影片
開飯介紹
以中國酒調配Cocktail及Shooters作主題的小店,配以中式佐酒小食,另此店提供私房菜,須先預訂,4位起。
繼續閱讀
營業時間
星期一至日
18:00 - 00:00
以上資料只供參考, 請與餐廳確認詳情
招牌菜
attractive by the decoration and atmosphere, esp for the first timeBut if you prefer food to atmosphere, might not be a smart choiceBooked a table for four at a quiet cornerBut the next day, they called you that they had to give it to other guest -- Service!Go, if you think atmosphere is everything.Don't go, if you need quality food and service
繼續閱讀
記得中環有間富有中國色彩的小店，位於不大旺的卑利街，Maggie 生日决定邀請她去試吓。菜譜分兩种，細問下推介$388富貴雞的那款，共八道菜，生日仲贈送寿包添！當晚一行十人抵達，侍應隨即介紹不同地區嘅葡萄酒、店主推介的太彫、及好有中國特色嘅cocktail，友人想要水侍應就介紹了mineral water (皇室人員飲用)或者精選名茶，知道出面好多餐廳都冇免費水，所以都叫咗幾枝價錢ok啦，因為都大支嘅。Maggie 本人喜歡鍾意搞搞新意思，於是點了叫〝洞天〞嘅cocktail，成份有花彫、竹葉青同橙汁，味道清新又唔覺濃，幾好味！侍應知道佢生日仲送咗一set shooter 比我哋同佢庆祝，讚！晚宴正式開始：首先頭盤是"漁花碧玉"冷菠菜跟鮮魚片配上特製醬汁， 魚片爽口無比，醬汁濃惹味。乾隆鮮人參雞湯就不過不失很甘甜，相信花多少少時間燉就更濃更出味。主角富貴雞出場喇！大家都有Ｄ期待：原來是用泥包着雞焗的，Maggie當然被邀請成為主持開泥儀式嘅人選啦，打開仲有層荷葉包住香味四溢，侍應更代為拆骨起肉，配上釀係裏面嘅梅菜餡料，雞肉juicy又惹味，送飯一流，但因仲有其他菜式，唯有忍住啦。之後水鄉山椒寳貝及辣子蝦亦非常出色，帶子新鮮而蝦帶麻辣香脆，連殼都食得，真的不錯啊 ！辣完送上清燉娃娃菜清吓味蕾，好細心的安排。最後的甜品花雕燉蛋出乎好食，雖然分量少但少食多滋味嘛。差D唔記得仲有寿包—Maggie 生日快樂！見到她笑容滿面，相信她今次滿意又難忘啊！雖中上價錢，但可以令Maggie開心，而又有特色兼好味的私房菜，值得推介嘅！
繼續閱讀
估唔到第一次就要寫bad experience!!因為友人生日，一行11人訂下這裡的私房菜 !! 本來是訂了士丹頓街洞天功房，唔知點解去到就推左我地去呢邊，其實都唔係大問題，不過味道才是值得討論我地訂的是他們的江南菜的Menu,之前見有member話係海嘯價，但我覺得係不值價，由食材,環境到服務都係...食物:-頭盤是"江南三小碟"分別有:土豆絲,冷菠菜及椒麻粉皮, 我地11人，佢地只係俾兩碟我地自己分，分量亦不多，味道一般，同我係一般上海食店食過水準差唔多。靈芝菇野菌湯,但我地only見唔到靈芝菇，只係清湯+野菌，味道好...清囉-主菜,有萬三紅燒肉及富貴雞,紅燒肉都係俾兩碟我地，得約8片，每人都分唔到兩片，肥瘦適中，但味道唔算好特別。-富貴雞算係比較好的一道菜,雞唔算滑,反而d配菜仲惹味 !-老手乾扁四季豆就不過不失，邊道都食到。-西湖海鮮湯年糕,湯底係用番上面野菌湯個清湯+年糕+應該係supermarket買的急凍雜綿海鮮包，(d蝦係無味，絕對唔係什麼鲜味的材料)。最後係花雕燉蛋，我都從未試過，味道ok，但我覺得花雕只係gimmick，而且份量小得可憐，連半cup都無。服務+環境:好一般(懷舊中式，for 遊客ok)，無tap water供應，係waiter問我飲有汽定無汽，我答無汽，佢俾左支話係英女皇都飲既水我，真係榮幸(應該都要$70-80支)!! 隨後我d朋友要水既時候都只係得meko!!佢地仲有d cocktail，我無試，朋友試左沒有特別comment。最唔掂係佢個冷氣，不斷滴水，waiter話無辦法wor，一係熄左佢開fan..你只可以接受，呢種service我唔接受，最後佢開放係地既fan，卒之吸哂廚房d油煙出來，我地全部人食完都一陣油煙味...總結: 味道價錢與服務都不值這樣的味道與服務，我地要付出每人4百多!!(原本係每位$297, 但加10%同drink後...)...我覺得應該係海嘯下應該有更多美味的選擇
繼續閱讀
20081002隔兩個月左右就會再來“洞天”試菜，都是工作天的中午，不知爲什麽，不管幾個人，每次來總是包場，難道這裏完全不依賴午市的那點生意？當然，對于食客來說，也不是壞事，不用等位，依著中國色彩的大紅cusion，安安靜靜，聊聊天，無端端的就會生出假日午餐的休閑感覺。今天也不例外。前菜油爆蝦沙律，屬于fusion的做法，想不到中式芡汁作爲沙律醬汁來用也不錯，至少就這一味來講，蝦也鮮甜。湯是雜菌雞湯，雖不出衆，也算淡得來很清香。 主菜有三款，四川水煮鮮魚、上海黑椒牛柳和洞天檸檬雞，另外跟私房海鮮炒飯。其中以水煮鮮魚最佳，畢竟這間餐館是川菜底的，麻麻辣辣的湯汁比較出彩，有食友將另一碟中的鶏肉也放進去浸一會才吃，而且這湯汁可以依個人口味叫厨師加辣，多少有點“私房”感覺吧：）牛柳不過不失，檸檬鶏就完全名不符實，竊以爲厨師忘記了今天的菜牌，另作了一位鶏出來，只是淡而無味的緊，不試也罷。一直覺得這裏沒有餐茶是美中不足，一餐下來總像是少了一個完結，不過可能他想益一下附近街坊，正是因了這種缺失感，每次離開，食友們都要再兜去“公和”、“泰昌”或其它地方轉轉：）
繼續閱讀
一年一度的情人節，我和男友都不好西餐，更不想光顧大酒店吃了無新意，比平日貴一大截的set dinner，經心思熟慮，我倆決定來這間食評不錯的中式私房菜。洞天的裝修什俱心思，古式古鄉卻絕不老土，店子小，最多只能擠下十人，不過食桌太細，進食時都幾唔方便。抵讚的是這裡沒因情人節而坐地起價，八道菜晚餐價錢和平日一樣收$338。食物整體上唔錯，八道菜中都有兩三款能令人留下印象。翡冷翠：涼拌萵苣碧綠色的荀粒爽脆無楂，本應是一個清新開胃前菜，可惜醃得過鹹，我吃了數粒已頂唔順，由男友包底。大紅燈籠：太雕花枝丸(見圖)驚喜之作，花枝丸好大粒，炸香了香脆彈牙，丸內藏了些花雕，侍應已提醒我們吃時要特別小心。手口靈敏的我當然能原汁原味地享受這花枝丸；可是對於坐在我對面的「正確筷子手勢初哥」而言，這花枝丸實在難度高了點，花雕四淺的場面，已是見怪不怪。氣宇軒昂：花膠燉小湯包花膠燉湯以精緻的中式茶碗盛着，味道不算濃郁，既以私房菜作招來，燉湯這類考|用料和火喉的心機菜，應可做得更好。每碗均有一塊算大的花膠筒，膠質一般；小湯包皮又厚又粉，肉餡口感像獅子球。鳳凰披襟：竹葉雞包翅另一今人留下印象的菜式，竹葉清香撲鼻，連吃雞肉時亦嚐到幽幽竹香，實在難得。雞肉表面撒了些翅碎，硬硬的，似粉絲多啲。金柳玉衣：北菇扖荳胚北菇厚身，比大路食肆用料稍高級，豆苗嫩，不過獻太重，不對個人口味。盧山錦繡：鹿柳垂絲男友激讚，鹿柳厚切，肉質超嫰，有彈性，肉感非常好，唯一要彈是味太濃。紅封包：鍾水餃一般水準，特別在微辣少甜的醬汁。水餃表面下了大量不不太搶喉的黑胡椒粉，為平凡的水餃帶來生氣珠光寶氣：特色甜點(見圖)整頓晚飲飯以心形椰絲棉花糕作總結。白色的棉花糕味道一點也不討好，亦給人一種求奇的感覺(圖中的紅色心是我倆自備的拍攝道具)。題外話：話說昨晚，鄰座坐了一對情侶，男的整晚只顧着和洞天老闆分享彼此對装修的熱誠，100%冷落了對面的女友。連情人節晚餐都得不到男友的full attention，何謂愛？
繼續閱讀