當晚9時左右見冇人排隊咪去食. 但係門口都要等約十分鐘~

當某兩位女侍應知道我們點錯單後, 我向其中一位想作出更改, 她不但不肯更改, 還說"唔可以改"加上面容露出非常不願意的表情, 幸好壽司師父聽到我們的對話, 即時作出更改. 另一位侍應才"死死地氣"去修改我們的ORDER QTY.
好明顯看他們的表情係唔只我們中過招, 因為我聽到有一個壽司師父講:"又有人中招".
在整個進食過程, 我們不斷受住整間店的職員"白眼", 又"秒秒"咀話我們錯, 要她本人受氣~

填錯, 係我們不對, 但我們完全冇責罵過她, 只是更改. 但她們成晚對我們的面口都是激黑.
而我們都沒有在部長前投訴, 因為知道一定沒有用~
最後埋單, 我要求拿回單據, 她顯然很不願意之餘還一眼都沒有望過我, 非常極之不禮貌~

如沒有"加料"的話, 食物質素是OK 的~但本人從未食過一餐飯如此激氣, 板前實在令我太失望, 決定以後不再幫襯.

去睇戲之後, 去到加連威老道板前食壽司

鍾意食壽司的我, 居然已經一個月無食, 自己都唔相信 好掛住劍魚腩, 火餡鰻魚, 三文魚子等等的香味啊~

今次食, 包括最愛的劍魚腩, 魚立魚, 蟹子, 蟹羔, 三文魚子, 火餡鰻魚, 蟹棒, 吞拿魚腩, 烏貝, 仲有一杯三文魚子飯, 板前的壽司俾到我好新鮮的感覺, 味道係云云壽司店之中比較突出的一間! 三文魚子係咁多樣之中最好食的一種, 每一粒魚子都有好多魚脂, 我喜歡用筷子逐粒逐粒夾嚟食, 到剩下唔夠十粒先一啖食哂件壽司 哈! 好享受呀

蟹羔壽司係另一個我覺得好食的壽司, 一半係羔, 一半係蟹肉, 軍艦的做法, 塊紫菜幾脆, good~

兩個人食左二百六十, 唔算好貴, 水準不錯!

週六的午餐，差不多滿座，還好也不用等位~
愛煞了板前那網上的manu，我是有備而來的，開動吧~

三文魚 / 火炙三文魚sushi - 特價 $3 - 4.5，要了好幾碟，必點！
鮟康魚肝 - 不如想像的好，沒味道的，怪怪~
帆立貝 with 抺茶鹽 - fine, 但 抺茶鹽只一撮在碟邊，其實也不很濃~
火炙魚背 - 這個沒有說是什麼魚的魚背，但爽爽也好香口的魚脂香，是個有驚喜的選擇。
板前蝦 - 這個也有驚喜，肥美的一隻伏在壽司飯上，入口黏黏的，我愛這質感... ...
** 我不是要故弄玄虛，但這板前蝦，很有性格~ 吃得我有點感動。這是它以店名命名的原因嗎？
鵝肝sushi - 焦脆的外層加上軟滑油香的內涵，很豐腴。配以乒乓球狀的壽司飯，好可愛，也減了油膩~

是有漏單，但整體來說，這麼一頓壽司午餐算不錯~
同場也有1/5是日本人來既呢. . .

總括黎講都好好味! 但當然冇第一次食時咁震撼啦!
最愛仍然係帆立貝同玉子壽司!! 正正!
今次仲試左個板前蝦, 都幾正!

個軟殼蟹壽司亦係唔錯, 多沙律醬, 好味!

但個和風沙律就比我想像中大, 同埋都幾heavy,
share黎食都會幾飽, 但都係$12咋, 好抵!
但黎左板前, 梗係想食壽司多過沙律啦!
sorry to 為食海盜, 佔用左你食多幾件壽司的quota添!

11點30已經黎到
係第一位入座的客人

可能因為仲早 人客比較少
坐得好舒服

今日終於唔洗趕時間可以食慢少少


●三文魚腩壽司-好細件!細件到好似一壽司咁細！
●吞拿魚壽司-藍鰭吞拿魚係比較美味!可惜不能吃太多,因為快被過份捕捉而絕種了
●海擔壽司-呢到o既海膽味道有點怪，雖然唔苦但無甜味！
●芥末八爪魚壽司-好辣好正
●海鰻壽司-熱辣辣
●吞拿魚腩飯-飯好黏,吞拿魚腩份量不少！
●炸軟殼蟹-好細隻
●牛乳布丁-太大陣牛奶味 我接受不了！

最近經過很多壽司店都有人龍, 熱潮又再起? 後來才知道, 不來很多間壽司都半價 連板前都推出三蚊件的三文魚, 而家食壽司, 已經唔再"貴"

板前可能開多左分店, 等候的時間都無咁誇張, 是日用了十五分鐘便成功奪位, 兩個人坐吧枱位慢慢揀, 慢慢食! 三文魚當然唔會唔叫, 只係有限制之下, 食得唔夠過癮, 魚, 係好新鮮, 沒有因平價出售而取巧!

印象深刻的, 要首推鵝肝, 即叫即做, 用火槍把鵝肝烤熟, 可算是美食一道, 吃了一碟, 要encore再來, 因為一人一件實在吊癮! 藍鰭吞拿係一件一件叫, 試過一件, 比起一般壽司店的吞拿魚, 味道係有分別, 魚味比較濃厚, 好味, 不過價錢就會令人肉痛

小食還有一道推介, 就係個燒牛舌, 味道唔錯, 只係切得較厚, 即使調味做得好都要扣回少少分數!

人生第二次食迴轉壽司，第一次去板前食，同埋唸住食飽就算，所以唔係叫咗好多野。
星期五晚去，o岩o岩好六點鐘，驚多人所以都早D入去。
都幾多人食緊，環境OK，坐得舒服。大約六點幾已經有多好人等位。
我就叫咗三個手卷--三文魚(都夠厚)，粟米沙律，吞拿魚
以上三個手卷都係S9
之後食咗碟煙三文魚壽司同埋加州卷，味道唔錯。
不過塊三文魚真係好薄

我個friend都有食手卷，仲有叫咗個牛奶湯，綠茶冷麪同埋木魚壽司，都話好味既。
我食咗五樣野，計埋加一，承惠$5X。
通常我食壽司魚生o個D都係去超市買/食自助餐，今次都係純綷想試吓板前，講真唔差，某D食物既價錢都合理。所以，想試唔同類型既壽司，不妨一試。
但我都係prefer去超市買，因為我都係鐘意食普通款式既壽司，同埋貪佢D魚生夠厚。

七月七日 (星期二)

本來是計劃做gym的,但老公仔覺得有點倦,所以最後只吃晚餐

到了尖沙咀,先後到了LCX等CPK,板長....
等來等去都等不到位,最後都是去了板前...不消二十分鐘已經有位

三文魚壽司
三文魚壽司做特價,$3一件,但現在開始,每人只限點三碟特價的!大家小心
比起板長,這裡的三文魚差了點,普通質素而已

油甘魚腩壽司
老公仔只吃了飯團,已知道件魚腩很美味
因為它的甘香已經滲入了飯內
一吃,果然油甘滿溢...是晚最精采的一碟!

芥辣八爪魚軍艦
普通水準,很辣,我幾采流眼淚

龍蝦沙律軍艦
都是一般,龍蝦肉沒什麼味

炸軟殼蟹
隻軟殼蟹很細隻,而且蟹肉蟹膏不多

算是胡裡胡塗的吃了一頓日本菜...

排左好耐隊, 先有得食的板前, 今晚都無例外, 勁等

不過等都係值得, 因為佢既壽司係好食啲, 今次試左之前未食過的蝦天婦羅壽司, 真係好好食, 炸粉做的皮夠哂脆, 入面隻蝦蝦肉彈牙有咬頭, 好好食啊 用一貫天婦羅做法, 一啲都唔油膩, 一碟兩件食完再番單!

沙律蝦卷都ok, 味道唔錯, 仲叫左吞拿魚, 北寄貝, 三文魚, 三文魚就覺得無之前咁好, 可能因為係減左價啦, 覺得好似乾身啲 (搵極都唔見左三文魚幅相, 明明有影).... 吞拿魚有魚味 (好似魚肝油嗰種味), 係好食的壽司

雖然要排好耐, 但係都值得既

先兩日同個fd 去板前食壽司, 而家等位已經無以前咁耐, 十分鐘左右就已經有得入去

對板前的壽司我給予一個幾高的評價, 因為味道正宗, 用料上乘, 例如件藍鯨吞拿魚, 肉質鮮美, 而家仲減o左價, 更加抵食! 要介紹比大家係個鵝肝壽司, 用火餡的形式燒熟, 迫哂d鵝肝油出嚟, 件鵝肝真係好香, 好好食

咁多間壽司店之中, 我覺得板前的壽司飯係最好味的, 一間壽司店, 最緊要差不多係個壽司飯, 做得唔好, 枉稱為好的壽司店, 所以食壽司我會prefer呢間!

今晚都係第一次去板前(平時都係去板長多),諗住差唔多啦..點知就一肚火,D人做野非常不知

所謂,先講食物,佢同板長都係做$3一件三文魚壽司,但板前就做得好差,舊飯比平時既細舊,煙

三文魚既味道就比元氣差,煙鴨胸就OK,鰻魚手卷都可以,但一肚火既原因唔關食物事,係D人

做野好粗心大意,我一坐低冇耐飲左啖茶,佢地雖然好快咁幫我加水,但就成杯倒瀉哂囉,跟住就

到壽司師傅出事,因為我同女友係坐迴轉枱既關係,D師傅可以直接拎食物客人,當個師傅遞食

物比我時,成碟壽司冼手,跌哂D壽司落枱,之後又因為落錯單,明明我地叫左六碟三文魚壽司,一

碟煙三文魚壽司,兩碟煙鴨胸,兩客鰻魚手卷,點知就冇黎兩碟煙鴨胸,就黎左兩件海鰻壽司,我

就同佢地講冇叫到海鰻啦,佢地都有睇返我張ORDER紙係冇叫到既就幫我更正返,到我埋單

就出事喇,佢地條數唔知點計既,我自己計過係連加一就應該收106,張單黎到就係$17X,睇返張

單原來係照計左我冇叫既海鰻落去,同佢地講返之後就改返啱,但到找錢又找錯囉,單價係

$106,我比五百,佢就找返$374比我,找少左$20,好在我係當面數錢,唔係又比佢地屈左,到最後

我地計返之前$17X條數點黎,係計唔返囉,我而家比大家研究吓吖 !

六碟三文魚壽司即係$3X12=36,一碟煙三文魚壽司$12,兩碟煙鴨胸12X2=24,兩客鰻魚手卷

12X2=24,TOTAL $96+9.6=106(四寫五入),佢初初張單係17X,

就算我加埋兩件海鰻25X2=50都冇可能係$17X囉,所以大家記得最好自己計左總數先,如果唔

係佢地又博大霧架喇!

( 仲有就係佢攞完生既鵝肝,跟手就攞D熟既野,完全冇換過手套! )

下午同朋友到尖沙咀,本來想去隔離食半價下午茶壽司
朋友想食板前,以前食過其他分店啲食物還算不差
所以就在此食, 我們order 咗三文魚丼定食,三文魚壽司,鰻魚壽司....
order 食物後,壽司好快來到,三文魚丼不久也來到,但定食啲沙律同湯,
我哋食哂三文魚丼之後都未嚟到,想問waiter,但佢哋完全唔望人,呆呆哋,等咗一陣,先有一女經理嚟到
我哋話定食勿冇沙律同湯,佢先入去攞出嚟,但係只比湯同一小碟唔知係勿啲小食,沙律就比隔離枱,我問佢點解餐牌有沙律而唔比我哋,佢話可以係其他代替,態度很差
但我哋ｏ弟餐牌寫係冇沙律才以其他代替,但佢哋有沙律也唔比我哋,而且小食很差,三文魚丼也比其他分店細碗


下次一定唔會再嚟尖 沙咀分店

是夜在板前食壽司, 是十點鐘去食的

迴轉帶上的壽司看起來都像很多, 吞拿魚, 蟹棒, 油甘魚, 板前蝦等轉來轉去, 我通常都會優先揀迴轉帶上的壽司, 因為知道收工賣唔哂會倒, 覺得好嘥, 而且一直以來擺得上條帶都無難食既經驗

不過今次就比較失望, 一間咁多人食既壽司店, 理應唔會有擺左好耐既壽司在帶上, 但係只係睇睇碟吞拿魚... 刺身既邊位已經黐實隻碟, 魚身已經不鮮, 仲乾哂咁, 食落味道都唔係太好

都係叫佢即叫即整好, 不過整都不見得很好, 好像個軟殼蟹手卷, 紫菜完全唔脆, 一點都不好食.. 排長龍的壽司店, 已經不再可愛, 品質控制都越來越不濟.. 越來越不想來!

平時食開旺角家樂分店的

今日來到TST, 一於試下, 點知...

今晚7點左右去, 等左成20分鐘先有位

環境唔係好得..冇家樂分店咁明亮, 員工呆少少

d員工態度都好少少, 但個女經理問人幾位時望都唔望人的, 冇禮貌!

d野未上就發現天花板滴水.......

叫左幾客三文魚壽司

塊三文魚薄到咩咁, 又細件

$3件都冇用啦

second order等得耐左d

催一催就即有, 姐係冇入到單啦...

下次都唔會再黎尼間分店!

前幾日五點幾去左食野

食左 蟹棒
三文魚
三文魚子

蟹棒舊飯細到不能
係比平常0個d細一半
實在令我非常不滿