影片
以上資料只供參考, 請與餐廳確認詳情
食評 (4)
早上與父親到樓下共同吃早餐，肥妹不太餓，就只點了個多士吃便算了。變心西多士（果占）$19（連一杯熱飲）名字有夠有趣的，雖然都知道是普通的烘多士，不過這名字還真令人印象深刻。麵包即叫即烘，溫熱的脆面咬下去卻軟熟非常，唯一不足的是果醬太少了，令人感覺19元就只是在吃普通烘多士一樣，而跟餐的熱好立克味道雖不濃但仍未至於「水汪汪」，味道是可接受的範圍內。
繼續閱讀
幫人做完野太肚餓 就同朋友是但入左e間食野!一入去 佢拖地拖到一地都係水囧叫野食 朋友叫煎蛋煙肉 肥牛米線我叫紅腸 芝士腸 肥牛米線可能太肚餓 所以都覺得幾ok朋友隻蛋好令呀哈哈肥牛都算可以不過d紅腸油左少少 但都可以不過佢果到D杯好似好舊~_~有少少DIRTY的感覺@@好彩佢平!24蚊咁多野食!算係咁啦!
繼續閱讀
師傅上幾個星期喺呢頭駐守, 所以間唔中都有四圍搵野食; 咁啱早一陣子下午兩點幾路經此地, 見到呢間食店, 加上師都有好一段時間冇食米線, 見又冇咩人, 就盲中中貢左入去, 目的只為食一碗出色嘅米線啫!入到去人唔多, 可能過左放飯時間啦, 坐底後即刻睇下有咩好食啦, 點知睇睇下發覺同師傅去開嘅米線食店有唔啲唔同, 皆因呢度d米線唔係逐個餸柯打, 唔係自選餸料, 所以感覺上好似冇咁過癮, 喺咁嘅情況下, 師傅只好瞄住佢個自選米線套餐啦!自選米線套餐係有一碗米線, 仲可以揀兩款小食, 同一杯餐飲! 師傅諗左好耐, 最後要左雲吞米線配上酸辣湯底, 而小食就要左煎蛋配咖哩角, 餐飲就梗係凍檸茶啦! 唔使等好耐成個套餐差不多同一時間上齊, 仲好唔使師傅等咁耐! 好, 第一時間當然係試下個雲吞米線啦, 先試酸辣湯底, 湯底入口感覺唔強烈, 酸味欠奉而辣味有少少, 對於師傅黎講可以話係不酸不辣, 飲左幾啖都冇醒胃嘅作用, 發揮唔到酸辣湯底嘅功效, 反而味道偏咸; 而雲吞有五小粒, 食落去發覺皮都幾厚, 而內裡係全豬肉, 師傅就唔多欣賞; 而米線係煮到碎濕濕, 夾都夾唔起, 而酸菜味道勁咸, 作為一間打正旗號嘅米線食店, 似乎誠意欠奉!師傅再拿拿臨試埋兩個小食, 煎蛋一隻, 係太陽蛋, 煎得好香好靚, 但並唔會因此而加分, 皆因師傅覺得煎蛋仍係基本技術, 一隻蛋煎唔爛已經合格; 咖哩角有兩件, 咖哩角好明顯係即叫即炸, 入口熱辣辣, 加上炸得好鬆脆, 而內裡咖哩尚算香濃, 都幾惹味, 呢個咖哩角算得上成個餐最好食; 凍檸茶就冇茶味, 檸檬亦不算新鮮, 一般啦!總括黎講米線水準真係算差, 環境就算舒服, 服務一般啦, 價錢就唔貴, 廿二蚊一個餐, 凍飲加兩蚊, 埋單廿四, 但師傅覺得唔抵食; 食完碗米線後, 師傅覺得有啲捉蟲, 滿足感堪零, 失落於興記米線下, 師傅心情遲遲未能復甦, 都只因為呢間食店! 再黎機會應該不大, 如果黎相信只因咖哩角, 喊臉比左硬!
繼續閱讀
呢間野我成日都去食真係明副其實平靚正早餐19蚊only...食物味道都唔差朝早成日爆曬的我去親都係食呢間最出名既雞排米線.要酸辣湯底雞排味道我個人黎講覺得好好食餐牌上仲有自選米線.3樣送都係21蚊真係好抵食, 不過間野好早收，６點就收
繼續閱讀