1
10
5
港鐵第一城站 D 出口, 步行約3分鐘
繼續閱讀
付款方式
以上資料只供參考, 請與餐廳確認詳情
走進沙田愉翠苑街市，有一間餐廳叫「一加一餐廳」，以前在附近讀書經常幫襯這間餐廳。今次重遊舊地來吃下午茶，應該是疫情緣故，見到每張枱上都有一包家庭裝濕紙巾，供客人食飯前抹手。朋友叫了一個即叫即炒干炒豬扒烏冬 $41，份量比一個飯碗多少少，豬扒件數唔係好多，只有兩件，另有少許洋蔥、韮黃、芽菜；至於生炸雞髀+厚薯條 $34，雞髀都幾大隻及厚肉，外皮熱辣辣脆卜卜，雞肉剛剛好熟，而且非常嫩滑，薯條也是熱辣辣脆卜卜，都係即叫即炸的，至於朱古力一睇就知道足料，朱古力味道香濃。
繼續閱讀
放假找朋友食午飯，專程去到他家附近吃，他介紹家樓下有個街市裡面有幾間餐室可以吃的蠻方便啊！份量非常之足料而且快靚正。常餐1 —— 鮮茄濃湯麵配鮮牛肉 ，火腿奄列及脆脆油豬 ，熱利賓納。蕃茄濃湯很鮮味一啲都唔假，應該是用新鮮蕃茄熬製，牛肉鮮嫩足料而脆脆油豬真的很鬆脆沒有花假。常餐7 —— 台式肉燥撈米線餐跟豬頸肉 ，配火腿奄列及脆脆油豬 ，熱奶茶。平常台式肉燥都是配飯吃的，今次試吓撈米線真的另一番風味，醬汁掛滿住米線非常惹味，豬頸肉煎得脆口，另外熱奶茶茶底夠濃而幼滑。
繼續閱讀
到沙田威爾斯親王醫院探病，離開醫院後找地方食晚飯，經過愉翠苑街市熟食檔，見到呢間有即炒小菜套餐，價錢只係$55, 於是試下。我哋3個人叫了3份即炒小菜套餐：西蘭花牛肉，西芹腰果雞柳，涼瓜火腩煲；套餐包例湯或餐飲及白飯一碗。例湯係花生雞脚湯，微鹹但都幾好飲；3個餸都係熱辣辣上的，只可惜都係普普通通，似快餐店嘅質素，我覺得西蘭花牛肉嘅牛肉唔好食，西芹腰果雞柳嘅雞柳醃味太重，涼瓜火腩煲ok; 跟餐白飯好大碗，伙記招呼亦唔錯。
繼續閱讀
Lunch hour黎一加一，每次都坐滿人咁滯，好彩呢啲街市大排檔地方啲客黎得快又去得快，所以唔洗等位。雖然話係大排檔，坐得又唔係舒服，又唔係特別乾淨，但佢啲價錢絕對唔特別平。🧐今日個沙薑雞同菜脯蛋飯係幾好食，份量又夠。啲雞件幾多，雞肉嫩滑、雞皮又唔係話痴住好多雞皮脂肪。菜脯蛋做得好正，個蛋冇煎得太燶，蛋味又濃，唔洗落甜豉油都夠好食。飯嘅份量係超多，見隔離位啲中年阿叔都話夠飽😂😂😂😂 唯一係咁嘅地方、環境，$50起跳嘅lunch+野飲好似有啲啲貴。
繼續閱讀
今日係公司太忙無時間出去食飯，所以就求其塭左間餐廳叫外賣喇，最後幫襯左「茶記一加一」。雖然見有食家對佢地既評價唔多好，食物味道欠奉，而且員工態度又差，不過唔緊要等我都放膽試一試。😆 😆叫左時菜牛腩飯加凍飲盛惠 $52 蚊，公司同餐廳都有一段距離，不過等左一陣就好快送到喇。打開飯盒一睇，餸同飯既份量都幾多，賣相都唔錯。不過可惜得個樣，牛腩唔知點解一啲味都無，個汁又係無味既，成盒飯最有味既係啲菜芯，食得出係新鮮既，起碼唔會比啲又霉又爛既你。總括黎講呢間餐廳係我有生之年一定唔會再幫襯。😂 😂
繼續閱讀