早一個星期打電話去book位食lunch,佢話要2:00pm先有位,ok無問題,後來先知完來2:00pm開始d食lunch人漸漸埋單,而且已經無乜人等位.所以如果大家唔介意食個late lunch,其實唔使打long d book位.

燒葡國臘腸,咸咸油油的,凈食可能太咸,不過跟埋餐廳奉送的熱辣辣脆豬一齊食,嘩無得頂呀!

炭燒牛仔肉,好香炭燒味,不過無咩牛肉味,可能佢仲係牛BB關係吧.但照計牛BB肉應該好嫩滑,唔知點解我切極都切唔開wor,結果要勞煩老公幫手切到一粒粒等我吉住食

海鮮燴飯,果然名不虛傳,好多人叫,真係好味,湯汁充滿蝦味,香濃而不過咸,材料豐富,有4隻青口,好多蝦仔,蟹腳仔.不過其實有幾多都唔重要,因為凈係得d湯,食哂成鍋飯都唔係問題呀

吃完竹昇麵之後我地去左新葡京借廁所，點知友人唔止放低幾兩咁簡單，仲一時忍唔住手連輸幾口大大鑊﹗

好在一個鐘之後又俾佢追番，鬆一口氣之下個肚又開始餓，就出發去媽閣既船屋食晚飯喇﹗

好在有訂位，6:45pm已經全爆，岩岩留左張枱俾我地，坐低二話不說就係叫番jug sangria飲下先﹗

Sangria溝得夠酒味，雖沒有法蘭度的濃郁，不過入口順喉亦多生果，不錯﹗

工友開始攞佢0係新馬路0的戰利品出來玩，是一對對玉耳環，雖然明知係假野，不過百多蚊可買到心頭好，也相當開心﹗

先來一個八爪魚沙律，八爪魚很多，配上大量洋蔥及芫茜，再加上橄欖油而成，八爪魚不知用了什麼來醃，醃到質感變哂，吃落口感像一舊瘦肉似的，完全沒有了那彈牙的質感，醃料是惹味但八爪魚變得怪怪的我就不太鍾意﹗

餐包是硬豬包，微暖下相當香脆，加少少牛油十分好吃﹗

西班牙煮蜆茄汁味濃，尋晚經林記的老闆教我地食貝殼要與汁同吃，連西班牙汁一啜之下果然醒神，難得是汁能吊出蜆的鮮味，蜆份量不少，值得一試﹗

烤牛扒拼薯條，牛扒帶炭香及海鹽香，但奈何不夠厚切，牛味亦不濃，普通﹗

最後要左個船屋椒鹽蝦，蝦殼炸得脆脆的，椒鹽亦十分入味，夠哂辣度，吃一隻要飲番半杯sangria解下辣先掂，惹味之選﹗

最後要多個木糠布甸，甜野我一向都麻麻地，小試一口口感軟滑，忌簾香濃，甜度適中，工友說她之前吃過的會比較結實，她愛那質感多一點﹗


不是所有食物都合我口味，不過大家難得吃得開心當然給一個笑面啦﹗

係openrice見咁多人推介,因為唔記得book
一落船已經過去,點知真係冇位
好彩即時都book到第2日既6點半

係澳門撞到舅父舅母,之後join埋一齊5個人去左食
都有D人係門口等,一到6半D人就入晒去
咁就嗌左5樣野


馬介休球 MOP40@3件
冇乜味,不過質感幾特別,唔似香港既薯仔會"醬"住個口,而且食落都唔會太飽
係就係貴左D

炭燒葡國乾肉腸 MOP36
好鹹,不過幾好味,就咁食一定唔得,要送飯或者飲野先得

欖油蒜蓉煮蜆MOP78
最好咪係呢個,D芫茜唔會話大搶,同D蒜蓉配得好好
而D汁真係一流,用黎點麵包,而且份量都幾多

葡式燴海鮮飯 MOP108
好濕,唔係話好好好味,中規中距,不過有蝦,青口,仲有蟹,都唔錯

炭燒雞扒配薯條 MOP 98
雖然幾大舊,但D雞肉仲係好滑,炭燒D汁都好好味

原來唔係幾多人就有幾多個包,係睇你嗌幾多個餐架
欖油蒜蓉煮蜆，葡式燴海鮮飯，炭燒雞扒配薯條
呢Ｄ就算係餐啦

最不憤係飲水都要比錢....就算要熱茶都係$4位
真係識得做生意

一落船，打完的去度假屋放低o的o野，就行過o黎搵呢間o野。條街度有o的似九龍城o的舊區食肆。好彩兩日前訂o左檯，唔係o既話就算八點都原來真係可以無得食

餐廳只有一兩個人識廣東話，不過你用中文講話要水佢都聽得明而say no。基本上照住OR食評o黎揀晒o野食

先來的麵包，塗上牛油，香軟可口，讚呀！
炭燒葡國乾肉腸 MOP36 – 幾鹹o架真係，不過伴住sangria 就可以中和到
西班牙式燴鮮蜆 MOP78 – 辣辣o地好惹味，同o的中式風味好唔同
馬介休燴飯 MOP98 – 呢個有o的普通喇
葡式燴海鮮飯 MOP108 – 濕濕o地幾得意，完全係食湯飯咁。好食
炭扒牛肋骨配薯條 MOP 98 – 真係好食呀呢個，睇落係平時o的牛仔骨，食落一o的都唔韌
SANGRIA (1 JAR) MOP 98

好愜意的一餐，記得訂位！

我一星期前已經由香港打電話訂位了, 要一定用英文交談. 今日中午先落車去媽閣廟, 之後1點鐘準時到達, 他們安排好入的地方, 當到達後, 我地點了西班牙炒蜆, 海鮮飯, 附送豬仔包,
點菜職員好細心, 會問我地叫辣定唔辣的蜆, 辣就叫西班牙蜆, 唔辣就叫蒜茸牛油炒蜆

西班牙的汁底好濃的蕃茄味及辣味, 蜆蜆好大隻份量都幾多, 好有鮮味, 但有幾隻蜆有沙, 總括來講好好食

海鮮飯等一陣先好食, 等d汁入曬係d飯度, d材料係曬飯下面, 好足料, 雖然外觀麻麻地, 但飯飯好有海鮮味.

豬仔包好硬, 我選擇了用西班牙蜆的汁配落包包度, 好好味

P.S. 如果要去一定要訂位!!

很久沒有到Macau玩,想吃葡國餐,又不知道邊間好味道,看見Open Rice 有推介,就試

吓船屋葡國餐廳 A Lorcha,早上11:00點在香港碼頭打電話訂檯,平日應該很容易訂位,點知

對方要用英文對答,話下午四點才有位,我們只好去到才想.

我們下午一點幾去到,個位仕應問有沒有訂位,沒有訂位叫我們二點回來,所以在門口等

了半個小時才有位,八個人叫了七八樣食品,個仕應都似覺得不夠,我們叫了沙律,葡國腸,葡國

雞,葡國海鮮燴飯,牛好骨,炒硯,豬手等等.........

因為要用英文交談,聽來總是不明白,後來才明白原來一個主菜跟一個麵包,他怕我們不

夠吃,所以提點要多幾個菜,好彩再沒有再叫,否則吃不了.

最好味推介 : 蒜茸牛油炒蜆,真是好好味道!

燒牛仔骨 : 味道都幾好!

其他食物就不過不失.都可以試試驗!

服務太態都幾好,不個要用英文點菜.

今次一定要好好寫呢個食評, 因為係我嘅生日飯.

好耐之前去澳門, walk –in 船屋, 點知 full 晒, 所以今次就預早出發前已經打去 book. 好彩book 咗, 因為嗰日就算係平日, 都 full house.

黎之前, 已經睇定叫咩, 一切準備就緒…

首先係, 牛肋骨, 其實係我地叫開嘅牛仔骨, 有兩大塊, 好好味, 不過始終都係骨多, 肉比較少, 如果可以加多塊就好喇, 呵呵.

根住叫咗個海鮮燴飯, 係香港未食過咁好味嘅, 一打開個蓋, 見到水汪汪, 個賣相麻麻地, 而且我地即刻 ‘畢’ 黎食, 初時食, d 飯係有d硬硬地, 點知, 當d 飯索晒d 海鮮汁, 就十分十分好食, 所以如果各位叫呢個飯, 都係唔好咁心急食住, 等一陣, 等d 飯入晒味, 咁就超正喇.

仲叫咗個沙律, 沙律就無咩特別喇, 反而覺得d 汁有d 酸….

食完成餐, 當然要食埋個甜品, 木糠布典喇. $42 一個, 都幾貴, 一小杯, 不過就好好味, 好 creamy, 好滑, 都抵嘅…

仲有呢間野係無茶水供應, 如果要水, 就要比錢叫礦泉水, 我地唯有叫 O 茶喇.

呢餐食得超飽且滿足, 其實我都唔係至在食架喇…… 可以同自己鍾意嘅人一齊慶祝生日, 總使d 野食係再難食, 相信都會變龍肉, 哈哈~~

哦! 原來係Glor 之前介紹過我! 佢話呢間野要speak english! 所以我仲同佢講我唔會去!

點知今晚就偏係黎左呢度! 哈.... 哈.... 好耐無講英文la! 好彩剩餘ge仲夠吹得下.

睇完menu同聽完個伙計介紹下, 最終點左3個餸:

馬介休球: ok.

炸魚蕃茄飯: 用蕃茄汁繪個飯, 好入味, 正! 而炸魚係我第一次食到最醒ge.......

麵包配海鮮雜繪: 好油油油油林林............ 質感好核突~~~

最後自已仲好屎忽鬼就去叫左杯 bloody mary..... 估唔到重手成咁.... 好辣.

講老實, 呢次係我第3次食葡菜, 第一次食唔正宗ge, 覺得一般.

第2次食係小飛象, 6-7成正宗, 覺得味道太咸同埋好濕.

今次係一間老字號係葡菜. 我同wing 食完後都.............. 好唔慣........

來過澳門幾次，好想試試葡國菜
上次朋友介紹，去了法蘭度，但真係好失望...
今次決定再試第 2 間，我唔信葡國菜真的是那麼難吃

大約 1 點多到，沒有 book 位，幸好都有位子
周圍已經坐滿了人

之前o係 Openrice Macau 睇過 d comments
於是兩個人便叫了兩樣菜而己

檻欖汁煮蜆︰這個是我上 Openrice Macau 很多食評家讚的一道菜，因為 menu 上有 2 個蜆，要問清楚侍應是那一個，另一個西班牙蜆是辣的，我們都吃不了辣丫~
的確，那個汁的蒜香味好重，我們還自創用這汁點豬仔包 (不過點得太多會反而有點咸)
蜆的份量也不少，我想大概有五十多隻吧...而不太好的是蜆有少少沙

海鮮燴飯︰有一隻蟹、三隻青口、有好多蝦粒
燴飯有好多汁，吃落也不怕乾爭爭，飯粒吸收了海鮮的鮮味

Service 也蠻好的

2 樣都好好味
下次o黎要再試其他菜

25/2 同少奶過o左澳門,專登走去聽聞好食及超多人的船屋餐廳食飯,去到叫野食,出來的效果又唔係食評入面d人講咁好食,不過價錢都可以啦!!!!

1. 海鮮燴飯:麻麻地(蝦多,但係'梅梅地'!!!!)
2. 船屋椒鹽中蝦:太鹽,無鮮味(千奇唔好叫呀)
3. 西班牙煮蜆:最好食都係lee 個(不過汁太稀)

總括黎講,除o左頭盤的朱仔包好食之外,其餘都係麻麻,各位朋友請唸唸!!!,唔好唔信食評,記得去之前要book 位呀,如果唔book 位,有排等!!!!!!!

前日和我的他來了這兒吃情人節晚餐
澳門好多餐廳都冇情人節menu，真好！
我地叫左三樣野........
墨魚沙律 -- 本身係想叫炸馬休球但係冇，所以叫呢個。第一啖食得幾特別，但食食下就唔想食，因為d墨魚太硬，又落左好多蒜頭同葱，好辣，最後都冇食晒...
葡食海鮮飯 -- 呢個好好食，佢d咪好食粒，有少少似意大利米，但有少少唔同，燴飯係有少少湯咁，仲有好多蝦同兩隻青口
西班牙炒蜆--偏辣，d汁用黎點豬仔包好好味，但係d蜆好細隻
埋單兩人都只係二百七十蚊，算平！

昨日與honey一齊去澳門行下, 當休息一天。但點知一上船先知衰左, 因為實在有太多情侶都係去澳門浪漫一番...(如果知道咁多人, 我地都唔會去了)

落到船, 搭10號巴士就0係正佢門口度停, 一路上黎呢度都0係度好擔心冇訂位, 好怕要等好耐, 但一黎到, 見到冇人0係門口喎, 入到去, waiter就問我有冇訂位, 冇訂位就等10分鐘。

等緊的時候, 睇下人地食0的乜, 見到枱枱都係食蜆, 海鮮炒飯咁, 好似好吸引

所以我地都叫左蒜茸牛油炒蜆, 燒牛仔骨, 馬介休炒飯(本身打算叫馬介休球同海鮮炒飯, 但知道咁叫一定食唔晒, 所以叫了混合版)同sangria

一黎就俾左脆豬包我地, 熱熱地好好味, 用黎點蜆0個個汁, 真係超正。

是日午餐我既首選係炒蜆, 真係好好味, 佢0的芫茜同蜆個味好夾。而男友好喜歡個牛仔骨, 因為好林, 而又只係好簡單咁同salt and pepper調味, 但係已經好好食, 足見用料新鮮。

個炒飯都好味, 但係好漏, 應該用左好多牛油去煮, 同埋佢加埋馬介休就變得偏咸, 最後都食唔晒, 我估我地呢度係三人份量了

而個飲品都好好, 用黎慶祝情人節就最啱了。

Happy Valentine's Day!

嘩..嘩...!
差10分鐘就last call...(因為玩到忘記午餐時問.)
好彩....船屋肯收埋我地最後一枱客
好心的待應姐姐摧我們落單,工作態度真的跟香港好不一樣(夠真!)

一行4條友...一個忙着check mail.二個無主意.唉...等我來!
快啲點菜....之前上過openrice 睇過食評,所以好想試一試...

1)焗蜆......真係好味到爆(本人好愛貝壳類)

2)海鮮煱飯......都得!(又係小弟至爱)

3)紅豆焗猪手(傳統葡國菜)......正宗!

4)葡國鷄......好...一般.中着招(唔夠香.雞肉又少.薯仔多到有啲驚)

5)本來想叫馬价休球...但太遲來.買晒
來澳門食唔到馬价休.心身不愤.改叫白汁焗....又中招
薯仔又係多到暈.....味道一般.無驚喜..

由於餐飽又趣又香.點蜆汁好香好好味....食着一大個.
焗飯又夠味...食到停唔到...
猪手汁撈飯又得....
葡國鷄啲薯仔又多....白汁焗馬价休啲薯仔+白汁.......
好飽...好飽...飽到我哋4人都食唔晒....(焗蜆清晒)


PS:攪到我地連晚餐都食唔落...就嘅返着來....哈!
埋單每人HKD150....都值!
下次帶媽咪來食....

聖誕節去左澳門食野.. 但都好忙冇時間返來留言!

一落船就落左來食野啦! 野食都算OK

叫左..

葡式海鮮燴飯 - 好食.. 但好飽既感覺!
蒜溶蜆 - 好飲...
海鮮湯 - 同個飯一樣味..
薯蓉青棻湯 - 夠清, 都算OK!
重有樣唔記得咗...

都算幾貴... 都係因為去到澳門未去食過先去..

這間是朋友極力推介的
他說一定要去試

當晚我地叫左Sangria, 西班牙汁燴蜆, 葡式海鮮燴飯, 炭燒牛仔骨, 總有一個朱古力漿雪糕

Sangria- 真的很好味, 對於喜歡飲紅酒既人可能會甜左少少, 但係我覺得味道ok
西班牙汁燴蜆- 呢個真係.... 正呀!!! 佢係我除左鼓椒炒蜆外會覺得好味既蜆菜, 佢個汁有點辣, 最重要係個蜆真係整得好, 唔腥同彈牙~
葡式海鮮燴飯- 都相當不俗呢, 海鮮相當足料, 搞到我食完又再食, 不停添食
炭燒牛仔骨- 相當嫩滑, 唔"un", 真係好似bbq燒出黎既味道
朱古力漿雪糕-初頭我對呢個甜品無乜好感, 因為係我個fd 話要食, 其實應該係普通既雲呢嗱雪糕加左好多既朱古力漿, 但係食食下又幾好味, 可以試下~

我睇到前面有人話侍應服務態度麻麻
我又唔覺呀
我仲見到老板出黎serve我地tim
都唔差呀~