影片
以上資料只供參考, 請與餐廳確認詳情
五點幾去食個燒味套餐, 燒鵝切雞飯, 油菜, 金銀菜湯燒鵝無鵝味, 似足鴨肉 切雞有點鞋口, ok啦 油菜老得濟, 我諗係整熟後繼續加熱 例湯無呢老火, 好似飲水咁 薑蔥無薑味 酸梅醬又唔奉上 仲有最差就係個汁, 叫我形容得四個字 "豉油味汁" 仲要收咁貴!!
繼續閱讀
團購瘋系列 – 老公一向都愛吃燒臘，所以有時想做個無飯煮婦，就會去住處附近的「唐順興」買盒雙併燒臘飯當晚餐，貪其又平又好吃。近日發現有網站推出一間曾榮獲 2011 米芝蓮指南港澳版，評審員推介食肆之一的燒味團購券，可用 $60 買入原價 $120 的燒臘，更可於金錢雞、油雞、叉燒、燒鴨當中，任選兩款，看來好像也頗化算，決定買份試試。據說這間「龍華燒臘」始創於 1963 年，是一間頗具歷史的茶餐廳，現址坐落於銅鑼灣登龍街，毗鄰食肆臨立，地點不算難找。為了避開午膳人潮，預約了這天下午二時後到取，當我向櫃面店員出示團購券，服務員也沒有怠慢，二話不說，立刻為我張羅我早前已選好的金錢雞半斤及油雞半隻，實行來個「雙雞會」。在門外等候師傅斬燒臘期間，瞥見玻璃厨窗貼了一份各式明爐燒味的價目表，當然要看看原價，睇吓今次團購是否值回票價，美味金錢雞，原價每斤 $120， 玫瑰油雞，原價半隻 $65， 即係今次慳番 $65， 超值。回家後當然立刻試試兩款燒味，先講講金錢雞，其實製作金錢雞是一道頗花心思和時間的菜式，其食材包括有雞肝、叉燒和冰肉。製作過程是要先把材料切成金錢狀，用金屬針把預先醃製好的食材緊扣成串狀，再加以中火燒烤約一個小時，期間更要慢慢轉動，十分費時。至於這裡的金錢雞，雞肝入口其實唔算特別滑，反而口感帶些少嚡身，不過配上軟腍香口、蜜味甚濃的叉燒和切得非常薄片、外貌通透的肥豬肉，吃來甘香味美，完全沒有那種又溜又滯的油膩感覺，唯一可惜是頂層沒有放上一塊用來辟腥的子薑片，但全部材料已配合得天衣無縫，真的非常好吃。至於這裡的半隻玫瑰油雞，與金錢雞並排放置盒中，望落去雖然擺放得無咩美感，但其外皮色澤油潤漂亮，甚為誘人。肉質方面，入口當然稱不上新鮮嫩滑，不過熟度恰到好處，雞身味道細緻均勻，吃來還有微微醬油和滷水汁的香氣，也很不錯，只是食落真係唔多覺有放入任何玫瑰露酒，幸好我從不特別欣賞以酒入饌的菜式，所以對這份美味的油雞，已吃得相當滿足。
繼續閱讀
天氣凍，同事嚷著要食煲仔飯。印象中灣仔銅鑼灣都無乜好味的煲仔飯，同事還想在中午食？難矣。幾經辛苦，發現呢一間米芝蓮2011推介的龍華有煲仔飯，但也要晚市六點後先有。同事煲仔飯癮強烈，話晚市都照殺。由原來二人世界，到後來久違了的閒人話可以加入3P，正好可以多吃幾碟。七點幾黎到，人滿到要坐出面，反正唔急，等多陣先入去坐，因為實在太凍了。先叫了一客例牌蘿蔔牛筋腩，食落我唔覺有蘿蔔，其實餐牌上有另一款柱候牛筋腩，我覺得一係落單，一係其實全店只得一款，根本無兩款。牛腩汁似漿糊，整碟不夠熱，敗筆；還好牛腩炆得腍，也炆得入味，牛筋更是腍到無牙都食到，味道搶回不少分數，但感覺是誠意欠奉。叫了兩個煲仔飯，加錢可要餐飲或例湯。例湯竟然有條仲長過張單既超長鐵線，心中又涼了一截。例湯又例牌不夠熱，又不夠味，唯一可取可能係無味精。煲仔飯不用等很久，原因當然是用煤氣爐。叫了一個臘腸滑雞煲仔飯，一個窩蛋牛肉煲仔飯。臘腸滑雞煲仔飯，雞幾滑，飯夠熱，但始終不夠味，臘味油份未能完全滲入飯中。窩蛋牛肉煲仔飯體貼在窩蛋另上，沒變成熟蛋是可喜的，自己撈均，倍覺開心。牛肉是普通滑牛，味道欠奉，只有靠豉油和薑蔥味搭夠。印象中米芝蓮推介的好像是燒味，煲仔飯，看來是時勢下的副產品。在今晚整體味道都只是一般的情況下，又一次証明，米芝蓮不是點石成金的魔法師。
繼續閱讀
After school and test we arrived around 10pm, want to eat 煲仔飯, only here in this street have it, 唔知原來大有來頭...Time is closed to their closing time may be, 煲仔飯材料choice所餘無幾, ok understood, but unexpected that quantity also, no say, feel be cheated. 煲仔飯quality ... rice too wet , (personal reference don't like too many spring onion), 油菜 only 菜心, 仲要一條湯開, 一開二 , 硬做到落單碟頭, ~ great business skill. 例湯... 飲咗一d...不能再飲落去. End up... think about... timing.
繼續閱讀
2011港澳版米芝蓮指南新加進了71間食肆，這裡是其中之一。天氣開始轉涼，恰巧是晚金錢雞又售罄，索性聽阿叔既建議，吃番個煲仔飯暖暖身。煲仔飯賣$68，並不便宜，而且唔係用炭爐去煲，因此不會太香口，加上沒有半點飯焦，有點令人失望；田雞，肉質很結實，不太進味，是預期中的貨色；滑雞則確是嫩滑，總比田雞好。然而，整個煲仔飯的水準，未達我要求。加五蚊雞就可配冷熱飲品，我當然也番杯凍檸茶。
繼續閱讀