細個果時食過幾次，記得味道不錯，
聽說餐廳幾年前易手了
不知味道是否一樣
店內環境都係千篇一律的韓式裝修，有5﹣6個卡位，仲有一兩間房3人行，限時一個半鐘
食物選擇很多喔！！不能盡錄魷魚鬚好吃，但係食D鬚好啦，個身就唔好食
牛肋骨都好食
配菜也有很多選擇，抵讚！一定唔會唔夠纖維，同埋食到滯左食番啲酸酸地嘅配菜又可以再食過！朋友狂燒多春魚，係其他地方食其實都唔平，算另類回本之選
另外仲有湯（人參雞同蘿蔔清湯，我鍾意蘿蔔多D）
仲有生菜可以夾肉食

好似有糖水同炸饅頭等甜品

如果一大班男仔黎狂食都幾抵食嘅！！

聽講呢度D SERVICE係出名差，但係我又唔係好覺，可能我個日食唔係好多人，冇咁忙啦

很喜歡來這間餐廳食LUNCH ，事關佢又平又抵食，一人不用五十多元，就可以食得飽飽。

一個LUNCH SET 有得簡牛肉 雞肉 豬肉 羊 和 魚，而跟餐會有湯, 飯 , 以 及一些前菜和 甜品。
今次叫了雞肉和牛肉，我總覺得牛肉比雞肉好味，又香又多汁，下飯的一流配撘。而雞肉也不錯，很彈牙。
這兒的燒肉好吃在新鮮, 肉有肉味，不會全部的肉都味道一樣。

而配菜也很多，再兩個人食巳經有三個配菜跟, 越多人越多配菜，而我覺得西芹和魚是最好味 南瓜也很甜

而跟餐配的湯是蘿白湯， 不是味精湯的味道，很暖胃，不錯。

至於甜品別抱太大期望 只是一個加了花奶的啫喱仔。

不過中午很多時很多人 , 要撘枱。

由於近日流傳的地溝油事件, 友人們臨時不去飲茶, 而改到附近吃韓國菜. 三人各點了雞, 魚, 豬頸肉來分享. 肉放到烤爐上發出陣陣肉香, 令人垂涎. 三種肉之中, 豬頸肉味道最出色, 魚肉淡了些, 不過也可中和一下其他濃味的肉. 雞肉質素則在兩者之間. 另有多碟配菜, 包括年糕, 薯蓉, 豆角, 白菜 ... 等等. 而我們最喜愛的要算泡菜了, 因為它除了是韓國特色食物外, 它的辣味亦能提升胃口. 湯和芝麻糊相對不怎麼出色, 雖然前者仍比後者好, 因後者沒有果仁的特有香味, 大概也是沖粉的.

環境較暗, 沒有甚麼特別, 跟一般韓式食店相若. 我們中午前抵達時客人不多, 吃了一年便差不多全滿座了.

同一個fd去左高麗韓國餐廳食佢個lunch~
我地係學生 平5蚊 所以50蚊埋單

一個人有一個rice,一個soup rice較硬..soup就比較有味精feel

另外可以揀菊花TEA/酸梅TEA

我地都揀菊花TEA 都幾好飲 不過唔係太有菊花味

有一個自選既肉 我地揀左牛同羊 2隻都好好食 燒完好甜!!不過比較細碟

最後有甜品 無得揀(約有Jelly,番薯糖水,西米露) 不過隻杯子好小!!唔係太多野食可見台面好多野食 最後差D食唔哂添呀!!

2個人食係最抵)!!上1次4個人食得6小碟 我地今次2個人都係6小碟
仲唔洗同人爭爐!得閒黎食下係一個好好既choice!

一去到個經理勁冇禮貌甘話冇BOOK位既等下先啦!?

之後到我地喇,一坐低我拎左支水出黎,跟住個阿姐勁大聲甘話呢到吾比帶出面D野入黎飲!

跟住我話下..?水都吾得牙??佢話系丫!之後先知原來佢地有水賣!!但系我吾見有牌寫話野飲吾可以帶入去啵?

跟住開始燒野食!!D牛肉吾錯同埋人參湯OK~仲有茶系免費既,不過勁耐先有人黎針!!

因為我同男友2個人所以得個半鐘,甘當然會食得好急啦,所以先冇影到相!!

之後食到甘上下叫佢換個個鐵板因為燒到黑哂又痴底!

跟住個服務員話只可以換1次= =!甘換完之後再食,,男友拎左D啫喱黎食!點知睇到有昆蟲系到,仲吾止1只

原本想食埋涼粉既我最後都系放棄左=.=不過我地冇去投訴,,多一事不如少一事...

跟住都系燒野食,燒到黑到連D野食都痴哂D黑色野,,,因為已經吾可以再換!!

跟住個阿姐埋黎叫埋單~~之後話仲有15分鐘比你食,,一過時就即刻計錢*

我心諗::使吾使甘講野丫..我知你等住做下個生意,,但我都系客黎架...!!

就算D野食幾好味都假..食到我一肚氣!!真系谷鬼氣我以後都吾會再去!

今日lunch去左食韓燒整體上唔錯！如果大家想想lunch食韓燒的話，依到會係唔錯既選擇我同女朋友12點就去到，一入到去就有個女仔好好禮貌咁招呼我地 (係我地好彩嗎，因為其他食評好似都話服務一般）去到時入面太約有3枱人，咁我地就被安排坐左係窗邊的卡位到佢地既午市套餐十分豐富！每個餐都包前菜，湯，肉一份，白飯，飲品，糖水

首先係前菜，我地兩個人加埋有五小碟，一開頭佢會隨機比五款你，不過黎左之後，開頭好好禮貌果個女仔比我地換兩碟最唔鍾意既。
咁所以我地最後既五小碟就有泡菜，魚仔，薯仔同兩碟菜肉我地就選左牛肉同豬肉，由於得兩個人所以就得兩碟，所以提議下大家可以多啲人黎食，咁就可以叫多幾款唔同既肉黎share黎食講左咁多好野之後就到扣分位，飯太乾太硬了，不好吃！湯就太鹹了，都係差！飲品就ok啦，食韓燒清下熱唔錯既最後最後黎既糖水更係扣扣扣分，我同女朋友都無食到就走了！

雖然最後都有唔少扣分位，不過其實整體上真係唔錯既！以上咁多野食兩個人加埋一都只係$102，真係好抵食好豐富，我地兩個都食到好飽！

服務好差, 我就咁打電話BOOK 位,未食都係好差既對待!!!
每個waiter book 位講既野都唔同,仲要怪我錯?一開始就話3位可以 食2個鐘,之後打去又話3位8點唔可以BOOK 位!!!!?


離晒鐠, 咁樣做生意都得?

今次係第一次寫食評.

之前食過佢地既自助餐, 覺得唔錯, 所以星期六去試試佢地既午餐. 佢地中午都有鐵板燒SET, 都係$45蚊, 有一份肉揀, 非常抵食! 不過我唔想食咁熱氣, 所以揀左佢地既石頭飯餐.

前菜有泡菜, 薯仔, 翠肉瓜, 湯, 泡菜唔太鹹, 好新鮮! 薯仔甜甜的, 幾好味.

我點了牛肉石頭飯, 一上抬非常熱!! 石頭個熱力真係好勁! 食到尾都覺得熱! 所以佢既飯焦比其他石頭飯多好多! 可能落左油的關係, D飯焦好似炸米通咁! 好食, 不過都好guilty! 一次半次, 都OK既

飯入面有好多蔬菜, 真係菜多過飯! 醬汁可以自己加, 唔辣的.甜品係木瓜糖水, 都幾甜! 飲少少就算了. 以50蚊既餐黎計, 都可以試下.

昨晚好友為我慶祝生日，由於想吃韓燒，又不想去那幾間豬牛雞味道一樣的「漢x」、「漢y」；上網見這裡的食評不錯(雖然我覺得現在的食評已信唔過，因為好多是「有居心」捧高或踩低！)，但覺得也姑且可以一試，便在上星期六訂了位。

首先一去到，已講明「只可食兩小時」，咁都算，講清規則無問題；跟住坐低才覺奇怪，竟然是搭檯？！問：「可以轉另一張嗎？」答：「無架，係得呢張！」指一張三人座位的，對方拒絕：「果張係三個人坐架！」哦，原來如此，三人檯只可三人坐，四人檯就可以兩組兩個人坐！為了賺錢，滿口歪理！

如果你說昨晚全場爆滿，我理解，但放眼所見，吉檯多不勝數，真的給我一張三人檯兩個人食會咁蝕底嗎？做生意算到盡，令人反感！

算了，如果食物質素好，現實地可容忍，但這裡的食物味道如何呢？評心而論，只屬正常，跟好味扯不上關係，若跟「漢x」、「漢y」比較，也不會出色很多！既然如此，還可以這樣對待客人，實在令我大感疑惑！

至於個別食物水準如何呢？這是當晚我吃的東西：

人參雞湯 - 味道其實不錯，但一個超級大桶內，除了幾粒紅棗，就找不到一件雞及人參！這真的是參雞湯嗎？還是粉溝水？成疑！

肥牛 - 好味，但食完遲遲不補！

五花腩 - 本人的心水推介，符合要求。

豬、雞、羊 -其實 D味……好似都係差唔多，分唔到，可能同新鮮及醃製方法有關！

魚 - 味道可以，但多骨得要命！

紅腸 - OK，但比百多元來任食紅腸，是否腦袋有問題？

生果 - 只有橙供應，切開一件件，乾爭爭的堆放在一起，見到無胃口！

而這裡除了生吃外，還有熟食，但樣子不堪入目！不值得介紹！

這裡的自助燒烤，是客人出去自取的，食物種類算多，但當食完後，就要等很久才補回；我在走之前，本來想再吃肥牛，但就見佢遲遲不補，結果「兩小時」過後，到埋單離開才見佢補返，你話，係咪怒火？！

整餐飯吃得甚不高興，而最令人怒火的事這時上演：忽然侍應上前放低張單：「兩位，兩小時夠鐘喇！」催客埋單！算了，擺低錢後，諗住再飲啖茶，侍應上前問：「你地走喇可？」係咪坐多一個字，佢會損失幾百萬生意？！如果有人在等檯，我一定即走；但放眼所見，仍是吉檯滿佈，真的需要這樣堅持「制度」嗎？好，你有原則，我都有－－

這一生，不會再來光顧！亦會向所有認識的人，講出我的經歷！

兩個人埋單要三百多，飽是飽了，卻是一肚子氣！

像樣的韓燒價錢貴得要命，但像「高麗」這種的韓燒卻絕不像樣！

在Openrice版面說用"CITIBANK"有優惠，現場問，答是無的！不知是優惠過了期，還是店主根本不想給優惠顧客！

服務態度真係麻麻地,特別係打黎CONFIRM 我BOOKING個女人!!
而家得個半鐘,食得好急!
至於食物方面就唔錯GE,
幾好味!!最正係人參雞湯=]=]
D牛肉都唔錯~~

佢有好幾個時段揀,我係7:45 - 9:15