有一味「順德煎蝦餅」的，幾吸引，就坐了進來。除了要了煎蝦餅，見也會有「每日蒸魚」的，即你去吃日本料理的「日替」吧，問是日的是什麼魚，原來是鹹青根，不嚐此味久矣，也來一客。要了兩個午餐，就來了兩碟菜。是椰菜，淥得不過老，爽口鮮甜，好吃。鹹青根一客三條，清清的，就像在家吃蒸魚一般。雖然略用鹽去醃過，但完全不鹹，鹽味剛好吊起魚的鮮味，肉滑而偏實淨，一口氣已經拆了一條，很久沒吃得這樣原汁原味及痛快了。煎蝦餅，如果要用蛋包著蝦仁，得啖笑。原本餐是跟飯的，但轉了魚湯米線，跟蒸魚又幾配合。連兩杯飲品，埋單60，吃了兩個餐，不貴。
繼續閱讀
您可能會有興趣的...