影片
今晚約埋班 friend 係朋友屋企睇奧運，睇到十點幾，諗住去先到先等嘆番個咖喱牛腩公仔麵。點知去到見個舖位俾木板封住晒，原來已經結業了。有點失望o羅。之前係度食咖喱牛腩公仔麵，d牛腩好腍好入味，又多牛筋。雖然入面d伙計態度麻麻，但都係好想食多次佢d 咖喱牛腩。
繼續閱讀
以上資料只供參考, 請與餐廳確認詳情
本人基斯杜化, 因工作關係扎根北角7,8戴,久不久也會到先到先等食飯,此店最大特色1) 煮個樣就唔似個樣 e.g 番茄蛋飯冇番茄味 咖哩雞唔似咖哩雞2) 個湯永遠都係一個味(只係唔同色)價錢唔係問題最緊要係好味所以本人都什少去....
繼續閱讀
尋晚去左住係北角友人屋企,所以係呢頭食野...見到最近一個食評話差,但係根據我經驗,其實都唔算好差,不過講真,係咪精重手左少少囉!(搞到我同小牛成晚勁口渴)叫左個set dinner,$42包餐湯,前菜,主餐,飲品,都叫划算。餐湯可轉中湯,我地要左個淮山杞子什麼湯,勁重味精,鹹呀!前菜係吉列魚塊沙律,預左魚塊唔會好多,但作為前菜,已經足夠,而且唔會係皮厚果隻,又夠脆同新鮮,唔錯!主菜要串燒牛柳配薯菜,又得喎!牛柳夠腍,又三大串,當然串當中又包括好多如青椒同洋葱之類既配菜啦,最好味係個炸薯條,食到停唔到口!另再點一個單拼湯意粉,貪佢較便宜,只係$20,有三大塊火腿,比一般都算多(出面好多只係兩片,仲要無咁大),不過個湯底唔得,又係好重味精,頗鹹。整體上,其實係ok既!
繼續閱讀
一向都有叫外賣既習慣，因為好多時都一個人食飯，唔想煮又唔想落街，最方便就係叫外賣． 係咁多間餐廳食店叫外賣，只係得呢一間會咁做．試過數次，冇散紙係身，得一百蚊紙，都怕送外賣既人冇錢找贖，所以係落單時都提阿姐幾次記住帶錢，次次阿姐都係”好好好”咁應，結果就次次都冇做．有次仲搞笑到，我講明係五百蚊紙，個外賣阿姐又係冇錢，佢竟然叫我比張銀紙佢拎番鋪頭先，佢再上黎找比我！剛剛我又叫外賣，盒外賣$27，我比一百蚊佢，即係要找$73，個妹妹竟然同我講佢唔夠錢爭$1！！！有冇搞錯！我唔會為左$1要佢行上行落拎比我，但係都有種感覺係好似比人呃錢一樣！另外，因為自己係唔食蔥，所以每次叫都會要求走蔥，同樣情況，聽電話果個次次都係”好好好”，然後次次都係一堆蔥係個盒度！！至於佢水物ｄ水準，我只可以講係一時時，因為一時就幾好味，一時就會好淡，一時又會好咸，總之就睇你好彩啦．
繼續閱讀
鍾意食蝦仁炒蛋既我呢間原來未試過, 就係咁個一晚就緊係叫番個蝦仁炒蛋($35) - 小菜價, 蝦仁一定係雪藏貨, 唔爽口又無蝦味預料中事, 而個炒蛋就炒得好老, 食味仲好淡, 麻麻腐乳通菜($20) - 份量就幾多, 但炒得好杰身, 而除了腐乳外仲有種香料味, 食到但唔知係咩, 以咁既價錢可收貨白飯($5)都係個句, 係呢頭食過最令我回味既都係勝利小廚既蝦仁炒蛋, 諗起都想食
繼續閱讀