3
7
9
營業時間
星期一至日
06:00 - 23:30
以上資料只供參考, 請與餐廳確認詳情
招牌菜
過時過節出街食飯，一向都唔抵食，我同老婆就極少揀大節日出街被人劏，不過，屋企飯就另計，總要互相就一就。唔單只日子要就，地點都係，就返老爸，梗係揀番石硤尾村附近。其實我老豆、細佬妹對食真係完全無要求，所以，就腳方便已經係上算，佢哋對面嘅名豪就係可選擇之一。名豪都嚟過好幾次，飲茶、晚飯都食過，不過下面近石硤尾街市嘅多彩搞完大裝修，遠少少北河街隧道口又開咗間稻香，再者，附近仲有間明星，幾間都係集團式經營，晌石硤尾佢哋都可謂三雄鼎立。原來依餐團年飯都無打算寫食評，因為之前都寫過名豪，其實又無咩好特別，只係叫抵食夾大件。但今次摷番出嚟寫，係因為聽細妹講間嘢摺咗，所以，就臨尾幫佢寫多篇當悼念吓佢。講真，名豪依類街坊酒樓，晌三雄之下，真係撐唔得幾耐，試諗吓，小弟一家晌年廿七去食，成個大堂都無三乘人，如果唔係當日訂唔到多彩（因為多彩裝修後都未去過），應該都未必揀嚟名豪。既然團年飯，一年得一次，故然想大家食好啲，因此就比平時叫得多啲，啲嘢又揀貴價啲。孖寶E $228孖寶係芝士焗波士頓龍蝦搭老火例湯，波士頓龍蝦足一隻，幾足斤兩，睇樣真係焗過嚟，而且幾厚肉又幾爽彈，芝士汁調校都OK，少少杰身，不過個伊麵底就唔係好得，煮過籠，比較腍又比較碎濕濕。而老火例湯係合掌瓜煲豬骨，原瓦煲上，幾夠味，又無味精，分到成7、8碗。湯渣另外碟上，又係食之無味，棄之可惜嘅嘢。鹵水拼盤 $78拼盤包括有紅腸、鹵水鵝、豬頭肉、鴨翼、鹵水豆腐，鹵水頗為入味，只係稍鹹。咪以為佢幾大碟，睇嚟幾抵食，但查實紅腸、豬頭肉佔多數，不過以$78計，已有咁多款鹵水嘢食，總多過次次都係食燒味。西蘭花帶子 $118全晚最貴嘅一碟菜，但鮮帶子貨真價實，又大粒，又厚肉，味道都算鮮甜。西蘭花亦都煮得啱啱好，唔會太腍，色澤翠綠。菠蘿咕嚕肉 $58全晚最平嘅一碟菜，但也好意外地咁細碟，好似被人偷食咗咁，幸好質素都唔跩，脆漿少少厚身，但個甜酸汁幾開胃，無過酸，又唔嗆喉。全部都係肉排，無博大霧俾啲骨排，所以都啖啖肉。脆皮燒雞半隻 $88隻燒雞估唔到都幾掂喎，炸得外表金黃甘香，做得到皮脆肉嫩。皮下脂肪真係好少，唔太肥，雞肉又幾嫩，小弟覺得係是晚佳作。以往對名豪嘅印象都唔太差，味道雖則無驚喜，但簡單講就係抵食，一般都係七、八十一個人。但係今次就唔同，一來物價漲咗好多，二來團年關係，所以埋單要七百多，圍起每個人差唔多舊半！當然，依家出街食嘢，完全感受到物價上漲得好厲害，乜都貴咗好多。
繼續閱讀
為慶祝父親節，約好了一家人在附近的街坊酒樓嘆茶，為免老父走得遠，就選了離屋村最近的名豪，大時大節也有在此吃晚飯，質素算是過得去，飲午茶則較為少。12:00pm去到等位，才等了10min就有位了。想家人吃得豐富一點，所以，較平時正常「胃量」多點一些：名豪蝦餃皇、豉汁蒸排骨、北菇燒賣皇、蜜味叉燒腸、皮蛋瘦肉粥、叉燒焗軟餅、椒鹽鮮魷、鮑汁鳳爪、流沙奶皇包，共九樣東西。及後，被告之鮑汁鳳爪賣完，轉頭又說沒有了流沙奶皇包，故此，轉了點一個炒麵「燒汁牛柳條炒麵」，奈何，又說沒有，才12:30pm就如此多東西沒有貨了，真有少少氣結，只好退而求其次，找來沙爹牛肉炒麵代替吧！比起晚市，午市的質素感到差了一截！豉汁蒸排骨：豉味不足，排骨不知何故很白，錯眼看上去還以為全是肥膏；蜜味叉燒腸：腸粉拉得很削身，是否為慳成本，米漿溝水太多？椒鹽鮮魷：大大個藤籃仔，但鮮魷卻寥寥可數，是否一開二，做一份椒鹽鮮魷開二份賣？而且，椒鹽味也欠奉。幾個點心真係十分令人失望！相對地，蝦餃皇、燒賣皇都算做得不錯，而沙爹牛肉炒麵也OK，麵餅煎得香脆，為了使人吃得方便，麵餅早已剪為一開四，淋上沙爹牛肉，頗香，如果那個獻汁煮稀一點點就更好。
繼續閱讀
與一班朋友在石硤尾室內運動場打完羽毛球，順著南昌街一路下行，住在這區的朋友建議到名豪飲茶，其實，只要有得吃，我們沒有甚麼異議，因為我這班朋友本來就是沒有要求且隨和的人。可能時間尚早，還未到十二點，所以也只有六乘多的入座率。一行六人，快快手的拿起點心紙不停的剔剔剔，轉眼已剔了十多樣點心吧，打完波，太肚餓了，所以先入單，吃完才再看看情況。這兒的點心價位不算貴，始終是街坊酒樓，加上這區也不是甚麼旺區，周圍也是屋村來，由小點$10.8到特點$23.8，而點心款式沒有甚麼古靈精怪創新特別的，全是老派傳統的，就如所見的蝦餃、燒賣、排骨，就如以前吃的一樣，味道還可以。不過，其中所點的皮蛋瘦肉粥，是就確是大碗的，但皮蛋瘦肉略嫌下得很少呢！
繼續閱讀
My family tried this for the very first time However i believed this would be our very last time. Food quality like general seafood restaurant.Dim sum like siu mai and ha gai is really great. Most of fried items were a bit oilly.We ordered 7 dishes.They served all dishes from time to time. And kept served wrong items to our desk for 2-3 times.After we had most of the food.A manager gave us a receipt and told us to mark which items we had. We felt odd about it for so many items that we never ordered. While we paid for this meal they so-called we ordered for 10 dishes. And just willing cancel 2 of them. During we deal with them, They blamed us for not took all food they mark wrong and made it like all of them were our fault. We end up paid for 8 dishes instead 7. And strongly advice their staff have a training of how to handle issues like this. Because 4 out of 5 manager talk to us in same time and still not satisfy customers.
繼續閱讀
預祝契媽生日~~ 當然契媽於前1晚已經大搞party, 今天就簡簡單單飲個茶~~放棄彩龍來了名豪, 雖說比彩龍質素好1點, 不過畢竟也是間做街坊生意的酒樓~各樣點心味道不過不失, 小妹覺得最值得推介的是馬拉糕~~黑糖做法味道夠傳統~ size大適合人多叫1籠就已經夠分~~~~ 倒是面頭的瓜子其實沒甚麼作為, 換是松子味道會更突出~
繼續閱讀