影片
以上資料只供參考, 請與餐廳確認詳情
招牌菜
今天要到佐敦, 搵到間平時在尖沙咀食開同名的雲吞麵店, 就入去試試比起尖沙咀果間, 首先見到係多左3樣丸, 辣牛丸, 豬肉爆丸(個名好似咁), 軟骨丸.(尖沙咀果間只賣牛肉, 鯪魚球, 招牌雲吞)而且平過尖沙咀果間咁多?! 原先阿姐放低碗只有3粒雲吞的麵, 覺得好奇怪, 我用隻匙撩左幾下麵底, 唔發現有牛丸, 我望住阿姐, 心諗唔通牛丸係另上??阿姐望到我, 立即醒起俾錯左我, 拎左碗麵俾第二個客.....心諗我好心冇食到, 又冇落到任何醬, 撩完又即俾其他人, 如果係我食左人地撩完果碗, 感覺都幾唔舒服...... 再等左一陣, 終於來返碗啱的麵......雙拼雲吞只得2粒, 牛丸都只得2粒, 終於明白點解咁平.......雲吞都是很大粒, 啲蝦都係好爽, 但雲吞皮沒有尖咀果間咁簿咁滑牛丸只是普通牛丸, 沒有特別滑, 又不是有咬口的牛丸, 不過辣辣地, 啱重口味的人麵沒有鹼水味, 算OK有好幾粒蔥都有黑色邊....... 本來咁少事就不應小題大做挑剔啲蔥, 但因本人喜歡被熱湯整熟的蔥, 在尖沙咀果間食慣淨雲吞多蔥, 所以會留意到.....值得讚的事, 就算只叫一碗麵, 都會有幾條生菜, 而且價錢真係好街坊價!!
繼續閱讀
丈夫介紹到這店, 地段不太難找, 是在廟街的開端。 我見很多遊客不論外地還是內地都會在店外探頭看看。 師奶侍應會用有限英語叫出去,"Come, come, sit, sit." 牆上貼上2000年及2002年的報道, 原來當時細蓉$10碗並有4粒雲吞, 現在物價高漲演變成$13得3粒雲吞。店鋪加入了很多新原素, 火辣牛丸、軟骨丸等等， 那麽便叫一客雲吞及火辣牛丸雙併麵$18, 2粒雲吞及3粒火辣牛丸。我夠膽說葵芳那間香X仔魚X大X的蝦比這店爽口, 幸運地兩店地方不同, 不會構成影響。我食完都要飲很多飲品也解不了辣......清爽之選任何粉麵加$10包一支汽水/熱茶啡及油菜一碟, 凍飲加$2; 細蓉加一支汽水$17; 單併撈麵$18; 單併湯麵$13; 汽水支裝$6 罐裝$7; 熱啡/茶$8; 凍啡/茶$10
繼續閱讀
路過先見13$大大碗,,,再黎見有登過報..咩乒乓雲吞...爽滑牛肉..試左雙拼18$ 剩送...雲吞的確比想像中彈口左dd..dd咁多..但蝦味等就屬一般...有兩粒..另外牛肉就8~10件度..比想像中有味..但唔係太慣種味..似用x抽醃成..反而爽滑係幾有..但呢個價只屬一般..可能心情好..食13$ 跟麵會比笑面..
繼續閱讀
十月中旬•晴 就在港澳版2010年推介推出的一天，已經拿來由頭到尾的讀一次，原來推介了這裡，莫非好了好多？已找到足夠的理由，再來一次。 假日的早上來到，客人還不多，就要了最簡單的招牌雲吞麵。 麵上來，喝口湯，淡淡的。好處是主理人注重客人的健康。麵稔稔的，只是雲吞成的級數，與麥文記，甚至沾仔記的不可同日而語。 雲吞一碗三粒，是乒乓波雲吞，爆餡原來米芝蓮人就喜歡這些。 吃後覺得，推薦這裡，實在無可厚非，尤其在不太懂得地道食物的試食專員而言。不過其實也可以一併推薦同區的權記及雲吞成，絕對是我看2010米芝蓮港澳推介的第一個「r頭位」。想看足本食評及所有的食物相片，請參考以下網誌：http://gourmetkc.blogspot.com/2009/11/blog-post_29.html
繼續閱讀
碗雲吞米黎到,我仲以為d雲吞另外上,(因為d雲吞俾d米粉遮蓋咗),但心諗冇理由吖,13蚊一碗米,冇理由另外上d雲吞吖,於是搞下d米粉,原來佢將d雲吞浸晒落底,賣相唔靚,仲以為叫咗齋米.D 蝦唔夠彈牙,冇乜蝦味,麻麻地好食,碗米食完好口喝,係咪落得味精太多,但飲個d湯時又唔係咁覺,到底點解呢.本來剩叫雲吞米,個度d服務員同我講:阿姐要唔要碟菜,我諗咗一陣,話要芥蘭啦,點知...食到碗米粉一大半,仲未見到碟菜黎,咁...當然問下係咪漏單啦,d服務員就話,係咪要吖,我話唔駛啦,諗住叫碟菜伴住d米粉食,依家都差唔多食完,當然唔要啦,又唔係人多,又係佢地主動撩我要唔要菜,咁...都可以漏單.真抵打.咁既貨色,黎一次都夠啦,下次唔會再黎.
繼續閱讀