影片
港鐵灣仔站 C 出口
繼續閱讀
電話號碼
28663808
開飯介紹
此酒店餐廳設計採用維多利亞風格，並糅合現代與古典元素，簡潔優雅。主打的西式自助晚餐包括多款高質食材，如冰鎮海鮮、特級牛扒、即場手握壽司、湯品等中西美饌和甜品。
繼續閱讀
附加資料
- 美式自助早餐 （07:00-10:30）
- 半自助午餐 （12:00-14:30）
- 下午茶 （15:00-17:00）
- 自助晚餐 （第一段17:45 -19:45； 第二段20:15-22:15；全時段17:45-22:15）
營業時間
今日營業
07:00 - 23:00
星期一至日
07:00 - 23:00
以上資料只供參考, 請與餐廳確認詳情
有關獎賞計劃
相關文章
早排車車同班朋友一齊去六國酒店LeMenu食自助餐, 原來最近推出左特別優惠,自助餐買三送一超抵食, 食材高級而且有款式好多, 有好多車車都encore左幾round, 佢地更不時轉換菜式, 服務良好坐得都幾舒服, 車車同朋友們都食得好開心, 仲捧住個肚走🥰一開始車車都會食左冷盤先, 佢地有波士頓龍蝦, 智利藍青口, 加拿大雪花蟹腳同翡翠螺, 全部都好鮮甜啖啖肉, 而且更經常refill 除左有鮑汁燴花膠, 片皮鵝, 鮑魚, 鴨肝多士等高級食材, 更有佛跳牆, 真係非常驚喜! 湯汁鮮甜足料, 可惜每人只有一盅, 好想飲多碗呢~ 熱葷方面仲有慢煮紅酒牛頰肉, 泰式燒牛肉沙律, 海鮮串燒, Prime rib燒牛肉肉質鮮嫩juicy, 配上燒汁好好味! 甜品係車車最愛嘅環節, 款式非常多, 而且每日仲有血橙crepe嘅製作表演, 睇完當然有得食! 一人一份橙味香濃, 甜甜酸酸好好味! 所以大家一定要 留capacity去品嚐, cream brulee車車無限食左好多個, 口感軟滑細膩, 甜度適中, 必試!
繼續閱讀
灣仔六國酒店最近新出左優惠$499就可以任食3小時嘅自助餐，除左有片皮鵝、爐端燒之外，仲有廚師即煮扣鮑魚🤩超豐盛晚餐6:45pm左右就會有廚師即席扣鮑魚，每人可以拎一份，鮑魚軟嫩入味，絕對值回票價👍🏻片皮鵝肉質肥美，質素絕對不輸中菜餐廳。日式爐端燒有鴨肝、虎蝦、雞軟骨等，即叫即燒，微焦香脆凍海鮮除左有加拿大雪花蟹腳，仲有波士頓龍蝦、麵包蟹、青口、翡翠螺等等，蟹腳鮮甜😋熱盤區有酥炸生蠔、清蒸星斑、蒜蓉粉絲蒸扇貝、芝士蘑菇焗蟹蓋、鮑汁燴花膠都比較受歡迎，食物都不停refill。個人最欣賞蟹蓋，一絲絲蟹肉，加上芝士烘焗十分滋味😚另外點少得經典甜品火焰雪山🔥即場表演勁吸引，雪糕加蛋白霜淋上糖漿同酒，用火燒香，一凍一熱，甜而不膩，非常受小朋友歡迎甜品區款式超多，比較特別有白桃烏龍茶慕絲蛋糕，味道清香。仲有法式蜂蜜檸檬蛋糕配海膽忌廉，外面少見，蛋味香濃$499蚊有咁多野食而且可以食成3個鐘真係幾抵，性價比超高👍🏻
繼續閱讀
[ Le Menu ]近排有唔少酒店自助餐做推廣優惠，當中有灣仔呢間超過90年歷史嘅六國酒店。佢地自助晚餐種類多元化，包括任食片皮鵝、爐端燒、冰鎮海鮮、烤肉、熱葷、甜點等，再加每人一份堂弄原隻鮑魚。✿ 華麗盛宴自助晚餐 – 扣鮑魚‧片皮鵝·爐端燒日期：即日起至2024年5月31日時間：晚上6時至晚上10時15分堂弄原隻鮑魚（每人一份）鮑汁鴨掌扣原隻鮑魚，鮑魚口感煙韌，吸收鮑汁精華，肉質鮮美，而且有即場烹飪👨🍳示範，極具娛樂性👍。片皮鵝🔪🦆師傅會係食客面前即場片鵝，放在餅皮後由食客按個人喜好加配料及醬汁。燒鵝外皮酥脆鬆化，肉嫩多汁😍。爐端燒🔥🍡廚師即席即燒原件鴨肝多士、虎蝦、燒雞翼、雞胸軟骨串、多春魚等，火喉控制得剛好，炭燒風味獨特。冰鎮海鮮區🦞🦀🐚🦐任食波士頓龍蝦、加拿大雪花蟹腳、麵包蟹、翡翠螺、紐西蘭青口及熟蝦，海鮮補充速度理想👍。和風料理🍣即點即切刺身有三文魚、吞拿魚、北寄貝等，另外比較特別有雜錦角切魚生丼。烤肉區除咗片皮鵝，仲有美國特級肉眼牛扒🇺🇸🐮🥩，肉眼即點即切，肉嫩多汁。熱葷區🥘任食多款中西式熟食。海鮮類有鮑汁燴花膠、芝士蘑菇焗蟹蓋、芝士白汁焗龍蝦鉗、酥炸生蠔、蒜蓉粉絲蒸扇貝、清蒸石斑片、鮮茄紫蘇葉炒大蝦等，款式豐富。另外有海南雞、紅燒獅子頭、印度咖哩配薄餅等熟食。湯類🥣中湯有竹絲雞螺頭燉豬展湯，好足料且味道鮮甜，而西湯有干邑龍蝦湯。甜品區🍰款式繁多，有白桃烏龍茶慕絲蛋糕、法式蜂蜜檸檬蛋糕配海膽忌廉、檸檬乳酪忌廉馬德蓮蛋糕、士多啤梨西瓜蛋糕、德國芝士蛋糕、綠茶拿破崙、杏仁茶燉蛋白等。此外有即製香脆窩夫🧇及任食杯裝Häagen-Dazs雪糕🍨。而且有即席懷舊雪糕甜品「火焰雪山」表演👨🍳。雪糕先用蛋糕包住，店員將酒加熱淋上表面，燃起藍色火焰🔥，非常之打卡。甜品外暖內凍，口感獨特。總結🫦 自助晚餐食物種類多元化，有堂弄原隻鮑魚及火焰雪山甜品表演👨🍳，令用餐體驗更有氣氛👍。價錢💰：星期一至五▶️第一輪 (晚上6時至8時)、第二輪 (晚上6時30分至8時30分)成人$638/位、小童$348/位▶️全時段 (晚上6時至10時15分)成人$738/位、小童$448/位星期六、日、公眾假期及其前夕▶️第一輪 (晚上6時至8時)、第二輪 (晚上8時15分至10時15分)成人$668/位、小童$378/位▶️全時段 (晚上6時至10時15分)成人$768/位、小童$478/位經Openrice網上訂位有優惠，成人星期一至五每位$499、星期六日及公眾假期每位$549，而且可以食足3小時😋。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿Le Menu地址：灣仔告士打道72號六國酒店1樓電話：2866 3808✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
繼續閱讀
經OpenRice買咗coupon $399兩位，價錢非常實惠，但去到見到有點失望，食物種類不多，鹹點又不新鮮，啲包皮或酥皮都已變硬，生果又不refill，只有格仔餅和pancake可以叫廚師即煮，其他甜點味道和賣相都不吸引，整體來說服務值得嘉許，但食品就認真麻麻☹️
繼續閱讀
接連完成了幾個 Project，心情得以放鬆，當然要獎勵自己。美食永遠是對我的最佳獎勵，很久沒有食 Buffet了，決定約同幾位好友開開心心擦一餐！這次，我們選了位於灣仔的《六國酒店》。 先來自製一碟女士雙併恩物，鮑汁燴花膠併北菇海螺。花膠腍熟入味，滿滿的膠質有助提升肌膚彈性；海螺色澤鮮明，滋陰補腎，健肝益脾，而且味道與鮑汁燴花膠非常夾，絕配！再搭配一碗竹絲雞螺頭燉豬展，用料十足，清甜味美，滋陰養生，對經常熬夜少眠的 BeautySearch 來說，潤一潤當然不可少。冷盤方面，必吃波士頓龍蝦，大大隻，開邊而上，滿滿的蝦膏清晰可見，非常吸睛；再搭配青口、長腳蟹、螺，令人大滿足！各款刺身冰凍鮮味，我們揀選了當中的三文魚、吞拿魚、甜蝦、八爪魚及北寄貝等刺身，而我最愛的當然是肥美的三文魚，還有鮮嫩彈牙的北寄貝，鮮味十足。片皮鴨吃得多，片皮鵝又試過未？六國酒店的片皮鵝外皮酥脆，肉質細緻，軟嫩香口，充滿油香，食落無油膩感，好有驚喜！食客還可自行添加甜麵醬、京葱、青瓜等配料，相當有風味！雖然邪惡，但偶然也要放縱一下自己，生活才更愉快，所以，這夜忍不住吃了兩件鴨肝多士，鴨肝表面煎得焦脆，中間油腴豐盈的脂肪呈半溶狀態，入口有爆油感，搭配香脆多士，相當滋味！期間，酒店還安排了兩場表演，分別是即煮蠔皇扣鮑魚及火焰雪山，讓食客有機會近距離欣賞廚師獻技，體驗不一樣的氣氛。表演後，還會把食物分派到食客桌上，讓大家細味。蠔皇扣鮑魚肉質肥美，口感和味道都控制得很好，軟腍煙韌，蠔油醬汁鮮味濃郁，絕對不能錯過。喜愛海南雞的，必試這裡的海南雞，皮爽肉滑，雖然沒有搭配香油飯及雞湯，但也相當味美。還有蒜蓉粉絲蒸扇貝，扇貝鮮甜彈牙，蒜味香濃，絕對不能錯過！場內還有即場鐵板燒製，當中包括：虎蝦、豬頸肉串、雞軟骨串、多春魚、鮮菠蘿、蔬菜串燒等，但因為已很飽了，所以只能點選幾款來嘗嘗。廚師控制火候恰到好處，尤其燒雞翼，外皮香脆，油脂四溢，而且肉質相當嫩滑。是日的甜品款式好像份外精緻，特別推薦當中的荔枝梨子撻，上層的荔枝清甜多汁，下層的小撻內藏了啖啖果香的梨子，清甜不膩，兩款水果結合出更香更富層次的味道。最後，再來一杯迷你焦糖燉蛋，口感細滑，完美作結。
繼續閱讀