0
2
1
港鐵鰂魚涌站 B 出口, 步行約3分鐘 繼續閱讀
特色
適合大夥人
營業時間
星期一至日
07:00 - 00:00
付款方式
Visa Master 現金
以上資料只供參考, 請與餐廳確認詳情
食評 (4)
等級4 2015-02-26
2495 瀏覽
轟動一時的地溝油事件令到公司附近一間酒樓極速結業, 之後新酒樓極速開業, 內部無咩大改動… 我都等佢開咗幾個月先去, 避開開業初期的混亂通病…見到晚市套餐好似好抵, Honey話Call埋太古之友來吃… 我就話食埋呢餐點心睇清楚環境先再Call人都未遲…潮州粉果 (小)--都幾難食, 個皮好似白膠漿咁, 掂到筷子之後點都抆唔甩, 透明皮不斷黐住對筷子, 范圍不斷擴大, 好呢Hea, 博鬥了一陣子, 放棄… 餡料其實Not Bad, 幾重胡椒味…地豆蒸鳳爪 (中)--鳳爪個色超恐怖,落咗鮮橙色螢光劑咁, 嚇到唔記得影相, 食落仲索索聲, 無煮過咁, 無吞到, 放棄…珍珠雞 (大)--細隻到呢, 打開塊葉, 除咗糯米飯, 餡料只有叉燒醬, 雞肉走晒佬…綠茶煎堆仔 (中)--嘩, 中間果舊咩o黎o架? 舊時果間酒樓呢個煎堆仔好好味嘅呢, 而家呢個無綠茶味仲要加舊唔知咩餡係入面, 好失望…服務方面不算太差, 只是人手不足…可惜食物強差人意, 附近大把酒樓可以選擇, 短中期內無可能重來… 繼續閱讀
(以上食評乃用戶個人意見 , 並不代表OpenRice之觀點。)
等級1 2014-06-14
2043 瀏覽
食物方面不過不失, 熟一般, 未有驚喜!  個人認為對區內居民算『就』腳, 對我特登由西環坐車過去, 真係唔希望有下次囉...約中午12:30左右到酒樓, 不用等位, 但被編坐個食風位 plus 其中一位服務員服務差, 成餐一肚氣...叫左13樣食物, 埋單327蚊, 其中6樣已經係特價(13:30前落單優惠)食品, 其實算貴, 不過東區呀...高尚住宅區...唔『kur』班居民, 點搵食呢?老老實實貴真係唔緊要, 大家都知物價通脹, 燈油火爉都係錢, 但只要環境舒適, 服務態度好就一定有人懂得欣賞全餐2粒鐘, 最有問題係有位服務員 (詳述於題外話), 但要補充返其他部長, 經理至傳菜員既態度都不俗....呢2粒鐘我見到好多客人不停換枱, 亦好多人投訴度門不停開關太大風, 最后我見到幾個高層站在我個位后面圍埋講: 點解會開呢幾張枱, 呢幾張枱唔好開啦....听到他們的對話, 我深知並肯定, 我換枱的要求絕非個人問題, 係個位置本身有問題, 我要求換枱絕對不是無理要求, 該名態度差既服務員, 請妳提供專業有禮的服務, 而非每位客人都不講理的, 就算真的不講理, 妳也務必提供妳應有的專業服務態度, 而非不理不睬, 更甚是語氣惡劣地應對客人因為呢件事我首次寫openrice, 希望大家唔會遇到我同類事件而消費都一肚氣故事經過寫於題外話/補充資料 繼續閱讀
(以上食評乃用戶個人意見 , 並不代表OpenRice之觀點。)
等級4 2014-02-11
1601 瀏覽
今日做了一樣幾十年無做既事,就係老豆叫我飲早茶,時間為11點35分,我唔知算唔算早小點$15.8頂點$33.8,價錢中等啦叫茶後發現左.....咁乾淨既,想點?當堂灰左.香港食肆三大特色--無禮貌,無服務,無衛生,呢度中左一樣了不過服務員很有禮貌,值得一讚芋角,芋味幾濃,但裡面的餡料很淡又唔夠咸那個煎餃食完真係灰左,內裡既餡料係有蛋白,CORN和MINI 蝦,又係好淡,加上調味不足,變左甜甜地,怪怪地腸粉FAIR,皮既滑度中等腐皮蝦卷就成餐最好食,炸得香脆,蝦夠爽,汁夠濃,不過油其他無咩亮點.以味道上OVERALL是中等,街坊飲茶既角度不太講究只係覺得新開張,要注意下衛生 繼續閱讀
(以上食評乃用戶個人意見 , 並不代表OpenRice之觀點。)