影片
開飯介紹
此店是出名的自製魚蛋餐廳，吸引不少名人食客。所有丸類都是自製，更可選擇不同的湯底配搭，彈牙可口。
繼續閱讀
營業時間
星期一至日: 11:00- 21:00
單數星期日休息
以上資料只供參考, 請與餐廳確認詳情
招牌菜
每一個星期6都要出黎灣仔次而每次都食呢間野既魚蛋河($22)或者牛筋腩河($22)再5係就魚片頭河($24)河粉厚度其實到到都差5多但係呢到切得算幼, 非常5錯, 食起黎更加滑魚蛋非常滑, 彈牙魚味非常香係我食過咁多間最好味魚片頭其實同魚蛋差5多但係因為炸過, 所以更加之香牛筋腩炆得夠火侯, 很入味很"lum"之餘還不失牛本身的香味至於那裡的炸魚皮則不推介總覺得有陣油"益"的味道
繼續閱讀
平時lunch 時段門口總是人龍... 今日放1:45 lunch 終於有機會一試蘇絲黃介紹的這間魚蛋大王了點了墨丸河(豬骨湯底) $22，還有越南湯底/ 酸辣湯底另加$7湯底清甜，墨丸咬落有口感，配上芽菜等，$22 是合理的，反而想試下其他湯底呢~可是鋪面太細了，午市可能有點迫的情況呢
繼續閱讀
今次又食一間阿蘇介紹既餐廳，每次食完佢介紹既野都好失望，今次終於俾佢威番次。雖然餐牌上都係普通麵店有既麵，但係佢話自己用豬骨湯底(越南酸辣湯底+$8...貴!)，不過又唔同味精拉麵個隻。我地選左片頭+牛腩河粉，片頭切成三角形，所以有兩邊炸面，好有魚味，正! 牛腩都算幾腍，切得都幾大舊。本來想試下佢個魚麵，但係佢竟然話師傅病左，不過餐牌上都冇寫話暫停...仲想加$13試下!碗麵份量都幾大，$20都算抵食既!
繼續閱讀
原本行緊去新釗記既我被我d同事叫返轉頭。啊~ 原來貼晒蘇絲黃既食評﹐見阿蘇笑晒影相...應該唔會太難食呱!入面地方淺窄加少許污糟...食個晏仔我接受到既。叫左個牛根魚蛋米配酸辣湯底$25 - 有幾多牛根同3粒魚蛋同一大份米粉。所為酸辣就係冬陰公味但重香矛走椰漿再加片檸檬﹐因為我嫌唔夠酸所以篤難埋片檸檬。牛根好稔亦入味但可能有些人會覺得稔到"死鼓鼓"咁唔得但我就幾鐘意囉!魚蛋ok好味﹐唔腥﹐夠味﹐少許彈牙。兜米粉好大兜食唔晒~至於service哈哈~ 要魚麵就答無晒(個時係1:40pm)﹐問有無米線就答無呀你食米粉喇! 好彩反正想食哩d既人唔係我~ 但都會再翻兜皆因佢近公司嘛﹐味道又唔錯~
繼續閱讀
老公天生怕熱雖是潮州人卻極怕熱燙的潮州粉麵我呢…卻是個極愛吃牛丸的人這裡的牛筋丸實在太美味..很彈牙很爽..也十分近公司…難得待在公司的日子都總想拉老公過來吃午飯店子小..冷氣卻很足..老公都吃得很滋味..~PS~ 阿姐總會想趕你走…建議扮淑女的慢慢吃丫~
繼續閱讀