影片
電話號碼
26353428
特色
適合大夥人
包場派對
營業時間
今日營業
10:00 - 05:30
星期一至日
10:00 - 05:30
以上資料只供參考, 請與餐廳確認詳情
招牌菜
12-5-2023 (Fri)同老公放假,去完沙田文化博物館同去醫院抽完血後,傍晚就行到嚟呢間Neway,為月尾生日嘅女友人WK唱K兼食晚飯慶生,我哋先嚟到,睇見做o緊每人可以$20.00叫一份特色精選晚餐,我同老公邊唱邊等WK嚟,佢嚟到,我哋叫嘢飲先.我同老公各要熱檸蜜,WK要凍檸七少冰.我杯熱檸蜜好甜,太多蜜糖了吧.味道:2.5分之後唱到差唔多時間就揀嘢食,要咗:1. $58.00嘅金沙煙肉雞粒炒飯呢個有西湯同二選一嘅甜品,我要咗法式焦糖燉蛋.嚟到時,WK話嗅到好香,我睇睇,點解金沙唔係鹹蛋黃?食落,重美極味,雞粒有啲係大件嘅雞絲,飯係粒粒分明嘅.味道:2.5分 個湯呢?乜老黃瓜湯係西湯咩?我真係唔識嘢.個湯都甜甜地,六飲到啲陳皮味,ok 嘅.味道:2.8分 法式焦糖燉蛋一齊上,我哋食晒啲飯至食佢,喺咁嘅情況下,凍晒之餘重出晒水,呢個係正常嘅甜,不過凍咗同有水就真係大大影響.味道:1.5分 就以$20.00要咗:3. 椒鹽豬扒有少少辣係正常,都夠乾身,呢個oK嘅.味道:3.5分2. 欖菜肉碎炒四季豆飯份量好少,呢個有啲鹹.至於白飯我食得唔多,但係正常嘅,最後我哋食剩最少半碗飯,因為唔夠餸吧,職員收嘢旳,我老公問有冇腐乳?味道:2.8分到凌晨,我老公又要叫嘢食,要咗:4. $78.00嘅沙爹牛肉串6串睇見牛肉幾厚,食落, 沙爹醬冇味,牛肉冇醃過都算,但味道好差好啲羶味;唯一係口感鬆軟.味道:0.2分5. $42.00嘅五香肉丁出前一丁麵老公一個食,我只食一小啖,就係有啲辣.最後要多杯包嘅飲品,今次要凍檸蜜少冰,飲到底都幾難飲,似係蜜糖嘅問題.味道:1分價錢:唔計卡拉ok錢,喺食嘢方便一共$239.80.到打烊俾張單我時,我check單,發覺佢哋講明搭的士嚟入房前俾張的士飛,可以減$27.00,張單亦有呢項,但竟然喺金額喥冇減到.PS: 我哋入去嘅時段收費係$229.00一位.2.5分題外話:其實我之前已嚟過呢間唱過3次K,一次夜晚,兩次晏晝,嘢食都ok,但今次就差.
繼續閱讀
以前聽人講k lunch好難食但事隔多年 又估唔到幾好食喎!!Lunch k is so cheap!!$95 include lunch + 2 hours k蕃茄烏冬個湯好食! 肥牛又不錯烏冬亦唔算係街市嘅cheap cheap烏冬$100 for the tomato wudong$95 for tomato cheesy rice相比起happy hour, lunch k性價比超高！Would definitely recommend to my friends ya Include a free drink for everyone👍🏻👍🏻👍🏻
繼續閱讀
除了CEO K Buffet有些限量食品幾好食之外，對於Neway的餐點印象都是偏頹的，好多時候都怕會中伏！今次同朋友來到這間較為隔涉的沙田富豪Neway，黃金時段的費用為$219加一，包set dinner及兩杯無酒精飲品～一見到餐牌，就好想點海南雞飯來吃，照常理而言，雞亦是容易中伏的食物之一，但我最終決定要以身試伏！！海南雞飯送上桌時，賣相都幾靚仔～～還附送湯﹑水果及泡芙！蓮藕湯不算煲到好濃好甜，但沒味精味，也不會偏鹹偏淡，這個水準絕對可以接受！！先嚐一件海南雞，意料之外的覺得味道都ok，雞件算皮脆肉嫩滑，雞味欠奉，但淋上了雞湯來吊味，算是小小的心思位～～再吃一口飯，又有驚喜，本來以為是白飯，但原來是油飯有這樣的配搭就足以令人覺得不是頹飯！！兩款醬汁都幾香幾惹味～～～至於泡芙及水果的質素就普普通通，沒有令人亮眼之處！雖然Neway海南雞飯算不上很好吃，但至少打破了既有的印象啊！至於朋友們的餐點，都屬合格水平，見到她們都沒吃剩啊～～
繼續閱讀
星期六放假約埋一齊去唱K，唱K依件事可能係我中學或者大學嘅時候常常會做嘅，但係大個咗之後就少左好多，搵間卡拉OK店嘅時候都好似發現原來執左好多分店。結果嚟咗比較近屋企嘅沙田富豪。呢個商場嘅卡拉OK奇怪地分配喺唔同嘅走廊，同埋就算星期六人都好少。可能依度始終交通唔太方便，都係比較適合附近嘅住戶同埋沙田人去。星期六嘅lunch價錢由88-110左右，加一。我哋選咗竹笙雜菜粉絲配飯同埋豬軟骨烏冬，唔知係咪我哋都算k lunch時段太遲嚟到（十二點半），總覺得啲飯餸唔夠熱，最唔鍾意嘅係我哋飲熱利賓納同埋熱檸蜜，但係飲品都係微暖。但係食物同埋飲品嘅味道係一般，啲雜菜嗰度胡椒粉味太重，絲瓜太老皮太硬。另外食物始終唔夠熱，味道都係爭啲。K Lunch係一個懷念嘅活動啦，對於食物都係唔好期望太多。有可能市區嘅Neway會好少少嘅。
繼續閱讀
11：30am前到達K Lunch有平，真係要gogogo!呢間K真係由細唱到大，間唔中都黎唱一次，重拾青春感覺今日黎唱K叫左兩個餐，一如以往，味道係幾好，但美中不足係真係黎到上檯就會凍晒。不竟黎既目的係唱K，真係唔彈得佢地幾多。雞鮑翅湯飯，個湯就偏咸重味精，雞就十分之滑流但就有血水，鮑片兩片，翅就應該係素翅，有少量。飯就超大碗，不過有D爍。醬爆牛仔骨，如果佢熱辣辣上，你話係出自陳根記我都信！可以真係有D凍，原本好夠既火喉都攤到凍晒牛仔骨都幾林幾入味，少甜少咸，幾惹味架！有例湯同飯，個湯就麻麻啦。
繼續閱讀