尋晚同3個朋友一齊去咗間食放題口既大吉食飯。 睇間雜誌話要分兩個時段，所以訂做8:45。

8:30 去到已經去到，等咗一陣就可以入去。口個度除了有氣水，仲有荔枝蜜，都系任飲。口個侍應話天氣凍，所以有埋熱飲。超細心體貼。

唔夠一陣，一大碟魚生就到。件件厚切，分量十足，抵讚！
口的食物話咁快就到齊。其中串燒燜最好食，和牛肉都唔錯。不過燒三文魚頭賣相就麻麻

我同朋友都一致認為天婦羅最好食。即叫即做。蝦天婦羅夠大隻。我同朋友食咗30隻。

服務一般，但就不停有人加茶，換碟。

我覺得值得再嚟！

今個月到中環大吉
6:30 到達 唔系好多客 5至6成
原來更換咗MENU
湯餃子好香
羊鞍6成熟 恰到好處
炸蝦勁脆，不過粉咗D
象拔蚌壽司 帶子壽司 我最鍾意食
甜蝦刺身（有頭）放題少見! 勁食！
火局蠔我食咗 10 幾只！掂
食食口下 突突然間熄咗燈
原來格離抬有人生日。嘩！音樂火花臘燭
下面有個迷你壽司蛋糕， 好特別啊！
憑雜誌Coupon 每位 $ 148 +10%
下次再去！

今個月到中環大吉
6:30 到達 唔系好多客 5至6成
原來更換咗MENU
湯餃子好香
羊鞍6成熟 恰到好處
炸蝦勁脆，不過粉咗D
象拔蚌壽司 帶子壽司 我最鍾意食
甜蝦刺身（有頭）放題少見! 勁食！
火局蠔我食咗 10 幾只！掂
食食口下 突突然間熄咗燈
原來格離抬有人生日。嘩！音樂火花臘燭
下面有個迷你壽司蛋糕， 好特別啊！
憑雜誌Coupon 每位 $ 148 +10%
下次再去！

6:00開始食..無咩人....點紙仔....好多野都想食...但見倒一定唔可以食淨.余食淨就+收50%服務費..就好小心咁樣點.......真係成日落流單
焗生蠔好好食.
天付羅都好好味
炸蠔好好食

壽司同魚生就麻麻地
沙律試左幾個,,,,
淨係鮮果沙律好食............其實難食..............
燒物好好食...最低食......................
中合,,,大至上...無咩野好食....無咩特別下次都唔會再去

黎到呢度食 lunch，想不到食什麼，又是叫門口的迷你便當$108。

今次有新款是鰻魚飯配 sashimi 加餃子。

我覺得鰻魚可以再 juicy d，唔夠淋，所以食既時候有 d 難分開。

魚生係厚切，正！不過唔夠新鮮，少左 d 鮮甜味。

再叫了燒牛舌 $45，薄切，juicy！不過佢癡住支竹太實，要用牙撕開

大吉最近在雜誌賣廣告﹐任食優惠五﹐六﹐日不能用﹐冇所謂啦﹐同屋企人慶祝生日﹐去試試。

Openrice forum上的 comment 唔多好﹐尤其是服務態度... 本人忠懇的意見是服務態度沒有那樣差﹐還可以﹐我給了4分﹐但食物真的比較 差。

除左鹽燒三文魚頭﹐軟殼蟹手捲﹐焗生蠔比較好﹐其他大部份都唔得﹕蟹粥沒有蟹味﹐刺身唔新鮮﹐有些甚至是變壞了。

今天跟個差不多一年沒見面的舊同事吃飯, 因為本來想訂的餐廳沒有位, 靈機一閃就決定來這家朋友曾經推薦過的日本放題店.

其實上兩個星期前也曾經和幾個朋友訂了尖沙咀的大吉, 可惜因為我們遲到而沒位子了.

所以這一晚, 我是滿期待的.

上到餐廳, 店面不大, 比我想像中細, 一般日本料理的格局, 座位不算太窄, 算是OK.

因為要OT, 所以我們都很餓, 一來已經點了很多壽司和刺身, 老實說... 兩樣都麻麻... 刺身呢... 我吃了一件甜蝦已經碰都不碰. 而壽司, 只有鮑魚片, 松葉蟹棒和牛肉我覺得OK, 所以點完又點, 其餘的, 不吃也罷.

牛肉方面, 我們點了牛肉串燒, 牛柳粒和牛肉鍋都OK, 尤其牛肉串燒, 燒得很好味!

沙律方面, 除了蕃茄沙律, 其餘不讚成點...

炸物很穩陣, 可以收貨!

本來看到$48一板海膽我們有考慮過點的, 但觀乎店家在刺身壽司的表現... 最後還是決定慳返個錢好過...

整體來說, 我覺得不值再去...

朋友介紹話呢間好好味!咁啱雜誌又有coupon,加埋有人生日,就黎呢到慶祝!
去到book左枱都要等位?!
入到去眼見,環境坐位好鬼擠逼燈光好暗又嘈吵
刺身細件到好麻雀size 咁,有雪味,唔多新鮮!
壽司/卷物 係咁多樣最好的,如加洲卷,芝士饅魚卷
炸物還可以,夠熱,但經常出現我地都冇叫過既食物!?
燒物除了蝦同牛肉係可以,其他都乾都死,真係見到都唔想放入口!經常漏單!燒蠔仲一直冇出現過!
煮物 冇一款稱得上好味!:
銀芽炒帆立貝,芽菜多乜咁,個d帆立貝都唔係大粒架啦,仲要切開4份!
滿心期待同好多人讚既蟹粥都牛奶鍋都係淡而冇味!唔特別!
煮蜆肉又勁咸
友人生日一早預訂了一個壽司蛋糕!食食下全店黑"媽媽"
侍應送上壽司蛋糕並點著蓮花音樂爉燭,完成哂許願等步驟
戲肉出場喇~一開燈~~~~~~~~~ 竟然見到一個灰黑色既魚生壽司蛋糕!!!!!
而且仲好明顯係放左好耐!!!我知會係一早整好,但都唔係咁架話?
點食入口呀?仲話叫左一定食哂唔係就罰錢?!
咁即係罷明呃錢!!!
飲品仲搞笑,我知宜家環保,但你地都要一早講聲呀!
我地飲完第一輪汽水再叫,見冇飲管咪問侍應攞啦~
點知佢話飲管係要自己重用架喎!但當時我地巳將所有汽水放哂一堆,點找回自己的飲管呢?
谷鬼氣咁唯有唔用!
d侍應又唔理你,又成漏單,又送錯食物又唔收碟!
埋單仲冇送雪糕糯米慈
服務都係差到死!
之前朋友仲話呢係咁多間分店最好既一間~
都唔明有d咁既服務同食物都咁多人幫襯?!真係大吉!!!
我都未試食完一間餐廳之後好有衝動想即刻上黎寫食評架!!!

今次聽朋友講大吉好似好好食,而且晚晚爆滿,滿心歡諗住食番餐好
點知令我大失所望!!!
從食物方面,芝士焗蠔同燒羊胺的確唔錯既
蠔有濃烈既芝士味配合,十分美味,羊胺就火侯十足
但大家千其唔好叫 象拔蛘壽司同希靈魚(因為超級超級腥)
至於刺身就一般啦,有一碟3文魚不是太新鮮,不是太肥美=(
其他炸物牙同埋拉面果d就一般啦,感覺上同等級吉壽同和田比較優勝!!!

食物方面還可以,但服務方面就認真差勁,令我不但食飽,仲食到一肚氣!!!!!!
話說當日9點9到掛住8號風,我地食果個時間就咁岩係9:00-11:00
果度既staff 竟然9點7,8就叫我地last order,而且野食係咁黎,仲要搬多張台擺,令我地有d似 挑戰大食王大賽咁. 其次,佢地成程係咁入黎望,好似想比壓力我地,叫我地早d走咁,
搞到我地十分不快. 不過最緊要既係,佢地流單流左幾次,咁我地再寫過一張,結果佢竟然係最後果round拎左好多野黎(例如3個三文魚反同2個蟹肉粥) 試問點會有人放題食到食定食咁.
最嚴重既係,果d staff竟然要罰我地錢,話我地浪費食物,不過佢地流左單既野會累積落黎囉
而且個3文魚飯更加過分到用個盒黎莊,以前不嬲用碗黎莊炸嘛
所以我地覺得好似比人屈我地錢咁,極度不快.
諗住同個staff理論,結果佢地串到爆,仲話我地浪費食物,對其他人不公平,
我地比人莫須有,仲聲大夾惡,簡直係服務界既羞辱!!!!!

總括黎講,比得起150既請去吉壽or和田,食物方面可能各有優勝之處
但係服務態度上,大吉真係強差人意,不禁令我諗起華仔果句:今時今日,叫服處 態度邊得嫁??? 大家4,5知己良朋出黎食飯本應係開心既事,點知卻一肚冤氣
無錯,野食係好緊要,但係staff既態度都不容忽視,如果大家想開開開心心食餐飯既,就要等大吉炒哂呢班staff,or做好training先啦!!!!,

燈光暗淡﹐地方細細是剛進店內的感覺。 被安排到壽司吧坐﹐看著眼前各種不同種類的刺身都已令肚子奏起飢餓交響曲。雖然很肚餓﹐但都盡量不會一開始便點上又生又熟的食物﹐因為某些濃味食物會影響吃出較新鮮而淡味的刺身。因而頭論都是吃刺身和瘦司為主。

三文魚 – 第一輪的三文魚跟之後再叫的三文魚不同﹐第一輪的是切成一躲花的樣子﹐和帶有少許銀色的魚皮。肉質吃落有很重的三文魚油香﹐肉質肥美之極。之後幾輪的三文魚是切成塊狀﹐肉質沒有第一輪那麼肥美﹐但質素都是很好。三文魚在這裡那麼多刺身選擇之中是最好的。

吞拿魚 – 味道帶一點兒酸味﹐肉質比預期好﹐沒有很多筋。質素不錯。

甜蝦- 連蝦頭和蝦尾﹐很細隻﹐但肉質尚算新鮮﹐沒有不新鮮的怪味。

帶子壽司 – 由原本以下食評所講的帶子刺身﹐現在已變了是壽司。但帶子味道還很新鮮﹐吃落有一種膠口的感覺。但因是壽司的關係﹐所以沒有點上很多。

火焰牛肉壽司 - 淡淡牛肉味﹐面頭稍為燒至半成熟﹐但本人不太起歡其味道跟質素。

象拔蚌壽司 - 象拔蚌肉質比較韌,味道亦蠻‘月星’﹐不建議點這款壽司。

雪場蟹柳壽司 - 徐了比較大條之外﹐味道與普通蟹柳大至相同。

蟹粥 – 餐紙上寫明是3-4人份量﹐但因只有兩人的關係﹐他們亦只是用了細碗﹐剛剛足夠兩人吃。味道如以下食評所說﹐新鮮﹐足料。徐了肉蟹之外﹐粥內的配料還有紅籮蔔﹐冬孤絲及腐竹另其味道更加鮮香。

鹽燒海蝦 – 海蝦在食家心目中是比較大隻兼殼是比較硬那品種﹐但這裡的所為海蝦只是身型比較細隻的基圍蝦。基圍蝦肉質本身已是較小﹐再經鹽燒過後﹐沒有那麼多肉吃。

鹽燒雞翼 – 味道只是用上海鹽來稍作調味﹐所以嗜濃味的朋友未必覺得夠味。但因只是用上海鹽﹐所以吃到雞翼本身的鮮味。第一輪所叫的雞翼肉質比較滑﹐火喉燒得剛好﹐第二論不知是否人客多了﹐師傅太忙之下燒過了火而導置肉質有點鞋口。

蝦天婦羅 - 脆漿成份調教得不錯﹐蝦肉亦很爽甜。

牛乳海鮮鍋 – 見有食評說好﹐所以便點了一個試試。上枱時真的覺得有點被騙。因鍋內沒有什麼貴價食材﹐所以份量沒有像蟹粥一樣的只給兩人份量﹐而是來足一大鍋4人份量。材料有豆腐﹐金孤﹐幾隻基圍蝦﹐魷魚﹐粉絲和蔬菜。如看多這篇食評的朋友才去光顧﹐本人極力建議不要點這個。

廣島焗蠔 – 雖然製作雖時﹐但質素不會另食客失望。燒汁味道帶有少許酸味﹐所以配起鹹香的蠔很夾。蠔肉本身雖然不大﹐但大部份的蠔都有幾大的肚﹐有很重的蠔香。

燒羊架 – 味道出色﹐火喉燒得剛好﹐肉質柔嫩﹐很有豐富羊肉味。嗜羊的朋友不能錯過。

鐵板雪花牛柳粒- 牛肉切成小條狀﹐肉質如其他食評所說﹐好乾和很硬。

韮菜炒蜆 – 點了好幾次都沒有來﹐不知是溜單還是他們的炒蜆已售罄.

銀芽帆立貝- 大慨可只叫這道菜清炒銀芽。因在整碟大大的芽菜當中﹐只有半粒帶子。如想吃一些食物來清清味蕾﹐這是首選。

炸銀杏 - 銀杏肉質煙韌﹐灑在面頭上的海鹽另其味道更野味。但吃到有好幾粒味道很苦。

各款食物不是做得很出色﹐徐了蟹粥之外﹐亦沒有那一款比較特別和好吃。 仕應數目亦只有三位來服務全場爆滿的食客﹐因而有點應接不下。 天花板上有好幾把大風扇﹐所以把壽司吧上那 只供裝飾的垂直布料吹得蕩來蕩去﹐因而整晚被那反射在其枱上不停搖妨的影子打擾著。

其實一路都有幫襯開大吉ga~不過就係尖沙咀余仁生個間
原本諗住食開大吉都有信心ga, 點知去到中環呢間呢....
真係差好遠

d魚生睇個樣都一d都唔肥, no good
天婦羅都好少少, 但係隻天婦羅蝦好細隻...
個炒雜菜都ok既
d牛肉粒真係超韌.......
其他真係乜都唔得
汽水又得兩隻揀, 得pepsi同咩青蘋果汽水
雖然d野食係好快黎, 但野食先係最緊要ga ma

一句講晒
去完尖沙咀余仁生個間再幫襯呢間,
好失望
我以後都會去返尖咀食~

22號晚上一家人, 共五位, 想去中環食放題. 一個月前食過對面樓的吉壽, 食物好味道, 完全唔似放題任食質素, 而係出去食料理質素, 可惜22號晚佢只得返6-8PM, 怕被摧走人, 又好迫, 佢講到明, 五人俾四人台, 結果都係來到大吉, 大吉係未食過的, 也有擔心.

去到入房仔, 間房熱到爆, 好焗, 似未開冷氣, 幸好早到, 所以調左出去. 現場所見, 所有單丁人數必會俾少一張台, 如7位6人台, 9位7人台等, 我5位只有4人台, 真係好唔舒服, 有大男孩而且身型並非單薄之輩, 還有老人家, 唉...

侍應生服務無問題, 換了幾次碟, 不過if 你叫汽水, 佢唔會俾水你, 好處係張台實在太細了, 無水會放得多點食物.

上菜, 都好快, 因為六時入座, 得幾台客, 又唔至於炸定整定唔新鮮, 隨著人多, 七點戍開始, 就等好耐了, 食物質素一般, 記唔起有咩係好好食有深刻引像, 刺身以吞拿魚最難食, 唔似魚的, 還有很多根, 無叫壽司, 不過D卷都唔好食, 飯淋, 非珍珠米(老人家的要求..) 其他食物都真係好普通, 放題質素, 牛粒同牛串係最好味.

汽水任飲, 不過only peisi, diet peisi, milinda green apple, grape.

好在 $158 + 10%, 如果正價188唔會食

如果點都坐得唔舒服, 我會去返吉壽.

老公很喜歡吃日式放題, 每個月總會吃一次. 星期五是我們第一次去中環的大吉, 因為食物質素頗不錯, 服務態度奇好, 加上全晚沒有漏單情況, 上菜時間又超快, 所以整體感覺非常好. 埋單每人$207, 雖然價錢不平宜, 不過下次再想食日式放題時, 都會考慮重臨這兒幫襯的.

1. 刺身 - 三文魚, 吞拿魚, 劍魚, 甜蝦中, 以三文魚最為肥美, 而吞拿魚最差最多渣, 總括來說, 各樣刺身也非常新鮮.

2. 壽司 - 較喜歡甜甜的腐皮壽司, 軟殼蟹壽司內的日本米淋巴巴, 感覺不好. 而店中推介的火炙牛肉壽司則很差, 牛肉切成薄片, 比紙還要薄, 火炙後的牛肉仍然很un, 甚至全片牛肉也是渣, 不能嚥下. 實在非常之不討好, 差!!

3. 沙律 - 點了蟹肉沙律及雜果沙律, 當中以蟹肉沙律水準較高, 蟹肉多, 配上雜菜, 蟹籽及沙律醬, 非常爽口開胃. 而雜果沙律內全是西瓜粒加沙律醬, 這個新奇的 "雜果沙律" 有點兒馬虎, 不叫也罷.

4. 蕎麥麵 - 果真是冰凍的, 食後很舒服, 麵質也算爽口彈牙, 不錯.

5. 天婦羅 - 點了的蕃薯, 南瓜, 芋頭及炸蝦, 炸粉頗厚, 炸功水準亦普通, 其中炸蝦最好味, 蝦肉彈牙, 我們很喜歡這個.

6. 燒烤 - 點了雞翼串及和牛串, 這兩個很不錯, 火喉夠, 肉味夠, 也不會燒得油膩, 值得推介給大家. 燒三文魚頭也很美味, 魚頭燒得很香, 沒有魚鯹味, 魚頭內有大量的魚肉, 燒後更見嫰滑. 另外也點了燒羊脾, 不過燒得還未夠熟, 頗un, 而且骨比肉還要多. 蒜香牛柳粒跟燒羊脾一樣, 都是頗un.

7. 粥類 - 蟹粥是必叫的, 因為鮮味夠濃, 份量頗多, 一煲約4碗, 粥底綿, 非常不錯.

8. 鍋類 - 牛奶海鮮鍋很足料, 有蜆, 帶子, 蟹肉, 三文魚頭, 金菇等, 鮮甜湯底有淡淡的牛奶清香, 也是非常不錯的選擇.

9. 其他 - 枝豆粒粒肥美, 鹹味亦夠, 吃上一棵後, 馬上停唔到口要食晒成碟.

10. 飲品 - 全晚任飲, 我只點了提子汽水, 這款汽水市面好像未曾見過有售, 味道略甜, 不過仍然值得一試.

11. 甜品 - last order後每人逢送一粒雪糕糯米磁. 始終完美的一餐是不能缺少甜品的.

值得一提是當晚負責我區傳菜的2位哥哥服務態度非常好, 有禮貌, 有耐性, 對答時也是笑容掛面的, 上菜非常有效率, 感覺到他們是真心兼落力serve客人, 他們服務水準奇高, 想必是歸因於公司所提供的優質員工訓練, 他們的良好服務態度使我們享受了一頓既豐富又開心滿足的晚餐. 下次再想食日式放題, 也會考慮重來幫襯的.

又系同同學去食
睇左甘多食評;
雖然一早已經對大吉已經無mea特別高既期望
但book左位之後仍然有d期待!
估吾到會甘....

刺身:
三文魚- 都OK
帶子- 同網上menu吾同,系無帶子刺身,變左壽司!!
甜蛋- 無特別 好似超級市場既玉子壽司上面果塊蛋.甜d lor
甜蝦- 連蝦頭 不過好細只 其實都ok 不過我食左1只就無再要
璋紅魚- 吾錯 我幾鍾意
其他- 吾記得/無試到

壽司:
佢地飯好梗 仲衰過超級市場2,3蚊夠果d
帶子壽司- 帶子細得難以置信 而且有d腥 差!
赤貝壽司- 幾大只同鮮甜 有d意外 正

卷物:
卷物我反而幾滿意!
加洲卷- 明明好普通 但我已經覺得系呢度算系非常好味既其中1樣
因為佢成日比d我地無叫既野食比我地 食左好多
炸蝦卷- 都吾錯!

燒物:
串燒和牛肉- 肉質吾好 但都算有牛味

salad:
蘆薈salad- 食評有d話好味 我就覺得麻麻 蘆薈酸酸地都ok 菜果d就...

熱葷
crabs congee- OK幾鮮甜 不過我同同學都無食d蟹 因為得蟹腳同埋5識點拆
湯烏冬- 個湯ok 烏冬都ok! 要左2碗!仲有條菜心添!
鐵板雪花牛柳粒- 好乾 都幾失望


大致上就系甘
d位真系好逼
好吾舒服

汽水任飲 不過你飲得幾多?
飲到成肚氣咪食吾到野lor!

經常有漏單情況
吾系我地d又比我地
最慘系d野好耐未黎 我地吹佢,佢就話:[廚房我溫吾到呢張單,你地介吾介意再落單?]
OK! 我地再落單,無問題 點知好耐之後第1次落單d野又黎反....
甘咪惟有梗食lor!

甜品有雪米慈 都ok既 普普通通lor~

d人態度麻麻地, 服務要改善

應該吾會有下次lu~

尋晚同同事farewell，去左呢度食日式放題~ 其實之前都又諗過其他選擇(如吉壽)，不過綜合左openrice同其他forum既食評之後，都係揀返中環大吉。

早一日下午book左位(6pm-8:30pm)，尋日既下午有人打黎confirm，態度都唔錯的。

去到發現地方係細d，同埋係冇獨位房。我地有5個人，都只係坐4人枱，有3個人要坐同一邊，問過可唔可以坐第二度，但係店方話冇其他位置安排到，即係5人唔可以坐6人枱，各位如果人數係單數(3/5/7)要有心理準備，可能會坐得迫d。

除左坐位較為迫外，其他方便都做得唔錯的。 睇過有食評話環境嘈，但我地坐左咁耐都唔覺，大家都冇話要大聲d講野。

我地準時6點到，個場得兩三張枱有客，就有個男仔staff黎serve我地，好好笑容仲好好傾，又推介左d野食俾我地，仲話千祈唔好食壽司，因為真係麻麻，每晚都會丟唔少。

見過有d食評話有漏單情況，但尋晚我地完全冇發生呢個情形，所有食物都係落order後5-15分鐘就到，就算要花時間整既tempura都一樣，所以我地都幾滿意！

我地5個人都食左好多野，大部份都食晒，淨係臨走前食剩左d沙律同一隻炸蝦，總括黎講所有食物都合格，當中有d都出色的。

刺身︰我地全部都試勻，都ok新鮮的，三文魚夠肥，吞拿魚冇渣，甜蝦都幾鮮，其他魚都爽滑，係甜蛋涷少少。

燒物︰羊鞍幾多汁、和牛同一般牛扒差不多冇乜驚喜不過唔老，冬菇少少鹹唔算乾、栗米都爽口有汁、秋刀魚都幾好食的。

炸物︰蝦粉漿少少厚有d漏、南瓜番薯唔油幾好、帶子薄左d、蠔都有汁的唔錯。

其他熱盤︰蟹粥真係幾甜不過主要係得兩舊蟹，粥裡面冇乜蟹絲的。不過咁反而好，因為兩個同事都對蟹敏感，冇蟹絲反而敢試下d粥。 牛乳海鮮鍋個湯好好飲，好鮮甜俾我地清晒！ 必食推介！ 焗蠔都好好食，我唔鍾意食沙律醬都食左幾隻！ 又係必食推介！ 芽菜炒帆立貝有d搵笨，得兩三粒五毫子大的帆立貝，但芽菜都幾好食的。 蒜蓉炒牛柳就麻麻，因為太細片，冇乜肉汁。 燒尤魚比較辣有少少燶但唔多爽口。

沙律︰試左什果、蟹子同和風牛肉，大家都覺得什果同牛肉幾好食，牛肉個汁幾醒胃，而什果就係西瓜+哈密瓜+沙律醬，有兩個同事大讚，蟹子就不試也罷，只係青瓜+好少蟹子。

待應加水同收碟都好快，都好有禮貎。 我食到一半至醒起用清酒coupon，個男待應都即刻幫我地攞清酒，又話涷飲冇咁易醉。

我地食到7:45pm last order時都已經食飽晒，唔駛點order野。 8:15pm到會派甜品(迷你雪米磁)，同牛奶公司果d差不多，水準ok。

唯一我覺得要改善就係厠所太少，女厠得一格，有時要等好耐至去到，特別是臨走果幾個字，各位女仕一定要預早d去呀！

總括而言，呢餐大家都食得幾開心，若果平日有優惠我會考慮再黎！