Boxing Day也要返工 放工後跟他去廟街打算吃個煲仔飯。事前估計四季應該會超級多人，所以一早打算去興記。到達廟街果然四季人龍超過一百人，但想不到的是，平日店鋪眾多的興記，同樣座無虛席，而且人龍不短，當時已經八點了，不想太晚吃飯，於是求其走進了這家宏興，其實這裡也很擠，不過尚有一點位。

我們點了章魚雞粒煲仔飯，潤腸排骨煲仔飯，細蠔餅，加一枝燕京。先來了蠔餅，不差的，幾香，蠔不腥，份量也不少，價錢跟隔離兩家一樣$25。吃完蠔餅後，兩個煲仔飯到了，打開蓋一看，心知不妙：點解咁dry既？人不可以貌相，食物亦然，我們淋了豉油，蓋上蓋子，等一會。好，先吃章魚雞粒飯。$30，章魚極少，雞也不多，雞其實幾滑，還有少許薑味，不錯的，章魚雖然咬落幾彈牙，但完全無魚香味，而飯，真的只是白飯，絲毫沒有滲透雞肉和章魚的香味，我們不停加豉油，還是沒有味道。潤腸排骨飯$28，排骨不好吃，沒甚麼肉，大多都是骨，潤腸只得半條，雖然潤腸幾香，但飯還是半點肉味都沒有，總之就是無味！對我來說，煲仔飯的飯應該滲透上面的材料的香味，才算好吃，這種把飯煮熟了就算，飯和餸沒有融合的，算不上是煲仔飯。

廟街是遊客也是sunflowerting經常到附近一帶閒逛的熱點，價廉的「美食」和各界市井人生百態亦可飽覽，是夜陪伴朋友嚐到其中最為馳名炭爐煲仔飯 及炸蠔餅 與潮州幫好唔同: 無可厚"粉"而係主要用油炸, 餅身呈蛋絲狀脆而鬆化, 蠔仔細小亦保持滑溜
，炒蟶子($35) 卻是其心頭好 雖然說不上名貴菜式 (當然唔可以同酒家$38一隻嘅蟶子皇一概而論!) 鮮甜夠鑊氣唔算太重口味,
炭爐煲仔飯我倆揀選滑雞牛肉($28) (如單一口味只須$23) 等得最耐 但看見工友在身旁"往來飛車"無晒表情都知有幾受歡迎 前者嫰滑後者較勁梳打味, 細細煲嘅飯身剛好微焦收水, 豉油放在膠樽內有D奇怪, 但無又唔似樣啊! 鄰近男士一煲食晒! 炒通菜($20)有腐乳微香,鮮嫰大碟火候恰到好處
冰凍大枝可樂 ($8)久違了! 但後加嘅蝦餅就強差人意: 太油而蝦仁無味
是夜總算係滿足多年"前街坊"無食大排檔而破例嘅後現代傑作

~ 市井人生= 同場加映: 鄰座貌似情人嘅女士突然撲吻對面佢嘅年長"男朋友", OMG !!
~ 人流多, 但天氣清涼可坐户外更有風味 !

平時見冬天先食煲仔飯, 今次調轉, 夏天黎食~ (貪佢夠少人食 )
同幾個朋友黎廟街, 當然食佢啲煲仔飯啦...
但係見有咁多間.......隔黎興記啲煲仔飯就出左名 (見曬報) 但係我又唔多鍾意佢地為左爭生意, 大聲宣傳, 加上佢地啲料一次比一次差, 又越黎越少餸, 咁今次就試吓新野啦!

去到宏興, 佢啲服務幾好, 講野唔係好大聲 (可能夏天少人關係)
但係有樣唔鍾意就係有啲位佢地唔比你座......

今次我就叫左個梅菜肉片煲仔飯, 等左大約10分鐘, 啲飯就黎~
一開個飯~啲飯夾雜住梅菜啲香味好鬼正~
而且分量又唔錯喎! 好多肉片~
但係...佢啲豉油無想像中咁濃...得個色, 但係都好好味

之後仲叫左個蠔餅同蘿蔔糕
佢個蘿蔔糕落多粉, 但係都食到佢啲蘿蔔絲
個濠餅就唔錯, 不過有時食到啲蠔殼, 但係都好香, 好有鑊氣~

總之, 下次黎廟街食煲仔飯呢間都真係唔錯

難得今日做導遊, 帶國內朋友食下地遁美食,
廟街當然係一個好去處啦

今日真係太熱, 宏興有室內位都幾好,
估唔到冷氣夠凍... 正!
最正當然係點煲仔飯啦,
仲有蠔餅, 蝦, 炒蜆,
呢餐幾好味喎!
由其係蝦同蜆, 又大隻好入味, 汁又夠味,
我朋友仲話撈飯好好味!
食咗好多先$215... 抵食下次我都同朋友再黎食餐勁!!!

又是不定期的同事聚餐，由於用餐地點附近就是油麻地廟街，咱們幾位恰好又是早到，其中一傻提議去廟街來個「優先場」，既然沒其他事幹之下，自然樂於奉陪！

說起廟街，記得出來工作之後，倒也經常到附近一帶閒逛，位處九流復雜的環境下，有的盡是價廉的「美食」，其中最為馳名的，當然是炭爐煲仔飯及炸蠔餅，那是已有若干網上流言，除萬年油之外，離譜的更有用腳來洗米，同時出現於廟街飲食負面報導，卻是少是又少，事後聽起上來，也是一笑置之。多年汰弱留強及合併之下，興記已成區內的「班霸」，今次由於不想吃得太飽，只點上幾味小吃，一行人經地膽帶路之下，到了附近的宏興美食館，除上段提過的兩味之外，另有一些街頭海鮮及粥品小吃，可滿足一眾的要求。幾位男仕聚首一堂，還是要叫上一枝青島淡啤，才容易打開說話匣子，某傻這時說要懷舊，說要來一碟廿五元的豉椒炒田螺，侍者沒太多餘的說話，約三、五分鐘就送到桌前。以往物質不大豐盛的年代，簡單的一田炒田螺，再碰上一枝啤酒，已足以教人樂透。這例牌的一碟約有三十餘粒，拿上手後首要之事，還是放入咀中啜過一番，只因那豉椒醬汁確實惹味，當中更不乏辣勁，更著才用竹簽挑其肉出來，爽口的肉質中也真有點鮮味，雖然家母有教吃不得，那截尾腸多數也會吃下肚，其間用來送酒作吹水之用，不知不覺已打發不少時間。一碟田螺又怎會夠喉，見餐牌內有粥灼豬骨，約三十五元的一份下，表面更有不少滾粥的「痕跡」，以豬骨來說也真來得「好肉地」，由於已經醃過，味道稍為偏鹹，同時亦嚐出鮮濃的肉味，水準可為不俗。順帶一提，早年曾來過吃碗豬骨粥作為宵夜，略為稠身之下，同時粥底也真甚為入味，加上送粥用的蘿蔔榚及豉油皇炒麵等，也真想來一頓回味之旅。還是要來一碟蠔餅才叫人心足，有別於潮式的煎製做法，多年的加減變化之後，老廟的炸蠔餅已經自成一格，不外乎雞蛋、鴨蛋、薯粉及蠔仔溝成一團落鑊油炸，這店標謗定期換油，吃下去沒討厭的油溢味，賣相上偏向厚身，但香口及脆身度則有所遜色，總算蛋塊內配上大粒蠔肉，還是嚐出一點鮮味，配上酸辣醬汁之後，始終是風味大於本身的食味。

現今百物騰貴，四個人只來三碟小吃，再加一枝啤酒，還是要收約一百廿元，每人可三十元一位，划算與否可見仁見智，倒是多年不去，這些屬於老香港的路邊風情（雖然已經入了舖），還是值得教人回味。此外雖說這裡的煲仔飯不算一流，回想起來還是教人懷念。

陵之微調：B-

進食於二零一二年七月十三日晚上

某日去食煲仔飯,本身想去四季食,但實在太多人排隊,即轉戰另一間,出名既都排晒隊,得一間有位,唔想等之下照試了~!
先講叫野食,叫左個阿姐十次都冇來= = "...算啦當佢好忙...食物方便...冇乜水準咁啵...!蠔餅~煎得比較薄身,食落香脆,可惜太油了,蠔既份量又唔多!滑雞煲仔飯~雞肉鞋鞋地,個煲仔飯先冇飯香,得個硬,仲要冇飯焦,唔係化...真係都奴落豉油送飯...!排骨煲仔飯~排骨味道可以,又係衰係個飯!食煲仔飯必叫忌廉!
下次都係排隊去四季食算了~!

今年冬天比往年來得早, 亦來得寒冷.
驅寒食物, 除了大眾首選打邊爐之外, 煲仔飯實在是不能不提.
這天來到廟街, 本打算再嘗興記的煲仔飯,
奈何人龍巳有一大條, 肚子打鼓, 唯有試試旁邊這家宏興.

不用等位但預了要搭枱, 快快吃完便走的那種格局.
點菜亦要眼明手快, 落單的也完全不會企著等你慢慢諗,
我們坐得比較入, 也要特意站出來找人寫單, 不然坐了15分鐘也下不了單.

先點個細蠔餅 ($20)細蠔餅也有2大塊, 夠2個人吃. 炸得十分香脆, 有不少蠔仔, 當然油也不少. 不過吃下去又真的好好吃, 粉漿不厚, 所以那些什麼高卡脂肪字眼, 暫時丟開一邊吧.

另一半叫了個柱侯羊肉煲仔飯 ($35)試了一舊羊腩, 很香沒太多羊騷, 肉質也很柔軟. 飯是用尖長型那種米, 飯粒乾身帶點脆, 合乎煲仔飯要求, 加上大量甜豉油, 正!! 飯焦相對比較少. 感覺有點火侯不夠.

我本叫了白鱔, 但一早賣光, 只好轉黃鱔煲仔飯 ($35)黃鱔不算肥美, 肉質也不太彈牙, 普通貨色, 相比起羊腩煲味香也好吃一點.

另點了個腐乳通菜 ($15)份量也算多, 我不要炒要了灼, 感覺不太油膩. 腐乳咸咸香香, 味道不錯.

再加每人一枝飲品, 埋單HKD$125
蠔餅不錯, 但煲仔飯的話還是感覺興記做得比較好.

路經這區, 突然想起廟街的煲仔飯, 見到這店外面有爐, 一問之下, 店員說可於對面新舖吃保仔飯, 便過了對面! 一個阿姐迎接我, 很好禮貌, 帶位及給我餐牌, 殷切地問我有何心水, 我很快便點了滑雞牛肉煲仔飯及菜, 大約十分鐘後便送到不是超熱的煲, 沒問題, 最重要飯夠乾身帶點脆, 牛肉不太多, 幾片都很彈牙, 味道亦很好, 雞肉幾件都算好肉, 沒有怪雞味, 加上生雞蛋, 真是絕配! 煲仔飯豉油在枱上任用, 非常好呢!

上課前太肚餓,都是找點小食填填肚比較好,後面廟街是最方便的了, 要不是時間不許可,來煲煲仔飯都不錯! 退而求其次,最方便的就是這家宏興美食館的現成炒粉麵了。門前膠罩後有炒麵/炒米及炒河粉各一盤,炒麵一盒$10 + $1盒錢 ,滿滿一碗份量都不算少,平價黃色麵餅麵條本身不算太軟只是稍欠嚼勁,配菜有韮菜/、芽菜及椰菜絲各少許,令偏軟身麵條多了不少爽口感,簡簡單單炒得有點香氣又不太鹹,用來配碗豬骨粥也不錯,難怪侍應阿姐也主動說: "不如坐低食碗粥先啦!",這個配搭應相當受歡迎。第一次光顧覺得水準不錯,下一個上課日再來買其他東西填肚,今次選了蘿蔔糕, 大大一個蒸糕盤在門口附近保溫著,明顯看到不會有太多材料,但$10一碗也不能奢望有很多很多臘腸臘肉了吧,阿姐將其加上豉油後蠻有酒樓蒸蘿蔔糕的影子。一打開盒蓋有陣蘿蔔味湧出,以為蘿蔔下得多的時候,方才發現糕身卻削到極點, 淋pat pat像一堆BB糊仔!印象中沒遇過如斯入口即溶的蘿蔔糕耶!!難得的"妹"到一絲蘿蔔條,份量極其珍貴的唷!繼而還有一隻BB蝦米,就是全部吃到的材料,其餘都是有蘿蔔味的如漿粉糊,用湯匙應比用筷子來吃方便,可惜阿姐只給我一對筷子!黑色豉油甜甜的本來很ok,但蘿蔔糊真的不濟,我也少有的吃不完,浪費食物也沒辦法。是因為當天是黑色星期五關係我才遇上她嗎??幸好有炒麵在先,不然這篇食評喊面逃不了。

印象中,小時候曾跟舅父阿姨來廟街掃街, 依稀記得其中一站是吃豬骨粥和炒河粉,不知道會否就是這家了???

朋友介紹話這間好過最大的那間, 今晚專登來試, 確實係好些喎… 兩個煲仔飯, 臘腸排骨, 和 牛肉排骨, 再加一碟細蠔餅, 和一支大BEER, 飯身非常好, 不太淋, 而且一粒粒狀, 臘腸味道適中, 不太肥又不太咸, 排骨一粒粒, 四方形狀, 肉質彈口, 牛肉略差, 太硬和熟, 細蠔餅明顯好過隔離好多, 蠔粒比較大, 但都係差, 太少蠔了….