10月19日, 是夜又嚟到旺角睇戲, 想食壽司嘅我倆並無太多選擇… 去到Monster Sushi門口已經人頭湧湧, 好彩等咗唔係好耐就可以入座~ 仲可以坐吧臺睇住壽司師傅整壽司添!

::: 三文魚壽司 ::: $14
雖然只係$14碟, 但係三文魚刺身質素一d都唔求其~ 三文魚嘅長度係壽司飯嘅兩倍! 魚生紋理分明有光澤, 食落油潤甘香~ 壽司飯調味準繩, 配埋三文魚食好好味~::: 芒果三文魚腐皮壽司 ::: $22
呢個豪華版腐皮壽司, 又三文魚又芒果又蟹籽咁… 不過由於d餡料以左中右咁分開擺放, 所以其實三種餡料味道好分離, 感覺其實普通腐皮壽司仲好食.::: 帆立貝壽司 ::: $35
平時喺峰食帆立貝壽司個帆立貝真係好大隻架! 呢碟呢講size就絕對比唔上架喇… 不過好在佢無size都有d厚度, 而且鮮味搭夠~ 都可以解到我地個帆立貝癮嘅~::: 火炙三文魚忌廉芝士蟹肉卷 ::: $35
淨係睇呢個名都feel到佢係d特色創意野! 呢四件疑似加洲卷加火炙三文魚嘅東東, 其實就係將加洲卷嘅內餡換成忌廉芝士同蟹肉, 再加上蟹籽、火炙三文魚塊同三文魚籽~ 蘸埋碟上裝飾嘅沙律醬, 味道夠晒豐富, 幾特別!::: 碎蔥吞拿魚腩軍艦 ::: $26
吞拿魚腩真係整得好茸, 質地creamy到好似一pat醬咁… 雖然口感欠奉, 味道亦唔算特別鮮, 但勝在吞拿魚腩夠滑無筋, 加上點點碎蔥點綴, 都算唔錯.

::: 龍蝦沙律軍艦 ::: $26
龍蝦沙律份量重手, 沙律內龍蝦肉比例亦唔少! 不過就唔係好食得出龍蝦鮮味… 整體以沙律醬嘅酸酸甜甜味佔多~ 個人覺得北寄貝壽司反而仲好食~

::: 海膽軍艦 ::: $30
海膽軍艦嘅海膽份量夠晒多! 海膽雖然有少少溶溶地, 質素未算最新鮮, 但已經算唔錯, 起碼食落鮮味濃郁無腥味~ 加上份量適中嘅壽司飯同包住軍艦嘅新鮮脆身紫菜一齊食真係正!::: 玉子燒 ::: $14
呢個玉子燒就有d令人失望… 玉子雖然卷得好工整, 但係已經攤到凍晒! 蛋卷明顯過熟, 咬落乾身又無蛋汁, 蛋味亦唔特出… 好一般.以前食壽司首選必然係峰壽司. 但隨著峰壽司執下一間執下又一間... 而家想搵間啱心水嘅壽司店都真係幾難. 朗豪坊嘅Monster Sushi算係其中一間環境靚食物又有特色味道亦唔差嘅選擇!

來到朗豪坊搵食...可能比較夜吧...見到monster sushi不算人多排隊...就決定等下...
之前已想食monster的了...只是每次等候的人也很多...一看見就放棄了~
今次終於有機會試...我就在等候的時間已看定menu

點了海膽蝦卷、芒果三文魚腐皮卷、三文魚三味、吞拿魚、帆立貝三味、蟹肉蟹糕玉子卷、燒牛舌等等等等...
我推介以下三款:

海膽蝦卷 鮮味十足!!! 海膽超正...蝦肉爽口...口感滿足...食完想encore...

蟹肉蟹糕玉子卷 蟹糕香...玉子滑...一濃一淡的味道...很配

燒牛舌 我以為只是一條串燒...原來是一碟精美小吃...牛舌軟滑可口...配了脆蒜片真是香到不得了...旁邊的小沙律也不馬虎...醬汁開胃...令人意猶未盡

其實是不是明星開店....我不在乎...只要食物好味...就已嬴了一截...
至於座位...因為今次是坐在店外類似露台的地方...頭上免不了有些商場的柱和橫樑...如果下次能坐店內就好好多了~

今日是結婚一週年紀念日.....我地去左我地都好鍾意既MONSTER SHUSHI....去慶祝我地既大日子！

去到已經10點幾, 雖然係COUPON特價時段(食滿$250可扣$100)，但可能因為閒日關係，所以都冇咩人，好快就有位入座！

必食既一定係海膽軍艦....簡直係超正...海膽新鮮, 無"壓"味, 而且夠大片, 唔會散, 入口香味道香.
仲有就係蔥吞拿魚軍艦, 食落沒有腥味仲有陣陣魚香仲有唔少得就係鰻魚同三文魚
鰻魚份量夠, 而且夠鰻魚汁, 而三文魚更會加上佢地特制醬汁, 帶出魚既鮮味承意推介前菜燒牛肉.....
份量雖然唔多, 但係特別在中間的生熟洋蔥, 配上他他牛一齊食味道特別, 而且好開胃咁耐冇試水準依然KEEP得好好....今次仲拎左COUPON....可以下次再來....yeah

平時經過就多啦
D 人多到呢......
SO 生日前一晚..老公帶我食好野啦

因為6點左右入去.. 都冇咩人WOR
可以安心慢慢ENJOY啦~

叫左MONSTER sushi~ 呢個用餐廳加做sushi既name.. 應該一定要食啦~
真係好大舊呀
加上佢地既醬..食落真係好滑仲有三文魚sushi ~
三文魚都幾長呀~
肥位都岩岩好~
夠鮮

濃汁火灸三文魚
岩岩燒好暖粒粒
加埋三文魚滑溜既口感
同埋佢隻汁..
又咸又滑~正~三文魚子軍艦
好大粒呀..食落去有醬爆既感覺~
好多水份

帆立貝
食落去唔會苦同重海水味~
因為之前食過幾間有時都會有苦既味..
好在呢度冇呀~
仲好滑好鮮甜

和風他他牛柳
呢個老公食@@因為我仲未接受到食生牛sushi呀~
老公過.. 食完係好味好鮮~ 有d 似食三文魚.. 但係估唔到你牛

豆紙軟殼蟹卷第一次食呀..
豆紙食落去好似食緊一個好脆..但係紙感既外層
入面有蟹子又脆卜卜既感覺
仲有軟殼蟹
好香
有3 層感覺~ 真係幾好

芝士鰻魚卷見個名好似好普通
黎到..好令呀~
上面有芝士~ 燒左既~
入面既鰻魚~
真係好夾~

哥斯拉卷..
我唸得呢度先有得食~
佢真係好大個呀~
佢係外層係炸出黎嫁..
係一d 粒粒..
但我唔知係咩..
好脆好香..
入面d rice 都軟好好味
仲有好多料係入面tim..
好有口感
食到都有d 累..因為食呢個真係要趙好耐嫁~

黑松露tuna魚腩鵝肝卷我發覺呢度既卷物都好正
個外形同層次都好多
我就食唔到黑松露咩味
但係就真係令到個卷物味道提升左
仲有tuna 好滑好鮮味

7味燒三文魚骹
燒得真係好香..
7味粉都好均衡呀
但係冇咩特別
係出面都可以食到牛油炒雜菌
因為唔係好飽~
想叫d 野黎填下位@@
就叫左呢個啦~
好香牛油味..
其他冇咩特別

呢餐真係好正~食左好多辣口味既sushi呀

呢度服務要改善下..
得不到有禮既服務
加水.. 又找不到人..
要叫幾次先加到水
仲有d 剩係識叫人等等
-.-'' 走果時都冇人講多謝哂..
真係多生意都唔駛連禮貌都唔理掛?

聽過呢間舖頭都有一段日子了,一直都未有機會一試
原因係每次想黎呢到食飯,都見到佢門口拉左一條長龍~!
而呢間舖又話冇得訂枱,我最唔中意等位,所以無緣相遇!

今日都係搏一搏,因為係午餐,都先打去問佢地有冇人等位先上去!
一去到可能係午市,所以真係唔洗等位,侍應小姐帶我地入去埋邊坐,
沿路有其他同事係咁喺到'C LEE MA些'...
舖頭睇落唔係好大,客人侍應都唔多,但係好多聲音..
加埋D陰暗燈光,真係有D驚!

坐底左,侍應小姐放左兩杯茶就走左去...
我同朋友喺到睇下睇下個餐牌,又有野想問,可能坐得偏僻,想搵返侍應小姐都唔易,
難得見到個就叫佢過黎,點知佢應完OK之後就走左去,
轉左几個頭再叫佢,佢先過黎睇下咩事..(咁都得~好忙咩?)
問左佢几個問題,其實都係問佢今日有咩新鮮,同埋多數客人會點咩菜姐.
佢都知唔以對..睇黎佢地對自己舖頭D菜式唔係咁了解,我地唯有靠自己.

最後先叫左一個SET試一試,心諗如果唔得就即走~!
個SET有几款唔同既壽司,仲湯有沙律,

面鼓湯 - 濃濃的豆香,感覺唔似勁開湯粉!

三文魚壽司:嗯~已經係最基本既貨色,但係品質一般,可以唔試.

蟹肉棒壽司:好有肉感,咬落冇甩漏,但係好有雪味,可惜

吞那魚粹壽司:吞那魚粹中間加左D香蔥粹,食落清新,几好味

立魚壽司:味道清淡,有魚香,值得一試

仲有兩件唔知乜野魚壽司,味道冇咩特別,幸好唔鯹~!

厚玉子卷(小食):意外好味,有好濃既蛋香,而且睇得出佢地的製作心意

** 可恨D飯太大舊,好快就有飽肚感..尤其我本身唔係咁LIKE 飯**

另外仲叫左
天婦羅:唔得~D粉太厚,上枱已經涼涼地,唔夠熱,唔知係咪炸起好耐~?

燒三文魚絞:我的至愛~去到邊都要一試~呢到燒得好合我心意,而且酒上少少鹽,感覺更正~!

左口魚裙邊壽司:兩片薄片疊埋一齊,口感好豐富,咬落D魚油喺D魚肉中滲出,好香好好味~!

油甘魚刺身:又香又肥又爽口~超好味~食完可以再食~!

沙律蝦蟹肉棒厚玉子壽司:吸引我既係佢個又長又誇張既名~食落一般,志在佢夠勇氣做呢個配搭~~!

鉄板豆腐:個樣唔討好,但食落味道唔錯,煎得微燶,外脆內軟~!好味!

總括:我欣賞呢到D創意~(尤其喺玉子款式方面,如果唔係因為朋友唔想食咁多蛋,真係想試晒佢地)
好多其他舖都有既同樣菜色,就係佢D點點改變,少少配搭,又花心意去擺,令我會考慮再去..
但佢地D服務真係會令人止步~十問九唔應,個個好似遊魂咁!
可能佢地要留返D能量應付晚市掛~哈...

只有帶位同埋單就最快~真係請佢地返黎倒米~

之前睇食評，人人講到咁差，本來都無諗住來，
但壽司都試咗好多間麻麻地，都係決定去試一試，
星期五7:15pm左右去到，門口都好多人，攞咗張飛要等成廿幾張枱，
心諗等成個鐘都唔知得唔得，問帶位個女仔廿幾張枱要等幾耐，佢都話唔知，
不過佢話應該有好多攞咗張飛走咗，咁唯有等一陣睇吓點，
呀!點知隔咗15分鐘，佢一出來嗌飛，真係大部份都走咗，
好彩佢提醒我咋，見仲有一張飛到我，我咪入去望一望，
見到帶位個女仔又埋單又搬嘢又執枱一腳踢(都有做嘢)，
轉頭我入去先見到原來佢哋得三四個Staff做嘢咋，我仲笑住問佢，乜吳生都請唔到人咩，
佢安排我坐係露台位置，有啲熱，剛有Staff經過我同佢講熱，佢話未有位轉，
但係就即刻開著咗身後嘅風扇，有風吹住冇咁焗都可以啦，
好肚餓呀，即刻點嘢食，食咗陣頭先門口個女仔走嚟問我係咪要轉枱，
吓!都食緊啦算啦
之後再點嘢食全部好靚﹑好好味，好新鮮
仲有個廣東話唔正嘅女仔不停加茶，雖然落單搵人就難啲，
不過見佢哋得三四個Staff做，算把啦，至少個個無面黑黑扮睇我唔到，
總括來講食物俾預期中好，服務都OK啦，
我會再來幫襯!!

Monster sushi我都食過好幾次，食物水準唔單止一次差過一次， 服務水準亦都不停跌緊。

5:40pm 到, 店內好少人, 入場時幾乎全間餐廳95％的枱都是無人的, 服務員叫坐吧台, 我詢問是否可以不坐吧台, 之後就比人安排左坐窗既位, 當我詢問是否可以坐卡位時, 沙發好lup. 好多吉卡位,我媽坐骨神經痛, 好快埋單, 佢話唔可以, 另一位女服務員話唔可以, 晚市坐, 我哋係食正價的, 但唔可以坐, 差到,

野食都未點給張單我 , 我同個服務員講未點野食,服務員唔反應,咁無禮貌. 點野食後,另一位服務員dum張單落我地台面, 我話之前張單唔係我地, 服務員勁快咁行開, 服務員唔反應

三文魚壽司好似放左好耐, 冇之前咁肥美, un, 壽司飯凍,醋味較濃,唔新鮮WOR，成間鋪既服務可以話係惡劣。

6:05pm同服務員講埋單, 叫個個無應, 我媽坐lup沙發腰臀部腿後好痛,唔掂, 出去埋單,

我同2個女captain講服務員服務態度差, 卡位無人坐, 但唔可以坐, 佢哋唔反應, 終話openrice多不滿 , 除了佢哋 2個, 全間餐廳服務員是新上班!?

千萬不要選擇這裡!! 食呢間野簡直就係貼錢買難受囉！啲服務態度簡直就差到冇人有！食到我一肚火！真係唔知點解呢間嘢會變成咁, 我以後都唔會再嚟, 都唔明點解仲有咁多人喺到排隊的?吳生的名會被弄臭呢~

Monster sushi 朗豪分店）我都食過好幾次，其他分店我就無食過啦， 但朋友仔食完尖咀同銅鑼灣之後都話旺角分店已經係最好。
但係朗豪分店食物水準唔單止一次差過一次， 服務水準亦都不停跌緊。
9／11，星期五就一定多人出街食飯架啦，門口位紮條馬尾既姐仔RECEPTIONIST燥底又禮貌，OK，算。
D 壽司先攞你命三千。。。。。整定ge…，D三文魚俾佢地擺到變左色，又啡又灰，OK， 算，叫平野無好。
轉叫杜丹蝦，都一樣係咁，都算。
但想唔到連飲品都一樣垃圾，龍眼柚子蜜，零龍眼味。我忍唔住了，我食8點，又唔係食特價時段，唔好咁對我呀。。。
叫左個西裝男WAITER埋黎， 我話杯野飲幫我CANCEL佢啦，完全唔係杯飲品個名果回事囉， 係稀到唔稀既柚子水。
佢話幫我換過杯睇下點，但無分別囉，係甜左呀，但都係無龍眼味。
趕住睇戲所以都算， 埋單個STAFF啞架，成間鋪既服務可以話係惡劣。
有時一間餐廳既野唔太好食唔緊要， AMBIENCE同SERVICE都可以搭夠， 但係MONSTER SUSHI是但一樣都唔掂囉。
真係走去LANGHAM FOOD COURT食個吉野家都好過呢到多多聲， 執枱既姐姐仲出色過呢間既員工呀
睇黎彥祖唔好急於開分店啦， MANAGE好你間總店既FOOD ﹠ SERVICE QUALITY 先啦！

同3個朋友去到朗豪坊,就好想食壽司,就喺商場內行吓,行到12樓就見到一間 Monster Sushi 知到呢間係吳彥祖開嘅,就入去試吓,環境幾好,我哋被安排到卡位,我哋叫咗3個 Set Lunch,之後就另外叫咗少許刺身及壽司,D刺身都好新鮮, Set Lunch就幾抵食,有一個主食,沙律,小食,飲品,及甜品,價錢大約$80幾左右1個,我哋埋單大約$470到,都幾飽肚!!

服務,環摬都幾好,但係卡位就得4張,所以要坐就要訂位啦!!值得一試!!

朋友仔想食MONSTER SUSHI, 一於試下啦!!!我朋友話超多人, 怕無位,叫我行快D!!!

去到唔使等位,因為6:30, 我地兩個女仔坐迴轉枱,但迴轉帶上既壽司好似放左好耐, 唔新鮮WOR!!於是點菜!!!三文魚不肥美, 帶子壽司不凍既,無特別!!這個叫帆立貝吞拿魚壽司,上面個pat 就是吞拿魚,但我食唔出味來!!辣汁吞拿魚卷不錯,上面的東西是爽,又辣,有d似菜脯!!味道幾夾!!鰻魚壽司肥美, 海膽吞拿魚腩軍艦, 這個推介,海膽新鮮,無怪味又夠凍, 感覺新鮮!!松葉蟹膏玉子燒, 好似無咩味,要我沾豉油,如果好食的應該食落重蛋味,與蟹肉鮮味配搭應該不錯, 上面的蟹膏又是普通,少了一點!!什錦刺身沙律, 特別wor, 用杯裝, 但難取來食,好易趺左d刺身出來, 刺身滿滿多, 生菜幾fresh, 旁邊有個醬, 酸酸味, 配生菜一流!!帆立貝柑橘汁刺身, 佢寫住推介,名字又新穎, 咪試下law, 點知一上枱, 即食, 帆立貝唔凍, 上面的東西我食了7粒也分唔出, 只是特別在個汁酸酸地, 帆立貝細粒, 食到尾,因為唔凍刺身變成怪怪地味道!!!!$68 平但不值得試!!

限時個半個鐘,一坐低好似已經有壓力, 原來這間餐廳是吳彥祖開的, 好多人排隊食, 7:00 已經有成10多人排隊,這間餐廳唔細,但設計座位不好, 用膳既人唔多, 所以客人一定排餐死!!!仲要每個人限時個半鐘反而令到兩個傾計既人會用盡時間才埋單...
食物價錢不貴,三文魚一碟$14, 但今餐食了刺身,所以貴了少少$298, 如果想食壽司,傾計又不用排隊,千萬不要選擇這裡!!