影片
以上資料只供參考, 請與餐廳確認詳情
招牌菜
朋友仔結婚了, 真係好替佢開心~~找到一個好錫佢既老公仔每次去婚宴, 無論規模大小, 形形式式都會覺得好感動>w<見證完整個簽字儀式, 九點半終於上菜!! 餓到呢.. 哈哈諗住開動, 點知... 所有餐具都係污糟!!! 好多一點點, 一睇就知洗唔淨...!!!乳豬全體 皮好脆, 夾著唔係太肥既肉; 不過超油的。只係放係個碟度一陣, 已經油晒!! 見到都唔想食炸蟹鉗 好大隻而且彈牙, 可以話係最好食既一個送時菜扒瑤柱 小棠菜整得好生; 獻汁整得好差, 一PET 野咁; 瑤柱硬身痴牙螺頭鮮雞燉花膠 個湯同滾水無分別, 只係多左一舊花膠。雞肉難口無味小棠菜煨鮑魚 無疑同之前個小棠菜同出一徹, 無分別的.. 差。鮑魚硬到少一點牙力都食唔到食到咁上下已經無興趣再繼續影同食, 相信所有野出於同一個廚都唔會突然大變。而且唔知點解, 無冷氣.. 熱到呢.. 大家同場加演「撥扇」!!上菜個侍應因為parttime 關係, 仲要係讀緊書既小妹妹, d 動作慢得黎分野分到天一半地一半, 好似耍雜技咁=.='b如果唔係黎飲.. 都見識唔到..睇黎之後想黎平時飲茶都..... 要三思...!!Anyway, 食物唔會影響我對一對新人既祝福~~~希望你地百年好合, 永結同心!!
繼續閱讀
原本打算跟家人到7樓薈軒食晚飯，怎料有人包場擺喜酒，於是大家就走到8樓的這間酒樓！唉！真的令人失望的一餐！5個大人、2個小孩，點了5一湯跟一窩米粉：雪菜肉絲窩米，咕嚕肉，豆豉蒸倉魚，中式牛柳，半隻雞，叻喱粉絲蝦煲，例湯。咕嚕肉超級硬，中式牛柳味太濃，半隻雞好多血水未蒸熟，粉絲蝦煲D蝦好細隻，粉絲又黐底，好難食。仲有個例湯，話係螺頭煲豬肉，結果黎左就變左甚麼中藥煲生魚，好難飲。最後就係個伙記的手指甲黑色綑邊，就咁拎食物同餐具，好恐怖！！所以決定就算貼錢都唔會再光顧！
繼續閱讀
今早陪媽媽去灣仔街市附近剪髮，中午想找個地方飲茶，想起附近合和中心內有幾間酒樓，七樓的「薈軒」，水準不俗，但由於已吃過數次，決定更上一層樓到八樓的「帝廷皇宮」試試。據知帝廷是皇上皇集團在本港開設的其中一個品牌，主要走平民路線，以經濟抵食為原則；而食肆除設有一般餐飲外，還提供婚禮宴會服務。我們約 11:30 am 到達酒樓，剛巧有團體訂了酒樓半邊場地攪活動，侍者便著我們沿另一邊入口向盡頭走。往大堂要先經過一條長長的走廊，而兩旁都掛滿了鮮豔奪目的粉紅色婚紗布簾，看來非常優雅高貴。甫坐下，四周環顧一吓，看見天花上掛著金碧輝煌的水晶吊燈，不過內裡樓頂頗低，所以環境都幾嘈吵，幸好檯椅擺設較為疏落，所以地方顯得很寬敞，坐得也頗舒適。拿起點心牌看看，原來這兒逢星期六全日點心粉麵除特價品外，一律六折，看來都幾街坊價。 蟹籽蒸燒賣 ($22) -- 這籠燒賣放上檯時還熱辣辣，不過面頭的蟹籽分佈不均，有些很多但有些卻很少，而內裏餡料就有豬肉、蝦和冬菇。至於味道方面也算不錯，蝦夠爽口彈牙，味道鮮甜，豬肉不覺肥膩，肥瘦適中，有肉汁同鮮味，更沒有外面燒賣的豬肉腥味。可稱得上皮薄餡靚，配上晶瑩的蟹籽，讓人食指大動，而且吃一個就如同吃上外面的兩個，很容易有飽足感，蘸些辣醬同吃，更覺美味可口。 迷你珍珠雞 ($22) -- 相比起燒賣，這籠珍珠雞的水準就真的差太遠了，糯米飯內包著的餡料只有微形蛋黃，豬肉和很少量的雞肉，甚麼冬菇、蝦米當然全部欠奉。至於飯粒方面，口感較為乾硬，雞肉和蛋黃也放得實在太少，吃不出甚麼味道來，而豬肉入口竟然又肥又韌，咬極也咬不開，整體味道真的很一般。南乳蒸豬手 ($22) -- 本來豬手這等肥膩食物，一向也不是我的至愛，不過既然老公喜歡吃，也只好陪他吃一點點。這兒的豬手，豬皮炆得軟腍，膠質頗重，很有吃頭，而南乳味道感覺比腐乳鮮甜，更辟去豬手羶味，入口不會過鹹，與豬手做成絕配，只是稍嫌墊底的花生較硬而已。皮蛋瘦肉粥 ($22) -- 這裡的粥底煲得不算軟綿順滑，米粒未完全溶到水裏頭，看來沒有絮狀米花，亦唔夠米香，相信是煲得未夠火喉所至。幸好皮蛋和瘦肉份量充足，食落也頗夠味，加上碗粥上桌時還熱騰騰，總算合格。蔔蔔絲春卷 ($18) -- 這款點心有別於一般春卷以豬肉、冬菇、甘筍、韮黃和銀芽等作餡料，換上的只是獨孤一味的蔔蔔絲，名乎其實是齋春卷。可喜的是春卷皮炸得非常香脆，入口不覺乾身，鬆化可口，蘸點喼汁同吃，味道很討人喜愛。炸爵士奶皇包 ($18) -- 老實說這個奶皇包並沒有太出色的表現，外皮有點厚，挺佔胃的，幸好炸得非常香口，不過內裡以蛋黃和奶油混合而成的奶皇餡，味道就普普通通，質感唔夠軟滑綿密，入口也不特別香甜。脆皮BB鴿 ($22特價) -- 這隻乳鴿真的非常BB，甚至有點瘦小，不過外皮炸得很香脆，鴿肉鮮甜，肉質也算嫩滑多汁，入口帶點軟腍，只是鴿子沒有什麼多餘肉地供給我們咀嚼，幸好沾上少許五香粉與花椒粉混合的華鹽來吃，確也非常滋味，只是略嫌不夠惹味。咸菜胡椒豬肚 ($33) -- 這豬肚的湯底，飲落胡椒味不濃，沒有刺激微辣口感，但吃到底，發現煲內竟有不少碎黑胡椒粒。至於豬肚，份量不多，但入口唔腥，味道不錯。惟獨咸菜煲得有點過腍，欠了點爽口感覺，幸好加入了芹菜，令味道變得帶點清新可口。福建炒飯 ($48特價) -- 福建炒飯的特色是炒飯底加燴飯料，而這裡的福建炒飯，飯底炒得很香，唔會太乾又唔會太濕，味道香濃，口感唔錯。材料方面，雖算不上頂級，只是一般的蝦仁、肉粒、菇粒、西芹、紅蘿蔔粒等，但是師傅的功夫和調味都做得很好，汁多、料夠、鑊氣夠，味道一流，食完亦不會勁口渴，令人回味。由於除價食品外，全部點心都有六折，，這次四個人連茶錢加一，結帳只需 $217， 非常便宜，不過以整體質素來說，當然只屬一般水準。順道在此謝謝 OpenRice 送贈的「冰封 36小時」戲票。
繼續閱讀