14
5
3
港鐵銅鑼灣站 A 出口, 步行約6分鐘; 銅鑼灣時代廣場利景酒店附近
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
知道女朋友仔想試食這間韓國餐廳很久，身為男朋友既我一定要陪愛人去食好野啦 於是我就計劃好當日下午我們去完淺水灣觀光後就去這間位於灣仔既韓國餐廳試食啦 7點到了目的地，店內裝修設計好有韓國風情，牆壁上掛著一幅幅既韓國風情畫 同埋發現原來有一大班韓國食客 大量卡坐位，坐位寬闊坐得舒服 牆壁掛上韓國風情畫。坐位寬闊，清潔又整齊。餐牌介紹招牌菜。餐牌也有中文，英文，韓文三種語言。1.前菜:有泡菜，西蘭花，豆腐，芽菜，蓮藕5小碟 泡菜女朋友仔話好辣，所以小弟無試到，西蘭花好淋，芽菜也淋，豆腐有少許辣，但係好味既，蓮藕甜甜地，又唔會太硬，係5種前菜之中最好食既 2.芝士豬排骨:女朋友仔推介的 我地叫左small size,但芝士份量都好多，豬排骨都有8件，同埋都有幾件韓國年糕，服務員幫我地煮溶了芝士，再將芝士捲落豬排骨面上，然後將件芝士豬排骨放係你碟上，服務超好啊，我同女朋友仲係到左諗右諗，d芝士點整添。 食落好重芝士味，又多又厚，熱烘烘香噴噴，豬排骨就有少許辣，仲好多肉添，肉質滑溜又淋，勁正囉，韓國年糕就麻麻地了，好韌同埋唔辣又無味，女朋友仔的確無介紹錯。 3.辣炒八爪魚:中左招女朋友仔知我鍾意食八爪魚仔，點知食落口有兩種感覺，就係好韌同好辣囉，食到我同女朋友仔流哂眼水米粉仲差，超級淋，淋到好似公仔麵比湯浸了半小時先食果種感覺，問你死未
繼續閱讀
最近無意中發現，公司附近既韓國餐廳，有"芝士豬排骨"食 , 酷愛芝士既我，心思思，巧想試啊！男朋友一聽到我話想食，就話星期日陪我去食喎！豬仔諗定好節目，話先去淺水灣睇"視覺藝術館"後, 再出來灣仔食，巧感動 呀！我地6點几到達餐廳，門外看兩看餐牌, 便走進去。L型既餐廳有著簡單既佈置，牆上貼滿韓風畫作及海報。我地坐卡位，相當舒適自在。暫時得兩三枱食客，仲要係韓國人添 , 食物質素應該幾地道吓…二話不說，即刻揀人氣主菜"芝士豬排骨"(small size) 先，再找來韓藉男侍應以英語細問，先知大慨有6-8件豬排骨左右, 嫌唔夠芝士或豬排骨既，可以加錢加大份量㗎！每100克芝士加50蚊，4件豬排骨就120蚊。跟住點多個男朋友鐘意食既八爪魚 喇！侍應生率先奉上5碟韓式小食: 有辣泡菜，酸辣爽口，但都几辣吓 㗎，男朋友就怕怕，一於唔食 ！有芽菜、西蘭花，一般質素。有辣豆腐乾，薄薄的，唔過辣！有炆蓮藕，甜甜地, 夠腍入味，最好食！1.芝士豬排骨(small size) : 首先侍應生會將一大盤合共8件煮熟既豬排骨+6件煮熟既年糕+些少大豆芽菜+已搞碎既芝士等放係gas爐上面，然後煮溶d芝士，再將d芝士包捲上豬排骨後上碟！豬排骨甜甜辣辣，半肥瘦、啖啖肉加埋d濃郁芝士同食，非常惹味 啊！芝士又多又厚 ，比平時食pizza既芝士量多，仲鋪左些少脆瓜、青、紅椒等，口感豐富！年糕就硬身左些少，稍為遜色！2.辣炒八爪魚: 男朋友見到menu張八爪魚靚靚相，一心以為係佢至愛食既紅色墨魚仔，猛嚷著話要試！好啦，見你陪我食芝士豬排骨，咁呢碟就依你 ……幣傢伙！中伏添 ……d八爪魚巧韌呀 ，我地唔止辣到差d標眼淚，仲巧想噴火 ！d麵又太腍，成碟簡直可以稱為”地獄八爪魚拉麵”侍應生勤加茶，又幫忙換碟，態度良好！眼見其他韓藉食客，全部點燒烤物，下次揾多d朋友來，除左食芝士豬排骨外，順便試下呢度既韓燒先得！
繼續閱讀
Korean BBQ Restaurant SSam話說80後我依一個吃貨係好愛芝士，韓風吹起左芝士豬排骨風，一直都好想食，今天朋友話佢搵到間想食，所以就一起3人去試下，咁就中伏了。。。。。。。8pm打電話去嗰餐廳睇下幾點有位，因為依家啲韓國餐廳都是好full下。打到去，話有位.......心有一秒不安，（復活節前夕），不過都照去咗。8:30pm餐廳有幾檯淨，半滿，心諗應該都ok，先叫咗個芝士骨，再慢慢睇menu。好快侍應送左上黎，5碟前菜，食完佢地就唔會refill架喇，d Kimchi係幾好食既。最後叫咗海鮮石頭飯，韓式芝士豬排骨配年糕，泡菜煎餅，韓國炆牛肋骨煲。海鮮石頭飯，海鮮係雪藏嘅，八爪魚同蔬菜好un。飯質ok，韓式辣醬正中。泡菜煎餅，好油好軟，粉味好重，一啲都唔脆，無咩泡菜味。每人食咗一塊，之後無掂過。韓國炆牛肋骨煲，牛肋骨好un，味道係唔錯但係好油，栗子唔淋。做乜啫…韓式芝士豬排骨配年糕，3 個人叫咗small size，大約有7件排骨，排骨有少少辣，幾嘢味，侍應幫我地捲啲排骨，首先每人分一件，之後將芝士捲哂落啲排骨到，侍應捲完個爐就會熄左佢咗，啲芝士好快硬返，所以我地自己開返個爐，整返熱佢先食。我唔知係唔係因為就快收工，冷氣好似熄咗，變得勁熱同啲嘢食hea住煮，所以我地都拿拿冧，比錢走人。如果你係只諗食芝士豬排骨，你可以想下依一間。又或者叫個啲我地無叫嘅，安全啲。
繼續閱讀
自從睇完韓國飲食節目滋味行後，一直心思思想去韓國食芝士排骨~但早排舅父睇到雜誌介紹，話依家香港都有得食，仲特登影埋地址電話俾公主公主我梗係拿拿聲去約人book位啦，訂位都易嘅，而且態度有善，幾好幾好到咗當日，點知糖果小姐竟然遲咗公主我驚遲到會無位，所以即刻打去同餐廳講要遲半個鐘，都唔知得唔得點知個侍應覆話無問題，我果下有啲愕然，點解遲咁多都無問題嘅？去到就知咩事，根本間餐廳係無人，我地去到勁多吉位，唔理喇，坐低先算睇完menu之後，兩個人應該唔係食得到太多所以淨係叫咗兩樣嘢前菜有5碟咁多，公主我地每款都好鍾意食，一致認同個煎餅同泡菜係最好食 煎餅香脆煙韌，泡菜偏酸唔過份辣，完全係賣非佛不過可惜每樣都係得少少，極度想encore個煎餅同泡菜囉 韓式芝士豬排骨配年糕就係為咗呢味嘢而嚟，但個人真係覺得完全唔值咁貴一上枱，侍應就會幫你熱溶啲芝士，然後捲住舊豬排骨或者年糕首先，公主我真係唔係好明，點解要落啲青紅椒響啲芝士度呢？因為真係唔鍾意食，甚至覺得青椒係好臭，搞到件事好怪其次，豬排骨有點兒過辣，搞到糖果小姐食到雪雪聲，同埋不停飲水我明韓國嘢係偏辣，但咁辣仲邊食得出你啲豬排骨同芝士有咩味，夾唔夾呢？再者，其實公主我真係唔係好介意你啲芝士能唔能夠拉到捲得住舊骨但我堅係介意你啲芝士除咗捲得住舊骨之後就咩作為都無囉~咬芝士時真係完全係𡁻緊香口膠咁款嘅質地，仲要一啲奶香味都無，我地係為咗唔浪費先勉強食晒而且啲年糕比其他韓國餐廳嘅稍為硬身，唧~呢間嘢嘅韓式芝士豬排骨係捲得好靚呀，但咁嘅味道同配搭真係唔多對我胃口，no more next time 紫菜包飯同韓國當地阿豬媽整嘅完全無得揮，切口齊整到咁令我feel到佢響雪櫃等咗我好耐先重見天日望落啲料同韓國嘅差不多，但可能唔係即叫即整，所以無咁新鮮無咁好食 總結：芝士豬排骨真心係唔好食亦唔值咁貴，反而前菜嘅煎餅泡菜仲好食。難道係公主我同糖果小姐去完韓國自遊行番嚟之後，突然對韓國料理嘅要求高咗好多？嘿！p.s. 我地坐低到食完走喇間嘢都係唔爆嘅，又好難怪嘅~食食下嘅時侯有人嚟拍嘢，唔係tbb又唔係有記，唔知係咩，不過唔知佢地會點介紹公主我地中咗伏嘅韓式芝士豬排骨呢？
繼續閱讀
啱啱係韓國返黎，太掛住韓國菜上openrice 見到呢間 cheese ribs...打電話book 檯，聽電話果個大叔，唔識中文，又唔識英文，最後講埋普通話先book 到檯。。。7:30 人唔多，唔駛等期待既cheese ribs 到咗 (我地3 個人叫咗個small size )d ribs 少少辣。。。芝士就真係太少。。個韓國女侍應幫我地用芝士捲咗一舊肋骨 ,就走咗去。。。。其他檯檯都將d 芝士捲哂落d 肋骨，之後分哂俾每一個。。$120海鮮薄餅。。一般。。$80紫菜卷。。咁既價錢，咁既份量，有d 貴$100 石頭飯。。一般。。。
繼續閱讀