之前返工成日見到呢度d海鮮好似好好味咁..今次生日終於有機會可以試下!
收工出到佐敦都成一點..
去到竟然得兩.三台~可能因為平日關係..d人第2日仲要返工~
雖然我地得兩個人..但係都點左好多菜:

白灼東風螺: ok size,味道ok,冇嘜特別!

椒鹽賴尿蝦: 我地叫左大大隻果d賴尿蝦,$100 4隻..
我本身好少食賴尿蝦嫁~不過今次可能大大隻既關係..我覺得食落又幾好味wo

蒜蓉粉絲帶子: 我朋友其實想食扇貝~但係個呀姐話賣淨一隻!
所以好搞笑咁黎左5隻帶子..1隻扇貝~
扇貝我朋友食...帶子我覺得ok..唔可以話好好食!
但呢d貨式就一定唔會鬧~冇咩驚喜..

豉汁蒸大蟶子: 因為我地叫得太多野食既關係..蟶子我地只係一人叫左一隻!
本來個呀姐唔肯嫁..話咩咁大個穫整係整2隻廚房唔會搞~點知後尾又話ok wo..
我朋友話要豉椒炒~但上碟就變左蒸..不過我又冇所謂既!
但係食落d豉椒汁好"傑"..味道怪怪地~我都唔識點形容..係唔好食囉..

唔記得咩北菇生菜: 呢碟最遲到..阿姐唔記得落單!
菜又係冇嘜特別..我係唔中意呢度d獻汁咁鬼傑~

另外叫左3支生力..埋單要$4xx..雖然係朋友請~不過我都係覺得貴左d!
野食普遍一般般偏下..我諗我試完一次之後未必會返轉頭!

國慶當晚，同女友去睇煙花，睇之前去咗哩間"廟街香辣蟹"醫肚。以前去廟街都係食煲仔飯為主，通常路過此店，今次都係第一次試~

由於又係兩丁友，肚容量有限，哩晚叫咗三樣餸加罐汽水，估唔到每碟餸嘅份量都幾大吓~而且d餸出得好快!

豉椒炒蟶子: 雖然今次無叫魚蝦蟹，不過就叫咗碟豉椒炒蟶子。如果有炒蜆同炒蟶子揀，個人比較喜歡食蟶子多d，因為貪其啖啖肉~哩碟蟶子好肥美，好新鮮，個茨唔會太杰一"pat"嘢咁啱啱好~只係略嫌豉椒味唔夠濃，啖咗少少~

炸蠔餅: 炸蠔餅嘅外形對我嚟講有d驚喜，因為同我平時食開嗰種潮洲煎蠔餅唔同~不過我又幾buy哩個餅，因為夠足料，肉眼見到隻隻都係蠔，唔似潮洲蠔餅咁粉漿多過蠔!蠔餅入口好香脆，但食唔到鮮味，不過食炸物就預咗，好在配潮式辣醬食，算係幾好味咁啦~


椒絲腐乳通: 唔知點解，永遠食大排檔嘅椒絲腐乳通都係最好味，屋企係整唔到嘅~哩碟菜鑊氣夠，色澤嫩綠，腐乳味十足，非常有水準!正

雖然得三樣餸，不過食得好飽。唔係咁夠喉，下次要叫多人去，試多d嘢~

友人下午提議去佐敦裕華看一看一個攝影展與印尼食品展銷。之後在廟街「搵食」。看一下人流，選了一家叫香辣蟹的。

點了香辣蝦、酥炸蠔、乾扁四季豆。先上的是乾扁四季豆，評分 4/10。失敗在於廚師可能是為了快熟的關係，居然先用熱水「拖一拖」那些四季豆才去炒，結果成了「濕扁四季豆」。

之後到香辣蝦，只可說是不過不失，6/10。大量的炒香蒜加上辣椒，怎會不入味呢！酥炸蠔也上場了，一看一下賣相，Shit！很厚的炸粉漿。一咬之下，口感像炸鮮奶球，不過是沒有味道的。蠔的味道一點不剩，應該是因為廚師怕只炸會不熟透，所以在炸之前先「拖一拖水」，蠔味盡去，1/10（1分是因為熟透）。

這個時候，兩人才驚覺看一看清楚身邊的人，原來都是遊客來的。典型的遊客陷阱呢！兩個生於斯長於斯的港男居然中招！結果這間最大的成功之處，是可以帶到滿足感給我們兩人，因為從未試過可以在一家餐廳裡會覺得自己可以做每一道菜都比餐廳優勝。

久唔久都要去一次,因為心中有一條"地踎癮"

美極蝦大約有8-9隻,蝦吸收了美極既香味,炒到蝦身都好香口,蝦肉都好爽口.
豆腐魚頭湯豆腐好滑,個湯唔腥,好似飲牛奶湯咁,每次都必飲,好好味~
苦瓜炒豬肉(唔食牛改豬肉)如果苦瓜切薄d會好d,太厚唔夠入味.
蒜容蒸扇貝夠新鮮夠鮮味,蒜容粉絲都好正~
辣酒花螺個辣汁好惹味,酒味唔太重,花螺爽口.
京都骨酸味十足,色素夠濃,肉就細塊左d~
沙薑雞腳雞腳夠林,都好夠味,唔錯唔錯.
炒蜆咁多個餸之中,lee個退步左好多,沒有以前的鑊氣,味道都變差,
而且係花甲而唔係蜆~

不算很正的避風塘口味，但平平地想熱氣吓飲啤酒是ok的。

豉椒炒蜆 - 估計不是由生炒到熟的，估計是把預先弄熟的蜆肉一接order就加豉椒汁dull熱，好彩還是熱的

椒鹽瀨尿蝦 - $100 4 隻，中型，中規，中矩

椒絲腐乳通菜 - ok la 係濕咗D

椒鹽田雞 - 最好食的一碟，夠滑同熱氣

乾炒牛河 - 幾好，夠wok氣，傳統乾炒牛河 應有的味道

煎蠔餅 - wrong oder，無食，淨影相

燕京 - 夠凍

招呼唔錯，起碼有一星米記

聖誕期間，媽咪話想食煲仔飯，咁就當然想搵得好地方食啦…
個個都話廟街多地道野食，咁就決定去到先再揀~

經過呢間橫霸一個十字路口既「香辣蟹」，個哥哥仔又好好招呼問我地幾多位，又見好多唔同國藉既人都係到開餐，都算好滿座，就決定搵張檯坐啦~
有個海鮮檔俾我地揀海鮮，個menu就好大牌檔既，你講得出佢都煮到出黎~

我地五個人，但係都係叫住第一輪，試下佢虛實先：

豉椒炒蜆 (殼) - 黎到冇聲冇氣既，屬於暖啦，但係眼見就睇唔到有蜆肉喇…
似一碟蜆殼，淋個『獻』汁上去，撈左dd蜆肉~
碟底有幾隻半開口既殼，一開見到一舊舊黑泥！反胃！

椒鹽瀨尿蝦 - 都係唔熱既，又冇香味，好鹹>.<
個海鮮檔個d係樣本黎既，又話一百蚊兩隻大既，得少少肉…

煎蠔餅 - 想佐酒既，呢個熱呀黎到，但係佢炸既！仲要唔係一塊餅，係一大舊似蜘蛛既麵粉！好脆呀，炸麵粉之嘛，邊有唔脆既道理？！不過全晚最好食架喇

窩蛋牛肉煲仔飯 - 諗住呢個好穩陣啦…個飯黎到就知佢係蒸完飯先加落個煲到既，唔正宗！個豉油係個飯既精髓，可惜你要問佢好多次先有，仲要係好垃圾既豉油…
煲仔飯都可以冇人想食…

冇哂通菜，叫左個蒜蓉炒白菜仔 - 似白烚，又唔熱！！

乾炒牛河 - 洋蔥太厚，韮皇，蔥，芽菜同粉既比例唔岩
唔算太油，但係個粉炒唔散…
又係唔熱既，冇鑊氣既，失敗

唔係我要求高，但係炒粉麵，炒菜係一間大牌檔既基本功，呢樣都做唔到，我冇心機再點其他菜~
個啤酒推銷員仲要拎兩支雪唔凍既生力黎…
該熱唔熱，該凍唔凍，不論不類~

一間有心既大牌檔，就好似東寶咁，就算貴都物有所值，
相反呢間香辣蟹一心想做遊客生意，唔緊要，我最多冇下次，但係你唔好整衰香港美食天堂呢個名

埋單一肚氣，唔記得幾錢，請都唔返黎

如果問我為何選這間大排檔，是因為經過數月來我的觀察，看見他的賣相都不錯，還有很多本地人及外國遊客光顧。

雖然材料不算很新鮮，但味道都算不錯。


東風螺,ok

蒜蓉粉絲蒸蝦，唔夠新鮮, 但都ok嘅

豉椒炒蟶子，味道和材料都不是太好，一上枱，我們食了幾隻都發覺未夠熟，要求再翻炒

蒜蓉粉絲蒸扇貝，ok

椒鹽賴尿蝦，騙人的，每次經過都看見生猛賴尿蝦在枱面手舞足蹈，感覺很新鮮，原來煮出來的又不是新鮮那回事

椒鹽肉排，咪道唔錯

炒通菜

星洲炒米，味道ok, 不過太濕和太碎

可能人手不足，無服務可言，要叫很多次才有人招呼。

椒鹽雞翼 -- 皮脆肉滑.....正!
椒鹽瀨尿蝦 -- $100四隻算幾抵。
咖喱海蝦煲 -- 一煲十幾隻蝦，係稍嫌门Ｄ咖喱汁淡咗Ｄ。
暫時只係試過呢三個餸，下次試過再寫上嚟。

半年內前後喺度食過2次飯，街坊的裝修格局，街坊價錢，連招呼都喺街坊style, 我哋呢班人看起來瘋瘋癲癲，老闆經常同我哋「吹水」

每次嚟都喺食海鮮，鮮味十足，碟碟熱辣上枱，難得我朋友那過「極度敏感的腸胃」食完都冇事 (touch wood)，更難得2次食海鮮都沒有吃過半粒砂。2次點的菜差不多:

1. 螄蚶 ($40): 落單前同阿姐講聲灼5-6成熟, 打開肉質鮮甜剛熟，還有少少血水，沒砂, 醮點辣醬更佳，不過最多8成熟就可以

2. 豉椒炒蟶子 ($50-60, 例): 蟶子滿瀉，大多數連殼，「獻」略稠，汁連配料撈飯, 沒砂, =蟶子肉質爽口

3. 椒鹽瀨尿蝦 ($25一隻): 蒜粒香口， 瀨尿蝦有隻半手掌長，肉身飽滿，泡油時間夠長，咬落香脆，沒有太多咸味

4. 白灼 / 辣酒煮花螺 ($50 / 60): 嗜酒的可以叫師傅多加辣酒，花螺用中size, 但肉質有少少硬，不夠入味

5. 椒鹽蝦 ($60): 失望，size 細，泡完油又縮水，反而配料攞分

6. 班片炒西蘭花: 一碟7-9片，班片嫩滑

7. 蒜蓉粉絲蒸扇貝 / 帶子 ($50 - 70 / 5-6隻): 火候準確，扇貝有膏，又有大量的粉絲吸收汁料

8. 避風塘炒大蟹: 用肉蟹，蟹身結實啖啖肉，未上枱已聞到香味

9. 椒絲腐乳通菜

環境: 靠幾把大風扇散熱，好彩地鋪面對大馬路，間中有風，枱較少，如果一行6人以上唔夠位上菜，2次都見到有外國遊客、自由行、祖國同胞等，7點前座位較鬆動

服務: 阿姐老闆都喺玩得之人，來到吃飯不要太拘謹，傾吓傾吓隨時打個折頭

衛生: 我哋坐近廚房，本著「眼不見為乾淨」的原則，幸好沒有發現