影片
港鐵粉嶺站 A1 出口, 步行約7分鐘
繼續閱讀
營業時間
星期一至五
11:30 - 15:30
18:00 - 23:30
星期六至日
11:30 - 15:30
17:30 - 23:30
以上資料只供參考, 請與餐廳確認詳情
招牌菜
有人生日，出去食飯慶祝下，又黎左食福井。叫左一人一個午市定食，價錢由四十幾起，份量唔少真係幾抵食。迷你魚生飯，其實都唔迷你，食完都半飽，三文魚新鮮厚切，唔錯。迷你豚肉烏冬，又係唔迷你嘅，豚肉有三大片，肥少少但口感唔差，入口即化，烏冬夠韌有咬口，湯底就差啲，味精豬骨湯。仲有一條手卷，飯同蟹籽都好飽滿，食完即刻飽到上心口。定食套餐仲有一碗面豉湯同一個前菜(是日係中華沙律)，無乜邊個女同事可以食得哂全個餐架。
繼續閱讀
福井在此開業已多年，初開業時經常大排長龍，及後新鮮感過去了，人龍始逐漸縮短，加上近幾年間附近陸續多開了迴轉壽司店和平價外賣壽司店，生意不免受到影響，但這兒是附近唯一的日本料理店，不單供應壽司，還有其他日式料理如熱鍋、冷盤、烏冬、拉麵、燒物、天婦羅等，故仍不乏捧場客，週末午、晚仍需等位，間日就視乎個別日子吧~有一陣子沒有光顧了，數月??? 不記得了~ 反正是日媽媽想吃日本菜，就一起來吃個午餐，昔日的午市套餐仍然存在，或許內容已作微調或價錢略為調高了~ 媽媽點了滑蛋鰻魚飯定食套餐，我要了個燒雞扒飯定食套餐~ 兩個餐皆配有前菜、卷物、麵豉湯和甜品~前菜是中華沙律，是外購的現成貨吧，而壽司卷有兩小件，餡料是一般青瓜、黃蘿蔔和蟹柳，飯粒卷得夠結實，不會鬆散，酸甜味適中，唯紫菜已腍不脆~ 麵豉湯中有例牌的海帶和滑豆腐，麵豉味不會過濃，鹹味適中~兩個定食的份量都不小，先是照燒雞扒定食，因盛載用的圓碟本身也不小，所以照片中對比下，份量看來不算大，但雞扒實際比我的一隻手掌還要大 而雞皮燒得夠香脆，雞肉保持應有的嫩滑，定食內還配有一條用真骨做棒的手打豬肉腸，肉質夠彈牙，惜肥肉偏多，白飯份量同樣不少，足夠兩位女士分享~而媽媽的滑蛋鰻魚亦厚厚的舖滿飯面，只露出少許空間可看到飯粒，滑蛋果然夠滑，仍保持有少許蛋汁，不會煮得過火變老，鰻魚塊亦是厚厚的很有質感，媽媽將蛋、鰻魚、洋葱等所有配料拌勻日本飯來吃，吃得津津有味，一個人吞下整碗飯 最後是甜品，與過往一樣，只是每人一粒迷你雪米糍，不過每次的味道未必一樣，是日抽到的是香芋味和菠蘿味，沒有驚喜，但總算有個飯後甜品，令整頓飯畫上完滿的句號~ 滿足~ 雖然食物質素不算是驚天動地，但是，是附近屋邨和商場中比較優質的日本料理店，而且中午時段的定食套餐價錢化算，份量足，絕對值得推介
繼續閱讀
想食日本嘢又唔想行咁遠，找曬成個北區都無乜邊間似樣啲，咁就求其嚟左依間個餐牌好多選擇，叫左八色刺身，牛肉露荀卷，芝士焗餃子，燒羊架同埋炒雜菌首先個八色刺身既賣相真係差劣，重衰過食放題嗰啲。咁刺身既新鮮度一般，切得太薄唔夠肥美牛肉露荀卷，啲露荀好老有渣，完全食唔到芝士焗餃子好普通，味道就完全唔夾全晚最有驚喜就係個燒羊架，燒完出嚟重好有肉汁，啲肉好嫩，少少蘇咁先似食羊最後個炒雜菌完全無特別，普普通通下一次再應嚟既話該唔會再叫刺身
繼續閱讀
今日路經粉岭諗住搵個朋友食午飯,點知佢唔得閒,變左食自己~!!2點几未食飯鬼咁肚餓,見到呢間舖頭D款式都几吸引,可能過左午巿時間,入面冇咩人心諗都好~可以靜靜地坐耐少少~所以就入左去~~一入門口侍應哥仔就比左個門口位張枱我,我緊係唔制啦~咁多卡位冇人坐,點會咁帶位呢?我即時表示想坐卡位, 咁佢就好唔願意咁比左個啱啱執好的卡位比我,之後再同佢其他同事小聲耳語~ 令人感覺唔太好~ 坐底左我就揀嘢食, 佢午巿款式有成十樣可揀,有壽司,刺身定食,每個定食都有前菜同仲有甜品~~睇,主餐牌仲有好多時令特別推介,我啲選擇恐懼症又發作~~ 冇几耐有個好NICE的侍應小姐黎同我落單,我就叫左個壽司定食轉個頭就上菜,咁快就有得食啦~!! 蟹子手卷 – 白飯份量好足夠~但係D飯冇咩醋香味,NO GOOD 蟹子睇落有一茶匙,啱啱舖D過飯面,紫菜超林又軟~好難咬開…三文魚壽司 – 餐牌明明寫係兩件,最後黎左三件,我就問待應小姐係咪比錯左,佢就有少少唔好意思咁話因為今日冇油甘魚, 所以搵三文魚代替…心諗: 你地咁都得~係咪應該講聲先?!油甘魚壽司 – 原先我好期待的油甘魚消失了.赤貝 + 吞那魚壽司 – 薄切魚生,肉質唔厚,感覺好乾身,相信放左喺室溫一段時間,一D都唔新鮮~ 甜蝦壽司 – 有頭有尾的甜蝦我以為係刺身先會咁做~要自己去頭去尾再放返同舊飯一齊食,真係唔方便~ 總括黎講呢到D壽司都係偏向乾身(不論係飯定係魚肉)一D新鮮感覺都冇~蟹柳雜菜烏冬 – 好難食,D烏冬好硬~一食就知唔係手打烏冬,唔緊要,重點係D湯一D都唔熱,D烏冬又唔夠林,好似啱啱喺雪櫃拎出黎沖兩沖咁, 蟹柳雜菜好似唔係咁熟,食落各有各味道,最差係D湯,有種講唔出黎味道,就好似D鹼水咁~噢~為左唔太過浪費食物~最後我係要隔走D湯加七味粉先食到~日式蒸蛋 – 杯蛋入面除左有蛋之外就只有一片日式魚蛋片,就係咁多, D蛋蒸得真係太老~唔滑仲好硬身,一D誠意都冇!差~仲有其實小匙可以另外上,唔洗插喺入面黎上菜咁難睇~前菜- 中華沙律 .味道一般,相信都唔會差得去邊~可惜一D都唔凍,怕且都係放左出黎好耐LA..甜品就唔見囉~另外仲點左兩件佢的時令’精選’火炙芝士忌廉廣島蠔壽司 – 壽司飯同隻蠔一比一咁大,隻蠔食落好有趙口,做法應該係熱水煮熟再用紙吸乾水,有客人落單既時候,喺上面加D芝士忌廉,最後再用火鎗燒到濃濃地,食落蠔味唔夠,芝士味又唔夠濃,兩者味道加埋意外地清淡黃金燒海胆壽司 – 圓圓的壽司飯上面加左1茶匙海胆, 海胆上面加左沙律醬,同樣再用火鎗燒到濃濃地,一啖一件啱啱好~食落開頭只係食到沙律醬味,之後再用心感受下,有少少…真係好少海胆味~幸好唔係腥味~!!叫做試過,不需要翻兜
繼續閱讀
附近得佢一間似似地樣的日本店，唔食佢食邊間?XD總括而言又無想像中咁差既!其中值得一讚既係店內有個黑衫級既哥哥有禮貌又唔介意我地咁麻入左去坐左中間位，味叫野食想轉做卡位，當時問左個呀姐，佢第1聲就話「有人等架喎」..「唔好意思」都冇聲，後來我地見出面都冇人等位，就不死心再問黑衫看似係高級d既年輕男生~佢望左望門口行去櫃台講聲就幫我地執枱，仲十分有禮貌!!~當時我地岩岩上完樂器堂太多行李有卡位始終方便多!!!...煎餅麻麻，有機會下次可以試試薄餅
繼續閱讀