一早已計劃左午餐要到永利軒嘆點心, 聽說會幾滿, 要訂才會有位。已避開中午這段繁忙時間, 2:40pm才去, 去到見門口個牌寫三點落場。本來打算走, 但媽媽又話來到就問下啦!行去櫃檯問下, 還可以入, 不過未有位要等下。等左十分鐘左右才可以入。永利軒有兩個入口, 一個要經過娛樂場, 但如果帶住小朋友的話可由另一個入口入。

這裡座位唔似一般酒樓咁擠迫, 樓底夠高, 唔會太侷促。格調高雅, 一入去就見到用施華洛水晶石造成的水晶龍。張檯都幾細, 放多幾籠點心都要就位, 醬料是辣醬, 有青紅兩種, 綠色的有青椒味。因為要留肚, 所以只要了四樣點心。

脆蝦卷腸粉 $25: 配甜醬和麻醬, 以為好似炸兩, 原來內藏的不是油條, 而是春卷皮加上滿有米香的腸粉和鮮蝦, 是意想不到咁夾。

黃金包$28/4個: 本想要招牌點心雪影餐包, 點知賣光, 侍應小姐建議我們叫黃金包。外層炸到香脆不油膩, 咬落唔會有油咇出來,入面的是蘿蔔絲, 夠稔又清甜。

蝦餃皇$35/5隻: 餃皮透薄而煙韌, 不易穿。 除左鮮蝦, 仲有筍粒, 無太多肥豬肉。

鮑魚雞粒酥$38/3個: 賣相已經好誘人, 金金黃黃咁,未食諗住像雞批, 食落才發現有兩種皮, 面頭個種係雞批個種皮, 底層就係好似叉燒酥個種酥皮。雞粒和鮑片用蠔汁煮過, 很入味, 鮑片都不會切丁丁粒, 吃到一片片的。

講食物之餘, 亦要讚下其服務。期間侍應不停加茶, 仲要係幫你斟埋。另外上點心時都會唔好意思前唔好意後,仲講返咩野點心, 慢慢享用咁。令你完全有被招待的感覺。

本身預左這餐要$200, 但原來只需$157, 計返條數, 茶芥應該要$10/位。係香港都好少去酒店中茶廳飲茶, 反而在澳門就躍躍欲試。這裡點心價位比香港的低一點, 睇返酒店網頁更發現有個$148套餐, 可任選六款點心呢! 但只限平日。聞說帝影樓的點心不錯之餘又可欣賞靚景, 下次去澳門又有新目標了。

今日兩個人去左澳門，因為想睇吉祥樹，所以去左永利
點知吉祥樹變左條龍
睇完好肚餓就順手係永利食野啦

因為係lunch,所以食永利軒，見蔡san又介紹過，所以一試
我地無book關係，等左成45 mins
最後食左$148 6個點心呢個set,兩個女既夠飽，因為同點心menu個d size一樣
但係最後個紅豆鮮奶撻食完等左30 mins先黎，d服務員又隱暪漏單，話甜品後上，催左兩次呀！！相都唔記得影啦！
但野食唔錯

剛參觀完新舊葡京的"梁炳"豪華賭場,到了永利,頓覺有天淵之別!美國富有人家品味果然高許多! 這處才是輕鬆舒服玩幾手的好地方.

午膳還未消化完,只好隨意在賭場內覓食,選了永利軒.

此餐廳用膳環境一流, 牆上面的玻璃巨龍裝飾非常引人注目, 極有心思之作.就連 上餐的碗碟茶壺也頗雅緻,服務員的服務亦可以. 絕對是請客見客的選擇.

食物方面有高級洒店的水準,但欠缺驚喜!

我們點了3餸1湯,如下:
竹笙水雲翠羹 - 口感很清,竹笙爽口,髮菜滑滑地,湯底亦好味
黑椒蜆粉條煲 - 蜆非常鮮甜,加粉條配搭合適
茘甫牛肉捲 - 薄牛肉片捲起包着慈菇,吃起來有肉汁.有創意,味道可以
酒汁香橙蝦球 - 唔覺有咪酒汁,基本乃香橙蝦球之作

看得出厨司都想攪創意,但欠主題及特式,價錢不便宜,一般食客無必要特別登門做訪,試一次卻無妨.

朋友嚟澳門探我, 住永利, 想食得清淡D, 於是去永利軒食飯. 點知食到一肚氣.
碗翅, 又咸又假, 成千銀, 火都嚟哩.
蒜片牛柳柳, 過哂火, 牛肉老到不堪.
唯一係服務好, 服務員小姐笑足全程, 可惜廣東話麻麻, 雞同鴨講.

永利軒位於賭場內的深處，一進入餐廳就看到牆上有一條好像是玻璃做的飛龍，很有氣派。

我和長者阿媽預先訂位午膳，被安排坐到飛龍下的卡位，禁不住左顧右盼，欣賞一下這裏華麗的擺設和裝修。卡位雖然很長，但座位跟桌子的距離很窄，坐上去後令人覺得有點侷促。

我們兩人要了龍井茶(茶芥2人收$20)，茶很香，很好喝。另外叫了五個點心，不消一會，便陸續到齊。

雪影餐包($20)– 餐包皮做得像紙般薄，薄得只要用筷子把它提起來便會把它挾扁。放進咀裏咬下去會令人覺得好像吃不到什麼實質的餐包皮, 只能吃到滿咀的叉燒餡味，但這餡就偏甜。如果餐包皮可以厚一點，會令人覺得像吃餐包般實在，而不是吃薄皮包一團甜叉燒肉。花巧多於實際，我不太欣賞。

灌湯餃($50) – 兩只縮水硬皮灌湯餃，不太熱，外皮有點乾，好像是風乾過再翻蒸。內容空洞，沒有什麼山珍海味在其中，只有幾條幼幼的魚翅絲及其它不能清楚分辨的材料，好像有少許日式蟹柳，簡直不知所謂。味道一般過一般，無鮮味，美心好過佢。搵笨！酒店水準，不應如此。

籮白絲酥餅($30) – 細小的三粒。內裏籮白絲很多，但乾巴巴的沒有汁液，所以就沒有其麼味道。外皮好看，很酥化，但豬油味極極極重及油膩，有股怪騷味，跟平日在其它酒樓吃的氣味不同，吃這麼小的一件都很滯。可以不吃！

無骨星州鴨肉($38) –嚐試新口味。用無骨的鴨肉件舖在波蘿和很多子薑片上蒸成。鴨肉算滑，味道甜甜酸酸，像子籮鴨件。算像樣的一道點心，但很細碟。

蝦餃($35) – 5粒迷你蝦餃(方便一口一粒地吃)。不太熱，不會燙咀。皮有點韌和硬，內裏好像全部都是蝦肉，壓得很結實，乾乾的沒有湯汁，蝦雖新鮮但吃不出鮮味。唔鍾意！

長者阿媽飲茶多過我食飯，為怕我個人主觀，我都訪問埋佢意見。由頭到尾佢都冇主動話「好好味」，只有在吃無骨星州鴨肉時話「果Ｄ薑幾好味」。離開後趁佢重記得，再迫問佢好唔好味。佢唔係好想答我，支吾以對。咁我明白la，佢好appreciate 我為佢安排的節目，唔想我難過，但實情係「唔係咁好味」。

阿媽，對唔住，浪費了你一餐的quota，但別忘了這裹是永利酒店，而這裏的茶確是香的，環境亦別具心思。最重要的是，這裏有我倆分享「第一次」的記憶…

八月廿六日(星期一)

經過昨日的venetian一戰後,我們的兩天遊已經是免費了!真幸運呢!

今日checkout後就到了碼頭,再轉車到永利!

還給人check身份証.....haha!check完她都笑了一笑!

今次也好好彩的...所以到永利軒吃!不過,原來要等位!等一個小時呢!

我們再玩電子俄羅斯輪盤!真抵玩,坐了一個小時,都能賺50玩,都是想打發時間呢!

入面的裝潢很豪氣的感覺呢!!!.....有一條大龍,還有其他別緻的擺設,令我更想買一部專業點的相機!

好!上次看雜誌介紹過此店的雪影餐包(即是墨西哥包面,入面是义燒包),感覺不錯,可能我愛吃包!!!!!!!很香!!!!!

再叫了一個XO醬燒鵝蘿蔔糕,我還以為是炒蘿蔔糕!........不過很有心意呢!是一個心形!蘿蔔糕內還有鵝的!一款特別的小菜!

再加了一個蝦餃,蝦很鮮!!!不錯呢!

吃了一大個鴛鴦炒飯,紅色的是有肉絲加上蕃茄!我們都不愛吃蕃茄,但反而變了鴛鴦炒飯就可以!白色的是蝦仁加菜遠!都不錯呢!味道比較清,各有特色!

haha,希望下次可以再來呢!

不過誰不知,老公仔因為不聽話的原故...........激走了......................所以我們到MGM就輸了今日的回報!

約五月份去，回來第一時間想寫，誰知此澳門網頁要更新，一等就等兩個月，熱情冷卻，所取帳單已腿色，完全看不到銀碼，希望在記憶中描述。

餐廳已紅色為主，有好幾隻大型玻璃門配紅色落地窗簾，可望海，要經賭場入去，否則行外圍要兜大圈才進入，及最好前一天訂枱，幾滿(新像萄京的8酒樓一樣要早訂)，因為去這些高級中菜廰的價錢比香港的同級是平的，再加上去賭的人，一萬幾千上落，捨得食，猶其是中國同飽。

高級酒樓，點心當然精緻，此店一樣，豬腳仔-當然淋及嫩、义燒包、义燒穌，咸水角、豉油鷄及蛋白炒飯$98，都有水準(請看相片)，要推介蜜餞銀魚干，炸銀魚點密糖，脆脆地，甜甜地。，共$497。