影片
與同事兩個人黎,叫左:炒薄殼(唔知係咪咁寫):聽袓藉潮州的朋友講得多,未食過純粹貪得意試下,原來個樣都好衰下又冇乜肉食,要有閒情慢慢"妹"先好叫蠔仔粥:叫左細碗原來都好大碗,兩個人分卓卓有餘,蠔仔個個好似打左針咁肥嘟嘟脹卜卜,加左大地魚干既粥底十分鮮美,水(湯)同飯既比例剛剛好,唔會話太多飯太乾,熱辣辣好正! 我覺得正過同場既陳勤記好多喎!!!唔記得食左幾錢.
繼續閱讀
以上資料只供參考, 請與餐廳確認詳情
早前看到KC他們來這裡食午飯，看到食評又好像幾好，早幾日便和辣椒女來試試。我們叫了蠔仔肉碎粥(細)、九肚魚煎蛋和通菜。蠔仔肉碎粥(細) - 想不到都幾大碗，兩個人食都唔會少，可惜蠔仔沒有什麼蠔味，粥味道都算唔錯。九肚魚煎蛋- 煎得過熟，外皮比較脆，九肚魚味道幾好，都幾新鮮；比<樂口福>好食，但比<尚興>就差少少。通菜- 好硬，有點像唔多熟的感覺，完全唔得。這裡的食物也叫做唔錯，最重要係平，但就沒有想象中好。
繼續閱讀
但好吃的沙爹牛河，就是要又濃又膩的。項目遇上阻滯，要諗諗計。午飯時沒有約任何人，一個人來了這個熟食中心搵食。陳財記、陳勤記、曾記都試過，今次就試試亭記的沙爹牛肉炒河。呢度雖然係熟食中心，位好似任坐咁，但其實楚河漢界已暗地裡劃清界線，食邊度的食物就坐邊度，搞清楚至好坐低。叫了沙爹牛肉炒河，就求其找個位坐住等。碟河粉幾快有得食，熱辣辣，冒晒煙咁。叫了少沙爹醬的，但還是多到好緊要，要隔一輪至可以食。沙爹夠香夠味，幾時都係牛肉的最佳拍檔；牛肉沒有多大的「化學」味道，都幾有水準；墊底的河粉用醬油炒過，夠色夠味，加埋沙爹及牛肉，仲有芥蘭，結果是掃得碟面清光。不用說，這碟沙爹牛河是多油又鹽份高，計起上來一千卡唔走得雞，追求健康或怕肥的人，是千萬不要試。不過味道真的不錯，偶一為之，總比吃那些垃圾食物化算吧！埋單25蚊，吃完成個人醒晒，好滿足。亭記的沙爹炒牛河，值得一試。搵日班多幾位食友，霸張大檯，在陳勤記買鹵水鵝及炒碟魚麵，在曾記買幾個鹹甜糕粿加碟炒什粿，再去陳春記灼兩碟豬什湯，加埋這碟沙爹炒牛河，來個「潮州巷home run」，大家可有興趣？
繼續閱讀
今晚去左，小弟覺得比好多潮州老店好食，因為d野熱又冇咩味精。叫左個沙爹牛肉炒油麵(因為我地去到d河粉賣曬，生菜都可以賣曬添)蠔仔粥鹽水炸豆腐咩咩魚我上星期響蘋果見過佢地既採訪，知道佢地係一間老店。野食用料新鮮加唔太多味精，正。老闆黃先生好好人同講野好得意。多d人去就正！可以食多幾味菜。
繼續閱讀