跟男友逛街至此，真係好驚嚇的一次壽司之旅
令我有OR的ACC之後，仍決定寫上來．．．

因為男友說試過、幾平，所以就跟他上來
大概是七時多，ＭＫ最多人的時候，這裡幾乎沒有客人

好，服務生的態度一般，沒有說很不禮貌～
不過，也不主動來服務我們就是～

食物＝口＝
那個巨大的帶子，應該是招牌貨，不過食落去有雪味，肉質一般
最討厭是那碟蝦，不知道是不是放了很久，有點蝦乾的感覺
其他食物都是一般一般，大概百佳的壽司也有此水準呢

價錢方面，不算很平．．．
食完我雖然沒有投訴，不過男友卻自己跟我說：不會有下次！

呢間野真係去一次都覺得多
同友人買完野想食壽c，友人話這間ok所以去

去到係下午茶時間無咩人
因為肚餓，所以第一次已經叫左不少食物
但d壽c一上台開始覺得後悔，三文魚吞拿魚，望個樣都知唔新鮮
玉子壽c d色有d怪又無咩味
火燒果d壽c上台既時候係凍既，一d味都無
芝士三文魚，鬼死咁大塊芝士但一d芝士名都無

服務態度又差，個個都係度掛住傾電話傾計，有d就自己埋頭苦幹
成台係碟無位放都唔收野，新野上台見有空碟都唔收，求其放埋一邊~~大佬洗唔洗咁ar~~

友人坐的位置仲話有d垃圾既味~~
2人下午茶要430埋單~真係去板前都無咁嬲~~
唔會再去呢間食野

岩岩個firday....行過見到dinner 時間優惠2件既價錢..可以有3件..咁就上去試下la..
點之上到去先知...要迴轉o個d 先有...order 係冇wor....好呃人feel..
仲要.....一定要你order 個前菜....都算la...
諗住拎壽司la.....等左幾轉...先至.....有三文魚拎...即刻就拎番2碟la....
.....唉...真係好失望...
d 三文魚.....好似冇味咁.....一d 鮮味都冇仲要.....好"鞋"
壽司......d 飯....唉..真係唔得...
玉子......勁薄.....
加洲卷...一夾就散....
我自問唔係d 咀"deal"既人.....我真係都覺得勁勁難食........
叫左個清酒煮蜆........唔知係咪d 酒勁得濟......有d 苦..同埋得d 酒味..就食唔到d 咩味la...
我諗算過得去既就係7味雞軟骨la~~~
埋單....$2xx
真係覺得勁唔抵.......

跟朋友行開旺角买波鞋 突然想食吓寿司...于是就好求其ge走去呢间迴轉寿司....
入去发现几乎就没人...超静...坐落来以后个服务员态度劲差...问咩都唔知...
于是叫o左 B 同D餐试下...
结果上来D刺身好明显唔新鲜..嗰三文鱼刺身上面仲有一丝丝紫色唔知咩来嘅东西...即刻胃口失嗮.....问服务员叫换o左D野..结果又坚持嗰紫色野喺血管来嘅..LOL..

最尾都喺好快食完走...下次应该都唔会过来帮衬噶啦....

夜晚10點幾, 同朋友兩個人係樓下見到佢個易拉架, 瓊華中心10樓....即是以前"壽司亭"
回憶之地, 上去食下先
上到去, 原來9點後半價, 好似好低食, 不過一入去就覺得空氣好差, 好大油煙
一坐底....即刻遞上一張前菜落單紙,話每枱必須叫一款前菜作為最低消費....感覺已經唔好, 不過$13就是但啦....叫左碟墨魚咀...一上枱...唔係掛, 得6粒左右, 仲要唔好食= ="

因為第一次食, 安全D叫左一轉先...好彩叫得唔多....
腐皮壽司......腐皮冇味, 好乾
三文魚脆卷.....一上枱, 朋友就講左句..."咩垃圾來"...原來舊野好鬆, 好似就散咁
三文魚, 北寄貝, 吞拿魚, 甘蝦壽司...魚生全部唔新鮮, 而且D飯好鬆, 好似冇壓過, 而且有D熱

仲有, 佢每枱都有壺唔熱的水....沖到D茶好難飲...
完全食得好唔開心, 立即埋單再搵野食
其實佢個經理服務幾好的, 可惜食物質素太差, 早之去返板前

尋日同老友整完頭髮都成11點..勁肚餓...
諗住食日本野..咁啱行過瓊華樓下有人派傳單....咁就上左御家

上到10/f 御家,得小貓3,4隻,迴轉已收了,得2-3名師父在bar位整壽司

我們坐底後,侍應姐姐即刻遞上前菜落單紙,佢話每枱必須叫一款前菜作為最低消費
我們叫左中華沙律(即海草),前菜碗細得很(約2吋高)我明白...
但仲要個底墊左d椰菜,生菜絲一大堆(成1吋幾厚),我應為咁樣做生意又有點兒那個...

跟住我們叫左1)三文魚2)鰻魚3)炸蝦4)海膽5)日式涷豆腐
全部都普通都唔普通,我諗其實等於百佳貨色咁

不過最難食都係叉燒清湯烏冬..烏冬確實係"林patpat",無乜口感,我諗係用最差果烏冬
我諗百佳牌烏冬既口感仲好過佢....仲之有待改進...

約左朋友食飯
叫佢搵定位先

我個FD就揀左呢一間
話有特價
但睇落份MENU就唔係好覺有咩特別平
有D款仲貴過其他

D飯好散
好似好趕時間整出來比客咁
亦都唔係好新鮮

食物唔新鮮冇水準
又貴.....
總結:又係冇下次

已經是第三次來這裡了，
貪這裡的下午茶價錢夠平，
而且這裡不太多人，又一定有位。

過去兩次吃的都總算合格，
今次叫了滑蛋雞扒飯，
滑蛋和配料都不錯，
但是雞扒完全沒有腌味，
明顯是沒有腌製過，令人失望！

一見到咁多劣評打左個突 (汗) 雖然呢間野比唔上北海道活壽司 , 但亦都唔覺差得咁交關, 我有時想食日本野都會上去食

我推荐三文魚腩sushi , 真係幾厚幾肥美 !
仲有雜錦魚生丼 , $28都幾抵食, 而且味道唔差!
牛肉他他壽司都幾好

不過食過炸蠔就普通冇其他壽司鋪炸得咁好.

約了 保險 agent B.L. 在旺角食 lunch, 順便傾保單轉名事宜

原本打算食11樓 笑笑, 但到了樓下收到八折coupon, 咁友人 就選擇左呢到試下

去到人唔多, 始終平日 1 點幾
裝修唔錯既, 都幾討好 & 整齊

睇到 set lunch 由 $28 至 $42 不等 送凍檸蜜, 前菜, salad & Jelly

叫了一個 鰻魚飯 set $38

salad 賣相 ok 既, 不過真係菜 & salad sauce only, 有d dry

主菜等左1x分鐘先有, 不過唔覺得好熱
鰻魚分量唔多, 比吉野家仲要少dd
味道... 一般啦

問題係d飯, 分量少左dd
雖然係日式珍珠米, 但煮到好乾身, 加上唔夠熱, 口感唔得
加上鰻魚飯汁唔多, 又無其他配料.. 更加突出d飯既缺點

jelly 係紫色既, 唔知係咩味, 又無奶提供.....


服務就幾好既, 送main dish 會用 餐車, 好似 比較有系統既感覺

八折左2個人都係 6x元, 一般啦

同個friend諗住食壽司，記得御家價錢幾抵。響呢個時勢，價錢平真係一個賣點。都成8點先上去都無乜人，就知道個市道有幾差....
我地選擇左坐迴轉枱，因為迴轉枱一碟會有三件。
仲有佢地依家每枱都有刺身送，但係就要order一份小食。d刺身真係好大件，好抵食.....
由於得兩個人既關係，所以我地總共食左5碟壽司、1碟刺身、2個蟹子沙律同1個中華沙律......
d野食就真係一般，但係以咁既價錢黎講就真係唔錯啦.....

行行下街睇有人派左張單張黎..御家壽司...味食過...又見佢甘平...咪諗住試下囉..
上到去..睇下個menu..都唔係甘平...原來係10pm入去先甘平..果單張上味好細細隻字寫囉..
o哂...跟住佢先送一碟三文魚..都ok既..跟住又冇lala比張紙我地..話一定要揀一樣野食..咩基本收費...吹到脹哂囉...之後揀左咩炸三文魚腩...嘩..難食到呀!!!!!
我地坐迴轉table...所以一碟有3件sushi...覺得都幾抵既..
不過一食..d飯酸的@@ 食左個特上海鰻...佢連人地板x既普通海鰻都不如..
冇果種入口即溶既feel...失望..跟住就食左兩個加州手x..都ok既..
d crab 腳sushi真係好難食"""!!好唔得...
唉..估唔到會食到一間甘難食既sushi..!!!
冇下次!!!

服務差
食物差
最差係D壽司飯...太重醋味...
個三文魚...完全無味...可能擺左幾日
個鵝肝手卷又係搞笑...燒到左...係有陣炭屎味...太過份
全部壽司都太難食

現在具質素而價錢相宜的壽司店愈開愈多，十年前來這裏的話，我或者覺得還可以，但以今時今日的標準，這店是完全不合格。

完全是中學時期荃灣"東京壽司"的感覺 - 飯團是機壓出來的，用的米也不佳；三文魚無鮮味，而且不是新鮮即製的 (我們坐order枱)，很明顯吃出來是放久了的壽司。也許只是三文魚而已？很可惜，這裏的三文脆卷、玉子壽司、花蝦壽司，甚至是貴價的帆立貝也一樣，都是不太新鮮之物...甚至比一些口碑不錯的廉價外賣店相比更差 (需知道外賣壽司店的壽司一定是預先製好，先天條件比較弱)

反而魚生好一點 - 三文魚剌身($35)水準屬中上，八爪魚剌身($35)嘛 -- 寫得太花巧 "深海八爪魚"?? 也只是一般味道而已。和風薄餅($30)只有小小一塊 (直徑約四吋)，很難吃；清酒煮蜆($48)只有少少六、七隻，牛肉鍋($5x)還算可以，但不抵食。

還有些細節 - 桌上無酸薑供應 - 這還是壽司店麼？雖以麥茶作招徠，但茶味太淡。

整體而言，這店質素只及一般超廉價地區壽司店，但收的價錢卻和不少具質素的壽司店一樣，甚至更貴；雖然晚飯有八折，但還要加一的，實質只有九折，一點都不抵食。

我強烈建議大家不要貪佢果八折而走去忍受這種難吃食物；如果想慳，不如幫襯外賣店，或者如金太郎/明將等勁平的，起碼我望住個價錢時，忍受到。

我老是覺得元x系列的壽司水準下降，現在想回來，他們起碼算一間合格的壽司店 - 覺得水準下降，許是因為多了比較之故吧！

有日即興與幾位同事踩場食lunch... 一般lunch set也只是$38,安全起見叫了個咖哩豬扒餐.
前菜先來,有點驚喜是賣相不錯,而且有兩小碗,幾有誠意.
豬扒飯不消一會便上檯,賣相幾好. 味道OK,不過嫌豬扒不夠厚,而咖哩汁則勁"杰"...
另外點了個甚麼味雞石頭飯... 賣相很靚,不過味道完全唔得. 可能是石頭飯關係,整碗飯都勁乾... 雞又乾又沒有味,再加上沒有汁,最後差不多要"乾哽"白飯; 相反如果喜歡吃飯焦的話這個會是不錯的選擇.
服務也只是一般,人客不多但侍應卻永不見人... 也難怪網上食評有這麼多"喊樣"...