6月時去~但依加先睇返d相~諗起d間野真係好掂 所以打返個食評俾佢!!!
人生第一次去南y島~同班教友去食海鮮~ 15人
之前問定d朋友南y島邊間好食 係人地知食海鮮好多時都俾人呃
好多人都話天x太貴 所以一定唔揀
上黎睇到威記老實~ 所以就冒險試試~
book左3點幾~ 以為一定無人啦~ 點知好大班日本人係到 開3足圍~
叫野食~都好似無咩諗頭~ 都係同師父講 150 per head 整d好野過黎啦~
佢就寫左10樣野出黎~
upload左d相~ 食物唔講晒~ 但要試下個"龍蝦配香草烏冬"! 師父話其他地方無 所以要一試! 的確又真係好食wor!
聖子份量多! 我唔知有幾多斤 但真係食完成餐飯都仲有得剩 我自已都食左8只以上~
條魚 我唔知咩魚 個樣就衰衰 就好滑!
扇貝 鮑魚一人一只~夠甜~
其實食到臨尾上炒菜同炒飯時都已經飽晒~ 真係食海鮮食飽~
但臨尾點都要整返舊桂花糕! 真係真係好掂! 好香貴花糖味 唔太甜! 正!

We went to Lamma Island and thought we would try the 'tier 2" restaurant instead of the v. famous and packed one. We looked at the comments and gave it a go to this one. It was a weekday so we didn't expect to be packed there anyway. We ordered a dinner set for two at $458:

Lobster in herbs - sauce was good but lobster was small which wasn't very meaty
Steamed fish - perhaps it was meant for two people so it wasn't very big, quite salty though
Steamed scallops - only two pieces and each scallop was covered with the sauce and vermecille that we nearly couldn't find it. It was just soooo tiny, man...
Vegetable - this was the best dish for the night!
Fried rice - there were shrimps inside but the horror was that you could see a lot of dirty intestines (black) inside the rice! They also put ham slices in it which didn't really go with the dish.

Not sure if we picked the wrong choice to go with a dinner set. It wasn't cheap at all but definitely not worth the price. The reason we went on a weekday was to avoid the crowd but didn't realise the food could be that bad. Quite a disappointment for going all the way to the island. We could have stayed in the city and have something much better with this price.

炒聖子 $85 有豉汁味有椒味, 只是其中一兩件有少少沙而已

蒸鐵立 $80 新鮮度中等 但蒸的火喉ok

蒜茸炒油麥菜 $40 雖是大路做法蒜茸炒, 但冇乜蒜茸, 亦相信可以唔駛炒到咁油...咁油.

蒜茸蒸扇貝 $25/隻 ; 大路做法,除非真是做得好差, 否則好難話唔好食, 可惜只有一隻是夠大和有鮮味, 其餘二隻像縮了少少水一樣 但三個都是付同價

豉油皇炒麵 $40 原來佢地用甜豉油來炒 唔多合我口味, 而且有少少麵炒燶了

這間不用加一茶芥, 比中午在榕樹灣食午飯更經濟

但招呼方面, 一個就有禮有笑容, 另一個就少少苦口苦面+少少黑面

這間不設洗手間, 搞到朋友要去公廁好慘 這方面天虹和富記較優勝

已經是第二次來威記了~
由於男友跟友人們都對威記的香草牛油龍蝦烏冬念念不忘,所以他們都一直說要找天再來!
雖然我一向都不會寫其他非「我最愛系」的食評~因為中菜不是我擅長評價的..
既然拍了照片就寫一下吧~

蟹肉粟米羹
不差但不是十分滿意~個人偏愛自己煮的蛋花較多而且可以再"杰"一點..粟米也可以多一點..胡椒也可以多一點..哈哈~(是我個人的口味)~不過蟹肉粟米羹比上次叫的紫菜粟米羹好喝~我喜歡較濃的,我覺得這裡的有點淡~

魷魚
不算得上十分出色~可能我不喜歡炸的..

豉椒炒蜆
這個算很不錯~朋友覺得有點辣..不過我覺得辣度適中~茨汁也很ok~不過個人喜歡豉椒汁不打茨~味道更有小時候吃過的大排檔風味!殼雖然大但每隻都有蜆肉~絕對冇呃秤!

香草牛油龍蝦烏冬
這個必推~~為了來吃這個才擇日到南丫島的!出奇的好味呢~烏冬配這個汁實在是太讚了!香草汁加牛油配搭令味道鮮香濃郁~!香氣撲鼻!龍蝦又係唔洗講啦~梗係好食~!海鮮必點嘛!
出面一定食唔到~呢個算係中西日式既組合??意外地夾!唔係好識形容~最好自己黎試~個汁好好味~清哂~!

蒜蓉蒸扇貝
很新鮮~吃海鮮也是必點的一碟!

其實這店出名的都吃過了~除了荔芋扣肉不想試之外~
另外要提的是店員鬍鬚佬很好人~
上次點的時候他也叫我們不用點太多,怕我地食唔哂浪費食物~~哈其實為了來威記整天沒有吃過東西~他實在少看了我們呢~我們最後還要加多碟添~份量也會按人頭來上~
所以我話黎南丫島一定要黎食威記~
老闆知道我地上次黎食過~冇收我地加一仲有果盤送~!
不過西瓜唔算好新鮮~可能唔夠凍!
價錢我都覺得合理~無謂過隔離天虹比人開天價食海鮮啦~
最緊要係老實!服務好又好食~

上星期帶個老友去lamma island食海鮮,所以之前,睇下D食評,研究下lamma island邊間食海鮮價錢合理又好食. 結果想試下威記.
點知原來佢地裝修中,環境自然麻麻地, 不過都有開.
入到去點了四道菜.
1, 清蒸海上鮮(盲鰽) -D魚蒸到啱啱好, 魚肉鮮甜, 新鮮! ,
2, 清蒸扇貝兩隻 -呢兩隻扇貝都幾大隻, 又係蒸到恰到好處, 粉絲和扇貝好鮮甜
3, 白灼海生蝦半斤 -半斤足, 好老實, 不過新鮮度一般, D蝦好腥,如果D蝦大番少少,就好 la, (其實應該叫豉油皇炒蝦ma), 真失策!
4, 豉椒炒蜆例 - 蝶蜆炒得好入味, D汁好正!份量足
唯一要彈是D飯太軟, 落太多水) , 我係唔鍾意食軟飯ga.
總結來說, 它是一間實而不華的食店! 我老友都讚好,抵食!

不經不覺已於這小島住上一年多，亦吃過好幾家飯店的出品。論海鮮種類之多當然(天虹)為之最吧，但相對地花費亦高出幾截！若果人少又不想吃那些隆重得獎菜、星班蘇眉的話，其實這種家庭小店同樣可以吃得開懷。跟太太每次都是兩個撑枱脚，點吃的也不能太多，今晚見有金鼓魚，若比手掌小一圈的有三條，新鮮游水，用果皮蒸。吃肉時不甚特出，魚皮煙un脆口，當然蒸魚豉油無得書啦。而最引人入勝是背脊骨帶点肉的位置，咀嚼時會有点似苦而甘的味道出來，這個很獨特，而是我首次吃這種海鮮的感受。相信好魚的食友都該一試！瀨尿蝦兩隻；拖過油再以豉油皇炒，比甚麽椒塩來的清一点，蝦肉鮮甜爽脆帶点膏，我就覺得蔥末跟豉油汁最為吸引。只用這汁料跟白飯都能吃兩碗！跟住的炒蜆果然如(亞達)所言，是削了些，不過吃完整碟亦未有一粒沙，又可加点分！兩罐啤酒，三碗白飯，一片海景，笑話家常，四樂也！

上星期平日去南丫島一日遊，食海鮮都算係必然既目的
所以去之前上OR搵定邊間好食，揀左大家所講既呢間老實小店
的確，呢間係幾老實，老闆炒既都大大碟
可能當時全場只有我地一台客
以名氣相比，鄰邊的比較多客，或者是平日，名氣店都只有數台人客

叫左4XX　6味送既SET
揚州炒飯：比較淡左少少，我地冇叫白飯，所以呢個淡淡地OK
炸鮮魷：熱lala上碟，沾上酸甜汁好開胃
炒白菜仔：淋上豪油既白菜仔我地清得好快
薑蔥炒蟹：估唔到都OK多蟹膏，好入味，岩晒重口味既我
XX炒聖子：其實本來係炒'顯'，不過冇晒，佢上左台先話我地知轉左==不過好夠份量，好好味，算佢啦^^
蒸魚(唔記得)：好新鮮，雖然好多油淋係豉油上面，不過點晒一齊食好惹味，食唔停
汽水$8罐

最後送上生果盤及桂花糕＾＾

上次去過榕樹灣既南江唔錯
今次去索罟灣威記

都係老實小店

一行五人叫左個四人餐 + 兩個餸

椒鹽蝦 : 正, 味道調得好好,非常香口, 除了頭尾我沒有剝殼因為脆,而家誋返起都好想再食!
吉列鮮魷 : 又係幾好味的, 以前食開都係椒鹽,今次係吉列, 味冇椒鹽咁重,但都好味,蝦同蜆都好濃, 配返個吉列鮮魷岩晒
豉椒炒蜆 : 唔錯, d蜆細隻, 但係d肉唔少,而且冇甩晒出尼
炒菜 : 正常
蒸魚 : 正常
揚州炒飯 : 好似屋企自己炒 唔落油果d咁.... 一d都唔香口, 我當佢係普通白飯要尼撈餸食
(另外叫):
蒜容粉絲扇貝 : 好鬼大隻,好多好多粉絲同蒜容,d粉絲好好食!! 粒肉大過五蚊銀又厚, 但我覺得唔夠甜, 可能隻扇貝生長到咁大隻,年紀唔已經細啦, 但總之尼到一定要食啦! (講鮮甜就南江正d,講份量就呢間勁呀!), 岩岩熟!
荔芋扣肉 : 講到好出名咁,但係食落普普通通啦, 唔係唔好, 而唔係想像中咁好, 好有酒味 d芋頭都好什味, d肉亦唔油膩, 但係d肉唔夠淋啦,都唔化,唔夠肥! 唔建議大家食, 留返個肚叫多碟海鮮好過

仲叫左兩罐汽水

埋單 6xx (個餐4xx, 計返d扇貝應該只係20~25蚊隻)
唔收加一茶芥

但成間野好似得兩個伙計, 裝潢同旁邊的天虹差很遠, 不過羊毛出自羊身上, 不要緊

幾抵食丫 ~ 公眾假期wor~

到南丫島吃海鮮，如果貪有免費船，就預左要食集團式經營既海鮮酒家! 預左被掠一筆!
我都係支持老街坊海鮮店，起碼用心做菜!

威記沒特別餐牌，但叫老細為你點菜一定無死!
必吃推介：
1) 芋頭扣肉 (要預訂)
肥瘦均勻，有酒香，芋頭又淋又入味，可以送兩碗飯!
2) (應該是新出品) 芝士炒蝦配烏冬
有香濃cheese x 黑椒，配烏冬仲好味過伊麵!!! d 蝦開邊唔駛用手剝，好正!
3) 紅燒豆腐
雖然唔係海鮮但都好好食!!
4) 炒飯
唔濕唔油剛剛好，越食越開胃!

通常我會由模達灣落船行過索罟灣食威記，次次都捧住個肚走!
街渡往返香港仔都相當方便!

到左索古灣, 我地去威記食seafood, 之前去過天虹, 今次諗住轉換下試第二間, 最令我難忘既係招牌牛油香草煮龍蝦烏冬, 真係好香, 好野味...., 龍蝦係用本地龍蝦, 如果嫌龍蝦太貴, 我諗可以叫佢以大蝦代替, 我地仲有叫椒鹽魷魚, 蒸扇貝, 鼓椒抄聖子, 欖菜抄飯, 生抄骨, 抄A菜, 同埋芉頭扣肉, 海鮮大至上都係新鮮, 唔多講, 魷魚唔太乾, 抄飯幾乾身, 味教得好, 芉頭好林同埋有龍烈既酒味, 不過佢地唔太LIKE用南乳煮呢味, 我就無乜問題, 總括黎講可以再ENCORE

上星期六一行六個中七同學暢遊南丫島，由榕樹灣行到索罟灣，最後在威記食晚飯

我地六個女仔叫左六個餸
1. 白灼海中蝦
2. 薑汁芥蘭
3. 清酒煮蜆
4. 意式香草龍蝦
5. 蒜蓉粉絲蒸扇貝
6. 荔芋扣肉

初初上第一味白灼海中蝦既時候, 大家都驚訝得咁少, 不過到食落先知真功夫！ d 蝦全部都好彈牙而且有鮮味, 雖然每人食得五隻左右, 但係都好滿意
之前到蜆同菜上枱 ..... 蜆呢, 大家都食唔出清酒味之餘, 仲覺得「擺明」係油鹽水蜆，不過老細話係咁架喎 雖然係咁, 但係都好味, 只係同我地預期既味道有分別！ 芥蘭炒得好夠"淋" , 而且夠嫰, 正！
全晚最好食既龍蝦出場啦！講真, 我唔係好知「意式香草」應該係咩味, 但係總之食落好creamy, 而且好香, 龍蝦又嫰, 對我黎講已經好好味！而且最最最緊要係佢用烏冬黎做底, 而唔係伊麵底(本人係唔食伊麵既) .......
扇貝我覺得中規中矩, 因為其實大家都係食蒜蓉粉絲
最滯既荔芋扣肉竟然最後先黎, 好彩份量只係每人一舊, 如果唔係實飽死！扣肉雖然肥, 但係唔膩, 加埋荔芋一齊食 ....... 好味到暈！

最後到埋單時, 我仲問唔知每人二百蚊夠唔夠呢? 有人話唔夠, 因為龍蝦已經要$20/兩 ........結果總數只係$9xx, 一千蚊有找！(我地仲要飲左三四支大青島喎) ！所以呢餐真係抵食又好味！

27-07-2008

OR research 完，唔想俾名牌劏，所以揀定o左呢間

六點二，未肚餓，但入座坐o下先，一路海邊位睇住天色漸變，正。見隔離桌開o左支唔知咩紅酒，好大個玻璃壺盛著。問那個鬍鬚肥老闆，佢講完我都唔知咩o黎……叫佢隨意開o左支白酒，$168，我唔知得唔得o架，我始終對酒一竅不通

到咁上下先叫o野食，其實都係指定似的。

◎ 4人，每人一隻$60 o既瀨尿蝦，o的蒜苦苦o地……但蝦新鮮係絕對的
◎ 椒鹽鮮魷，真係好香口好正，唔韌
◎ 牛油焗龍蝦 + 伊麵底 (湯o個款先可以烏冬底喎)，佢龍蝦放入桶俾我o地睇。$4xx，係好鮮o既，但伊麵唔知點解唔係好伊麵。其實牛油味聞落/食落都唔重
◎ 粉絲蒜蓉蒸扇貝，總之就鮮啦
◎ 炒o左碟腐乳通菜，但最簡單最後先上?
◎ 最後老闆自覺地見我o地開始坐o係度，就端上生果同甜品 但甜品上好多黑色o野唔知乜o黎，我o地又出奇地無人想問，照食晒……


兩件週邊事
(1) 原本無叫菜而叫招牌荔芋扣肉，佢見我o地叫o左牛油龍蝦好"洩"會食唔晒，就叫我o地唔好叫呢個。夠老實！

(2) 上通菜時，老太一o野將我個friend 隻杯撞到跌爆，碎片正正落o係最貴o既龍蝦身上…… 老闆即時過o黎趕老太走…… 話幫我o地換過
o黎番，龍蝦件數無變(當然o既，邊度/邊可能搵番o的龍蝦俾你)，伊麵就refill o左

咁究竟，佢點樣處理o的玻璃碎呢(龍蝦肉o個度)？

大家要估估喇

其實整體我都幾滿意o既，除了這個謎

母親節當日唔想同人係巿區逼~
所以決定同媽咪黎南丫島享受下大自然~~
出發前已決定黎威記~
店主安排左近海邊的枱俾我地

叫左幾樣海鮮
豉椒炒蜆- 略嫌細碟左少少,但係炒得好惹味~算是ok
椒鹽鮮魷- 好正~粉少,魷魚炒得夠嫩~好味!
蒸扇貝-好好味~蒸得剛好!!!大概9成熟~好好味,唔駛落其它額外調味料已經好鮮味!
上湯龍蝦- 勁正!!d肉好嫩!!

總括而言我覺得算是不錯~
d人都算好老實~~~亦算抵食
免加一免茶介,真好!!!
唯一唔好係唔夠多菜式揀~
本身想食辣酒煮花螺,但店主話冇花螺.........
店主說來貨少~~~
都明白既~~佢地生意唔夠隔離「名店」黎....入得多貨驚蝕

不過無論如何~
媽媽對呢餐好滿意~~
有機會都會入黎食過!!!

一行四人,埋單$713

20080501

同事推薦這一間，雖然開始也有些擔心店面外面看起來海鮮不多，還好我們也不是太過為食，平平安安點出一桌子菜來。

蒜茸菜心與蝦醬通菜：後者多少帶點“當地菜色”的意思，碟頭不小，味道不見特出，油多了些；
白灼基圍蝦：應該不是新鮮蝦，當然也不是死了很久，湊合吧；
椒鹽瀨尿蝦：其實像是“避風塘”的做法，怕熱氣沒吃，距同伴說是當晚最為突出的一道菜；
蒜茸粉絲蒸帶子：鮮甜好味，不錯；
豉油皇炒蟹：還好吧，至少有肉地；
雲呢拿汁龍蝦烏冬：典型的“fusion”菜，卻不討好，大家覺得還是傳統的芝士伊面味道好些。

餐後有果盤，服務態度不錯，出菜也快，一眼就看到碼頭，可以等船到了才起身。

也難怪這間與隔壁“名店”相比“門前冷落車馬稀”，不過若只想看看海景簡單吃吃海鮮不要與人爭又不在乎免費船票的，但來無妨。

公司有獎賞，津貼大班人去行山。下午出發，在索罟灣起程，沿著岸邊，經過有數百年歷史的模達村，走過石排灣，登上小丘，再返索罟灣。走了兩個小時，都已疲累。

下山再行不久，終於見到已經預訂的威記，一坐下大夥兒便馬上要了些冷飲。負責訂位的同事，本來是訂了索罟灣無人不曉的另外一家飯店。其實在OR食評內，另外一家飯店也屬於好的，笑面比喊面比例是3比1。但相對這間威記的5比0，又差得多，所以最後都是選了威記。

我們是事先寫好了菜的。兩千多元一圍，包一部分汽水啤酒，菜是威記介紹的拿手菜。

豉油皇大蝦- 很有鑊氣，豉油皇美味，馬上給餓鬼掃清
粉絲蒜茸蒸帶子–大堆頭也非常惹味
豉汁炒聖子- 熱辣辣又鹹香，送飯一流
吉列鮮魷–魷魚新鮮，炸得香口而不油膩
清蒸大石斑–兩斤重，啖啖肉，火候剛好
海鮮紫菜羹- 紫菜味清香，只嫌味精重
牛油局龍蝦烏冬底- 龍蝦大，肉身夠厚，牛油汁撈埋烏冬香滑飽肚
清炒菜心–這個菜炒得一般
荔芋扣肉- 很夠火候，芋頭很綿很淋，扣肉選用了不太肥的，合胃口亦不滯

這些菜都是很下飯的，因最後還有炒飯，沒有要白飯，所以很多同事都要了啤酒，喝多了不免也說得多，雖然是室外空曠的地方，氣氛很是熱鬧。

此後再來個揚州炒飯。相信是要節省時間，數十碟一起炒，所以變成了揚州‘撈’飯，並不好吃，明顯不是威記的強項，炒飯唯一的功能就是填飽還未飽的人。生果盤很快再上埋，切好後求其放埋一大碟，有蘋果，橙，西瓜，也切不夠十二份，不是人人有份。不過，現在我們已經興高采烈，已沒有幾個同事理會這兩道菜了。

整晚都是很開心。歸航四十五分鐘，累累的，睡個覺，睜開眼睛已是上環港外線碼頭。