55
39
25
電話號碼
+853 28827313
開飯介紹
除了馳名豬扒包，另外亦有四式撻：葡撻、蛋撻、蛋白撻及燕窩撻。
繼續閱讀
營業時間
今日營業
07:00 - 18:00
星期一至日
07:00 - 18:00
以上資料只供參考, 請與餐廳確認詳情
食家推介
相關文章
新好利咖啡餅店麵食 Estabelecimento De Comidas San Hou Lei📍氹仔舊城區生央街15A-B號地舖今次同澳門親戚去咗新好利食個下午茶，疫情後第一次再嚟，原來已經搬咗鋪位，呢幾年澳門變化真大！不過無變嘅就係新好利依然咁受食客歡迎，人氣嘅小食依然有得食，價錢亦無太大變動，基本上同我細細個嗰陣食過嘅無咩大分別。今次嚟到，俾我等到我嘅至愛—鮮奶撻新鮮出爐，食返兒時回憶中嘅味道！ 💰$35雞扒撈麵 🐓每次去澳門啲茶記，如果唔想食飯咁飽肚，我同屋企人都一定會揀食撈麵。撈麵可揀撈粗定撈幼，我自己就一定係撈幼嘅，因為覺得佢比較索汁。唔似香港啲茶記食撈麵，又要落蠔油又要加腩汁，喺澳門嘅撈麵唔洗整色整水就已經好好食！佢哋嘅豬扒同雞扒都係麵食嘅人氣配搭，兩種扒類份量都好足，不過我更喜歡雞扒皮煎過後香脆口感，所以每次嚟都會整返碗雞扒撈幼！ 💰$38牛脷飯 🐄第一次嚟嘅朋友話見我哋人人都食撈麵，反而想試下其他嘢食。今次去澳門食過一次牛脷飯嘅佢，食過返尋味，所以叫咗碟平到笑嘅牛脷飯，揀配黑椒汁。我哋嚟咁多次，都真係第一次見人叫牛脷飯嚟食，所以都好好奇係咩味。佢哋用咗洋蔥、紅椒同青蔥估配料，喺煎封咗嘅厚切牛脷上淋上黑椒汁，個飯上檯時熱辣辣，香噴噴，都真係幾吸引！呢度嘅牛脷顏色較深，望落好似偏硬同乾身，但食落都幾腍，未去到爆汁但都食到牛汁同牛香。 💰$11鮮奶撻 🥛終於嚟到主角鮮奶撻啦，我哋一行8人等到各種撻類新鮮出爐，即刻就一人叫返一隻食。我咁愛佢嘅原因，係因為佢係用酥皮去整個餅底，而且仲可以食到全白嘅撻餡，真係唔係咁常見。最特別嘅係佢哋會俾枝匙羹仔你𢳂嚟食，令我由細到大都養成咗用羹食蛋撻嘅習慣！佢嘅酥皮唔會好油膩，鮮奶蛋白焗得好嫩滑，甜度適中，加上新鮮出爐熱辣辣，令我食完一隻再想立即添食多一隻！不過少食多滋味，多吃壞肚皮，今次食住一隻只下口癮，下次過嚟再食過！
繼續閱讀
黎到澳門就緊係要食豬扒包，見呢間既豬扒包都幾多好評，就入左去食。我地叫左最原始既豬扒包，但係d包一上到枱已經見到塊豬扒上面全部都係油，d油多到可以「筆」到出黎，唔止搞到成手油，食落都似飲緊油咁。如果可以隔一隔油再比客，咁會觀感上同味道上都會好好多。同埋豬扒既肉質唔好，又乾又柴，完全唔好食。
繼續閱讀
都行左好一陣想揾個地方坐下，就去左間茶記坐下。本來想叫下飯，炒野試下點知個侍應話無哂飯麵，得牛腩麵，雲吞麵果啲。我地叫左牛腩撈麵，蛋撻，椰絲包同涼粉紅豆冰。牛腩撈麵同香港唔同，佢無加蠔油，係用腩汁同醬油撈，我覺得個味淡左少少，不過呢啲口味人人感覺唔同，唔係難食的，啲牛筋同牛腩都好淋。酥皮蛋撻好味，個蛋好香，如果唔係之前食左野會試埋啲鮮奶撻同葡撻。椰絲包係好舊式果隻面包，都好鬆軟。涼粉紅豆冰都唔錯，唔會勁甜，如果覺得唔夠甜枱面有枝糖水可以自己加。我哋叫左呢幾樣野都係$70，係澳門旅遊區黎講真係唔算貴。如果有興趣吃喝玩樂資訊可follow下我
繼續閱讀
黎到官也街梗係要搵返啲出名既餐廳試下 呢間茶餐廳就係官也街附近個條街 行過去都好近 好容易搵到 係一間比較舊式既茶餐廳 我地四個人叫左兩個豬扒包 四個葡撻 兩杯凍檸茶 一杯熱奶茶 佢地既奶茶同檸茶都好出色 好香好濃既茶味 唔係好多地方都會飲到 葡撻黎到係熱辣辣 好香口 食落個撻皮係脆 好香濃既蛋香味 滿滿既蛋漿 好嫩滑 好好食 但豬扒包就有啲失望 個豬仔包有少少偏硬 塊豬扒就好鹹 呢個麻麻地 呢間食葡撻同飲奶茶檸茶就夠 值得一試
繼續閱讀
When I was small, my dad worked in Macau and when he came back to Hong Kong, he would buy us egg tart from this store and we loved it a lot. We visited Macau and tried their freshly made egg tart with bird's nest, which is seen to be a previous ingredient. The crunchy and butter flavoured egg tart is mouthwatering. The smooth, creamy egg filling is savoury. The bird's nest on top just makes it so perfect. It's an old style cafe, which makes you feel nostalgic about the good old days. I recommend you all to pay a visit!
繼續閱讀
您可能會有興趣的...