影片
以上資料只供參考, 請與餐廳確認詳情
我也在上星期想去再食,結果查詢電話冇聲,順路經過,見到已經關門大吉,問大廈管理員,他說今年的年三十晚是最後一天營業,要幫襯,就去同一個老闆的松竹樓,在跑馬地禮頓道,我未試過,不知味道如何.
繼續閱讀
諗住今晚(Sat)好爆, 點知一行六人去到, 無乜人喎!一大盤調味料(麻油, 芫茜, 魚露, 醋, 酒, 沙糖, 麻醬, 豉油,...)?o係度, 自己去"混醬"~ 好唔好食真係睇自己手勢啦~湯底有四川麻辣湯, 但有人熱氣, 要o左茶瓜芫茜皮蛋湯(點解咁少皮蛋o既?)火窩料無乜特別, 係多o左豬天梯(幾爽), 羊肚(同牛肚味道無乜分別), 同黑牛肚(無貨)~ 講真, 火窩無乜話好味唔好味, 最緊要係個湯底同o個碗"混醬"~ 而個湯底.....有D失望~食京菜, 甜品一係拔絲香蕉, 一係就高力豆沙~ 好多人order高力豆沙, 但我o地始終order o左拔絲香蕉~ 一o黎兜水已知唔掂-- 無冰o既水!!!! @_@ 問個waitress, 佢話唔駛冰, 唔係o下話? 最後係.....先炸脆o左, 加糖漿炒勻, 拎出o黎作裝過冷河~ 攪到D香蕉入晒水, 一pat o野~ Yuck~~~~ >_<每人送一杯酸梅湯~ 加埋汽水, 埋單$1005~ 每人$170~未試過京式火窩, 都值得一試o既, 不過唔好要芫茜皮蛋湯底~
繼續閱讀
雖然好難同鹿鳴春相比，但真是大件夾抵食，我們一行十二人，叫一個6-8人套餐，加多五個菜，食到我們個個勁飽，還有食剩很多，每人都是一百蚊多d。值得推薦是蜜汁火瞳、雞絲粉皮(d 粉皮好)、京蔥羊肉同芝麻燒餅，其實種種都好『正』。好食得過。
繼續閱讀
出品一流，鐵板蝦、北京填鴨及冷盤有水準。六至八人套餐，大大碟，都係$880，抵！小姐們一定食到好飽，十個人都夠食。
繼續閱讀
都好耐無主持過飯局囉~今次周五吹雞的原因就係..隔離fashion 版的legend---------EVERFREE 回歸!!!!身為佢老友的我就梗係call 齊佢d fans 出o黎飯局啦~ 呢次算係接近fashion 版飯局多過食版局....睇以下名單: LAI,S,EVERFREE 直季,麥嘜小姐,OIR,露比,Dede,PenPEN,apple,JUNEONE,水魚,真實子凌,~~差唔多大多係fashion版友......地點就去左在老尖金巴利道的"新洪長興" 食京菜..~一早book o左房,但係入到去竟有檯客正在晚餐,哈哈~~有關方面話係旅行餐wor~好快o架咋~o下?????咩o野係旅行餐呀?唔係做埋旅行社生意?橫掂人未齊都唔打緊啦~~食住d 小碟先啦~o個隻辣菜同我在松竹樓食過果d 一樣咁好~一睇個筷子套,一面係"新洪長興",一面係"松竹樓"oh i see~好喇~Everfree 蒲頭喇~小別幾個月依然咁有型瀟洒~natual born killer!!!騎騎~~~睇住個menu 頭都大~都係問下個侍仔有咩好介紹.咁佢地就介紹o左個套餐~~不過小弟都唔記得全部內容......先o黎個拼盤,~~~再有咩咩管廷~即係豬氣管之類,但係點解有豬潤???帶子西蘭花,北京填鴨,雞燉翅,,黃魚???(唔記得~失憶呀!)..........不過講下d 填鴨硬係無我在鹿鳴春果d咁好~雞燉翅d 翅又粗又彈牙.黃魚d 酸汁囉o黎點下窩巴就最好~不過囉o黎撈飯都可將碗白飯點石成金呢!其他o個d 真係......仲有個鐵板蝦之類~呢味菜凍o左就唔好食o架啦~d 蝦大大隻,一人一隻都仲有剩...整睇水準唔錯~每人$180 算合理,最緊要食得開心~難得咁大班人柴娃娃吹下水.....夫復可求???老友咁耐無見梗係唔止食餐飯o架啦~之後拉大隊諗住去諾士佛臺痛痛快快尋開心,但係"呢個世界就係唔到你想~"間間都爆......都係去Shooters 52 "索可樂" 哈哈~
繼續閱讀