使用Facebook登入
|  | ||||||
vs
|
食家評語
首位提交食評的食家:
bon vivant 共 82 食評， 正顯示第 1 至 15 篇食評
|
 2010-06-08
吃畢晚飯，最理想當然是吃甜品作結。剛剛在室外吃完串燒，感覺既飽又熱，順理成章點了兩客冰凍嘅益力多綿花冰及芝麻綿花冰吃。論賣相，未算吸引，不過配料頗多，有各式水果、乳酸爆爆珠、水晶珠等。綿花冰未能做到入口即溶嘅滑溜口感，幸好還能以味道搭夠。相較之下，芝麻綿花冰來得比較香及好味道。 [6/6/2010; Sun; Panasonic DMC-FX36]
評分: 味道 3 環境 3 服務 3 衛生 3 抵食 3
|
 2010-05-12
如果你係榴槤Fans, 而家榴槤開始當造, 千奇唔好錯過佢地既榴槤產品 (棉花冰除外, 雖然佢都俾舊榴槤肉你, 但舊冰應該唔係全部鮮榴槤做  今次叫左: 1) 榴槤糯米糍 - 皮薄餡靚  2) 榴槤西米撈 - 當榴槤味和西米椰汁融合埋, 非常夾 3) 榴槤凍餅 - 榴槤香不突止, 重好Creamy 4) 涼粉西米撈 - 無乜特別 5) 楊枝甘露 - 呢味係榴槤以外另一選擇, 比松記, 滿記好好多 如果Play Safe, 可以Order前問下四眼哥哥當日榴槤得唔得手先決定 !! 推介美食: 榴槤甜品
評分: 味道 4 環境 3 服務 4 衛生 3 抵食 4
|
榴槤糯米糍
2010-05-11同39寸白朱古力胸係燒鳥亭享受完一頓美味豐富愉快的生日晚飯後，佢帶左我去明記甜品為今晚畫上完美的句號。 朋友仔要了蜜瓜西米露。 我本來要了熱豆腐花，可惜未能如願。最後要了熱木瓜雪耳。 另外再要一份糖不甩。 蜜瓜與木瓜都切得頗為大塊，需要大寫O型嘴先可以食到。 我的木瓜雪耳味道中規中矩，沒有驚喜，也沒有要回水之感。 至於蜜瓜西米露呢？我相信是味道不俗的。因為期間有人係後面呼叫借借加上我的溫馨提示朋友仔都無咩反應，相信係陶醉於同我一齊享受糖水吖唔係唔係，係陶醉於係碗西米露之故。 親愛的，謝謝你現場近距離示範谷胸谷老鼠仔。回味結實的手臂..........
評分: 味道 3 環境 3 服務 3 衛生 3 抵食 3
|
2010-04-30
呢篇原來放左咁耐都未得閒打... 要的起心機打返先~~ 自己一直都係明記fans!大多都係去西灣河食~ 不過呢篇係2月既食評..係因為果日去行年宵... 天后多人到爆...行迫到行唔到...於是走佬去食明記當補償 點知.....第一次失望而回 是晚可能係年宵關係... 明白位唔夠,好多枱都搬左出面 坐出面都唔緊要...果晚落雨...都幾影響心情...因為出面唔係好檔到雨... 和我們一起坐搭枱的另一對情侶居然可以拎住把遮黎食糖水  真係服!我同男友就坐住一邊...希望避過一劫.. 所以地面凹凸令到張枱唔係好穩都冇計,, 個伙記話將就下唔好意思...唉...咁算啦 鬼叫自己鍾意食! 因為天后呢間冇我至愛既榴槤忘返,咁就打算叫新野~ 男友依舊叫佢最愛既榴槤甘露 我就叫左榴槤豆腐花 抱歉實在已經唔記得個價錢~ 但係食落真係好差~ 榴槤夾唔到個豆腐花~一pad pad又杰撻撻... 豆腐花又唔得....一d都唔覺得好彈好滑..唔夠水咁...榴槤個汁又杰...2樣加埋真係唔match! 係咪果日多人求其左??? 不過最近都去過西灣河明記食..都係keep住個水準!所以算啦,..今次比個ok佢!
評分: 味道 3 環境 3 服務 3 衛生 3 抵食 3
|
2010-04-20又係 一餐不知所謂既晚餐後, 再黎個甜品順返條氣 一個天后裡容納了超過五間甜品店 她們能夠生存, 也有家有她的優點 今晚選擇了明記, 單純地只是想試下新野   芝麻布甸 $14 : 芝麻味香濃, 質感幼滑可口富有彈性, 這個價錢十分合理 奇異果涼粉 $20: 走椰奶要花奶，涼粉爽口大大粒, 奇異果也正常不過, 很難會失手的甜品
評分: 味道 3 環境 2 服務 2 衛生 2 抵食 2
|
 2010-04-19 先談食物 我和男朋友點了 凍芒果西米露 及 熱芋頭紫米露 各一 份量很多. 紫米露, 煮得太稀. 男友的西米露竟然有芋頭, 是驚喜 可惜芋頭在凍甜品好像失去了味道? 講到服務態度, 這是一次不快的經歷 當晚大概是九點幾 店中只有三, 四枱客人 突然間廚房傳來一堆碗碟跌落地下的響聲 其他枱的客人都很關注, 四處張望, 小店內突然變得鴉雀無聲 下一秒 店主先生就 破口大罵 一連串粗言穢語 劃破了頃刻寂靜 只見那位員工低頭不語慢慢收拾 "爛攤子" 面對這場面, 本來跟男朋友高興地吃糖水的興致和氣氛被破壞了 在眾多客人面前鬧員工 是絕對不應該吧? 這不是好的管理. 一句句問候別人母親的說話簡直不堪入耳 另外兩個員工只有強顏歡笑地對著我們幾個客人 想試著緩和剛才尷尬的氣氛 又有一個很年輕的員工只是用背脊挨著牆發呆 要揮揮手叫埋單才回過神來收錢 臨走的時候 我感到這間店充滿負能量 糖水店不應該是充滿暖意, 人情味的嗎? 此店不想再去第二次.
評分: 味道 3 環境 4 服務 1 衛生 4 抵食 4
|
2010-03-26
同朋友仔食完晚飯，好似有點欠缺咁，朋友仔又極力推介話呢度既綿花冰好味，於是就決定一試。 去到唔多人，唔使等位，叫左個芝麻綿花冰，賣相坦白講就麻麻地，不過勝在配料多，又有水果。 先試線花冰，入口無滑既感覺，個口感比較似台灣雪片，個人不太喜愛，加埋個顏色，我跟朋友說笑：「覺唔覺得我地好似非洲既人咁﹖」朋友即笑道：「係囉，好似無野食要食樹皮。不過我地比非洲人仲折墮，因為我地俾錢食樹皮」XD 真係笑死我 不過點都好食過糖百府，起碼冰既味道都算唔錯之餘，配料都幾好~ 但係都係鍾情於元朗既綿綿冰，又夠香又夠滑
評分: 味道 2 環境 3 服務 3 衛生 3 抵食 3
|
2009-11-19
一直係西灣河明記+durian dessert fans! 當然要搵機會黎呢間父子店試食啦~ 入到去,店內有lcd,可以睇tv.. 但太逼..好多人.. 有d嘈.. menu上既野都有唔同 急不及待order先~ 榴槤甘露男友依舊order佢至愛 但係唔知點解覺得西灣河好似多d咁! 但都係一樣咁好味! 榴槤凍餅想試下新野..新出左榴槤味喎 嗯~初頭佢上黎既時候,我仲以為佢比錯我, 點睇都似朱古力味既木糠布丁 點知一食落去真係榴槤味喎! 入面仲有d榴槤肉粒,所以食落好香!! 喜歡吃凍餅/木糠布丁的朋友不要錯過喔! 其實天后同西灣河都唔係咁就腳,所以...去邊間都冇咩所謂.. 但我覺得都值得入去食~! 榴槤凍餅
評分: 味道 5 環境 3 服務 3 衛生 4 抵食 4
|
2009-10-03
食完飯之後就去左明記去食甜品!! 一向都覺得明記甜品好正, 又平又大碗!!有保證! 呢排發覺明記新推出的綿綿冰都好好食!! 好香好有口感!! 榴槤綿綿冰仲有榴槤肉!!連冰都好香榴槤味!!好濃味!!真係一流! 芝麻豆腐味好新,從未o係其他甜品舖試過呢隻味!!好特別,又好香! 推介美食: 榴槤綿綿冰
評分: 味道 5 環境 4 服務 4 衛生 4 抵食 4
|
2009-10-02食完大餐之後, 女友唔想食風景的芝士餅, 反而想到明記食甜品, 生日梗係要就佢啦 一去到, 女友已急不及待叫佢地個朱古力木糠有甸了, 我之前食過佢地個原味的布甸, 覺得味道都幾好, 不過朱古力就覺得有少少苦, 無原味咁好食 而且今次的木糠, 雖然我地係叫個硬的, 但可能雪得太硬, 所以好難撬得個布甸開 而且可能雪過籠, 食落的口感係比較鞋身, 有啲似蛋糕咁, 無咁好食好彩女友無唔開心, 不過下次再食, 要叫番軟有甸比較穩陣! 評分: 味道 3 環境 3 服務 3 衛生 3 抵食 3
|
2009-09-08去到清風街一帶找甜品食, 云云甜品店最後同fd 決定落腳明記甜品 我同fd一人食一個心太軟, 大家都對呢味甜品十分鍾意, 不過我覺得好食, 佢就覺得一般! 我覺得呢個心太軟好食係因為d朱古力味道好正, 雖然佢地用的朱古力唔係好高級的, 但係牛奶味好夠, 而且仲做得好"流", 即係好似流沙咁, 一更一更畢入口再慢慢dap, 好享受的  fd 唔滿意係因為個蛋糕比較粗糙, 口感比較鞋, 我就無咩所謂, 最緊要朱古力味唔苦就ok, 球雲呢拿雪糕都好 或者我的標準比佢低, 但我都會俾個笑面佢 評分: 味道 4 環境 3 服務 3 衛生 3 抵食 3
|
2009-08-18星期六晚飯過後的甜品係明記的朱古力木糠布丁 這間甜品店都很受歡迎吖, 我十點入去坐, 不單全場坐滿, 仲不時有人拉門入內等位 木糠有丁的硬度幾強, 用匙更係很吃力的去畢, 不過味道不錯 放入口的時候係很硬同很凍, 含住一分鐘, 漸漸的讓有丁溶化, 過程讓我的舌頭享受雲呢拿的甜味, 幾正~ 店員講原來仲有軟的, 下次一定要試試 評分: 味道 4 環境 3 服務 3 衛生 3 抵食 3
|
2009-08-09
路過附近，到訪明記想吃碗糖水 叫了椰汁紫米露、芝麻糊 椰汁紫米露︰幾好、唔會太甜，紫米又唔會煲得過腍，都有得咬下；如果無咁杰，稀返少少多d椰汁味會仲好 芝麻糊︰幾杰、唔算太甜，芝麻味較濃；芝麻磨得夠滑，因此口感幾好 兩碗糖水都唔算太甜，如果唔太鐘意吃甜的朋友應該會幾岩口胃 我自己就較喜歡吃甜，因此我對明記糖水的評價，只是中上水平 純粹題外話︰我見餐牌上，也有出售現時幾流行的雪花冰 一碗單味的雪花冰，要賣成三十五大洋 相比「糖仁街」、「糖佰府」較馳名的雪花冰，也只是賣三十六元，明記賣得會否貴了點呢？
評分: 味道 3 環境 3 服務 3 衛生 3 抵食 3
|
2009-08-06
7月31日（星期五）晚，吃完晚飯後，甜魔女友當然要去吃甜品，就過去對面街的「明記」。這裡的選擇很多，感覺上比西灣河的還要多。是晚女友叫了碗木瓜雪耳糖水，而我見到這裡有心太軟，就來一客試試！ 木瓜雪耳糖水：材料十足，有很多的木瓜、雪耳和南北杏，甜度適中，味道不錯，清淡健康之選； 朱古力心太軟：落單時哥哥仔已叮囑要等十五分鐘已上，已知是即叫即製。外層朱古力蛋糕鬆軟且味道濃郁，內裡的朱古力更洶涌而出，朱古力味同樣濃厚。突然，我喜歡將少許雪糕伴著朱古力蛋糕來吃，口腔內一冷一熱，滿足了味覺上的感覺！ 這裡的地方頗狹窄，我們吃完甜品之時人客亦開始多了，我們惟有趕快埋單離開。
評分: 味道 4 環境 2 服務 2 衛生 3 抵食 3
|
LyoN (非會員) |
2009-07-02同朋友係維園泳池游完水, 哈哈! 唔知係唔係游得耐, 特別渴同肚餓 不過估唔到會比朋友拉左去食糖水! 未入去之前見到窗口貼滿哂明星相, 再抬頭望一望 明記甜品, 好像沒怎麼聽過... 一坐低就緊係睇下有咩野食先啦, 哈! 估唔到除左甜品之外仲有小食 拿手即時叫左個XO醬蘿蔔糕先同蜜瓜西米露先! 首先上枱既係蜜瓜西米露, 同平時食開既西米露有少少唔同, 呢到既西米露係用榔汁底做成, 加上蜜瓜, 唔知係唔係蜜瓜夠甜, 加上加凍既西米露, 真係好食到爆呀! 而個XO醬蘿蔔糕呢, 感覺上同出面的沒甚麼分別 不過呢個XO醬的味道還不錯, 嘿嘿 最後啦! 同朋友再叫多個心太軟Share黎食! 等左差唔多三個字, 終於黎啦! 第一個感覺係外觀上沒甚麼特別, 只是一個朱古力蛋糕加一球雪糕 一放上枱就見到那些朱古力慢慢地由蛋糕流出, 果然係心太軟呢! 嘿嘿 味道方面呢, 雖然同大酒店的沒得比之外, 其實是還不錯啦 (這就叫做一分錢一分貨吧  )最貼心既就係, 唔駛我地出聲都竟然有人比杯水我地呀! 食完就好滿足(肚子)咁走, 下次如果再黎開呢頭, 我都會再黎幫親下!
評分: 味道 4 環境 2 服務 3 衛生 3 抵食 3
|