Came here to try their famous HOT POT. The average price per person is around HKD200-250 range including some beers.

SOUP BASE - 豬骨湯:
This soup was pretty tasty, it was full of pork meat, bones and chicken feet flavour, as well as contributions from vegies such as corn, tomato, lotus root, mountain yam, etc. Unfortunately it was way too black-peppery and 嗆喉. I think it also had too strong a coconutty flavour behind, as well loads of MSG. Overall though, very good soup base but its around $170!

FOOD :
黑帕葉 - Good and fresh, retained original flavours, which is a rarity.
雞子 - Chicken sperm sacs are crunchy like eggs even after pro-longed boiling.
生蠔 - Big and US Bucket Oysters. Acceptable.
豬肉眼筋 - Becomes tough after cooking unless timing is spot on! These reminded me more of belly meat than true 肉眼筋, as its not overly crunchy.
炸魚旦角 - No taste.
炸魚皮 - Not crunchy enough for putting into hotpot in my opinion, but enjoyable eaten as is!
手打蝦丸+手打墨魚丸雙拼 - Prawn taste better. Squid one not much taste nor crunchy. Not a very good dish.
豬腰 - Very good quality, seemed fresh.
豬肝 - Seemed a bit stringily tough, but washed well and quite fresh.
手切本地牛 - This wasn't very good in my personal opinion, it had fresh beef taste yes but the 'cut' of beef wasn't high grade, it was quite stringy and chewy after cooking, even when cooked rare. Some liked it a lot, but for me I've had better local hand-cut beef in many places!

***********************************
OVERALL - I THOUGHT THIS PLACE WAS SLIGHTLY OVER-RATED, AS THE SOUP BASE WAS GREAT BUT NOT VERY SOPHISTICATED, RELYING ON SEASONING AND COCONUTTY BASE BEHIND TO SUPPORT IT. OTHER FOOD WERE GOOD FRESH QUALITY BUT NOT OUTSTANDING FOR THE PRICE.

因 band 房係大角咀, 所以大角咀大大少少既食店都食晒, 唯獨力奇成日想去食, 但打親邊爐都諗唔起佢, 早幾日又打邊爐, 終於諗起佢. 同2個朋友去左一試.

行緊過去已經記得 D 傳聞, 10點幾到達, 無人排隊 (好似係星期二), 入面得4張台有人, 真係無人招夫, 咁我地3個人唔理坐左張大台, 佢地一樣唔理我地. 一打開餐牌當堂……勁貴. 點解 D 金菇玉米豆腐都可以五十蚊碟? 呢 D 野就算我比一舊水你都唔會特別好食 ga la.

咁我地就改變策略, 點海鮮: 要左沙爹湯底, 一個蚌, 一個細肥牛, 玉米, 鵝腸, 魚片, 墨魚滑, etc… D野食真係好普通 (當然比0個 D任食好), 唔明有乜咁好食, 見 D 人講到天上有地下無. 唯一深刻印象係個沙爹湯底, 不得不讚, 一流, 加左2次湯之後都仲係好濃沙爹味, 最後我地叫個烏冬 + 金菇整左碗沙爹肥牛金菇, 勁正.

呢度 D 野貴到唔合比例, 大角咀舊區租金唔貴, 無服務 (問佢拎野佢真係指比你睇叫你自己去拎 ga), 簡潔裝修. 難怪見門口貼張請洗碗都可以 offer $7.5k / 4天假 / 9hrs per day.

PS. 我地叫細肥牛, 一來到唔係卷起 ga, 我好奇心之下問阿姐點解格離一卷卷 gei, 佢話0個 D係大肥牛, 卷起睇落多 D. 我好感謝佢話我知我叫細既係明智, 亦暗暗鄧叫左大肥牛既不值. 因為細肥牛其實都有好多, 但平大肥牛around $100. 下次大家人多不仿叫一個大一個細比較下

興之所致，突然約出來吃的一頓晚餐，亦選了久久未嚐的力奇四季
四個人，搵位唔太難，何況平日唔算好誇張

果然係自助，食具呀，醬油呀，水呀，自己o黎啦
o的阿姐淨係收order，拎o野食o黎，收錢，收o野。老實講，一晚幾多人都好，o的人又唔係無限叫o野，唔駛拎o野時o的阿姐做梗咩？照我看有時好似只係迫晒o係廚房等o野出……

估唔到呢度都會有啤酒小姐

我o地要o左鴛鴦o既湯底(沙嗲及芫茜)，一般般，見人隔離檯個豬骨湯好誇張好多料，但要成$1x0，係我o地o既double 有多……

大肥牛，好新鮮好牛肉！係我打邊爐以o黎最正o既牛肉！
羊肉都好正

粟米豬肉餃，好好好好正！未食過咁正o既餃子，粟米超鮮甜，豬肉又爽口，皮薄餡靚

魚麵同雞腸，麻麻地，o的麵係彈牙但味道唔係好出，可能係俾個芫茜湯影響

珊瑚蚌係幾爽口但都係無乜味咁

最尾叫o既兩個烏冬勉強只係食得一個，好飽好滿足，可能真係叫多o左


食料正，服務遜，心理準備係必要o既

喺度見到大家既經歷, 一早有晒心理準備, 預晒時間同個肚既容忍量去
果日成班豬朋狗友約7點左右去到, 門口已經企晒好多等位既人啦, 攞咗飛等, 可能成班人傾下講下唔覺啦, 入得既時候已經差唔多係7點半, 例必要叫個豬骨煲, 果個煲真係多料到我地都呆咗, 好彩我地人多, 仲嚇人既係個肥牛, 我地點咗個大既, 真係成坐山咁大, 好彩我地都係牛怪, 之後仲有象拔蚌, 蝦丸, 墨魚丸, 羊片, 鯇魚腩, 筒蚝, 鮑魚, 啲鮑魚上檯時仲係好生猛咁郁黎郁去架.....喺度見好多食評話服務好差, 無錯, 真係無人理, 可能係因為我地去咗新開門果一邊, 一個亞姐都無, 乜都係自己攪掂, 最後終於見到有個亞姐(唔知係咪亞姐呢, 因為佢係後生啲), 我地啲孤兒仔就梗係第一時間俾order紙佢啦, 一時間幾檯人係咁遞紙俾佢, 我都撜佢頭暈, 之後仲見佢逐檯問落單未, 要唔要落單....所以我地班豬朋狗友都覺得, 揾啲亞姐無用, 因為我地淨係叫汽水都叫咗好多次, 但後未又撞啱見返果個後生女, 一叫佢即刻拎黎, 所以我諗揾後生啲既會好啲

第一次去,亦係最後一次
嗰度D人手嚴重不足,又成日漏單唔好話講叫食物,我淨係單單叫罐忌廉+2個烏冬都足足叫左7次,但D伙記淨係識應"得.得.得",之後米冇左件事,罐忌廉真係等到我火滾,後尾谷鬼氣走去斜對面士多買咋,而2個烏冬等左半hr先來到食物亦只係一般,唔覺特別好食,真係一句講晒:"以後米攪再去!"

講左好多年，因為唔就腳，終於今次友人生日，一行10人突登造訪。

聽聞book左枱都要成個鐘先有位，我地就早半個鐘7pm去到啦，鋪頭入面已經坐滿左岩岩開始烚吓烚吓的食客，而門口又有7-80人等，我地book左枱的都要攞飛排隊，食店阿姐就話"你等吓啦，夠鐘就會有位"，心諗"唔係嘛，入面D人先岩岩打咋噃"，但都硬著頭皮俾你30分鐘時間，就係咁等到7:30pm，原來廚房左邊仲有一個可容納百多人的鋪位，一到7:30pm，大門一開，就順住number魚貫入坐。

以為好醒目的在等候期間已經揀好食物，淨係個豬骨煲好快上枱，其他食物都出得好耐、好慢 好彩都可以食住個豬骨煲d料先。

食物方面
豬骨煲真係好大煲、好足料，湯底有胡椒味，正! 豬骨有骨髓、粟米超爽甜、蘿蔔木瓜好味、仲有雞腳tim。除了order左一定要有的牛肉、羊肉.....
叫左脆肉腩半條，俾左鯇魚片，不過都好滑
又叫左鱔片半條，分量唔少，好新鮮，清哂
醉雞半隻，上枱時以為俾左1隻，醃得好入味，碌好耐d肉質都好滑
最good嘅係每碟食物都有生菜或西洋菜舖底，慳番可以唔洗另外叫菜
d菇呀、炸魚皮呀、生蠔呀... 都好得，每樣碟頭都好大份
仲有酸梅湯都好正，叫左4 jar，每jar都有酸梅。記得叫多杯冰溝稀d，原味真係好濃

其實一開始落單時仲叫左什麼滑呀、什麼餃呀、什麼菜呀，食左個半鐘都未上枱，不過大家已經好飽，唯有cancel哂未上枱的order。

見到有d openrice版友話該店服務員態度不是很好，但我果日光顧時，唔通係適逢東亞運開幕日，食店阿姐都好好笑容、幾有禮貌，我去取消order都未有黑面，都ok喎

自搬左之後, 成年冇去, 今次諗住再去, 點知成肚火!
去到叫左個豬骨煲, 細既美牛, 菜肉餃, 鵝腸, 雞脾菇同隻鮑魚, 仲有5支藍妹~另外菜同烏冬就漏單
好啦~豬骨煲KEEP到~OK的~但就加到160蚊, 美牛...收我118, 但D牛真係好死, 小肥牛28蚊碟都好過佢多多聲! 菜肉餃啦..你地自己睇, 見到已經唔想食, 食落去又真係難食架喎! 鵝腸同鮑魚OK~係可以接受的~
講真, 我食左600蚊, 問我食左D咩..唔知, 其實加價唔緊要, 問題係你比返咩料我先, 你收我118仲要比D垃圾我就唔得啦! D大碟, 廁紙, 湯殼, 甚至啤酒都係我自己拎架, 加價FOR咩我真係諗唔到, 我淨係知600我可以食好D, 環境好好多既舖, 我以後都唔會去!

今天是男朋友的朋友生日.... 更約了他去吃飯.... 我男友公司同事介紹來此店打邊爐..超好,也注明沒有服務

就步行了1小時在旺角起行... 1嘩來到真的很多人要等位

也ok快啦...

我們待了15分鐘便跟我們說, 有位 28號台先進去但未走...
ok啦... 我們座下, 一直叫服務員拾枱.... 又是沒反應 ,...... 此店是堅的沒有服務.. 也不緊要因為也有心理準備

我們待了一會兒... 枱弄好.. 食物又點了.....只等待就可啦

火鍋一到我們看呆了了(我們點了豬骨鍋) 我只見一座小山丘... 真的看到人傻

最重要的他的手打墨丸, 包魚. 肥牛超好

直得一去.. 但記注小心order .. 因為他們的食物份量真的不少, 不編人

我們一行4人吃了千元, 但打包的食物也是一半哈

睇咗網友食評, 見佢又係屋企附近, 一心諗住去食好野, 點知中招。

夜晚8點去到見人好多, 過兩條街文成記就鬼影無隻, 諗住實無死, 人人都話無服務, 就一於自己揀枱坐, 填好落單紙就比咗個阿姐, 點知佢轉頭返黎話無蟹、無螺片、無魚鮫、無鴨粉腸; 算啦, 再揀過, 之後又再遞紙, 點知阿姐又返黎, 話無象拔蚌、無脆肉鯇; 我投降, 反正都已經無乜選擇。叫16樣有6樣無, 我都唔係好晏唶, 咁快賣哂? 最頭痕係根本無人會比你問, 無得查證。

黎個蕃茄薯仔湯底, 全生上枱, 成個裝到滿, 結果要烚成廿幾三十分鐘至有得食, 仲要食完湯底至有位烚其他野。

跟住鮑魚、蟶子、蠔等一一上枱, 鮑魚正常但湯底帶唔出鮮味, 醬料又剩係辣椒、蒜蓉同豉油, 同海鮮完全唔夾, 所以蟶子同蠔一併糟塌。食埋其他野, 蝦滑同墨魚滑一D都唔滑, 烚完仲鞋口添! 栗米豬肉鮫得個大字, 栗米有喳, 豬肉咸得要命, 食落口都吐番出黎。貢丸完全唔掂, 最唔掂都係D菜, 又爛又烚好耐都唔"唸", 而且碟碟料都有生菜, 碟肥牛下面仲墊到成個底都係菜, 根本就唔使叫菜, 我見隔離幾枱全部都係食剩D菜。

粉腸阿姐叫烚25分鐘以上, 都叫做幾好味; 全場最正反而係蘑菇。真係好奇怪點解咁多人幫襯, 睇黎香港人對火鍋真係要求越黎越低, 唯一好處係你坐幾耐都無人理你, 問題係坐得都唔舒服, 我個人認為係因為D人鍾意三五成群吹水, 多過真係黎搵好野食。埋單唔平, 我上次去廣東飯莊食全海鮮火鍋, 收費同呢度差唔多, 值唔值呀?

尋日同左一大班朋友去左力奇火鍋....近期已經係第2次去啦....都係好美味....未去過真係可以去試試!

特別推介:::

豬骨煲: 好多料好豐富...可以唔使 order 蕃茄..粟米...
生蠔: 好鮮甜
鮑魚: 比較prefer 原隻...好似肥美d
白膳: 好好味...好新鮮
牛波: 彈牙

第一次同朋友嚟食, 覺得d嘢食好新鮮, 好正. 呢度d火鍋料款式唔算多, 但係就勝在新鮮, 如果d嘢唔新鮮, 個老細會話俾你知無攞貨. 呢度d手切牛睇落就好似亂咁切, 但係食落就好有口感，有牛肉味, yummy yummy.超好食., 一定要試.

星期六，揾野食，心思思去力奇，屋企人冇異議，出發。去到南昌站，轉的士，大角咀角祥街唔該，司機冇咩心機，開車，$18冇跳表。

去到6:15pm左右，時間尚早，但2人枱唔多，得返一個近廁所位，一個係坐滿人勁嘈大枱隔離位。問阿姐，坐某張4人枱得唔得?佢直指叫我坐前邊講過個二張豬頭骨位，唔想比我坐4人枱，理由係坐左4人枱，有人搭枱就唔好。基於冇人招呼情況之下，我都冇理佢，趁佢走開左，照坐左4人枱，心想:有人肯搭落黎先算啦!!唔係第一次黎力奇，完全知道黎呢度，係自助形式。己經冇叫阿姐埋黎，起身走去揾佢落單，最後收到2張落單紙被打發回來。好，明架啦，自己招呼自己呀嗎，照order啦。跟手，再去自己攞壺水，自己攞生蒜/辣椒/豉油調味料。

叫左:
海底椰湯底$85，原本想食豬骨煲，但2個人，太多了。未食過呢款，試下啦。
第一啖食，咸咸地甜甜地，幾好味喎。愈食愈好味，問屋企人，係咪味精?湯底比起一般$65，貴$20，有栗米6件，海底椰2件，椰子肉，南瓜，馬蹄，如果冇錯，仲好似有玉竹，用黎煲湯個D。
鯪魚球$40—有12粒大大粒，鮮味。
手打蝦丸+手打墨魚丸雙拼$75—各6粒。我會比蝦丸高分D，蝦丸唔係勁彈牙個種，但係好有蝦味，好食，墨丸就中上水準。
象拔蚌(例牌)$148—食第一舊，生食，冇燙水，冇放日本芥末，爽口，有腥味，份量2個人只是剛剛好的。
炸魚皮$40—黎到好似魚皮山咁，份量好多，冇油”益”味，脆，一D都唔腥。屋企人首選。
烏冬$6—好似滾好耐先淋。

去力奇，要有心理準備，要對服務是零要求，因為真係冇咩人招呼，仲要嘈得。服務是零我是可以接受的，但我次次去都好嘈，嘈到根本好難傾計，有次仲嘈到頭痛而回。會唔會再去?偶爾想食豬骨煲，蝦丸，還是有機會的。待我試過太子春夏秋冬後，再作比較吧。
是夜回家，飲了可樂，幾杯水，幾杯夏枯草，還是很口渴。
上文係咪味精?呢個問題，我諗有答案啦。
笑臉是給食物的，但唔包括海底椰湯底。

埋單$394。2個人，以上食物食唔晒，有淨係度。
冇加一(冇服務，如果加一，我諗大家都比得唔順氣)，冇茶芥，一般醬料唔收錢

我的老公仔生日, 於是便跟他到力奇一次

我地叫左個蕃茄薯仔湯, 幾乎有一大店蕃茄薯仔係入面
湯好濃, 正

手打蝦滑: 正, 每粒都有一大隻蝦
鵝腸: 新鮮, 出面好難食到
鮮牛: 肥瘦適中, 好有牛味, 好滑
菜肉餃: 好大隻呀, 仲有好足料
鮑魚: 上到枱仲識郁, 好大隻

總之我地倆老婆食到反肚, 好飽好滿足~
會再來架我地

同中學阿sir飯聚~佢最鍾意係打邊爐
所以就搵左呢間頗為出名既力奇一試

一行五人, 望見隔離枱d 食物都幾大碟, 所以都唔敢叫咁多
賣相唔多介紹, 可以從其他食評睇到

豬骨煲 - 堆到成座山咁高既豬骨, 蕃茄, 南瓜, 冬瓜, 粟米...多就多啦, 但係湯底真係太甜, 無左豬骨煲原有風味
水餃 - 大大隻, 味道一般
墨滑 - 普通...都算彈牙
肥牛 - 我地嗌左大碟, 又真係好大碟, 肉算腍, 但如其他食評所言, 無乜牛味
魚麵 - 夠彈牙, 唔錯
生菜 - 最抵食既一碟, 28蚊一大堆
鮑魚 - 我地簡左澳洲鮑, 上到枱仲郁郁下, 肉唔靱夠大隻, 都ok 啦

總括...咩都大! 但味道就真係好一般...食完好渴, 睇黎真係幾多味精
飲左半打啤酒埋單要1千蚊, 呢個價錢唔值得再黎幫襯了...

收工的時候收到在附近運動完…年紀與外貌與智商都不符合的食友的電話…找我當然是找人吃飯啦…食友其中一個提議是去打邊爐…雖然其他的食友找不到…擔心兩個人吃得不多…不過我也很久沒有打邊爐了…而且這間火鍋店我沒去過…去試試看也好…~

這間火鍋店都幾大…不過門口就小小的…一不小心就會miss…一進去感覺有點像街市的熟食市場…可能是因為有幾支大柱在的關係…食友說這裡是由幾個舖位打通而成的…我們到達的時候差不多八時半…大概有八成滿…

看到別人點了豬骨鍋…份量非常大…我想如果我們兩個人叫的話…肯定不用叫其他火鍋料…所以下次多人吃的時候再試吧~這次就先選沙嗲湯底….沙嗲湯底很濃很香…不過一點也不辣…而且很奇怪的是這個湯底會越吃越甜…明明是鹹的…卻吃到甜味…所以要加點湯中和一下…不過想讚一下隨湯附送的兩塊豆腐很滑很有豆味…

來之前食友已經說最特別的是蝦丸…當然要試….和墨魚丸雙併…一碟小肥牛…還有鵝腸和魚麵雙併…

這裡的蝦丸是蝦膠連著原隻蝦仁製成的…顏色灰灰的…看得出很新鮮…不過這款蝦丸煮的時間要掌握得很好…因為我們就試過兩次吃了裡面不熟的蝦丸而要翻煮…但如果蝦丸煮得太久的話…就會縮水…而蝦仁的亦會變得有點老…墨魚丸也彈牙…但相比起蝦丸就比較普通…因為我喜歡吃那種有粒粒墨魚在裡面的….

小肥牛…一點也不肥呢…脂肪比例好像比我還要少…幸好這款美國肥牛也算得上新鮮有牛味…下面還墊了不少生菜…樂觀一點的說是不是我們兩人不用另外再點蔬菜吃呢….~哈哈哈…

這裡的鵝腸都幾肥…感覺上比我上一次在鴻福吃的好…雖然看到有很多脂肪…不過灼過之後…大部份的脂肪都會溶在湯底裡…所以吃的時候就不會有油膩感覺…很爽口…如果想要吃到肥肥的…灼一灼就可以了…不過始終是內臟呢…好像煮熟一點會比較好~

點魚麵是因為之前在樂口福吃了不彈牙的魚麵…這次是給魚麵一個平反的機會…魚麵很彈牙…而且有魚味…感覺像是在吃條狀的魚蛋~配上沙嗲湯…很夾~不過我個人覺得魚麵比起其他麵類較為飽肚…所以不能吃太多…

這裡的火鍋料份量都不少…我們雖然只叫了三碟…差點吃不完呢…不過這也可能是因為我今天吃東西的狀態不算很好吧~哈哈哈…另外…這裡的嬸嬸都很忙碌…幾乎都沒有人招呼我們的了…幸好食友是這裡常客…對東西物件放在那裡瞭如指掌…所以也要謝謝食友的招呼...我在這裡服務一欄扣掉的分...就轉送給他吧~