影片
以上資料只供參考, 請與餐廳確認詳情
招牌菜
今次去左試新水記，必食燒骨同雞翼，如果得2個去食，可以叫雙併，咁就可以試晒2款啦，另推介飛天通菜同泰式生菜包都非常好食，泰式生菜包豬肉粒炒得好香，一點都不乾，食落仲好有肉汁，生菜新鮮乾淨清爽，環境雖然坐得唔係太舒服，有點迫，而且比較嘈，不過大排檔就應該係咁。
繼續閱讀
喺旺角甘霖街既一間細細既大排檔,有泰式同中式既大排檔少炒美食,我地一行人點左冬蔭公,好重酸辣香味,但飲落去酸味多,入面落足料蝦亦有好多隻咖哩炒蜆,呢個好食,咖哩濃甜但不辣,蜆肉大而新鮮生蝦刺身,蝦種同平時食開吾同殼深色D大D,配蒜頭吊味,正烏頭,烏頭新鮮,皮吾食,食入面既肉,肉比較嫩滑,不錯通菜,正常排骨豬頸肉,豬頸肉燒得香口夠煙UN,排骨調味好正,爽口得黎又帶點肥,正!!環境麻麻,但大排檔係甘上下而且價錢平,推介!
繼續閱讀
成日聽人講，話新水記好食，難得跟朋友一大班人，當然要去食下~~佢既生蝦刺身好新鮮，爽甜，正!!講真，叫之前有點猶豫，因為始終擔心衛生問題，但估唔到係大排檔，都可以有咁既水準。接下來的，也是我甚少會吃的內臟，肥肉等等等，但，一吃就會上癮。因為，佢整得很乾淨，無異味，而且全部都係好爽身的，肥肉也不覺膩，只食到爽滑的質地，真係齒頰留香，無得頂。有機會，一定會再去食!!!
繼續閱讀
呢晚同男友仔, 約好左我澳洲返黎放假既小妹相聚一下, 帶佢去食咩好呢..... = =!?諗呀諗, 搵呀搵~~~~ 見到 openrice 既呢間小店評價唔錯, 決定去試一試!!一直跟住 map 行.............橫街窄行...橫街窄行........然後去到一條好多車行既街~而四圍既店舖已經關左門....................黑黑的..............終於!!!! 轉角之後, 見到有一間好光猛既食店...外面有少數人等緊位!!咋咋聲滾過去, 拎左飛仔, 再望下門面、店入面, 貌似係好耐無裝修過既格局~唔打緊, 因為我地食既唔係門面, 亦唔係裝飾.................等左大約 10-15 分鐘就有位, 都算快啦!!店入面係舊式茶餐廳格局............3 丁友, 安排左張卡位比我地, 感覺有 D 迫迫地, 不過為左試食, 無所謂啦~一打開 menu, 哇! 都好多 choose 喎...樣樣都好想試, 價錢都唔算貴!只可惜....眼見碟頭都唔細, 而我地得 3 條友, 大家都係細食之人, 可以裝既野唔多.....結果, 我地只係揀左:- 生蝦刺身- 燒雞翼- 咖哩炒蜆- 白灼海蝦- 札肉沙律- 豆豉鯪魚炒時蔬- 串燒- 白灼雞什 (配沙薑汁)好快好快, 餸菜上得都好快, 好嘈好嘈, 店入面都係大家傾計嘈雜既聲音~ >v<講返野食....- 生蝦刺身蝦 size 唔算大, 不過勝在新鮮, 爽口, 配備既醬汁亦好好味, 讚!- 燒雞翼外皮香口, 內裡肉嫩, 夠入味, 讚!- 咖哩炒蜆一碟五顏六色既配搭、黃色咖哩、青椒、紅椒、洋蔥...等等~咖哩唔辣, 蜆唔大隻, 個汁唔錯, 可惜唔夠惹味!- 白灼海蝦食得出蝦係新鮮貨, 肉質結實又彈牙, 仲有清香既蝦味, 讚!- 札肉沙律菜、洋蔥、札肉.....etc, 整體感覺就好似響泰菜館食果 D 沙律味道咁, 讚!- 豆豉鯪魚炒時蔬無記錯個時蔬應該係油墨, 豆豉鯪魚係罐頭貨, 不過菜好新鮮脆綠, 讚!- 串燒普通串燒 size, 肉串好入味, 熱呼呼的, 唔使任何醬汁都已經好食, 讚!- 白灼雞什 (配沙薑汁)雞什無經調味, 灼熱但唔過熟, 食既時候點少少沙薑醬, 真係食唔停口, 讚!呢餐 dinner 好滿足, 好味又勁飽肚之餘仲笑聲不絕!!!到我地閃人既時候, 門口原來聚集左一堆人響度等緊位, 真係...愈夜愈旺!!!!!
繼續閱讀
與朋友相聚,朋友想吃泰國菜,又要在旺角!!於是上OPENRICE搵食!!!我同朋友相約朗豪坊,行過去,不用10分鐘,但是好偏僻wor!!一到步,發覺自己食過一次,已經是4年前以上我地無訂位,打算7:30 .又平日,應該無甘多人....點知我地要等4張枱,也要45分鐘,因為我地唔搭枱!!!好彩有凳坐 入到去有卡位坐,其實搭枱就即入座,但是這裡實在太迫了,兩個人坐卡位就ok,這間飯店好有名氣.實在有好多人慕名而來!!坐低發覺食物不貴,而且有好多款揀,海鮮,打冷,泰菜..我地得兩個食,要食最出名的食物,揀了4樣泰菜!嘩,好大碟,一睇兩個人食唔哂^^味道不是馬拉盞,又不是蝦醬,是.....我講不出, 但算惹味,不會太咸,又不會太乾,有汁,送飯一流!!又一大碟, 一上枱好香呀,d 蜆大隻,而且份量十足,不會有穀無蜆個咖哩汁熱辣辣,但不辣,少甜,送飯一流,於是忍不住叫了一個白飯與朋友share生蝦刺身係我第一次見甘大隻,又彈牙,而且不是得幾隻,係有12隻,每人有6隻, yummy, 面頭有蒜片,再沾酸辣汁,一入口辣味由舌尖再衝上大腦,好刺激呀,辣得過癮^^這個出名菜式一定要推介,即叫即燒,一上枱仍熱辣辣, 8隻,見到飽了,但一入口,有炭燒,又有蜜糖味, 肉質嫩口, 飽到上心口也忍不住要食哂佢!!!!埋單$266, 直接找錢,有加一,無tips!!!
繼續閱讀