有學生coupon，唔洗錢，食lunch buffet

有咖喱薯，雞同牛，本有中意咖喱，食料不少咖喱牛，牛筋同肉相連，比例好好，咖喱也帶點辣，醒胃，但是食到一本先發現有好味咖喱牛!
刺身ok新鮮，食了三文魚
朱古力噴泉，點餅條/棉花糖/夾心餅，幾好
另一有印象是生蠔，都係沙拉果邊拿，ok新鮮
熱盤就好應該是龍利柳

熱盤大約只有10款
魚生無得任拿

算吧唔洗錢，算係好開心！

星期日 家庭樂, 3 個人想食Lunch Buffet, 週圍都無位, 因 DBS Card 有六折就去呢間,
好少嘢揀, 無驚喜
咖喱有3款 羊,雞,雜菜------- 都未熱就比人食
燒牛柳 -- 又乾又凍, 好似隔夜燒定咁....
粥 -- 好唏, 腥味好重
三文魚--- 灰灰地色
凍蝦仔 40-50隻, 無再出
熱葷 -- 肉醬意粉,炒飯,牛肉炒菜,灼茄子, 照燒雞, 炸天婦羅菜, 尚可以
朱古力火煱, 格仔餅, 簡單甜點等,

價錢 168.-加一, 標高再6折117.20
以後都唔會再去食

早幾日見到報紙有coupon...咁就約埋班fd黎試下啦
我地成班人都係牛魔王....撞正佢今個月既主題係牛....真係正!!!!
佢地仲要係泳池邊整bbq場....都有好多野食呀....
有牛...牛都有好多款...雞翼...魷魚...菠蘿...雞扒....全部都可以即整~~
如果唔想等既...都有d係整好左既
其餘野食又有壽司刺身、凍海鮮、咖喱...同埋其他中西式野食....
甜品方面...佢有個位可以自己撈甜品~~~
呢個我就最鍾意~~因為可以整晒自己鍾意食既野

對上果次試過麗豪另一間餐廳覺得唔錯....
咁今次睇頭條又見到另一間餐廳"濠餐廳"有coupon,,又想去試下!!!
見佢今次個主題係"牛之巡禮",,好似真係好吸引/\/\
去到既時候帶位好有禮貌...感覺已經良好~~
今次有燒牛肉....和牛...全部都係即叫即整,,味道又ok ga!!
其餘野食又有魚生、海鮮,,中西式都有.....花款都幾多.....
而且係戶外又有燒野食.....不停咁燒d扒食,,,@@
甜品款式又多,,有個甜品係可以自己整ga,,自製珍多冰..幾得意ga/\/\
今次真係冇令我失望,,相比起之前真係好左好多呀!!!
其他人想食buffet又有一個新選擇啦.....

有頭條報紙coupon,睇見做"牛之巡禮"自助晚餐便訂位和女友去食,除了燒牛肉外還有四種牛扒是即叫即煮,有和牛,味道都好!其他食品都好似比之前多左,(之前都食過)有魚生有凍海鮮，蝦蚧長腳蚧蚌龍蝦仔，有即製鵝肝火炅壽司，熱盤都有中式西式食品，有一個火鍋檔，在戶外有燒烤檔，有燒大蝦，燒雞奕，豬牛排等等，甜品有自製珍多冰，其他西式蛋糕和小杯甜點，埋單走人時都食得好飽。

未試過 [沙田麗豪酒店] 3 樓的 [濠餐廳]. 滙豐 Card 5折.
我地 12 人, 當晚好少人, 得 2,3 乘滿. 好清靜.

全晚無特別野食.
佢無我至愛煙三文魚. (九龍城富豪都有.) 好失望.

刺身唔生新鮮.

海鮮檔~的海鮮得 2張A4 紙咁多囉. 有D 野出一次渣.
BBQ檔~ 雞中翼, 紅腸, 尤魚圈,...見食友D 相有蝦, 但成晚都無Wor.

甜品 NO good.見到都唔想食.

沙律好失望! 仲唔 refill tim!

抄蜆全部都系蓋 D肉唔知去左邊.

好食既有~
海鮮飯. 好香Good!
燒牛肉. 唔韌.
西湯. 好好飲. 好香, 好濃 Good!

叫我地來麗豪個 friend 問我點解又重覆食呢 3 樣, 我都唔知點講. .......

一次過. 無回頭.
我地5 折+1= $173. 都覺得唔值.
相比[九龍城富豪東方] 樣樣都好 好多. refill 又快.
有4折 都唔會再來 !

用佰零蚊去食個 Lunch Buffet 重妥當, 同開心D.

唔怪得 5 折都咁冷清啦.

We arrived 635pm. Pretty much not much choice. Not many people but the restaurant tactfully make you wait for everything slightly better e.g. salmon (that's about it). When our turn came at the 'fresh cut' bar, as asked for salmon but was told they ran out (This is about 7pm). But as my brother and I left the queue, then at the corner of my eye, I saw they pulled out a huge salmon from the fringe. I think the trick is - make you wait or take some other food first.

We cannot get get the 'scallop' though I hear it did exist (for brief moments)

Desserts were scarce. Can you imagine they don't even bother to refill the 'marshmallow' for the so-called chocolate fountain. The buffet started at 630pm but the marshmallow ran out at 730pm.

However, with favoritism, the table next to us can get 'private servings' of crabs and desserts, delivered directly to their table; while the rest of the patrons in this restaurant get nothing.

It is the first ever buffet that I still feel much hunger afterwards! Even with 40% discount at $210 HKD per adult, this 'diet' is absolutely over-priced.

I cannot remember one thing tasty from this awful buffet. Salad plate was very small and not quite fresh. Fried rice was extremely hard and cold. Most hot food was served just luke warm too.

The salmon was quite okay at first trial. But the subsequent ones were icy (you literally can taste the ice - that's what I meant)

I am guessing this type of buffet is already priced in (cheaply) for the tourists who stay at the hotel - hence anyone local (like us) who would pay to get entrance would feel ripped off.

一心諗住去沙田麗豪住番晚、食餐勁，反正佢哋嘅復活節優惠確實低。我哋就book咗濠餐廳，七點半食海鮮BBQ ，見佢哋話乜都有得食，諗起都興奮!

準時去到，服務就一般，個個都無乜笑容，個塲未算爆，但食物就清晒，我諗可能節日關係，真係無嘢食，海鮮得番幾隻無肉蟹腳，我都無法，唯有食吓salad，但又無晒醬，咁去食魚生囉！好，不過要排隊，好似走難咁要同人分享食物。無法，唔排無得食，迫住向現實低頭。

個chef問排我前面嘅美女食乜，佢話每樣要d，點知個chef話事關人多，只可以叫三種，唔係吖嘛，叫咩自助餐先？貴嘢就排餐死，平嘢就任食，咩世界？

唔好勞氣，因為BBQ都係要排，我哋等咗半個鐘，完全感覺等咗半世，真係可憐，仲要係無乜嘢食，死未？牛扒、羊架、大頭蝦、青囗，但唔係話好食，自己燒仲正，隻青囗乾到嘔，又無味，唔知為乜辛苦自己。

我諗俾錢我都唔會再去，真係一餐無得食嘅唔自助嘅自助餐，never again!!!!

是夜一家人為小妹預祝生日，選擇這裡吃飯，原因一是未食過(嘗試心態)，二是家人有六折優惠券，因此前幾天便打電話Booking了。我們七時到達，濠餐廳給我感覺環境幾好，座位也舒適，最重要是整夜都沒太多人，不會太噪又不用跟人家爭吃啦~(哈哈)

食物有不同種類選擇，沙律、刺身、壽司、海鮮、滷味、熱葷、中西式甜品、雪糕等，尚不錯。不過甜品就真的很失色，當中只有數款好味而已。

刺身：今晚的刺身富色澤，入口也新鮮，三文魚、三文魚腩、吞拿魚等等，在場有師傅切，不停refill，幾好，愛刺身的我也吃了不少。
海鮮：蝦蟹龍蝦仔青口瀨尿蝦東風螺，唯獨沒有生蠔，全都是細細隻的，沒有啖啖肉的滋味，新鮮度一般，其中東風螺肉質較肥美，數量亦有限，故此成為海鮮類中的搶手貨。
沙律：水準一般，選擇多但感覺好hea。Parma Ham和煙三文魚較為討好，但煙三文魚味道略咸。
熱葷：沒有逐樣試，試了一半，好普通。中式小炒和西式焗類各佔半，滿意的有羊架、乾燒伊麵、忌廉魚柳、炒蟹，其他都麻麻，其中雞肉十分鞋口。
甜品：不太滿意呢!! 款式和味道同樣不引人。只有幾款留下深印象。Blueberry cheesecake芝味頗香濃，餅底不過腍，唔太漏。Choco moouse cake朱古力味意外地濃郁，整塊都好結稠，合我心意，底下是薄薄的海綿蛋糕，可encore!!!紅桑子吉士餅~面和底的酥皮，幾鬆化，內裡的吉士夾有raspberry果肉，甜度適中，面頭加了杏仁碎有咬口，整體ok。萍果批~酸酸甜甜亦值得一試。以上的小妹也連吃了兩件^^(因為其他都不行)其他如咖啡moouse cake，tiramisu、lemon cake、栗子蛋糕等，味道都很假，不吃也罷。朱古力泡芙亦好腍，不好吃。
其他：朱古力噴泉，好食好玩。雪糕是Dreyer's，有薄荷、朱古力、芒果和曲奇，四款食齊，可自行加TOPPINGS，幾中意燕窩撻新鮮出爐亦好味~
中式甜品：有豆腐花、芝麻糊、紅豆沙、杏仁露，味道都OK呀!不過芝麻糊就稀左D,芝麻味亦不足。

吃到九時半才離開，走前吃了水果清滯。臨走一刻，甜品位開始出新甜品，不過算了，依然不太吸引。今晚吃了很多啊~其實最開心是和家人一起慶祝，影相傾計，好開心呢～不過講真，我們都幾好彩架啦，事關是夜食物味道都不過不失，都有定時refill食物，比預期中好了^^服務方面都不錯，收碟加水都做足~態度也友善。

最後一定要同家人講句Thank you so much!!

老實說我一向都不愛吃自助餐，主因是食物質素相當一般，自己又未必可以一次過食得多，所以次次食完個感覺都唔太好，對上一次去食自助餐已經係四五年前的事了﹗

呢日友人有coupon可以免費到麗豪食自助餐，誠意邀請埋我同工友，免費就當然唔同講法啦，收工即時飛的到達﹗

8:45pm入座，估不到經濟咁差都仲有咁多人食自助餐喎﹗全場接近爆滿，好不容易先0係個角位找到張四人吉枱，即時半飛半跳的衝出去攞野食﹗

去食自助餐當然係食海鮮先啦，又唔飽又名貴，出到去長腳蟹只係得番幾條無肉的爪，我問問待應幾時加番0的落去，佢話唔會再加..............無野嘛？8:45pm之喎，你又俾我入座又無得俾我食即係點先？如平日的我一定發爛，不過係朋友請無理由搞亂個場，所以揀左其他野食﹗

其實除了長腳蟹外，其他如翡翠螺、青口等已經俾人攞到八八九九，是旦啦，就攞左最後三粒的螺，再加最後兩粒的青口及唔知咩蟹加少少炒蜆返去同工友分享﹗(這是最後的海鮮，因之後再出去看都無加過﹗)

螺肉鬆散，一叉插入一拉即爛，我唔係好識食不過都知如果新鮮熟透如citysuper買的可一拉到尾，呢度的入口無味又不彈牙一0的螺香也沒有，令人發紫﹔

再試青口，超細粒有如蠔豉，看似已放了很耐因入口又乾又韌，唉........................................

與友人一齊食蟹，放在冰上都叫凍蟹，肉是霉霉的完全無味，蟹身又唔扑下佢咬到我0的牙都差0的甩埋，差﹗

炒蜆仲差過大排檔，一大羹只得一粒有肉，唔想講﹗

海鮮唔得試其他啦，見到出面有條魚只係得番0的骨，好心一係收左佢一係就換左佢啦，放0係度串我定係點樣呢？

白汁海鮮是最好味的一個餸，因為白汁夠濃又香，海鮮雖是雪藏貨不過份量足夠，還可以﹗

最可怕的是與友人分享的餃子，痴線的個皮是叮到乾哂硬度有如吃膠片，我絕對沒有誇張，如你尋日在場的話你會明白我說得一點也不為過﹗

想攞片西冷扒食下，點知行埋去個位只係得番一把切肉既刀.........扒都無得食，咩叫自助餐？咩世界？

佢有刺身位，個師傅面口十分之燶，我話要三文魚佢就叫我自己執枱上剩下的兩片，俾0的服務好喎朋友﹗

蛋撻的蛋心薄如紙﹔蟹餅極辣卻油得不得了﹔冬蔭公蟹湯雖然見到是紅色的不過飲落有如加了辣椒油的白開水﹔另外兩款熟蟹有辣有蒸的肉卻是霉又散的，大佬雖然呢度係平，不過都無理由俾0的咁難食既野俾人食嘛？

最後...........本來想同友人去樓下打冷，不過都係攞左0的飯加少少咖哩汁再加兩條白菜充饑便算，去食自助餐攞白飯，真係人生的第一次﹗

西瓜最好味因為夠哂大件，dreyer's雪糕任裝不過味道唔多似我平日食開的dreyer's，都算數不想再提了﹗

其實無人知我地四個食係免費的，都係友人check out先埋單，點解0的質素可以咁樣架？話哂都係背山面河的大酒店，咁多外國或自由由的遊客，真不明白點解咁多只係出左一次及兩次食評的朋友寫食評讚佢﹗

不明白，不過也不需要明白，因我與友人就算免費都不會再來了﹗

朋友睇報紙, 見呢個蟹主題buffet 用coupon 有優惠價, 廣告很吸引, 我們四個便一試。

之前試過Standford Hotel 德福閣特價buffet, 出奇地差, 今次沒抱著great expectation 去吃...

去到發覺食物種類很多, 比想像中好, 試了:

沙律有很多配料, 不過我沒有吃很多...
蟹肉批: 這個麻麻, 沒有蟹肉味
台式米酒煮長腳蟹: 蟹腳很粗, 但沒有北海道長腳蟹的極鮮味道, 是普通的蟹味... 麻麻...
泰式炒蟹: 唔辣ga, 蟹肉麻麻
鑲蟹蓋: 很普通
蒸魚: o的肉都幾實, ok
花螺: 都ok
燒羊架: 朋友的推介, 可惜我覺得太蘇, 不是my cup of tea
燒牛肉: 不太好
羊肉夾餅: 好食
炸金茹: 還可以, 不油膩
潮州鹵水拼盤: 試了豆腐, 都ok
煎鵝肝配麵包: 一人有一客煎鵝肝配麵包, 很濃的鵝味...
杏仁糊: 很香
朱古力噴泉: 好甜, 不過都可以接受
紅酒煮梨: 難食
雪糕: ok ga

環境都ok... 這間餐廳是沒有生蠔供應的...每位一杯餐飲...
原價$298, coupon價$198, 加一約$225。咁既價錢, 有咁多食物選擇, ok la...

家住沙田, 家有喜事, 又唔想出去九龍食buffet, 加上見到呢度版友介紹話都好ok, 一於試下~~ 我地準時6點半到達, 生蠔就冇, 但見到長腳蟹, 冷盤都唔差, 有原隻花蟹, 青口, 瀨尿蝦, 白灼蝦, 呢d都係我鐘食的。壽司有8爪魚, 魷魚, 三文魚等有約有6款, 而且仲有一份份的三文魚/吞拿魚等刺身。有火腿配芝士, 配crackers... 綠色日本海草冷盤, 八爪魚粟米冷盤等。

湯就中湯同西湯(忌廉湯)各一款, 中湯我冇試, 但西湯試左亦係水準不俗。熱盤方面都有好多 , 好似指定動作炒飯, 乾燒伊麵, 類似咕嚕肉的豬軟骨, 蒸魚(擒晚係蒸倉魚), 而且有卡巴, 小檔子有無廚師坐陣既天婦羅, 有炸軟殼蟹 (因為我只試左人地一啖), 即場生滾既粥, 同鹵味 (有鹵水鵝, 雞蛋果幾款熱門鹵水), 咖喱有2款, 羊同雞, 到甜品, 選擇亦都豐富, 豆腐花, 杏仁露 (我試左, ok好味), 個介紹牌係紅豆沙既綠豆沙 (試左, 不稀不杰, 甜度不太甜, 岩口味! 但如果有臭草多d就更好)! 各款小杯甜品, moussee, cheese cake, 不得不提特色的朱古力噴泉, 可以點巳預備好的生果, 另外0fat的雪葩(青檸), 另low fat的雪糕 (3種, 芒果/雲呢拿/士多啤梨), 當然巳預備多款的topping任人設計自己的口味!!

我好多都冇乜食到, 因為我食蟹同各式冷盤食同cheese cake巳令我容不下其他!

是晚2大2小, $60x, 冇留意佢點計, 只知佢比左7折我地, 亦冇留意有冇計埋小女 (4yrs左右)。

另外, 免費泊車2小時, 真的好體貼~~

是晚人客不太多, 約略30人左右, 完全唔駛搶野/排隊, 食得非常滿意!

一定會再去! 而且期望佢有番片皮鴨!

通常去開麗豪都係去飲茶,今次系平安夜訂左L’EAU既自助晚餐,原來有分兩輪,我揀左6:00至8:30。
去到,檯面已有兩款定食龍蝦湯&蒜茸飽,蒜茸飽好香龍蝦湯好清甜。
>>先黎沙律D菜好新鮮再食壽司雖然款式唔多但幾新鮮,魚生都幾靚。
>>然後就狂食印度薄餅,羊肉夾餅,串燒,咖哩好夠味羊肉又唔騒,未食均全場都飽左5,6成>_<跟住再來墨汁海鮮粉,火雞片,豬軟骨,天婦羅,蒸魚,長腳蟹…..
>>最後甜品,朱古力濆泉,雪糕,蛋糕,生果,綿花糖…..好飽!
>>見當日都好旺,但服務唔鍺仲有聖誕老人派禮物,食物水準幾好又幾新鮮,係食唔到個酥皮湯有D遺憾,一出就比人搶晒…

Christmas 就快到了,每年例必一次要到hotel食自助餐的我,今年亦不例外~~~
從朋友手中得到兩張Regal Riverside Hotel ~ L’EAU 濠餐廳的晚餐券所以咪試上吓囉~~
一入到去最有興趣就梗係Buffet枱上林林種種不同的食物啦~
驟眼一睇,有salad、刺身、與甜品再細心行多兩轉竟然畀我發現有 原盅人參炖雞~~用料充足用來做頭盤暖胃一流
再者有北京片皮鴨~~一小片的片皮鴨再加上青瓜條、紅椒絲及蔥絲再加小小濠餐廳大廚特製的甜醬包著麼麼皮來吃WOO~~WOO~~從來未過咁好食既片鴨~~
再細看原來呢度標榜係海鮮美食,果然冇好多不同種類的海鮮源源不絶咁供應除此之外仲有山水豆腐花、印度CURRY、JAPAN 刺身、韓國燒烤食物味道都一流
最SPECIAL既係另外每位都會送海鮮窩一客~~內有龍蝦半隻及其他海鮮,好似食緊sabu sabu 咁令人晌嚴輈既日子有温暖既感覺
講咗咁耐唯一美中不足既係有一邊泳池景裝修緊..
但係總括來說係一次值得推介既buffet~~

好少會俾咁差既評語.

星期六晚, 朋友有卡所以有75折後每位即係$25x.原價即係3百50蚊.我見有人係俾原價去食.恐怖!

6點15去到冇經理係門口帶位, 等左一分鐘有人先出黎.帶左去一個充滿油煙味既位.即整串燒既後面. 大家千祈唔好坐果度.

講番重點. 黎得buffet就重視食物. 以上根本唔會影響評分.
款少, 冇生蠔, 魚生得4款, 沙律菜refill好慢. 好多野都要搶先有得食.

中段時間再睇番d沙律菜,沙律汁果d一宜冇換, 好多食物冇人要但又俾人撩亂晒. 點解會曾經發生衛生問題.我終於知點解.

食到8點半, (即平時晚飯既正常時間) 出去想再拎魚生, 廚師唔係度, 燒牛肉, 又係冇人切. 只係一個整麵既位有個人係度整緊麵. 要企係出面行同企足2分鐘先有staff行過再叫佢叫廚師出黎. 而且依個情況唔同時間已出現左2次.

當以上都唔重要, 食到九點, 我打算食甜品, 點知全部都係俾人撩到亂晒. 唔再出新既野.或唔再補原有既甜品. $250食依度既野完全唔值. 建議大家唔好晒錢黎依度. 用3百蚊出會展食冇咁嬲. 起碼真係多野食.