影片
電話號碼
2383 0991
開飯介紹
有供應傳統滴漏咖啡的越南菜館。
繼續閱讀
營業時間
星期一至日
11:30 - 00:00
以上資料只供參考, 請與餐廳確認詳情
招牌菜
話説呢日小女農曆生日，家人知道我好胃食，所以帶我去出名食既九龍城。我地去左成龍居附近既越南餐廳，一入去個格局比較簡單，燈光少少暗，幾有越南風味。等左10分鐘左右有位坐，但d staff好似好忙，連水都無一杯。由於太肚餓，所以好快就點好食物，肚餓指數已經遠超於所有，已經忘記等幾耐先有得食。炒金邊粉，唔會太乾，亦唔會一夾就散。食越南野一定要食！豬頸肉好嫩好容易咬開，簡直食唔停！呢樣蒸粉卷，不是太特別。如果喜歡比較清淡既人可以選呢樣餸。椰汁就必定要啦，又清又甜！串燒就一般，唔係特別好味道。不過不失啦！
繼續閱讀
是晚為朋友預祝生日，一行四人嚟九龍城食一番入到去咁啱有卡位，四個人坐六人卡位，坐得好鬆動呢海蜇芝麻雞酸咪咪的前菜令人好開胃，仲加左酸瓜絲，份體量仲好大呀，值得推介鹹魚炒芥蘭味道尚可，係用梅香鹹魚炒，不過係油多左D蟹肉炒粉絲粉絲炒得好夠味，凍左之後粉絲就會變成一舊舊除左粉絲外冇咩其他材料，又冇咩食到蟹肉，所以唔會推介蝦醬什錦炒飯有驚喜喎，真係好什錦，啖啖飯都有唔同料好開心竟然會在炒飯中食到臘腸同扎肉絲呢，反而D蝦肉係冇味的飯又炒到一粒粒，好味道串燒雞軟骨就普通冇咩特別，雞腎就偏甜，應該係落多左蜜糖墨魚丸就唔得啦，一D都唔彈牙芝士腸的味道同想像中仲有一段距離，麻麻地腍肉就非常好食，少少酸又燒得脆脆地再加D蒜頭粒粒喺入面，好好食飲品都好多選擇，尤其杯山楂雪梨冰最得我歡心，甜甜酸酸仲有D雪梨肉食下，好飲！總括嚟講，食物都幾好，好平均又坐得幾舒服，服務好好，主動加左幾次茶，價錢仲好吸引
繼續閱讀
九龍城有好多出名既泰國同埋越南餐館，永珍不算出名(我認為)但係係我夫家最愛既一家餐館，味道唔算差，但係就認為佢價錢頗貴……１行４人，夜晚大概7點鐘左右黎到，當時已經９成滿只剩兩張枱，我地點左咖哩牛腩飯，豬肉炸蝦片，炸春卷，炸蝦餅，豬頸肉濱海咖哩牛腩飯一上枱被秒殺，於是冇影相，不過因為我係經常食佢既咖哩牛腩飯，咖哩汁係幾濃味，不過我個人縑佢油太多而且肉好小，雖然咖哩汁好食但係唔可以剩係汁撈飯架…？豬頸肉濱海，濱海我多數會加小許魚露去食，因為濱海（即係米粉卷埋成餅然後蒸）本身冇鹹味，不過佢蒸得太耐，濱海過淋，真係變米餅，豬頸肉就乾到冇油……難食……炸蝦片，炸春卷，依兩個係奶奶同老公既最愛，前者蝦片上有粉絲同埋豬肉，今次既豬肉好鹹，配埋粉絲同埋蝦片都平衡唔到佢既鹹味，好難頂，後者炸春卷我就覺得好油，但老公就認為配上生菜同香茅卷住食就OK!而且佢餡料真係好多好滿！炸蝦餅，佢既炸蝦餅係厚SIZE而且超彈牙！VERY GOOD!４個人約食左$4XX，我個人黎講覺得唔抵，因為佢既食物唔係真係話好好食…BTW屋企人鐘意/__\
繼續閱讀
是日打風過後的一天，天氣悶熱。炎炎夏日，最好莫過於吃一頓清爽地道的越南菜！越南菜酸甜略帶微辣的作法，加上大量的青菜和香葉，是心目中的消暑菜式~永珍在九龍城歷史悠久，不過要記得一家叫「永珍越南食館」，另一家叫「永珍越南菜館」。不知道兩家是否有關係？鹹檸梳打鹹檸還可以，如果七喜夠凍、夠氣會更消暑。菠蘿炒飯用原隻菠蘿上諜，飯炒得很香，粒粒分離，蛋也明顯的加了不少，配料方面毫不吝嗇，腰果、肉鬆、扎肉、青豆等非常豐富。最值得一讚的是他們用的菠蘿還很新鮮，刮到最後，清甜的菠蘿汁混著蛋炒飯，彷彿夏日中的涼風，非常享受！越南春卷炸得很鬆脆，豬肉、木耳、粉絲等配料帶來很清爽的口感，食前將整個春卷浸入清涼的魚露，吸收魚露的精華，包著生菜，再加二、三片金不換(Basil)，味道很清新，也很有層次。越南蒸粉卷蒸粉卷的餡料和越南春卷非常相似，包括木耳、冬菇、粉絲和豬肉碎等。但這個粉卷皮薄香滑，蒸到半透明，入口略綿，配合清涼的魚露，口感清新。越式炸蝦餅這款炸蝦餅份量十足，「成吋」厚的蝦餅啖啖都是肉，非常滿足！另外，蝦餅炸得爽口彈牙，完全沒有油膩感，而且隱約吃到一股淡淡的香茅味，真的不錯！牛油雞翼雞翼肉質嫩滑，炸得毫不油膩，更加不會「乾爭爭」。最怕那些炸得像乾柴的雞翼，永珍的很不錯。一隻隻被香甜的牛油「包住」的雞翼，牛油分量恰到好處，每一啖都是享受。
繼續閱讀
不是第一年在永珍過除夕夜了! 今年有幸再會永珍, 品嚐各式美味越式食品迎新年, 特別是蔗蝦, 又好吃意頭又好! 祝願各位在新的一年可以常常哈哈大笑!四人共點了以下的東西, 四個女人仔, 胃口真不小呢!咖哩雞(星期一特價$62)- 雖然是特價, 但份量絕不欺場. 而同樣”吸引眼球”的是咖哩面頭鋪上一層油分, 有點嚇人, 吃完惟有多跑兩圈了! 咖哩雖然呈現紅紅油油的顏色, 但入口竟然一點也不辣, 正好適合怕辣的小妹我了! 但嗜辣的人就會覺得有所不足. 沒有辣味, 但有濃郁的香料味補償. 再加上椰漿的滑和香濃, 這道咖哩雞還是很好下飯的. 我們也點了白飯一客來送咖哩.蒜茸麵包($20/3件)- 咖哩除了和白飯是好朋友, 和蒜茸包亦是死黨. 蒜茸包即叫即焗, 上桌熱辣辣, 咬下去外脆內軟. 但稍嫌香蒜醬下得不夠, 多一點更惹味.燒蔗蝦($42一支), 期待已久的蔗蝦, 雖然價錢不便宜. ,但未吃已經先聲奪人, 其體積是別的店的四五倍. 外層是了極之彈牙的蝦膠, 蝦味豐厚, 真材實料, 而且炸得很香口. 亮點是蔗蝦上的油蔥, 味道配合得天衣無縫. 不得不提的是被蝦膠包裹的黑皮蔗, 別家的蔗蝦我一定會對這根蔗不屑一顧, 但這裡的蔗竟然是易咬開的, 加上難以抗拒的清甜, 寧願吃得狼狽一點也忍不住把它幹掉!越式拼盆($88/小), 拼盆有牛肉蝦片, 串燒, 蝦春卷, 泰式魚餅, 蝦丸, 扎肉各兩件. 兩人吃可能會太多, 四人吃剛剛好, 記得問店員取剪刀把它們分開. 牛肉蝦片很好吃, 牛肉軟腍富香茅味, 蝦片亦夠脆, 擱了一會也未變腍. 串燒沒甚特別, 雖然肉質軟腍(是豬肉告雞肉各一串), 附上的沙嗲醬亦富花生香, 但總是欠缺了九龍城街頭串燒小店的風味 (是不是很難服侍?!?!)泰式魚餅- 之前在尖沙咀某間泰菜館吃過同樣的菜式, 那家店的臭豆味強勁, 有點像東南亞出產的藥油的味道, 難以下咽. 這家的臭豆下得輕手, 鯪魚的鮮味也不至於完全被遮蓋, 而且很彈牙, 不錯!蝦丸不是不好吃, 而是吃罷蔗蝦就會覺得蝦丸只屬"碎料", 其實還是十分彈牙的.扎肉只有兩小塊, 還要分四份. 吃完也不覺得自己有吃過.泰式炒雜菜($46)- 集合了芥蘭, 西蘭花, 椰菜, 紅蘿蔔, 粟米芯等的蔬菜大集合, 蒜味香濃, 為一眾菜蔬平添一份惹味. 炒得也不算過油.泰式炒金邊粉($52)- 以為是平時在泰國菜館吃到的茄汁底炒金邊粉, 這道卻只用上醬油炒, 沒有茄汁炒的對味, 而且金邊粉煮得未夠軟身, 炒後令金邊粉質地更乾更硬, 不夠濕潤呢! 而且配料也不多.咸檸檬七喜($28)- 應該是店子的招牌飲品之一, 吧檯上有一大瓶黃黃黑黑的檸檬, 極為搶眼. 咸檸鹹度適中, 醃的時間剛好. 其他很多店子也是不夠鹹的. 加上過甜的七喜乃是天衣無縫.之前不知道永珍在同一條街(福佬村道)有數間分店, 今次到訪的仍然是舊店, 數間新店在舊店的對面, 有一間是主打BBQ的. 飯後經過此店, 燈火通明, 裝潢用心精緻, 可見店方迎合潮流, 迎合不同客人的喜好. 下次一定會試下!
繼續閱讀